شحال تبيعولنا بنتكم ( رخسولنا شوية فالسومة )

[SaMi_o7]

السلآم عليكم ورحمة الله و بركاته
حبينا نحكو على الزواج
بصح بجدية :-o

الجدية رجعت صعيبة ومعقدة

كيما نعرفو ’’’
الزواج نصف الدين و هو عماد المجتمع و نواته الأولى

كي يصلح يصلح المجتمع
وكي يفسد يفسد المجتمع ..

و قد اوصى رسول الله عليه أزكى الصلاة و التسليم كل مؤمن قادر على الزواج بالزواج بقوله : ” يا معشر الشباب من استطاع منكم الباءة فليتزوج ومن لم يستطع فعليه بالصوم فإنه له وجاء ” و كان في عهده صلى الله عليه و سلم و في عهد الصحابة من بعده من ايسر الامور فقد روي عن الرسول انه زوج صحابيا بمهر قدره مقدار حفضه للقرآن في الحادثة الشهيرة التي جاء منها الحكم الشهير حول المهور و تيسيرها “ إلتمس و لو خاتما من حديد “

~~~~~~~~~~~

وين صرنا في هذا كااااامل

؟؟

يسر ذااااااك الزمان = عسر هذا الزمان .


خلوني نفرغ واش كاين في عقلي
و لي في قلبي
ماتت معاه

في الجزاير ضرك كي تخمم باش تكمل نصف دينك لازمك تحبس

تخمم في كل الخطوات لي راح تمشيهآ

يا درى راك مستعد
ذهنيا ،، ماعليش نشبهو
جسديا ،، شوية شوية مالغري التهمبير دقنا بصح نقدوها إن شاء الله
معنويا ،، توكل على ربي معاه غير السالكة سبحانو

مـــــاديا ؟؟
احبس احبس نقطة و ارجع للسطر .

راك مستعد لإنفاق الملايين على ليلة واحدة
مش نقصد ليلة البناء
نقصد ليلة العرس ومصاريفهآ :regards01:
هل تستطيع
و هل كي تستطيع تستطيع تكمل ...
و هل و هل و هل

رانا نحكو على الشعب البسيط المغلوب على امره :-h



مام لمساكن لي تخرجو من الجامعات و المعاهد يكثرو الفوطو كوبي على الديبلوم و يمسحو بيه الزجاج وكاين لي يبيع فيه الكوكاو ( الفول السوداني المحمص ) :d
كل يوم نشوفو فيهم و رانا نمشيو على خطاهم ، صح لي يقرى فالجزائر لا مكانة له هناااا ، يقرى باش يتثقف فقط ( غير ما يخممش باش يلقى خدمة شريفة مما تعب و قرى السنين الطوال ) العمل بالديبلوم عااااااااد من الخياااااال
ما نحلفوش على 5 بالمئة لي يخدمو بالديبلوم و الباقي ياك فلوكة الموت دااااات منهم لكثير ؟؟


وزيــــد مسكين يقرر بلي يعفس على قلبو و يتقدم باش يخطب

المـــــهر يا حناني
و ما ادراك ما المهر هو هو لي عياني
عييت نخدم و نخبي حتى طاب جناني
و عندي مانحكيلكم يا اخواني
المهم عاد يناطح عنآآآآن السماء ( الإنسان رجع سلعة ينباع و يتشرى )
علابالنا بلي المهر لازم بصح الرسول عليه أفضل الصلاة و أتم التسليم أوصى الأولياء أن يتقو الله في المهور .
و ضرك الحد الأدنى 15 مليون سنتيم
مبلغ ماملكتوش
ومانيش متخيل نهار نملكو
للأسف الشديد ،،
و لي عايش في زماني
يعرف واش راني نعاني
:::::::
مصآريف العرس
الحلويات
الذبيحة ( الماشية لي نذبحوها) أكرمكم الله
و الطعام لي نطبخوه

الحد الأدنى 15 مليون سنتيم
فالطمبولا وماتصحلكش
::::::::

شومبرا كــوشي للي راح يسكن مع أهلو ( 15 مليون سنتيم )
ولي راح يسكن وحدو مع شريكة عمرو لازمو دااااار بــ 200 مليون
و تأثيثهآ بــ 50 مليون سنتيم على الأقل

واشي هذا
هذا واشي
نتلهى بروحي
ولا ننهب الغاشي ؟؟

:::::
راني متشآئم بعض الشيء
بصح هذا الواقع
::

بعد ما تدير لحساب هذا ،،،،،
تروح تخطب
bonne courage

،
،
،

المهم يا خويا بنتنا صغيرة راك تعرف
و رانا قررنا نخلوها تكمل قرايتها
اسمحلنا بنتنا لازم تروح للجاميعة
وهي مسكينة معاودة الباك 10 مرات
و نفرضو بلي جابت الباك في العام الأول
و يكون مستواها عادي و رايحة تقرى جيولوجيا و بيولوجيا وووو
حقووووووووووق
لوكان تكون تقرى طب نتقبلو كل هذي الأعذار :-h
هنا يظهرلي تحبس و تكمل نصف دينها احسن و احسن
و فالحالة هذي الولي ( سواء أستاذ أو إمام أو طبيب ..... ) راهو شارك في تعسير الزواج
مام الطفلة العاقلة و المتخلقة وو تروح للجاميعة ( 3 سنوات )
ترجع autre flach :s
يتبخر جل ما فيها من مكارم الأخلاق

طعم الحرية مش دايما حلو

و لي يكثر تعسير الأمور
ربي سبحانو ما أمرناش بالشي هذا
نقولو لإبنته مرحبا بك في العنوسة

لا تصديرة لا زواج لا هم يحزنون

و يظهرلي هنا رايحين نفتحو موضوع زي خلاف

ونعلمكم بلي زواجي مؤخر إلى أجل غير مسمى




و إسمحولي لأني حاكيت الواقع
وهدرت على الطعام و بيناتنا الجايع
و بينت سر جمال هاذ الوقت الرايع
و درت سومة بين الشاري و البايع
و وصيت الآمن بلي مازال كاين لخلايع



السلآم عليكم ورحمة الله و بركاته
​

 

[Ma$Ter]

