ماذا ستطبخين آنستي, سيدتي الجزء43؟

الحالة
مغلق ولا يسمح بالمزيد من الردود.
رد: ماذا ستطبخين آنستي, سيدتي الجزء43؟

ام انس عبد الله سفرة دائمة مطرح مايسري يمري
امنياتي هاتي هاذوك لبراج وارواحي نتقهواو فالبالكو تاعي هههه
ام رزق الله بصحتك الجاج وابطاطا يشهي
نور الحبوبةيعطيك الصحة ومأكــــــــــول الهناء اطباقك تحفة
 
رد: ماذا ستطبخين آنستي, سيدتي الجزء43؟

يعطيكم الصحة لبنات اطباقكم تشهي
انا اليوم درت مسفوف للغدا وفي اخر لحظة جات عمة اولادي زدتلها سكالوب مقلي وخبو
لقاتني مع الما والميناج كلات ورجعت للخدمة قلتلها يهودية ماقلتيش نراطي منروحش ونعاون مرت خويا ههههههههههه
 
رد: ماذا ستطبخين آنستي, سيدتي الجزء43؟

وهذا لغدا
do.php
 
رد: ماذا ستطبخين آنستي, سيدتي الجزء43؟

ام سيراج مرحبا بيك
احكيؤ حنونة قبل ما نوض للعشا راه زاد وصل ثاني
نتهناو من لغدا ندخلو للعشا متهنيين الا من لفطور باين
قهوة وحليب ادا كانت الكسرة تغنيك على التفكيروالتدبير
 
رد: ماذا ستطبخين آنستي, سيدتي الجزء43؟

ام سراج امالا تتقهواي في البالكون
انا نتقهوا عند الفورنو راه واحد البرد عندنا يقطع
 
رد: ماذا ستطبخين آنستي, سيدتي الجزء43؟

لبنات حبيت نسالكم على لغرايف او القرصة
انا معتادة نطيبها في الطاجين تاع الطين وسخفنا عليها والله لكن الطاجين تاعي مشقوق يعني مش راح يطيبها
وانتن مالفين تقولو نطيبوها في المقلة وانا الحقيقة هبت منها
ممكن توضحولي المقلة تاع القليان والا الكرابوز وهاذي الاخيرة جاتني رطبة بزاف خفت مايجيوش مثقوبين
 
رد: ماذا ستطبخين آنستي, سيدتي الجزء43؟

يمممم رقية البغرير راني جاميتو في الفايس قبل هنا،يعطيك الصحة
هاجر من غير لف ولا دوران حطيلي لاغوسات تاع هذاك الرولي، راني منين نشوف حاجة نتاع الشوكولا يتزرقنو عينيا،، يعطيك الصحة الشاطرة،
سماح بصحتكم المسفوف، انا نموت عليه، والمرة الجاية كي تجيك سلفتك قولها يدي ويدك ولا مكان ني مسفوف ني سكالوب لول، والغرايف تقدري تديريها في طاجين الشخشوخة، ولا مقلة نتاع الطيفال تكون مليحة
البنات صحا عشوتكم،، نشالله تكونو بخير
والباقيات وينهم، ندوش الحبوبة عندك لامزلتي حاصلة في لماعن نتاع هذاك النهار، منسمحش لروحي:cray02:
 
رد: ماذا ستطبخين آنستي, سيدتي الجزء43؟

يعني انتقلنا من سطيف الكندي الى سطيف الجزائري
اهلا وسهلا بينا عندك سارة
كوزينتكم هايلة ماشاء الله عليها منظمة ومرتبة ومتحوفة
والاطباق ماعندي ما نقول فيهم كل شيء :up::up:
يعطيك الصحة
والمقروض وحدووووو هايل هايل لانه نقطة ضعفي ممكن الوصفة من فضلك
​
 
رد: ماذا ستطبخين آنستي, سيدتي الجزء43؟

قال samah06:
لبنات حبيت نسالكم على لغرايف او القرصة
انا معتادة نطيبها في الطاجين تاع الطين وسخفنا عليها والله لكن الطاجين تاعي مشقوق يعني مش راح يطيبها
وانتن مالفين تقولو نطيبوها في المقلة وانا الحقيقة هبت منها
ممكن توضحولي المقلة تاع القليان والا الكرابوز وهاذي الاخيرة جاتني رطبة بزاف خفت مايجيوش مثقوبين
إضغط للتوسيع...

انا نطيبها في طاجين نتاع الحديد (لي نديرو فيه رخساس) خليه يسخنلك مليييح وطيبي واذا لصقتلك الحبة نتاع البغرير وخسرتلك جيبي صابون حجرة ولا عرب مافيهش ريحة نتاع لورد ولا حاجة واحدوخرا لعبي بيه على طاجين يدير طبقة بيضة وبرشي بالموس ومسحي بزيت باه ميلصقلش لبغرير في طاجين ومنبعد جيبي طريف قماش شاش ديري فيه الزيت ومسحي كي يوجد لبغرير نتاعك هزي ب la louche وطيبي بالوحدا ومنين ديري قرصة مسحي بزيت
وكاين لي يديرها في مقلة تيفال
 
رد: ماذا ستطبخين آنستي, سيدتي الجزء43؟

السلام عليكم
اخت سمـــــــــــاح هي القرصة تاع الطاجين تاع الطين تجي فووور بصح انا ماعنديش الطاجين نطيبها فالمقلة تاع التيفال تجي تاني مليحة
جربيها تخرجلك مليحة
 
