ماذا ستطبخين آنستي/ سيدتي / الجزء (44)

[نور الحبوبة]

رد: ماذا ستطبخين آنستي/ سيدتي / الجزء (44)

ام احلا هادي امممممممم خافي فينا ربي رانا مع الرجيم اطباقك اتشهي والشورما يممممم تشهييييي بصحتكم
مليكة لوبيا مانشطو تسخف كيفاه طيبتيها ولبيتزا يممممممم تشهي ماكول الهنا
بنت السلطان يعطيك الصحة من المالح للحلو بصحتكم
حدة خسارة عليك ذكرتيهم كامل وانا الي بت نغسل في لماعن ونسيق في لكوزينة نستيني اهئ اهئ اهئ منزيدش ندخل عندك
هههه راني نضحك برك معاك
الي نسيتها تسمحلي راكم كامل في القلب بصحتكم واش تغديتو وصحا قهوتكم بحلوياتكم الا صحاب الرجيم قهوة برك متنساوش​

 

[shahrazad]

رد: ماذا ستطبخين آنستي/ سيدتي / الجزء (44)

اممممم يانور اطباق هااايلة سورتو لازانيا شهيتيني فيهاااااا بزااف
بنت السلطان كيكة هااايلة حنونة يعطيك الصحة
هاهي وجدت الكيكة
صح قهيوتكم

​

 

[ام سراج الدين وملك]

رد: ماذا ستطبخين آنستي/ سيدتي / الجزء (44)

مرحبا شهرزاد
كيكة هايلة تأكلــــــــــــو بالصحة والهناء
الله يسلم ايديك حنونة

 

[بنت السلطان]

رد: ماذا ستطبخين آنستي/ سيدتي / الجزء (44)

نور الحبوبة الله يدومها نعمة عليك ربي يبارك كلشي فوووووووووووووووووووووووووور

شهرزاد يمي يمي تارت راهي تشهي نستعرف بيك

درتي باش تتقهواي انا مين وحدي مجينيش الماكلة على داك مراني ندير والو للعشية:-r:-r

 

[نور الحبوبة]

رد: ماذا ستطبخين آنستي/ سيدتي / الجزء (44)

السلام عليكم ورحمة الله وبركـــــــــــــــــاته
ام ميمي بصحتك غداك يشهي انا نموت على البتزا اممممممممم
بنت السلطان كل شئ فوووووووووور تأكلو بالصحة والهناء
حبوبة واش هاذ الخير الله يبارك ويدوم النعمة ماكلتك تاع حراير الله يسلم ايديك
اه حبوبة ابعثيلي شوية كسرة خميرة تبان تهبل

من عيوني ام سيراج نبعثهالك كامل تستاهلي ياعز الناس لوكان جيتي قريب نبعثلك كل يوم​

 

[ام سراج الدين وملك]

رد: ماذا ستطبخين آنستي/ سيدتي / الجزء (44)

الله يكتر خيرك حبوبة كي قلتي هكدا كلي كليتها
:up::up::up::up::up::up::up::up::up::up::up::up::up::up::up:
ربي يخليك حبوبة اختى

 

[نور الحبوبة]

رد: ماذا ستطبخين آنستي/ سيدتي / الجزء (44)

شهرا وام سيراج وبنت السلطان الله اسلمكم
شهرا وجدت يا ديجا راكي فحلة ونص و25 وولكن............ ملاناش في الطيب نصيب الكيكة راح تنطق وتقولي كوليني واا نقولها لالا منقدرش راني مع الرجيم وهيا تقولي كلو برك الرجيم نتفاهم معاه هههههه درت فيلم عن جد روعة كما ههدناكي​

 

[shahrazad]

رد: ماذا ستطبخين آنستي/ سيدتي / الجزء (44)

الله يسلمكم حبيباتي
ههههههههه نور والله غير تحاسبك جوزي اخطيك من الرجيم​

 

[نور الحبوبة]

رد: ماذا ستطبخين آنستي/ سيدتي / الجزء (44)

الله يحفظك شهرا كلي كليتها ربي يعطيك ماتتمناي​

 

[ام ريهام]

رد: ماذا ستطبخين آنستي/ سيدتي / الجزء (44)

هاجر بصحتكم الكيكة
ختيتةو غداكم يشهي
لي راكم لتحت سلام ان شاء الله تكونو كامل بخير وصح غدواتكم

 

[ام ريهام]

رد: ماذا ستطبخين آنستي/ سيدتي / الجزء (44)

