ماذا ستطبخين آنستي/ سيدتي / الجزء (44)

[نبض الحياة]

رد: ماذا ستطبخين آنستي/ سيدتي / الجزء (44)

يآ مآمـــــي وآشنو الخير هآد كــــــــل
الله يبآآآآرك
صح عشآكـــــم كآمل
ام فيروزآ، دخلة قوية للميدآن، يعطيك الصحة
نسيمة، بصحآتكم حبوبة
ابتسآآم، الله الله شهيتيني
ام رزق، بصحآآتكم الزينة
ام ريهآم، اممممممممممم غراتان ولا خلي، بصحتكم
انا عشايا خفيف، درت حبة بيض وكآس Jus
​

 

[nassima 87]

رد: ماذا ستطبخين آنستي/ سيدتي / الجزء (44)

انا جبت المكسرات او نتوما عليكم لتاي
صحة سهرتكم حباباتي​

 

[نبض الحياة]

رد: ماذا ستطبخين آنستي/ سيدتي / الجزء (44)

انا جبت المكسرات او نتوما عليكم لتاي
صحة سهرتكم حباباتي​

مآنيش نتآع سهرآت
ندي حفنة ونطير نرقد :p
​

 

[nassima 87]

رد: ماذا ستطبخين آنستي/ سيدتي / الجزء (44)

مآنيش نتآع سهرآت
ندي حفنة ونطير نرقد :p
​

مزال الحال من دوك ترقدي​

:d:d

 

[هــــيلدا]

رد: ماذا ستطبخين آنستي/ سيدتي / الجزء (44)

صحا غداكم وعشاكم حبوبات،، راكم قايمات بالكوزينة الله يبارك،

حبوبة ماكلتها مكان مكان بصح اذا حبيتي تروحي اغتنمي الفرصة ياك المهم مكيش نتي للي راح تطيبي لول،

انا اليوم وأخيرا جربت البيسكوي نتاع عفوفتي الزينة،

 

[بنت السلطان]

رد: ماذا ستطبخين آنستي/ سيدتي / الجزء (44)

يــــــــــــــــا ســـــــــلآم

ان شاء الله مطرح ما يسري يمري ومطرح ما يأسس يبني

صــــــــــــح عشاكم يا لحراير

عشايا كيما رقية حبات بيض مقليين وجي​

 

[بنت السلطان]

رد: ماذا ستطبخين آنستي/ سيدتي / الجزء (44)

تطبيق رائع اختي هيلدا بصحتك حتى اتا راهو ضارب في راسي هاد ليامات خخ

هدو صور ملعشا في دارنا عند حورية الجزائر وحد نهاااااااااااااار نعاودها فهاد الويكاند ان شاء الله

 

[shahrazad]

رد: ماذا ستطبخين آنستي/ سيدتي / الجزء (44)

مساء الخيرات
الله الله الله عليكم ياالفحلات النحلات راكم الله يبارك
من رقية واحساس انثى الكيكات تشهي امممم ويخلق من الشبه اربعين ياسيدي هههه يعطيكم الصحة حبيباتي
ام فيروزا على سلامتك اختي جيتي وجبتي معاك الخير ماشاء الله يعطيك الصحة
نسوووم المحشي يشهي اممممم ويعطيك الصحة على المكسرات هاتي هاتي انا تع سهرات
ام ميمي وميلي الغراتان يشهي بالبقلوب ماشي بالمقلوب جا امممممم ههه يعطيك الصحة
ابتيسووو تطبيق هايل الله يخليك حبيبتي بصحتكم والكروكات يمييييي تع واش؟
ام رزق الله بصحتكم الكباب عندي بزااف ماكليتوش والقاطو هايل ربي يأجرك كل خير ويشافي المريضة
هيلدااا الرولي جاك تحححفة بصحتكم حبيبتي
بنت السلطان اممممم على البوراك والسلطة تشهي بصحتكم
ام ندوش انريس وحدة وفريدة واليوم نور مابنتش ان شاء الله تكونو بخير
عشانا بولات القرنون

​

 

[نبض الحياة]

رد: ماذا ستطبخين آنستي/ سيدتي / الجزء (44)

​

:-o:-o:-o:-o
الليلة معولة تبيتيني فآلة ولا كيفآه درك
جوعتيني آ المصيبة وزعمآ هآد وين نضت من عند الطآبلة
يعطــــــــــــيك الصحة يآ النحلة :p:p
تووووووووp ديمآ
​

 

[shahrazad]

رد: ماذا ستطبخين آنستي/ سيدتي / الجزء (44)

هههههههه خسااا الجوع حبيبتي رقية ارواحي عندي ونديرلك الي يستاهلك فمك
ربي يحفظك الزينة​

 

[ام فيروزا]

رد: ماذا ستطبخين آنستي/ سيدتي / الجزء (44)

 

[nada242008]

رد: ماذا ستطبخين آنستي/ سيدتي / الجزء (44)

