ماذا ستطبخين آنستي/ سيدتي / الجزء (44)

[SaRa QuEeN]

رد: ماذا ستطبخين آنستي/ سيدتي / الجزء (44)

:-o:-o:-o:-o رحلتوو!! وانا لاخبر ! اخخخخ يا حدودة خليتيني رقدت وهربتيلي ضيافي ، وانا اللي كنت نحوس نترشح لعهدة ثانية
سامحوني لبنات والله ماقمت بيكم كيما يلزم ، شرفتوني و تونست بيكم ،
المهم كوزينة مربوحة ان شاء الله
تغدينا شربة فريك وكسرة وحااااار مبعد ان شاءالله نحط التصاور ذرك الكونيكسيون ثقيييلة
سلاام

 

[كوثر الوهرانية]

رد: ماذا ستطبخين آنستي/ سيدتي / الجزء (44)

الف الف مبروك علينا العتبة الجديدة
ان شاء الله نشوفوا فيها غير الاطباق الشهية و الجديدة و اكيد التقليدية اللي نموت عليها
مرسي حدودتي على التحلية الجميلة و البنينة
بسووووووووووووم قتلتيني بهداك الطبق اطلعي بالوصفة يا بت
البريوش جاني تحفة الوصفة للاخت نينا فرات نشكرها بزاف بزاف
العشاء شربة و درت كروكات نتاع البطاطة و سلاطة بيطراف

 

[om mimi.mili]

رد: ماذا ستطبخين آنستي/ سيدتي / الجزء (44)

مساء النور
اواه راكم طيرو ///سارة شكرا على حسن الضيافة///حدة مرحبا بينا عندكم كوزينة ديما عامرة ان شاء الله بصح بلاكي من لاقريب راه لي يحل الكوزينة يمرض شفتي نعيمة كي كنا عندها مرضت زادت خيرة تاني موراها والتالية مع سارة الفيروس ما حبش يخرج من عندها هزينا قشنا وخرجنا الهربة تسلك هادي سور من الحلان تاع الباب راه الداخل والخارج بزاف رانا غاشي الله يبارك ويزيد خخخخخ نهدر بزاف هههههه المهم راني جاميتكم كامل راكم 444444444 محبيتش ندخل عند حدة بيديا جبت شوية بريوش راه سسسسسسسسسسخخخخخخخون درك نولي

 

[om mimi.mili]

رد: ماذا ستطبخين آنستي/ سيدتي / الجزء (44)

مساء النور فريدة بصحتك البريوش رانا تيف تيف :d:dوبصحتك العشى
عشاي فرررررررررييييييييييييتتتتتتتتتتتتتت مازلت غير انا والدراري قتلتهم بالبطاطا درك تدير العروق في كروشهم هههههههههههههههههههههه ساهلة ماهلة

 

[imane27]

رد: ماذا ستطبخين آنستي/ سيدتي / الجزء (44)

سلام عليكم لبنات واش راكم
حدة مرحبا بينا فى كوزينتك مى وراهى مشفنهاش
نسيت نقول لكوثر عيد ميلاد سعيد وكل عام ونى بخير
خيرة لكتاب قطعناه هههههههههههه حنا نقراو ومنطبقوش ههههههههههه
فيفى حنونة يتوحشك الخير واش راكى انتى ديما مورال هابط طلعيه شوية

 

[انريس]

رد: ماذا ستطبخين آنستي/ سيدتي / الجزء (44)

هاني وليت لبنات مبدئيا التحلية راهي جات بنة لا تقاوم اممممممممممممممم هذوين ذقتها
الشكل ربي يستر خيرت شكل صعيب شويا انا نورمالمن كي عادت هذي المرة الاولى اللي نجربها كان من المفروض نصبها في الكيسان و نطبق السوق انا انا اللي راسي خشين معليهش ادعيولي برك نصلحها باه نحطهالكم موضوع سيرتو سيرتو حابتها تصلحلي بهذا الشكل الكيسان تعودنا عليهم شويا نبدلو هكذا نخلعو ضيافنا منعرف نحطهالكم اليوم ولا غدوا راهي مازال مجمدتش مليج اصبرو ههههه

 

[om mimi.mili]

رد: ماذا ستطبخين آنستي/ سيدتي / الجزء (44)

هاني وليت لبنات مبدئيا التحلية راهي جات بنة لا تقاوم اممممممممممممممم هذوين ذقتها
الشكل ربي يستر خيرت شكل صعيب شويا انا نورمالمن كي عادت هذي المرة الاولى اللي نجربها كان من المفروض نصبها في الكيسان و نطبق السوق انا انا اللي راسي خشين معليهش ادعيولي برك نصلحها باه نحطهالكم موضوع سيرتو سيرتو حابتها تصلحلي بهذا الشكل الكيسان تعودنا عليهم شويا نبدلو هكذا نخلعو ضيافنا منعرف نحطهالكم اليوم ولا غدوا راهي مازال مجمدتش مليج اصبرو ههههه