رد: ماذا ستطبخين آنستي, سيدتي الجزء43؟

ختيتو ام سراج مليكة سارةصاحبة الكوزينة هاجر بصحتكم واش تغديتو واش خلطتو
نبيلة نسيمة زينب دليلة اسماء حدة ندوشتي وام خديجة ابتسامو امنياتي راكم بح طلو علينا برك
 
رد: ماذا ستطبخين آنستي, سيدتي الجزء43؟

الله يسلمك ام ريهام
بصحتك انتي تاني القهوة تاع العصر باسكو الغدى قتلك قبيل بصحتك ههههه
انا راح ندير للعشــــــــــاء مقرونة بالجاج
وانتوما واش راح اديرو عشاواتكم
 
رد: ماذا ستطبخين آنستي, سيدتي الجزء43؟

ام خديجة طال غيابها ان شاء الله المانع خير يـــــــــــــــــــارب
توحشنا ماكلتها الزينة
 
رد: ماذا ستطبخين آنستي, سيدتي الجزء43؟

ربي يحفظكم حبيباتي
راني نتواصل معاكم بصعوبة بسبب الشارجوووور وعععع
هيلدا من غير لف ولا دوران اتفضلي ياختي هههه
4 بيضات
100غ سكر عادي
75 غ فرينة +25غ نشا (نقصت حوالي مغرفة من الفرينة عوضتها بالكاكاو)
فاني+م ص خمارة
كيما تعرفي البيض والسكر لازم يتضربو بالباتور حتى يتكسرو يديك وادا كنتي من المحظوظات و عندك البيتران هاديك حاجة وحدوخرا هههه ممبعد تضيفي الفرينة والنشا والخمارة بالمغرفة غييير بالشوية
على الصينية تكون مدهونة مليح بالزبدة ومرشوشة بالفرينة والا عليها ورق الخبز
طيبها واحد 10 د حسب الفرن تاعك المهم مالزمش يطيب بزاف باسكو رايح يتكسر عند اللف هدا هو المشكل الي كنت نعاني منو مي دوكا الحمدلله
نسقيها بالسيرو
الكريمة درت كرام شانتي زدتلها شوية شكولا ذايبة ونسكافي
نطليها من الداخل ثم نلفها ونعاود نطليها من برا وندخلها الثلاجة واحد 10د ثم فرغي عليها القناش راني حطيتو في موضوع كيكة الشكولاطة​
 
رد: ماذا ستطبخين آنستي, سيدتي الجزء43؟

​
بسوووووووومتي وين راكي ؟؟؟؟؟
توحشششششتااااااااااك

يعطيكم الصحة لبنات وصحة عشاكم
 
رد: ماذا ستطبخين آنستي, سيدتي الجزء43؟

مساء الانوار عليكم نوارة نوارة ووردة وردة
ماشاء الله عليكم لبنات ويعطيكم الصحة على ما قدمتو
ما ظنيتش نتفكر كلشي
بصحتكم كوووولشي وخلاص


انا كي العادة خرجت ثاني، ودخلت درتلهم اوملات مساكن وخلاص، عييت الله غالب لعشية نطيبلهم

تحياتي للحاضرات والغايبات سورتو بسوم، ندوش، فريدة ، لويزة ماشي موالفين تغيبو بزاف ان شاء الله خير

شهورة الرولي زوج دورات ورقصني يا جدع خخخخخ نستعرف بيك قضيتي عليه ابو نص رولة،هذاك النهار ندوش، واليوم انت، والنتيجة...... عاند وما تحسدش ، نريح ونعاند هيهيهي

مليكة صار هذيك مريم اللي قعدت في حجري خخخخخ ده عملت عمااايل ههههههه، بصحتكم لبراج انت وام هاني راكم كوبيي كولي شحال حالة ههههه، لبراج بما انك اول مرة ديريهم المرة الجاية ابقاي دوري دوري حتى يحمارولك مليح، رايحة تشوفي الفرق

ام سراج مليكة هي اللي دارت لبراج، امشي نروحو عندها وناكلو، اذا ما كفاوش نبعثو مريم تجيب من عند ام هاني خخخخخ نستعمروهم

يعطيكم الصحة كامل لبنات، ام رهام، حبوبة، هيلدا، ليلى،ام رزق، سيرين،حدة...... كااامل لبنات تحياتي

فيفي تخيلتك بركان انفجر خخخخخ
 
رد: ماذا ستطبخين آنستي, سيدتي الجزء43؟

السلام عليكم


قاعدة نشوف في البورتابل تفكرت تشيشة الفريك لصورتها لعيون صارة
و الجزء 43 لفتاتحاتو بكوزينتها الانيقة الرائعة:up:
بسم الله ماشاء الله
خيرة انسانة مرحة و كركرت موراها بنت امورة راح تهبل يماها
بكوزينتها العنكبوتية:d
و تخليها نهار اكل تزقي صارة صارة .. صارة يا بنتي راهم مينفعوكش:mad::d
كما جا في بداية حديثي درت تشيشة قالولي درهالنا بلا لحم
و اللحم شورميه مع الخبز اللبناني .. هناوني من العشا

lWRaa.jpg
​
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top