رد: شحال تبيعولنا بنتكم ( رخسولنا شوية فالسومة )

السلام عليكم ورحمة الله وبركاته
خويا فى هاذ الزمن البنات حابين يزوجو وراهم يقولو ماكانش الخطابة
والرجال حابين يزوجو وماكانش واحدة من هاذو الدراهم والعمل والسكن

اما من ناحية المهر كاين بلايص فيها يطلبو الغالى وكاين بلايص يطلبو الشئء اليسير
مثلا عندنا فى تبسة كاين لى تطلب 10 ملاين + ذهب بقيمة 30 مليون وووووو
المهم اذا حبيت تزوج هنا لازم + 100 مليون وهذا الشئء سبب من اسباب ارتفاع نسبة العنوسة
ونتا قلت

ولي راح يسكن وحدو مع شريكة عمرو لازمو دااااار بــ 200 مليون
و تأثيثهآ بــ 50 مليون سنتيم على الأقل

خخ ماكانش سكنة ب200 مليون
اقل شئء 400 -500 مليون

خويا ادرعى ربي يسهلك وسهل لكل ضخص حاب يكمل نصف دينو
وما تنساش تعرضنى ^^



​

 

[!≈[سُِـِيٌــِـِفّ اٌڷِخً‘يٌـرُ]≈!]

رد: شحال تبيعولنا بنتكم ( رخسولنا شوية فالسومة )

و الله يا سامي خويا ربي يكون في عون كل أنسان

و ربي يقدرلنا الخير

غبت علينا بزاااااف

خلينا نشوفوك يا سيدي و زواج راه ساهل الحال
​

 

[رونق الزهور]

رد: شحال تبيعولنا بنتكم ( رخسولنا شوية فالسومة )

ماعندي مانقول هذا هو الواقع علابيها لبنات قعدو قع في ديارهم حنا في شلف لحال شوي رخيس مانشرطو والو ني كبش ني ذهب ني قنطار نشرطو المهر لي يتراوح بين 8ملاين حتى 20 بصح اذا كانت الطفلة ماليها طماعين بضربوك بعشرين ولا متفهمين 13 ولا 14 الذهب راه غالي انا بابا غير باه يشريلي الذهب والحوايج والشهرة حط قريب 90 مليون اما زوجي حط غير هذيك 13 مليون بصح الحمد الله راني هانية ماباعونيش كالبقرة

 

[SaMi_o7]

رد: شحال تبيعولنا بنتكم ( رخسولنا شوية فالسومة )

السلام عليكم ورحمة الله وبركاته
و عليكم السلام و رحمة الله و بركاته
خويا فى هاذ الزمن البنات حابين يزوجو وراهم يقولو ماكانش الخطابة
والرجال حابين يزوجو وماكانش واحدة من هاذو الدراهم والعمل والسكن
صعاب الشي يا خويا نسأل الله اليسر
اما من ناحية المهر كاين بلايص فيها يطلبو الغالى وكاين بلايص يطلبو الشئء اليسير
مثلا عندنا فى تبسة كاين لى تطلب 10 ملاين + ذهب بقيمة 30 مليون وووووو
المهم اذا حبيت تزوج هنا لازم + 100 مليون وهذا الشئء سبب من اسباب ارتفاع نسبة العنوسة

آآي شايعة برك بلي مازال كاين لي يطلب اليسير
لوكان تجي تشوف تحسبهم على رؤوس الأصابع :$
ونتا قلت

ولي راح يسكن وحدو مع شريكة عمرو لازمو دااااار بــ 200 مليون
و تأثيثهآ بــ 50 مليون سنتيم على الأقل

خخ ماكانش سكنة ب200 مليون
اقل شئء 400 -500 مليون
ههههههههه رانا عملنا حسابات تحت شعار ( على الأقل )
على الأقل يبقى بصيص الأمل :d
خويا ادرعى ربي يسهلك وسهل لكل ضخص حاب يكمل نصف دينو
وما تنساش تعرضنى ^^



​

نسأل الله العافية

كي يقبلو بواحد زوالي لازم فرح
و الزواج فرح ثاني
راك معروض في زوووج

الله ينورك و يحفظك خويا
​

 

[SaMi_o7]

رد: شحال تبيعولنا بنتكم ( رخسولنا شوية فالسومة )

و الله يا سامي خويا ربي يكون في عون كل أنسان

و ربي يقدرلنا الخير

غبت علينا بزاااااف

خلينا نشوفوك يا سيدي و زواج راه ساهل الحال
​

آميــــــــــن يا رب العالمين

رحمة ربي واسعة و شاسعة
والناس تحب الضيق راك تعرف

( قاللها الحاجة نعاونك هااتي نرفد عليك القرعة تاع الغاز بصح ادعيلي دعوة زينة قالتلو روووح يا وليدي ربي يفتحها في وجهك )

ربي يسهل و يستر
الستر نعمة عظيمة ما يعرف قيمتها غير المفظوح


​

 

[SaMi_o7]

رد: شحال تبيعولنا بنتكم ( رخسولنا شوية فالسومة )

ماعندي مانقول هذا هو الواقع علابيها لبنات قعدو قع في ديارهم حنا في شلف لحال شوي رخيس مانشرطو والو ني كبش ني ذهب ني قنطار نشرطو المهر لي يتراوح بين 8ملاين حتى 20 بصح اذا كانت الطفلة ماليها طماعين بضربوك بعشرين ولا متفهمين 13 ولا 14 الذهب راه غالي انا بابا غير باه يشريلي الذهب والحوايج والشهرة حط قريب 90 مليون اما زوجي حط غير هذيك 13 مليون بصح الحمد الله راني هانية ماباعونيش كالبقرة

الحمد لله على كل حال و الغيث لي راه ينزل حاليا مع ندرته يظهرلي غير ببركة هؤلاء الناس لي راهم يغيثو في عباد الرحمان و يسهلولهم ووو

بصح بزااااف ،، راه شعب 90 بالمئة عظمه رآآآشي
تسقسيه على حالك يقلك آآجي نشوف حالي

و البركة في القليل
الرسول عليه الصلاة و السلام قال (( أقلهن مهــرا أكثرهن بركة ))
ومن أصدق من الصادق الأمين عليه أفضل الصلاة وأتم التسليم
~~~~~~