اسما حطيها في الكونجيلاتور هههههههههههه ديريها ميضوع راه فيها خير كبير لضعافات كيما احنا:d:dتستاهل شوقتينا درتي سوسبانس

 

[انريس]

رد: ماذا ستطبخين آنستي/ سيدتي / الجزء (44)

اسما حطيها في الكونجيلاتور هههههههههههه ديريها ميضوع راه فيها خير كبير لضعافات كيما احنا:d:dتستاهل شوقتينا درتي سوسبانس

هي باه نحطها موضوع نحطها على خاطر جات بنينة تهبل يخي تعرفي خاوتك الطلاينة حلوياتهم يهبلو من التيراميسو برك انا عشقت في حلوياتهم اللي يقولولي طليانية نجربها هههههه:p
ومن جيهة الكونجيلاتور ما تصلحليش يا مليكة لازم تجمد في عقلها باه نروليها فهمتي هيا كلي كريما و تترولا و يجي فوقها اللوز ايفيلي هاهو الشكل نتاعها

هذي داروها الفحولا ماشي انا يااااااادرى يا نتاعي كيفاه رايحة تخرج:s:s

 

[نور الحبوبة]

رد: ماذا ستطبخين آنستي/ سيدتي / الجزء (44)

مساء الخير يا لمويات رحلتو وخليتوني ايا معليش ربي يجعلها عتبة مربوحة وابارك في دارك يا حدة ويحفظلك عايلتك وكل عزيز وغالي
اممم تحلية تشهييييي يعطيك الصحة
راني مجيتش بيديا فارغين

[/url]

[/url]

[/url]

[/url]

[/url]
وهاذو لغرايف لقيت ختي ادير فيهم قاتلي راني نتعلم قتلها نصور تتعلمي ولالا

[/url]

 

[رونق الزهور]

رد: ماذا ستطبخين آنستي/ سيدتي / الجزء (44)

السلام عليكم لبنات مساكم الله بالخير ويجعل ان شاء الله كل ياماتكم سعادة
حدة انا اعترض خسك تعطيني لروسات تع التحلية ولا نزعف
انريس هههه انا خصني مغرف هكاك ملي دخلت للمة وانا قلت وداعا للتحفظ في الاكل لازم الواحد يريكبيري
علبالك وسمك اسماء كيفي:$
جبتلكم فطوري حاجة خفيفة لايت يعني مي غنية بالحريرات:d

راني صغرت في خاطر عيون نعيمة <<لي خوفتني البارح وختكم مسكينة خوافة>

هدا السابلي درتو غير دوك

 

[هــــيلدا]

رد: ماذا ستطبخين آنستي/ سيدتي / الجزء (44)

خخخخخخخخ ماجيت نروح نوزن صفار بيضة ونجي لقيتكم بدلتو العتبة،
من الصباح وانا نكتب لهيت:cray02::cray02: غاضوني الكلمات لي راحو
أسما حبوبة والله وزنتلك الصفار من الصباح عييت ندخل للمة مفهمتش من عندي ولا واش صرا
المهم انا بيضتي جات فيها حوالي 30 غ بصح حبة كبيرة،(بوبونة :-r)، نشالله تجيك التحلية باهية، متنسايناش بلاروسات برك
البنات يعطيكم الصحة راكم شاطرات الله يبارك، انا مفهمتش نهار نزوج راح نلحق ولا لالا، هوما راهم يفيكسيو في لادات وانا نبعد فيها :dunno01:
المهم صحا عشاكم كامل و ربي يعطيكم صحتكم
حدة يا حدودة بديتي الموضوع بالتحلية ربي يحلي ايامك نشالله، نشالله تجي كوزينتك خفيفة كيما خفة دمك، انا راني شفيت عليك بكري كي كنتي تدوري في واش راك تهدر، ملحقتش عليك في الكوزينة :d

سارة يعطيك الصحة حنونة علا الاستضافة بصح راكي عديتيني:cray02::cray02: راني في حالة،راح نجرب وصفة ام رهام الليلة نحني رجليا ونرقد، نشالله برك نصبح مليحة، غدوا نعس يعقبو الراطراباج وقيلة راح ندير راطراباج في فراشي لول

 

[نور الحبوبة]

رد: ماذا ستطبخين آنستي/ سيدتي / الجزء (44)

لبنات راكم فور يعطيكم الصحة راه كلشي من يديكم اشهي
نقول لكوثر عيد ميلاد سعيد ربي انجحك في حياتك
ام احلا هادي مبروك عليك الصور
والباقي امسية سعيدة ان شاء الله تكونو بخير​

 

[رونق الزهور]

رد: ماذا ستطبخين آنستي/ سيدتي / الجزء (44)

تنبيه:$ ماتضحكوش من القادم

علابالي نعيمة راهي تضحك علابالي بيها:d
هدي لمليكة لي كتلت مخمد بالبطاطا

 

[رونق الزهور]

