ولن تسقط بنت الجزائر من الحصان ........مش ستيل تاعي

[fifi27]

رد: ولن تسقط بنت الجزائر من الحصان ........مش ستيل تاعي

هههههههههههههه
جات لي تسكتك شريكي لاجودان شاف

 

[programmeur]

رد: ولن تسقط بنت الجزائر من الحصان ........مش ستيل تاعي

كي قريت الردود حسبت روحي راني نتفرج حصة الرأي والرأي الاخر اللي كانو يديروها في الجزيرة
في وقت اللي كانت تنوض فيها الصفعة و البونية عل المباشر ههههههههههههه

 

[fifi27]

رد: ولن تسقط بنت الجزائر من الحصان ........مش ستيل تاعي

مراهاش بعيدة

 

[mamouu]

رد: ولن تسقط بنت الجزائر من الحصان ........مش ستيل تاعي

ماكان حتى تناقض ختي
انا قلت نسا العالم كاملو حبو كريم ومهند
غير بنت الجزاير
بغاتو ماكسيان سمر ويفهم غير في hdi
+
مكانش منها عقية ماصو كي عقلية كريم
انا جامي شت ماصو حنين تغلط يهزك ويهرب بيك
وشبيك كريم عندو فايض في الحنانة
رومنسي wifi ختي
+
نسقسيك
واش تخيري بين كريم ومهند وواحد سمر ؟؟؟
​

أوااه خويا عندك الحمّى دخلك فيرووووس و اصعيب باش تتفورماطا.....
أنا نقلك لي كتبو ربي هداك هو.
ما يهمني لا كريم لا مهند
هوما باش يمدولهم لحنان لي راك تهدر عليه بالدراهم ok بالزيادة علاقات محرمة
راهم عاجبينك مهند و كريم.........؟؟؟؟؟؟؟؟؟؟ دير كيما هوما
كاين المواهب في الجزائر دير فجيل شباب.... ألحان و شباب.....
ههههههههههههههههههههههههه
هكدا حيجيك الإحساس بلا متحس..... أو تولي تعجب كيما مهند أو كريم

 

[أم راضية ~_]

رد: ولن تسقط بنت الجزائر من الحصان ........مش ستيل تاعي

الغاشي مخلوع و اللي يلقاها يرفدها ..سوا من النت و الكليبات و المسلسلات .... نهار يحكم شخصيتو راه يعرف بلي الصح في العقلية و في خدمة اليدين .. كي الراجل كي المرا ...

:up:

وحد العام قبل الافلام التركية كانو المسلسلات المكسيكية .. كنا وقت صيف و كنت نخدم مع شانطي ننحو الخضرة قبل لا سيزون تاع القرايا ... تعرف كي تلحق الزوج الغاشي هذاك كامل يروح للقهوة يتفرج المسلسل .. و الله نسيتو وش هو انطونيلا ولا انا كريستينا .. الحاصول غاشي assoiffé لقصص الحب هاذو تاع الفاستفود ... هاذو فاست لوv ..

يا ترى شكون الي كان يروح للقهوة في داك الوقت ؟؟!!! الي ماهيش الستيل تاعو و لا الي تعرف اطيبلو المحاجب والشخشوخة وتعرف تفتل الطعام و تدير المتقبة ؟؟؟​

و كيما قلت نور و مهند عندهم مادارو في العايلات ... و ظاهرة المهند-مانيا .. في البنات .. و النور-مانيا في الرجال دامت سنوات .... قالك شعب يحب الزين ...

يودي يوجعك قلبك ... من حوايج بزاف في مجتمعنا ... غاشي راشي يتبع كامل في بعضاه ...وين راه اللي عندو الراي انبيل خويا ...

حاجات بزاااف وي .... ​

​

:regards01:
:up:
يعطيك الصحة ...​

 

[لاجودان شاف]

رد: ولن تسقط بنت الجزائر من الحصان ........مش ستيل تاعي

السلام عليكم
تفكرت كيما عام عام دارو حالا تاوعنا على كاساندرا و gوادلوبي و أنا كريستينا و vاليريا بلا ما ننساو انجلينا جولي وجماعتها
و تاع البرازيل ماننساوهومش تانيت و البيوضا تاع الروس و لوخرين هادوك الشابات الي يسموهم البومبات تاع لاهولند وووو
وتلقاه يحلم بلافغونس ويقولك ندي وحدة gاورية ما تشرط ما عندها عقلية جيبلي و اشريلي و ماهيش مادية
وهو يضل يحلل على خبز فطير ولا خبز الطاجين ولا براج و المعارك ويتمنى ياكل شوربة على اصولها ...
هادا gع وممبعد يتزوج بوحدة شافتها يماه في كاش عرس ولا من لافامي
ويقولك فيف بنت بلادي الي تدير المحاجب و البغرير والمقروط !!!!
*راك تبع وما تراطي حتى حلقة !!! ما تكونش فاطمة ولا الي تبيع الزلاميت ولا لوخرين تاع الي يبدل فيهم كي الموس تاع الحفافة ماهومش من الستيل تاعك ؟؟؟؟؟
* اما على سؤالك الستيل تاعي انا ماهو لا مهند لا كريم:-o:-o:-o:-o:-o:-o:-o راهو امير بلاك تكون شفتو مادامك ما تراطي والو ....​

