ماذا ستطبخين آنستي/ سيدتي / الجزء (44)

[ام سراج الدين وملك]

رد: ماذا ستطبخين آنستي/ سيدتي / الجزء (44)

ام ميمي راو قريب يوجد قفطاني الموف
واذا عندك مودال شباب هاتي نخيط كيفو هههههههههه

 

[om mimi.mili]

رد: ماذا ستطبخين آنستي/ سيدتي / الجزء (44)

اهلين نجوى ////المسفوف///انتاعي ربي يخليك
شدي الهمة راه قريب الموف انا نحنيلك ههههههههههههههههههه

 

[ام سراج الدين وملك]

رد: ماذا ستطبخين آنستي/ سيدتي / الجزء (44)

راني عدلتها ام ميمي اسمحي لي دايما نخلط بيناتكم انتي وامنياتي
انتي اسمك مليكة صح هكذا نعيطلك بأسمك باه مانغلطش
تحياتي لاختي العزيزة امنـــــــــــــــــــــــاتي

 

[ام سراج الدين وملك]

رد: ماذا ستطبخين آنستي/ سيدتي / الجزء (44)

انتي حنيلي وام هادي ترفد الشمعة وشكون ترفد الشمعة التانية

 

[انريس]

رد: ماذا ستطبخين آنستي/ سيدتي / الجزء (44)

هههههه نجوى انا نرفد الشمعة التانية

 

[ام سراج الدين وملك]

رد: ماذا ستطبخين آنستي/ سيدتي / الجزء (44)

اكي انريس انتي تهزي الشمعة التانية
بصح زغرتو مليح كي ادخلوني لازم اللمة بكل تسمع بيا ههههههههه

 

[انريس]

رد: ماذا ستطبخين آنستي/ سيدتي / الجزء (44)

هههههههههه لا تكلتي عليا في التزغريت راه واحد ما يسمع بيك ههههههههه

 

[samah06]

رد: ماذا ستطبخين آنستي/ سيدتي / الجزء (44)

مساء النور لبنات واش راكم
هكذا ام سراج لقيتي اللي تحنيلك واللي يرفدو الشموع
امالا الزغاريت راه عليا هكا وخلاص هيا شاركي وازربي البسي قفطانك الموف وانشاء الله يجي على قيسك
انا تاعي كي غسلتو شطار مع اختك شويا طويلة
راني شهمت الجايين نغسل لقماش باه نخيطهم ههههههههههههههه

 

[ام سراج الدين وملك]

رد: ماذا ستطبخين آنستي/ سيدتي / الجزء (44)

ماعليش أنريس ماتغرتيش هزي الشمعة وخلاص
خلي سمــــــــــــــاح تزغرت

 

[انريس]

رد: ماذا ستطبخين آنستي/ سيدتي / الجزء (44)

هههه سماح انت مهوش مليح ليك التزغريت تخلعي البيبي مسكين سيرتو لاعدتو موالفين بالكالم ههههههه نحي شمعة لام هادي و خليها هي اللي تزغرت وخلاص ههههه
اليوم يندبولنا المشرفات
زعمة انا خاطيني الشياخة ههه
كشما مفهمتوش في التحلية راني هنا

 

[ام سراج الدين وملك]

رد: ماذا ستطبخين آنستي/ سيدتي / الجزء (44)

متنجي نلبس قفطاني الموف تكــــــــــــــون سماح ولدت
البيبي ولد سماح يضرب البارود هههههههه
احنا صحاب الشرق نموتو على البارود فالعراس

 

[samah06]

رد: ماذا ستطبخين آنستي/ سيدتي / الجزء (44)

ناري على برابش اليوم من بنت قصنطينة لبنت سطيف العالي يعطيكم الصحة
والمسفوف تاع ام ميمي الله يبارك ويزيد
والحلو من عندليدي سام واسما قتلتوني
ياو راني وليت مندخلش غير باه منشوفش الحلو
راني نوزن 83 كيلو معلبليش اذا من الحمل يمكن زدت
نقولكم حاجة تضحكو عليا خرجت للبالكون شميت ريحة الزلابية اطيب راني بعثت انيس يشريلي
شكون تاكل معايا راهي معروضة
العنوان راه معروف عندكم راني حطيتو في تقرعيجة

 

[samah06]

رد: ماذا ستطبخين آنستي/ سيدتي / الجزء (44)