جزآآكـ، الله خيراا اختي
الهناء و الذرية الصالحة إن شاء الله
​

 

[صفحة بيضاء]

رد: شحال تبيعولنا بنتكم ( رخسولنا شوية فالسومة )

حنا عنا الشرط 6 ملايين مهر والذهب نقولوا جيب ذهب وكيما يبغي
وكاين لي يعطيها كلشي مع بعض 14 مليون او 20 مليون وكاين لي يقبلو
بصح كاين واحد الرجال يبغو البنت اللي تشرط عليه باش يحس بقيمتها
ويلا مشرطتش عليه يشك فيها تكون مريضة ولا دارت كاش حاجة ماشي مليحة باغين يلصقوها فيه
باطل بلا شروط ..كيما دير ما تسلك
ولنفترض قبلت بشروطوا هو منبعد يقلها نتي ديتك باطل اكيد مكنتيش ساويا الزواج
ياخي حارتنا ضيقة ونعرف بعضنا ع قولت السوريين ..ومنبعد شكون قالك دير عرس كبير ودير الماكل
يقدر يدير غي الكسكس واللي معجبهش الحال ينطح راسه على الحيط
هدا الشعب هدار وميسكتش وكي تفوت هديك الليلة يسكتو غي رواحهم
انا كون يسمعلي الزوج المستقبلي نقله وفر مصروفك باش نزيدوه في رواحنا
باسكو هدا الناس متستاهلش نخسر عليها دراهمي
وغي يخرجو يبداو يهدرو الماكلة مالحة الجاج ماشي طايب والعروسة شينة وبالنهاية مربحنا والوا
ويلا درنا كلشي مليح يقولوا غي يورو في رواحهم باينة كلشي داروه بالخيانة
وزيد يلا البنت مادات معها والوا لبيت زوجها يقولوا باباها يكرها
ويلا دارت بزاف يقولوا بن عمي وين صابت هدو الصوالح كانو صحابها يعطوها الدراهم
الله يستر مع هدا الشعب​

