رد: ماذا ستطبخين آنستي, سيدتي الجزء43؟
نبيلة اممممممممم فطور خفيف ضريف بصحتكم سورتو السلق نموت عليه
لبنات حبيت نسقسيكم ابو العيال جابلي 2 بوايط من هادى بصح ولادي محبوش ياكلوهلي مام انا منحبوش مكاش كاش وصفة توالم نديرو بيها ولكم الشكر مسبقا ولي يحبو ياكلوه صح قهيوتكم
هاكي ا الوصفة
قاطو البان دي بيس
2 صفار بيض
نص كاس سكر قلاصي
250غ مارقرين او زبدة مهيش ذائبة
فاني
1 خميرة
كاس حليب لحظة بودر
كاس كاوكاو مرحي متوسط
نص كاس بان ديبيس مرحي رقيق راه يجيك كتر من نص كاس الباقي خبيه للمرحلة الاخيرة
فرينة
التحضير
خلطي الزبدة مع البيض كيما الكريمة و ضيفيلها السكر قلاصي و باقي المقادير حتي تتحصلي على عجينة سهلة الاستعمال شكليها دوائر ولا الشكل اللي حبيتي و حطيها تطيب
كي تطيب جيبي الكونفتير و خلطيلو شويا ماء ورد ولا زهر باه ميبقاش جامد وشنهي متجريهش بزاف اغطسي الحبة كاملة نتاع القاطو و مرمديها في البان ديبيس اللي بقالك مرحي رقيق
وتوتة توتة خلصت الحدوثة
لبنات يعطيكم الصحة واش طيبتو راني لحقت غير للبان ديبيس ايمالا اللي ماذكرتهاش راهي مزالت ورا البان ديبيس نتاع مليكة نبداو
امممممممم شفيت على البطبوط المبطبط نتاع نعيمة يهببببببببببل يهبل و اللا العدسون نتاع نور الحبوبة باين بنين محبيتش نشكر فيه بزاف خطراكش راني درتو انا تاني للغداء ههههه
خيرة تاني دارت العدس و قيلا شمت ريحتو من الجزاير في فرانسا راني نشوف بلي لجماعة كامل تفاهمو عليه اليوم
نجوى هذيك لا سوب تهبل باينمة روعة ميرسي على الوصفة ميس مسكينة تطلب واحنا نبيراتيو راني بيراتيتها هههههه
ميوسة اهلا بيك يا عروستنا واش عجبك الحال معانا؟ راهم متهلين فيك ولا والو هههههه قوليلي برك هههه على اساس انا راني كل يوم نحط في الاطباق الله الله عليك بصح راهو كاين الجديد
باركولي راني شريت بورتابل جديد و قراهلي الميكرو نشاء الله برك ربي يدوم المحبة بيناتهم الكاميرا مسكينا نكرها يحوس على التانية بصح كاميرتي عندها النيف قاتلو طلقني و جيب التانية على روحك ههههه من اليوم نعود نشارك معاكم كيما بكري وزمان ابتداء من العشا نتاع اليوم ههههه