هاجر هاي ليك الكيكة انا درتها لبارح

 

[نور الحبوبة]

رد: ماذا ستطبخين آنستي/ سيدتي / الجزء (44)

صغرونتي كيكة تشهيييييييي اممممممممممم وقيلة بطلتي في الرجيم​

 

[نور الحبوبة]

رد: ماذا ستطبخين آنستي/ سيدتي / الجزء (44)

لبنات وينكم وينو النشاط اللمة راهي مهجورة شوية همة يالا​

 

[shahrazad]

رد: ماذا ستطبخين آنستي/ سيدتي / الجزء (44)

ا

ممممممممم نعيمة جاتك هايلة والله انا نعشق فهاد الكيكة ساهلة وبنتها يمممممممممم
وينكم يالبنات والله حرام عليكم تخلو الكوزينة هكدا ! ​

 

[bellafoufa]

رد: ماذا ستطبخين آنستي/ سيدتي / الجزء (44)

السلام عليكم لبنات راكم رائعات و أنا لا أقاوم وائ راكم تحطو ، أختي شهرزاد ممكن رابط الكيكة و الله كل حلوياتك روعة ما شاء الله ربي يبعث لك الراجل لي يعرف قيمتك

 

[ام ريهام]

رد: ماذا ستطبخين آنستي/ سيدتي / الجزء (44)

ختيتو لالا الريجيم راني متواصلة معاه كانو عندي ضياف البارح درتها
الله يسلمكم كامل

 

[نبض الحياة]

رد: ماذا ستطبخين آنستي/ سيدتي / الجزء (44)

السلآم عليـــــــــــــكن
ان شآء الله تكونوا بخير
جيت معآكم اليوم ومآجيتش فآرغة تقولوا خآيبة تآني :p
هآدوا عملتهم الاسبوع المآضي

غريبيــــــة

هآدوا ديفولكون دآرتهم مآمآ

بغرير

جينوآز نتآع الليمون، جمآعة الفاآيس شآفوهآ

​

 

[نور الحبوبة]

رد: ماذا ستطبخين آنستي/ سيدتي / الجزء (44)

امممممممممممم رقية كلشي اشهي والجينواز تحفة يعطيك الصحة انتي وماماك​

 

[om mimi.mili]

رد: ماذا ستطبخين آنستي/ سيدتي / الجزء (44)

///مليكة لوبيا مانشطو تسخف كيفاه طيبتيها ولبيتزا يممممممم تشهي ماكول الهنا///
الحبوبة ربي يخليك انا منكسرش راسي معاها ندير لحم ولا جاج نقطعلو زوج بصلات دواور ونديرلها ليزيبس الكمون+الفلفل لكحل+فلفل عكري+زعفران وشوية هريسة ونقليها مليح حتى يذبال البصب منبعد نمرق غير بكاس ماء نزيدلها حبة ولا زوج طماطيش مرابية وشوية تاع الباطة وحبة بصل تاني وندير اللوبيا لينكون مغليتها ولا مفورتها نصف طياب من قبل ونغلق الكيكوطا ونقصلها للنار ونخليها شوية كي نحل نلقاها جمرت لازم تكون ناشفة خير نطفي عليها هادمكان وجي هايلة انا منحبش لي يديرلها البطاطا معاها ادا حبيتي قليها دواور وديكوري بيها وتوتة توتة خلصت الحدوتة
نعيمة وهاجر قتلتونا بالكيكات روووووووووووعة يعطيكم الصحة
بيلافوفة على سلامتك وشراكي مع الحمل
الدكتورة تاعنا علاه خايبة غريبية هايلة والبغرير اممممم وهاديك تاع الفيس قتلتني منهيه تبعتني حتى لهنى وعلاه قلبي الصغير لا يتحمل

 

[ويبـقى الأمــل]

رد: ماذا ستطبخين آنستي/ سيدتي / الجزء (44)

السلآم عليـــــــــــــكن
ان شآء الله تكونوا بخير
جيت معآكم اليوم ومآجيتش فآرغة تقولوا خآيبة تآني :p
هآدوا عملتهم الاسبوع المآضي

غريبيــــــة

هآدوا ديفولكون دآرتهم مآمآ

بغرير

جينوآز نتآع الليمون، جمآعة الفاآيس شآفوهآ

​

يعطيك الصحة اختي انتي و ماماك وربي يحفظهالك
تاكلوهم بالصحة والهناء
حبيبتي إذا مافيهاش ازعاج ممكن تعطيني لاغوسات اللى دارتها امك