 

[أم عبد الله]

رد: شحال تبيعولنا بنتكم ( رخسولنا شوية فالسومة )

موضوع ف المستوى وحكيت ع واقع معاش ماكاش لي يلومك عليه بـ عكس ضرك الوالدين مابقاوش يخمو ف الطفلة قد مايخمو ف الدراهم لي يندفعو ع جالها
تقولك اليمات انا كبرت وربيت والبابات انا قريت ولبست وريلي واش رايح تواسي انت ويلزم تدفع الغالي
وهذا شي ثان راجع للمفخرة الزايدة يعني جارتي خطبوها بعشرة انا يلزم نكون خير منها وب15 ولا كثر خخخخخخخخخ والمصاريف ثانيت كاين السطح ولا وسط الدار مي نو يلزم اندير عرسي ف الصالة ووو

ربي يهدي ماخلق برك ( وهذا كامل نرجعو لاحتلال المرآة سوق العمل ولات تشوف روحها غنية ع الزواج تربح الحرية ديالها تكمل قرايتها تخدم ع الاقل حفافة المهم ادخلو شهرية ونقصان زواج
( مي بيناتنا لهنا في آلجي الا هبلو 10 برك مايكثروش ف الطلب وبابات العريس هو لي يزيد الا حب :-h

سلامي​

 

[السلطانة]

رد: شحال تبيعولنا بنتكم ( رخسولنا شوية فالسومة )

وعليكم السلام
ارواح لقالمة تنتحر خويا
بدوع كبيرة


شغل ماريا شارابوفا اون بارسون لي يخطبو فيها


الاستخارة والاستخارة لي مافيها خير ربي يبعدها
كون جا الزواج دارهم ومهر راهي الدنيا حاجة خلاف
غير يكون لهنا برك
تقبل مروري

​

 

[amir rohi amir]

رد: شحال تبيعولنا بنتكم ( رخسولنا شوية فالسومة )

شكرا على الموضوع هذا هو الوقت اللي وصلنالو كلش بالدراهم حتى الدراري يجيو بالدراهم انا وليدي ديرت عليه سيزاريان ب 7 ملايين يعني بعد تفرج مع الزواج يجيو حوايج بزاف تعكرلك حياتك


ربي يبقي الستر و يفرج على كل مهموم و مزنوق
​

 

[SaMi_o7]

رد: شحال تبيعولنا بنتكم ( رخسولنا شوية فالسومة )

حنا عنا الشرط 6 ملايين مهر والذهب نقولوا جيب ذهب وكيما يبغي
وكاين لي يعطيها كلشي مع بعض 14 مليون او 20 مليون وكاين لي يقبلو
بصح كاين واحد الرجال يبغو البنت اللي تشرط عليه باش يحس بقيمتها
ويلا مشرطتش عليه يشك فيها تكون مريضة ولا دارت كاش حاجة ماشي مليحة باغين يلصقوها فيه
باطل بلا شروط ..كيما دير ما تسلك
ولنفترض قبلت بشروطوا هو منبعد يقلها نتي ديتك باطل اكيد مكنتيش ساويا الزواج
ياخي حارتنا ضيقة ونعرف بعضنا ع قولت السوريين ..ومنبعد شكون قالك دير عرس كبير ودير الماكل
يقدر يدير غي الكسكس واللي معجبهش الحال ينطح راسه على الحيط
هدا الشعب هدار وميسكتش وكي تفوت هديك الليلة يسكتو غي رواحهم
انا كون يسمعلي الزوج المستقبلي نقله وفر مصروفك باش نزيدوه في رواحنا
باسكو هدا الناس متستاهلش نخسر عليها دراهمي
وغي يخرجو يبداو يهدرو الماكلة مالحة الجاج ماشي طايب والعروسة شينة وبالنهاية مربحنا والوا
ويلا درنا كلشي مليح يقولوا غي يورو في رواحهم باينة كلشي داروه بالخيانة
وزيد يلا البنت مادات معها والوا لبيت زوجها يقولوا باباها يكرها
ويلا دارت بزاف يقولوا بن عمي وين صابت هدو الصوالح كانو صحابها يعطوها الدراهم
الله يستر مع هدا الشعب​

