بيت الاحبة المغتربات

الحالة
مغلق ولا يسمح بالمزيد من الردود.
صباح النور على جميع المغتربات
اود ان افتح هذا الموضوع لنتم دردشتنا و خبرتنا و نتبادل معرفتنا و نرحب باي عضوة تريد الانضمام الى منتدانا الغالي
تفضلو مرحبا بيكم
نبداو بالورد
do.php


و هذي القهوة
do.php

مع الكيك
do.php

و هذو الكادوات باش ماتقولوش ام الحلوين مشحاحة ،ياك من عادتنا الضياف كي يدخلو الدار اول مرة نمدولهم كادوات
do.php


اتمنى من المشرفات ان يثبتن الموضوع و الله لثبت اعمالكم الحسنة
 
إضغط للتوسيع...
رد: بيت الاحبة المغتربات

السلام عليكم لبنات
وينكم هادو يومين لاحس ولاخبر
خير ان شاء الله ماهاد الغياب المفاجئ
 
رد: بيت الاحبة المغتربات

مو متعودين تغيبو هاكدا على الاقل تكون وحدة موجودة؟؟؟؟؟؟؟؟؟؟؟؟؟؟؟؟؟؟؟
في انتضاركم انا
 
رد: بيت الاحبة المغتربات

صباح الخير ان شاء الله أموركم بخير
أنا ولادي راهم مراض و صحبتي راحت للسبيطار تولد و خلات بنتها عندي ،صغيرة و تحبي راني نظل نجري وراها،من السبت راهي عندي ،ادعولها ربي يسلكها على خير
زوزو مرحبا بيك وين متغربة
ملاك واش راكي و الله توحشتك
لبنات سمحولي اذا مادخلتش راني مشغولة
نحبكم خياتي
سلامي
 
رد: بيت الاحبة المغتربات

سلام واش راكم
ملاك واش راكي ولدتي ولا مازال
 
رد: بيت الاحبة المغتربات

صباح الورد على احلى اخوات بصح دايما غايبات هههه
ربي يسمع منكم و يسهل لصاحبتي و يرزق كل متمنية
لي سقسات على ملاك مازال ماولدتش ،ربي يكمللها
 
رد: بيت الاحبة المغتربات

صباح الانوار
واش بيكم يا لحباب ماعجبتكمش داري ؟؟؟؟؟؟؟؟؟ من نهار جيتو مارجعو
معليش انا قلبي كبير و مانزعفش ، ان شاء الله راكم بخير
سلامي
 
رد: بيت الاحبة المغتربات

السلام عليكم ام الحلوين دارك عجبتنا بزاف ربي يخليك
لكن كل مادخل نلقى روحي وحدي يادرى لبنات وشبيهم
 
رد: بيت الاحبة المغتربات

سلام عليكم

واش راكم لبنات توحشتكم بزاااف

يعطيكم الصحة لي راكم تسقسو عليا مازال ما ولدتش 8 ايام وندخل في شهري

ادعولي معاكم برك ربي يسهلي​
 
رد: بيت الاحبة المغتربات

مساء النور
ملاك مرحبا بيك حنونة واش راكي ؟ ربي يسهلك و يرزق كل متمنية
لاميشكو واش الاحوال ؟؟
لبنات راكم هابطين للبلاد و لا مازال ؟؟؟؟؟؟؟؟؟؟
انا راهي تالفتلي ماعرفت نهبط بالطوموبيل و لا في الطيارة
لي عندهم ولاد و موالفين يهبطو في الطوموبيل كيفاش ساهلة و لا لا مع لولاد و ،راني خايفة لولاد يتقلقو و يهبلوووووني و نرمي روحي من البابور هههه
 
رد: بيت الاحبة المغتربات

مساء الخير عليكم
ملاك ربي يسلكك على خير ويجيبلك سويعة زينة ان شاء الله
لاميشكو حمد الله على السلامة واش راكي وين كنتي غايبة
ام الحلوين اهلا بيك انا على نفسي عندي3 ولاد دايما نهبط فالبابور بصح لولاد يهبلوني راكي عارفة مايتحملوش السفر والطريق بعيدة والطوموبيل معمرة ههههههه راكي عارفة حالة لي زيميقري
 
رد: بيت الاحبة المغتربات

ام سراج و ملك انا تاني راني ب 3 ولاد و يتقلقو من الطريق طويلة ،و اذا هبطت بالطوموبيل تاني نشارجيها حتى تقول stop هههه
 
رد: بيت الاحبة المغتربات

ام سراج ولادك يقراو ؟؟؟؟؟؟؟ و وينتا هابطة نتي ؟؟؟
انا راني نقول نهار العيد نهبط و نرجع في السمانة 1 تاع سبتمبر نبقى 5 سمانات اذا كتب الله ،و بلاك نبدل رايي مع الوقت ههه
 
رد: بيت الاحبة المغتربات

السلام عليكم ورحمة الله وبركاته واش راكي أم الحلوين انا هذا الصيف و لأول مرة مانيش هابطة للجزائر قررت نروح لمكان أخر شوفي أنا روحت مرتين مع ولادي فالباطو و حلفت مانزيدش نعاودها والله غير تمرميدة والدراري يعياو مساكن ما كانش كامل الراحة تهبلي باش تلحقي و خلي الحبسة ثاع لاظوان بيش تخرجي طونوبيل تهبلي روحي فطيارة و تماك اكري طونوبيل
 
رد: بيت الاحبة المغتربات

لاميشكو مبروك عليك يا بنتي تعلمتي العربية قصدي تكتبي بالعربية هههه
انا تاني راني خايفة لولاد يتقلقو و انا مانصبرش
وقيلة نقصم الطريق نجي تما نريح يامات عندكم في فرنسا نتي و الاخوات و من بعد نعاود نديماري للبلاد هههه
منين تركبي نتي ؟؟؟ و شحال تبقاي من ساعة في الما قصدي البحر ؟؟؟؟؟؟
انا دايما نقول لراجلي نموت محروقة و ماياكلنيش الحوت ،يقولي كون يكتب ربي الطيارة طيح في البحر تنحرقي في السما و تزيدي ياكلك الحوت ههههه
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top