ماذا ستطبخين اليوم آنستي، سيدتي؟ **42**

[mimi53]

رد: ماذا ستطبخين اليوم آنستي، سيدتي؟ **42**

ام فيروز اختي واش احوالك ليك وحشة

 

[نور الحبوبة]

رد: ماذا ستطبخين اليوم آنستي، سيدتي؟ **42**

ميمي ياميمي واش هذا الغيبة يتوحشك الخير يالعزيزة واش راكي واش راهم حوالك راكي متبانيش ياطفلة مطوليش الغياب علينا سي نو تعودي تدخلي بالبي دونتغي هههه

 

[رونق الزهور]

رد: ماذا ستطبخين اليوم آنستي، سيدتي؟ **42**

السلام عليكم
نور الحبوبة الكونيكسيو كامل راهي مهلاتنا
لبنات صحة قهيوتكم
وووييييييييييييييي باركولي اليوم درت الشخشوخة ورسلت لام ميمي ذوق هي تعطينا رايها
واخيرا كليت الشخشوخة بعد طول انتظار

 

[حاملـة المسك]

رد: ماذا ستطبخين اليوم آنستي، سيدتي؟ **42**

http://4algeria.com/forum/threads/395071-4/#post5274000


​

 

[ام سراج الدين وملك]

رد: ماذا ستطبخين اليوم آنستي، سيدتي؟ **42**

مساء الخير عليكم صحى غداواتكم وصحى قهوتكم
كيفاش راكم ان شاء الله كل شئ بخير والحمد لله
من قبيل وانا نراجع راكم فووور دايرين لومبيونس ودايرين مأكولات تسخف يعطيكم الصحة
كيما تقولو راني جاميتكم كامل كــــــــــــــــــــــــامل ومانسيت حتى وحدة
ربي يدومها لمة ويدومكم احباب
سلامي للجميع

 

[ام سراج الدين وملك]

رد: ماذا ستطبخين اليوم آنستي، سيدتي؟ **42**

بصحتك ام احلى هادي الشخشوخة واشرايك فيها بنينة صح زيدي جربيها مرة على مرة تتعلميها مليح

 

[نور الحبوبة]

رد: ماذا ستطبخين اليوم آنستي، سيدتي؟ **42**

ام احلا هادي يعطيك الصحة على الشخشوخة اكيد راهي بنبنة تعلمي برك اكا هاكا كنا بدينا من الصفر
ام سيراج امسيتك سعيدة الله يحفظك واهنيك
حاملة المسك دوك ندخل ونشوف

 

[SaRa QuEeN]

رد: ماذا ستطبخين اليوم آنستي، سيدتي؟ **42**

السلام عليكم البنات
يوم شااق . اليوم سيقت ماكملتش حتان 1 .كيما علابالكم الدار الكبيرة الشغل فيها بالدوبل
والغدا بقات بربوشة من البارح و زدنا شوية فريت و الحمد لله
والعشية درتلهم شوية تارتولات بالشيكولا والفراز ليهم و بالقارص ليا
و درت تاني عصير الفراز بالسيرو تاع القارص ليدارتو هاديك تاع سميرة جا بنييين مي يبان فيه ذوق القارص
وجبتلكم تذوقو معانا

و العشا يجيب ربي. كرهنا والله
سلااام

 

[ام فيروزا]

رد: ماذا ستطبخين اليوم آنستي، سيدتي؟ **42**

ام فيروز اختي واش احوالك ليك وحشة

السوال عليك لعزيزة انت لي راكي ماطلي ما تباني غبتي طول سنة حلوة للمموش وربي يحفظ وينجحو ويسلم يديك على سبونج بوب

 

[نور الحبوبة]

رد: ماذا ستطبخين اليوم آنستي، سيدتي؟ **42**

يعطيك الصحة صارة على التسياق والحلوة جات هايلة بزاف الغايبات اليوم ان شاء الله تكونو بخير

 

[SaRa QuEeN]

رد: ماذا ستطبخين اليوم آنستي، سيدتي؟ **42**

يعطيك الصحة صارة على التسياق والحلوة جات هايلة بزاف الغايبات اليوم ان شاء الله تكونو بخير

ربي يخليك اختي هذا من ذوقك ياغالية و الغايبات ربي يردهم بخير

 

[نور الحبوبة]

رد: ماذا ستطبخين اليوم آنستي، سيدتي؟ **42**

صارة هذاوين خرجتلي الصورة انتاع العصير امممممممم راه منعش يعطيك الصحةسرسورة راني ديت كاس عصير وحبة
تارتولات ركي تعرفي رجيييييييم

 

[om mimi.mili]