هي تضرب البارود وماماها تزغرت
خلاص فرات
السونطرا راهي كاينا تاع باباها
المهم الكرطوش اشريولي نمرو 12 برك

 

[ام سراج الدين وملك]

رد: ماذا ستطبخين آنستي/ سيدتي / الجزء (44)

سمــــــــــــاح حلي الباب راني من قبيل وانا نطبطب
جيت ناكل الزلابية

 

[samah06]

رد: ماذا ستطبخين آنستي/ سيدتي / الجزء (44)

لالا اسما انا نحب نزغرت
والتحلية يعطيك الصحة عليها تهبل
لكن 7 صفار بيض راهم يدوخو وانا ما نديرهاش لانو عندي حجرة في كلوتي وممنوع عليا البيض
وخاصة الصفار
راني جبت دواء من فرنسا يفتت الحجر لكن قلت حتى نولد ونكمل

 

[samah06]

رد: ماذا ستطبخين آنستي/ سيدتي / الجزء (44)

مرحبا ام سراج
راني نازلا نحل الباب لكن تلقايني تحت طلعيني معاك ههههههههههههه
والزلابية راهي فالطريق جايا

 

[samah06]

رد: ماذا ستطبخين آنستي/ سيدتي / الجزء (44)

انا ذرك انوض نشوف عشايا واش هو ونصلي ونجيب الزلابية ونرجع

 

[نبض الحياة]

رد: ماذا ستطبخين آنستي/ سيدتي / الجزء (44)

السلآم عليكم لحبيبـــــــآت
جمعة مبآركة وبصحآتكم كآآمل
اتريس يعطيك الصحة شهيتينا
رقية، فووووووور الطعآآم تسلم ايديك
رآكم مخلطينها اليوم من العرس للقفاطن للزغاريت والبارود هههه الله يجيب الخير :d
اليوم مشيت لدار جدي
فطرنا البركوكس :up:
والعشية عملت مسمن مع طآطآ مآ صورت والو يدينا كآنوا في الزيت :p
​

 

[nada242008]

رد: ماذا ستطبخين آنستي/ سيدتي / الجزء (44)

السلام عليكم

يرجى منكم عدم الخروج عن صلب الموضوع
صفحات الدردشة اكثر من الطبخات
لي عندو شكوى يا سماح يقدمها للاداارة ولا يناقشها هنا
اما عن المشرفات نحن نتساهل عن حذف الردود ونقولو ماعليش راهم يتوانسو منها طبخ منها تعليقات على الطبخات لغرض التشجيع
لكن مش للدرجة هذي ...صراحة افتقدنا لموضوع ماذا تطبخين في سابق عهده
معظم الردود لاتمت للمطبخ ابدا ...يرجى منكم الالتزام بارك الله فيكم
قداه من عضوة تراسلني وتقولي الموضوع فسد وخرج عن مسارو
مالا لي عندها طيابة تحطها ..لي عندها نصيحة او استفساراو استشارة مطبخية تقدمها
اماغير نقلبو في الصفحات في الفارغات فرغا ماكلااااه ...راهم كاينين وسائل اخررى للدردشة
اي رد خارج الموضوع سيحذف
نحن هنا للافادة والاستفادة لا لملئ الصفحات بامور تافهة
ان شاء الله تتفهمو الامر وانا لا اقصد عضوة معينة ...هذا واجبي اتجاه المنتدى الذي حملني امانة الحفاظ عليه
​

 

[انريس]

رد: ماذا ستطبخين آنستي/ سيدتي / الجزء (44)

لالا اسما انا نحب نزغرت
والتحلية يعطيك الصحة عليها تهبل
لكن 7 صفار بيض راهم يدوخو وانا ما نديرهاش لانو عندي حجرة في كلوتي وممنوع عليا البيض
وخاصة الصفار
راني جبت دواء من فرنسا يفتت الحجر لكن قلت حتى نولد ونكمل

ايه عندك الحق سماح عليها راني مترددة و محطيتهاش موضوع فيها الحوايج بزاف و متخرجش كونتيتي مليحة البنة بنينة بصح تخرج غالية المهم اناهاني حطيتها هههههه انا معنديش مشكل مع البيض عندي مشكل مع الكمية اللي خرجت قليلة بزاف وانا على الاقل يجيوني 15 فرد في لانيفارسار نتاع ريناد تسمى منقدرش نديرها
وربي يجيبلك الشفا حنونة