اهلا بيك يلديز مافهمتش مشاركتك على لول وش علاقتها بالموضوع
انا نحكي على مهند وكريم والماكسيان
ونتي خلطتيهالي بالبغرير وخبز الدار والمطلوع والبراج والعيش وزيت الزيتون والبرازيل ولا فخونس والحرقة
دوختيني الحاجة ختي
+
هيه انا هاداك هو الستيل تاعي فاطمة ولي تبيع الزلاميت والجواري كامل تاع سليمان
ماخصهم والو
+
أمير لي هو الستيل تاعك معرفتوش
​

 

[لاجودان شاف]

رد: ولن تسقط بنت الجزائر من الحصان ........مش ستيل تاعي

أوااه خويا عندك الحمّى دخلك فيرووووس و اصعيب باش تتفورماطا.....
أنا نقلك لي كتبو ربي هداك هو.
ما يهمني لا كريم لا مهند
هوما باش يمدولهم لحنان لي راك تهدر عليه بالدراهم ok بالزيادة علاقات محرمة
راهم عاجبينك مهند و كريم.........؟؟؟؟؟؟؟؟؟؟ دير كيما هوما
كاين المواهب في الجزائر دير فجيل شباب.... ألحان و شباب.....
ههههههههههههههههههههههههه
هكدا حيجيك الإحساس بلا متحس..... أو تولي تعجب كيما مهند أو كريم

اها مش عاجبتني حياتهم
بصح على الماكسيان خير منهم
​

 

[أم راضية ~_]

رد: ولن تسقط بنت الجزائر من الحصان ........مش ستيل تاعي

اهلا بيك يلديز مافهمتش مشاركتك على لول وش علاقتها بالموضوع
انا نحكي على مهند وكريم والماكسيان
ونتي خلطتيهالي بالبغرير وخبز الدار والمطلوع والبراج والعيش وزيت الزيتون والبرازيل ولا فخونس والحرقة
دوختيني الحاجة ختي

وانا نحكي على الحاجة الي ماتحبوش تستعرفو بيها ....​

+
هيه انا هاداك هو الستيل تاعي فاطمة ولي تبيع الزلاميت والجواري كامل تاع سليمان
ماخصهم والو

والزعاف وعلاش ياخي رانا نهدرو ... ولا داقتلك ؟؟​

+
أمير لي هو الستيل تاعك معرفتوش
​

المهم ماهوش ميكانيسيان ​

 

[رونق الزهور]

رد: ولن تسقط بنت الجزائر من الحصان ........مش ستيل تاعي

:خويا مافهمتش قلت بناااات الجزاااااااااائر مشي نساء وماعندهمش انوتة ومايعمروش العين يسما ماماك وخواتاتك مشي نساء
واحنا لي رانا مزوجات وبانيين الديار ماناش النسا ?
خويا سمحلي مي تخطين حدودك هنا ومشي غير انت كاين بزاااااااااااااااااف كيفك يطيحو ببنات بلادهم فيما لبنات الجزائر يقلك يحيا ولد بلادي غير هو لي مانبدلوش مي الحمد الله مش كامل الرجال كيف كيف رانا زوجنا راجال يهزو الجبال ويقلك بنت بلادي وخلاص الكلام
يجعل ربي يهدي لي جان توعنا ويبطلو العقلية هذي مع تالي ترفدك غير بنت بلادك
والحمد الله على النعم

 

[لاجودان شاف]

رد: ولن تسقط بنت الجزائر من الحصان ........مش ستيل تاعي

:خويا مافهمتش قلت بناااات الجزاااااااااائر مشي نساء وماعندهمش انوتة ومايعمروش العين يسما ماماك وخواتاتك مشي نساء
واحنا لي رانا مزوجات وبانيين الديار ماناش النسا ?
خويا سمحلي مي تخطين حدودك هنا ومشي غير انت كاين بزاااااااااااااااااف كيفك يطيحو ببنات بلادهم فيما لبنات الجزائر يقلك يحيا ولد بلادي غير هو لي مانبدلوش مي الحمد الله مش كامل الرجال كيف كيف رانا زوجنا راجال يهزو الجبال ويقلك بنت بلادي وخلاص الكلام
يجعل ربي يهدي لي جان توعنا ويبطلو العقلية هذي مع تالي ترفدك غير بنت بلادك
والحمد الله على النعم