رد: ماذا ستطبخين آنستي/ سيدتي / الجزء (44)

وين روحتو واقيل ماكلتي خوفتكم
نور يعطيك الصحة على هدوك الاطباق راهم يشهيو الله يبارك

 

[hadda0425]

رد: ماذا ستطبخين آنستي/ سيدتي / الجزء (44)

صح عشاكم يا سمونات :p
اسما وش راهي التحلية ولا ولات تخلية هههه
بسوم الباذنجان كاين مي ما يستعملوهش بزاف هاتي الوصفة ترا نبدلو الريحة ههههه بصحتك باين بنين
سارة لا نريد مترشحة مريضة هههههههه
والله شفتيلي وانت مريضة مكيش قادرة وهما ما حشموش على رواحهم ينوضو يروحو ذراع خرجتهم :d قلت خلي نريحوك شوية
مليكة مرحبا بلي جا وجاب بريوشات مممم نموت عليه
شفتي علبالي جيبولي جرثومة تع لاقريب لازم تروحو سع ديرو الفاكسان :-o:-r
فرودتي الله يسلمك ويهنيك وبصحتك وش طبختي
عندي بزاف ما كتبتش اسم لويزة اهلا بالقرايا تاعنا كش نقاط ملاح كش تخصصات هههههه
نور والله سخفتيني للبن والكسرة جا في بالي البارح وما شريتش وعععع بصحتك العيش والتحلية ولغرايف
ام هادي بصحتك لخفيف والتحلية دك نكتبهالك مش مشكل راهي ساهلة
هيلدا ايه صح اول ما دخلت واول موضوع كان في واش راك تهدر قوليلي اسمك ولا هذا هو من بكري وربي يجيب ما فيه الخير وبصحتك الحنة مسبقا كان غير جيت لعندك دريلي انا نحبها بصح نضرح عليها
عشانا كان روز بالفطر والجاج

لي بعثتلي في التقييم وسقسات وش في البلارة نقولها بوفرجوخ تع الفلفل الحار

​

 

[هــــيلدا]

رد: ماذا ستطبخين آنستي/ سيدتي / الجزء (44)

حدودة كان هيلدا، انا للي كنت مشرفة علا هذاك القسم ومن بعد رديت اسمي °Wishes°
والحنة مهيش حنة تاع الصح خخخخخخ وصفة عطاتهالي ام رهام قاتلي مليحة للزدرة نطلي رجليا بالفيك ونزيد القرنفل راح نجربها ونشالله تنحي عليا.
ام هادي بصحتك حبوبة ماكلتك تشهي ومبروك عليك خروج الصور واخيرا

 

[رونق الزهور]

رد: ماذا ستطبخين آنستي/ سيدتي / الجزء (44)

الله جاك ماشاء الله ربي يشدلك في يديك

 

[رونق الزهور]

رد: ماذا ستطبخين آنستي/ سيدتي / الجزء (44)

هيلدا ههه ربي يبارك فيك ماجاو يخرجو حتى خرجولي عمري

 

[انريس]

رد: ماذا ستطبخين آنستي/ سيدتي / الجزء (44)

اممممم نور الحبوبة هذيك الدخلة الباهية واشمن كسرة واشمن عيش يم يم يم وزدتيلنا التحلية امممم ههههههاختك تتعلم في الغريف دارتو خير مني واااااااااااع محبش يصلحلي خلاص
هيلدا الزينة ميرسي على البيضة هههه اليوم راني كسرتلكم كامل البيض نتاعكم تسالوني الوصفة و الله من عيوني راهي جات تهبللللل ذقتها بصباعي برك مازال الذوقان نتاع الصح
ام هادي كيفاه ما يعجبناش طيابك راهو يسخف يسخف سيرتو هذيك التحلية باينة اممممممممم يعطيك الصحة يا الفحلة
حدود لحد الان مازالها تحلية و تحلية امممممممم راني خايفة كي نجي نرولي تولي تخلية بصح راني لقيتلها راسها حتى كن متترولاليش لقيت كيفاه نديرها و تجي فور وجدو رواحكم بصح تبانلي حتى لغدوة هذوين ضربت عليها طلة لقيتها نازالها شويا سيسبانس سيسبانس سيسبانس باه غدوا كي نديرها ميضوع تكثرولي من لي كومونتير ههههههه

 

[انريس]

رد: ماذا ستطبخين آنستي/ سيدتي / الجزء (44)

اه هيلدا غير متأجليش العرس ياو والله ما تخلصي حوايجك لاخر لحظة وانت تشري وكن تزيدي عام اخر يزيدو يبانو حوايج جدد انا 3 سنين وانا مخطوبة ماخليت ما نقلت معايا و هكذاك و لاخر دقيقة وانا نشري وساعات بعد ما دخلت و خلصت نتفكر حوايج يولي يجيني الضحك نقول مزيا راني مزوجة كان راني مزلت نلحق خير البر عاجله و ربي يسهلك انشاء الله
بصحتك الروز حدود