رد: ماذا ستطبخين اليوم آنستي، سيدتي؟ **42**

مساء الانوار
وشراكم لبنات ان شاء الله راكم لاباس //سارة كوين تسلم الايادي ليتارتلات يشهو والعصير كي شفتو عطشت الله يعطيك الصحة///الحبوبة وشراكي توحشناك//ام فيروز صح قهيوتك///ميمي على السلامة خليتي بلاصتك فارغة توحشناك////نعيمة مازال ما رجعتيش///اسما راح نروحو لجاك المرسول على جالك///خيرورة وشراكي يا الحلوة///فريدة كي راكي وكي راهم لولاد ان شاء الله المسيو راه لاباس////ندوش نضم صوتي لسارة هداك الرولي الديكور يهبل فما بالك بالدوق الشعب يطالب بالوصفة///ابتيسو واش كاش ثلج ////نجوى وشراكي مع الغربة يا الحنونة//نسيمة مابانتش تاني اليوم//حدودة يا قطة كيف الاحوال///حاملة المسك مساء الانوار يا الهادئة نتاعنا///هاجر كاش تحواس///دليلة وشراكي وشراهم لولاد///زينوبة من الخاتم مابنتيش بلاك ضربوك بعين يا طفلة طلي علينا///لي نسيتها تسمحلي:sدرت مع العشية طمينة
وجبتلكم العشى تاع ابو الاولاد دارو البارح لولادو انا قرفت وقتلو ما نطيبش روح جيب من برى قالي انا نطيب لولادي ناض قلى البطاطا ودار سلاطو ودار ديكور طماطيش مقلية خلاها بريسانها ههههه والماعن مانحكيلكمش كارثة المهم لولاد تخلعو وقالو بابا ماكلتوخير من تاع ماماوالمد لله على هادي النعمة

 

[mimi53]

رد: ماذا ستطبخين اليوم آنستي، سيدتي؟ **42**

اممممم سرسورة التارتولات فووووووور ولا العصير راهو ينطق يعطيك الصحة حنونة
ام ميلي تسلم ايدك ويعطيك الصحة

 

[نور الحبوبة]

رد: ماذا ستطبخين اليوم آنستي، سيدتي؟ **42**

مليكة واش راكي واش راهم اولادك يتوحشك الخير يا لعزيزة بصحتك الاضراب وبصحتههم لولاد طبخ البابا راه هناك من وبة وحصلك في لماعن

 

[ibtesem]

رد: ماذا ستطبخين اليوم آنستي، سيدتي؟ **42**

يامساء الخيرات والمسرات عليكم ياحلوات
ام انوس راني جيت طيبت أكلة تركية اممممم
بصحتكم جميعا راكم الله ابارك توماتش خخخخ
المهم راني طليت

 

[omarwa]

رد: ماذا ستطبخين اليوم آنستي، سيدتي؟ **42**

بصحتكم لبنات واش طيبتو
انا درت عدس للفطور وعشاء درنا دجاج مشوي مع البطاطا وحميس مشوي على الفحم اممممم

 

[om mimi.mili]

رد: ماذا ستطبخين اليوم آنستي، سيدتي؟ **42**

كيما قاتلكم ام احلى هادي اليوم دارت شخشوخة جاتها هايلة والبنة 4444444444 بعثتلي حقي يكثر خيرها كي عادت ما تقدرش تبعث الصور صورتها وحطيت عليها اسمها للامانة المهنية:p:pشوفوها وشجعوها درت كسرة المطلوع تاع روعة ربي يجازيها راهي خمرت روح نطيبها ونولي ام اروى وابتسام على السلامة

 

[imane27]

رد: ماذا ستطبخين اليوم آنستي، سيدتي؟ **42**

السلام عليكم لبنات واش راكم صح عشاكم تاع لبارح وفطور اليوم
يعطيكم الصحة كامل اطباقكم تشهى بصحتكم
نرحب بالسيدة الهام مرحبا بيك معنا تفكرت اسمها من السيدة ملعقة
هادو اطباقى

لبنات سامحونى والله ما قدرت ندير تقرير راكم كامل فالقلب​

 

[نور الحبوبة]

رد: ماذا ستطبخين اليوم آنستي، سيدتي؟ **42**

بسوم بصحتكم التركي في الماريكان متنسيش الصور يا طفلة
ام اروى ماكول الهنا ميستر عوعو و دجاج مشوي مع البطاطا وحميس مشوي على الفحم
مليكة بصحتك التطبق بصحتكم وحطينا شخشوخة ام احلا هادي نذوقوها
وينكم يا الغايبات منذكرش الاسامي باه اذا نسيت كاش وحدة واحة متزعف مني رانا توحشناكم