وشكون قال ماكمش نسا يا أم أحسن هادي في العالم

أنا هدرت على لي قالت خطبني واحد يشبه لكريم وما قبلتش

وباغية جارهم عزالدين الماكسيان لي عندو أركات زرقة
شراها مكولية وعاود ريفيزاها :-o
​

 

[لاجودان شاف]

رد: ولن تسقط بنت الجزائر من الحصان ........مش ستيل تاعي

المهم ماهوش ميكانيسيان ​

أها مانيش زعفان مي دوختيني كي دخلتيلي البغرير والمطلوع في كريم والسلطان سليمان
​

 

[أم راضية ~_]

رد: ولن تسقط بنت الجزائر من الحصان ........مش ستيل تاعي

أها مانيش زعفان مي دوختيني كي دخلتيلي البغرير والمطلوع في كريم والسلطان سليمان
​

يعني يا نقولولك يعجبنا مهند و لا كريم يا ماناش ملاح و ماشي نورمال !!!!
ازعف ولا اقعد , روح لجمايكا ولا الموزمبيق
يقعد غير مهند ما يعجبنيش ..
وكريم كي نشوفو كيفاش يهدر ونشوف لي مانياغ ولي Gغيماس تاوعو نقرر ادا يعجبني او لا ..
اما على الهدرة الي دوخاتك وما فهمتهاش راهي النسخة الي يقولوها اولاد بلادي الأعزاء ... ​

 

[لاجودان شاف]

رد: ولن تسقط بنت الجزائر من الحصان ........مش ستيل تاعي

يعني يا نقولولك يعجبنا مهند و لا كريم يا ماناش ملاح و ماشي نورمال !!!!
ازعف ولا اقعد , روح لجمايكا ولا الموزمبيق
يقعد غير مهند ما يعجبنيش ..
وكريم كي نشوفو كيفاش يهدر ونشوف لي مانياغ ولي Gغيماس تاوعو نقرر ادا يعجبني او لا ..
اما على الهدرة الي دوخاتك وما فهمتهاش راهي النسخة الي يقولوها اولاد بلادي الأعزاء ... ​

انا ماقتلك والو ما يعجبكش على روحو

وربي يكمل مع ولاد لبلاد لعزاز كامل

وراني فريب نروح لجامايكا
​

 

[حاملـة المسك]

رد: ولن تسقط بنت الجزائر من الحصان ........مش ستيل تاعي

السلام عليكم

قليل وين نرد هنا بصح العنوان يجبد بزاف كتر من سرعة الحصان
منين كان يلعب كنت نقول و هادا وش يعجب فيه ..؟!! مشي معناه تبعتو .. خاطني العواطف المفبركة
سرتو المسلسلات لتقعد عام و هي تورني .. نفني عمري في اليوم دخل المفاتح في الطنبيل الغدوة من داك طلع فيها بعد غدوة مشاها
سمانة لبعدها تلفوناتلو و هو في الطنبيل بلي متروحش معاه :d
طيح عيني عليه بالصدفة و نا طالعة حابطة ما بين اورو نيوز و النهار
ايا بمناسبة الموضوع درت روشارش على تصاورو صبتهم يتلاونو كالحرباء سبحان الله الخالق الناطق
صبت وحدة نايضة فيه شويا لحية و لا ملصقها و لا ماعرف .. بلاك هداك الستيل تورنا بيه فيلم كبوي.
في ديك الصورة الزين و اللون و الرجولية كون يكمل ربي يهديه نقارنتيك الاخوات يولو يحلمو بيه مشي غير لبنات

ههه

و موضوعك خويا تاني راه روتار كان لازم تحطو منين كانت لامود ديالو
بلاك وقتها كشما راك حكمت زلة في الردود هه
اكيد لردو عليك اكل ميعجبهمش .. شيئ مفروغ منو و لا مزال في بال وحدة راهي تقول عليك حامز منو برك :down:هههه
جرب ترى حط موضوع على التيتانيك تشوف المشاعر كفاش تهيج
فيلم مايدموداش يا لكان تولي الخطوط فيه و يرعش
تماك نقلك بنات و اولاد الجزائر

.............. يسقطون من الحصان
دمتم سالمين.