السلام عليكم لبنات
ويعطيكم الصحة كاااااااااااااامل ..انا حاكمني واحد الديكوطاج من الكوزينة ربي يستر
راني نصور ونخزن هههه كي طير الغمة نحملهم ونجي
دخلت كي شفت حبوبتي هيلدا يعطيك الصحة على الرولي فحلة كيما نعرفك ودخلت نعلق على المطعم تشيكن كوطاج خخخخخ اول مافتح رحنا دشناه وطلعنا للطروازيام ايطاج علجال لولاد
ملي رحنا وندى تبنطر في هذيك اللعبة
وررائد حكم الارجوحة يطلع درجة ويعيطلي ماما هبطيني ههههههههه الناس تاكل وانا رايحة جاية عليه
هو يعني في الحطة يخلع تحسي رروحك في الخارج بصح الماكلة ماكان ماكان دجاج تاع بوعقال ابن منو مية مرة :d
دجاج المشوي حااااااااااار والبطاطا تقول كرطون
المهم لولاد ماكلاوش ماعجبهمش ولتاو بالللعب
كي روحنا قاتلي ندى ماما جعت :-o قريب نتحول ونعود غولة ههههههههه

--
بلا ماننسى نور الحبوببة هذاك الطابع تاع الغريبية شريتو من محل لوازم حلويات في لاسيتي
واحد الحانوت طويييل ههه اشرحيلها مليح لادراس يا هيلدا مانعرفش طرق باتنة مليح

 

[هــــيلدا]

رد: ماذا ستطبخين آنستي/ سيدتي / الجزء (44)

بنت السلطان ديريه ومتخميش هااايل،
رقية وهاجر الله يسلمكم حبوباتي، ربي يحفظكم نشالله

أم فيروزا بصحتكم البربوشة ولا الطعام،

عفووف بزايد تفنيين وحطي ليفوطو خليني نشوف واش راح ندبر عليك تطيبيلي المرة الجاية لووول
خخخ انا رحت لتشيكن كوتج مع راجلي، مجاو يطيبوها بالعام، خخخ قتلو نطلعو الفوق قالي والله من برومي ايتاج مزدتي طلعتي انا بغيت نتبرقق لول ههههه كون خلاني راني لعبت حتا انا ههههه،ماكلتهم زيرو، مينحيوش الجلدة تاع الدجاجة وهكذاك بالريش، حتان روحت باش فقتلها، والبطاطا صناعية تقول كارتون، ضرك ايامات ويعود يبيع عصير التفاح كيما للي قدامو لول
الحانوت راهي مقابلة الشرطة القضائية في لاسيتي، كيما مسجد أول نوفمبر وتدوري تمشي شوية برك تلقايها اذا معرفتيهاش حبوبة نزيد نشرحلك اكثر،
تلقايهم ثاني في الميل دوصون عند للي يبيعو حوايج تاع القاطو شوية رخاس.

 

[nassima 87]

رد: ماذا ستطبخين آنستي/ سيدتي / الجزء (44)

--
بلا ماننسى نور الحبوببة هذاك الطابع تاع الغريبية شريتو من محل لوازم حلويات في لاسيتي
واحد الحانوت طويييل ههه اشرحيلها مليح لادراس يا هيلدا مانعرفش طرق باتنة مليح

بصحتهم الدراري عفاف المهم لعبو نحاو على حاطرهم كيما هنا في الجي كاين طيبة فود على حساب صورتك تشبهلها الماكلة بافريمون يروحو يلعبو الدراري وخلاص​

 

[ام فيروزا]

رد: ماذا ستطبخين آنستي/ سيدتي / الجزء (44)

 

[ĻậḑỹღṦẩṃ]

رد: ماذا ستطبخين آنستي/ سيدتي / الجزء (44)

سلآأأمنُ عليكممم ...
إإإني ح‘ــزينة .. لآأ أجد وقتًلأ للمنتدى ..


هـــآأأداا عشــآأئي ..

​

 

[ام فيروزا]

رد: ماذا ستطبخين آنستي/ سيدتي / الجزء (44)

 

[ام الحلوين]

رد: ماذا ستطبخين آنستي/ سيدتي / الجزء (44)

انا جبت المكسرات او نتوما عليكم لتاي
صحة سهرتكم حباباتي​

غيرتيني بالكوكاو الماااااااالح نموت عليه
الزين راه في البلاد غدوة الصباح نصبح عليه يجيبلي و لا مايجيش
بصحتك كولي نيابة عني

 

[ام الحلوين]

رد: ماذا ستطبخين آنستي/ سيدتي / الجزء (44)

خص نص الي خيرة تنسيك في برد كندا

​

ابتسام واش هاد الصوص الخضرا ؟؟؟؟؟؟ مرة الزين جابلي صوص خضرا قتلو و الله ماناكلها تقول جرانة بالعربية ( ضفدع ) بوري و رميتها هههه

 

[ام الحلوين]

رد: ماذا ستطبخين آنستي/ سيدتي / الجزء (44)

هاهم لي صوص

​

مرسي حبيبتي لينا ان شاء الله نشريهم و ناكلهم في غياب الزين ، هو مايحبش مايونيز كيما تسميها جدتي ( مانزيز ) كون يشوفها فوق الطابلة ماياكلش و هذو منيش عارفة و انا نحب نخلط و نذوق كلش