علابالنا بلي إرضاء الناس غاية لا تدرك
و مش حابين نشوفو الموضوع من هذا الجانب
و لوكان نعالجوه من الجانب هذا راهي ما تفراش :surrender01:
عندك الحق آخر زمان الناس تشوف بعضها بزاااف
بصح إرضاء ربي سبحانه غاية يسيرة لمن يسرها الله له
و هذا الحل الأمثل و الأفضل أنو الإنسان يسهل و يسمح من حقه شوية

و إذا العبد أرضى الله تعالى هااي الدنيا بما فيها ترضى عليه ( بمعنى آخر )
~~~~~~~~~~~~~~~

الشكر الجزيل أختي صفحة بيضاء
و ماتخليش الأيام و الناس تكتب عليك ما لا ترضينه
​

 

[SaMi_o7]

رد: شحال تبيعولنا بنتكم ( رخسولنا شوية فالسومة )

موضوع ف المستوى وحكيت ع واقع معاش ماكاش لي يلومك عليه بـ عكس ضرك الوالدين مابقاوش يخمو ف الطفلة قد مايخمو ف الدراهم لي يندفعو ع جالها
تقولك اليمات انا كبرت وربيت والبابات انا قريت ولبست وريلي واش رايح تواسي انت ويلزم تدفع الغالي
وهذا شي ثان راجع للمفخرة الزايدة يعني جارتي خطبوها بعشرة انا يلزم نكون خير منها وب15 ولا كثر خخخخخخخخخ والمصاريف ثانيت كاين السطح ولا وسط الدار مي نو يلزم اندير عرسي ف الصالة ووو

ربي يهدي ماخلق برك ( وهذا كامل نرجعو لاحتلال المرآة سوق العمل ولات تشوف روحها غنية ع الزواج تربح الحرية ديالها تكمل قرايتها تخدم ع الاقل حفافة المهم ادخلو شهرية ونقصان زواج
( مي بيناتنا لهنا في آلجي الا هبلو 10 برك مايكثروش ف الطلب وبابات العريس هو لي يزيد الا حب :-h

سلامي​

كي شغل الواحد داخل لسوق شحال هذي ؟ فيها لي كوولور ؟؟ و لي طااي فيها ؟ شحال تساعدني

ما تقدرش تستناني بــ بورسونتاج معين ؟
~~~~~
أصلا المرأة كل ما تستر روحها و كل ما تجبد روحها من مشاكل الدنيا تما تزيد مكانتها و شأنها بين الناس و تزيد درجتها عند ربي سبحانه

ربي يحفظنا و يسترنا
و الحمد لله المعين

ربي يهنيك الأخت نينا
​

 

[SaMi_o7]

رد: شحال تبيعولنا بنتكم ( رخسولنا شوية فالسومة )

وعليكم السلام
ارواح لقالمة تنتحر خويا
بدوع كبيرة


شغل ماريا شارابوفا اون بارسون لي يخطبو فيها


الاستخارة والاستخارة لي مافيها خير ربي يبعدها
كون جا الزواج دارهم ومهر راهي الدنيا حاجة خلاف
غير يكون لهنا برك
تقبل مروري

​

الحمد لله و من رحمة ربي سبحانو أنه لي ينوي يتزوج و يقبل على الزواج يلقى العون من الله

فقد قال النبي محمد عليه الصلاة والسلام : (ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف )

ربي يبارك فيك اختي
​

 

[SaMi_o7]

رد: شحال تبيعولنا بنتكم ( رخسولنا شوية فالسومة )

شكرا على الموضوع هذا هو الوقت اللي وصلنالو كلش بالدراهم حتى الدراري يجيو بالدراهم انا وليدي ديرت عليه سيزاريان ب 7 ملايين يعني بعد تفرج مع الزواج يجيو حوايج بزاف تعكرلك حياتك


ربي يبقي الستر و يفرج على كل مهموم و مزنوق
​

آمين يا رب العالمين

هذا حال الدنيا
إذا سرك زمن سآءتك أزمان

الله ينورك اختي الكريمة
​