نسيت نقلك ....... الحليب ولى متوفر

​

 

[لاجودان شاف]

رد: ولن تسقط بنت الجزائر من الحصان ........مش ستيل تاعي

السلام عليكم

قليل وين نرد هنا بصح العنوان يجبد بزاف كتر من سرعة الحصان
منين كان يلعب كنت نقول و هادا وش يعجب فيه ..؟!! مشي معناه تبعتو .. خاطني العواطف المفبركة
سرتو المسلسلات لتقعد عام و هي تورني .. نفني عمري في اليوم دخل المفاتح في الطنبيل الغدوة من داك طلع فيها بعد غدوة مشاها
سمانة لبعدها تلفوناتلو و هو في الطنبيل بلي متروحش معاه :d
طيح عيني عليه بالصدفة و نا طالعة حابطة ما بين اورو نيوز و النهار
ايا بمناسبة الموضوع درت روشارش على تصاورو صبتهم يتلاونو كالحرباء سبحان الله الخالق الناطق
صبت وحدة نايضة فيه شويا لحية و لا ملصقها و لا ماعرف .. بلاك هداك الستيل تورنا بيه فيلم كبوي.
في ديك الصورة الزين و اللون و الرجولية كون يكمل ربي يهديه نقارنتيك الاخوات يولو يحلمو بيه مشي غير لبنات

ههه

و موضوعك خويا تاني راه روتار كان لازم تحطو منين كانت لامود ديالو
بلاك وقتها كشما راك حكمت زلة في الردود هه
اكيد لردو عليك اكل ميعجبهمش .. شيئ مفروغ منو و لا مزال في بال وحدة راهي تقول عليك حامز منو برك :down:هههه
جرب ترى حط موضوع على التيتانيك تشوف المشاعر كفاش تهيج
فيلم مايدموداش يا لكان تولي الخطوط فيه و يرعش
تماك نقلك بنات و اولاد الجزائر

.............. يسقطون من الحصان
دمتم سالمين.

نسيت نقلك ....... الحليب ولى متوفر

​

شكرا ختي على المرور
المهم مش ماكسيان​

 

[صفحة بيضاء]

رد: ولن تسقط بنت الجزائر من الحصان ........مش ستيل تاعي

انا شخصيا ميعجبنيش مهند تقدر تقول عني منافقة ميهمنيش مدام راني نقول في الحقيقة
تقول حبة ليمون لونه ماشي باين ابيض يبان أصفر
وتاني كريم شعره طويل وانا نكره اللي شعره طويل ..وزيد كريم هداك انفه طويل جدا
ودار عملية تجميل قبل ما يدخل في التمثيل
وشكون يأكدلي بلي ماشي كاع دايرين عملية تجميل وحتى المكياج ويديروه
وبالنهاية الجمال ميهمش ..الرجل عيبو في جيبو ماشي في جماله
والجمال عقل ..كي يكون بعقله وبدراهمه واخلاقه هداك هو الراجل نتاع الصح
واللي هبلو على مهند هما الخليج مين عندهم الزين قليل اما حنا نورمال
عنا الزين في كل مكان ​

 

["Màrià"]

ايه هاذيك هي .. صح انا بنت بصح غير كيما نتا "حايرة " !!

بالمناسبة خاطيني اتراك خخخ
​

 

[BLEU PEARL]

نقولك حاجة خويا هاذي عليا والله مانطيح في واحد من الأفلام صح يعجبوني بصح مانومش بيهم ونعشق فيهم اوبلي هاذي انا اذا جاني ولد بلادي وكان محافظ مصلي ويسترني ولاباس بيهم ماراح نبقى نعشقلو فكريم و........
أخي البنات أنواع والناس معادن وكيما يقولو قطران بلادي ولا عسل البلدان

 

[AWDIESL]

ابو ابني خير من مهند و كريم يا حسراااااااااه وين يديرهم لا اتحدث عن الشكل و انما المضمون ههههههه في رجولته و غيرته ووووو.........
لوكان كامل لبنات يخممو هكد و مايحوسوش على الشكل و المظاهر الخداعة ما يلحقو للطلاق
كاين بنات فارغات و ناقصات على هاديك نسبة العنوسة في تزايد .

الله يهدي كل واحدة

سلام ​

 

[**ندى**الورد**]

wlh bghite n9oulek haja لاجودان شاف


ana maniche m3a li y9olo zine l nsa ma chi l rjal car maniche 7aba netzawege tracteur 7abitou bnadem
sayidna yousouf 3alayhi al salame 3andou nisfe jamal al arde

mes machi zine nta3 106 hadi haja wahdokhra

mine netmacha fe trige yetkhaba moraya w ana nssalek 3lihe bara

w yahdare kima khayti w 7bibti

3labiha n9olek l wjahe al ma3fous manhabouche nkhafe njibe wlade w ya7asbou bouhoum venpir

w 106 w al madamate man7abouche...................................................