رد: ماذا ستطبخين اليوم سيدتي انستي الجزء45 الكل راهو معروض عندي
هاااااي gااااااااااارلز
واش راكووووووم
ندوش عمرك طوييييييلة دخلت اليوم من التلفزيون باه نسقسي عليك// ايوووووه غير باه كتبت اسمي والمودباص وجاميت شوية في طريقي //دارلي زكريا حيبورة خخخخخ
الميكي الميكي خخخخ امالا خرجت وانا كلي حسرة على يامات خلت خخخخ
على سلامتك يالزين وطول العمر لاااادم وعمي محمد، ياودي خلي ماتحليش الجرح حتى لخضر وزوبيدة خيرمن خيرة وعثميفر خخخخخ/الصحة برك
عجباتك الكوطليطة ههه...هه اواااه انا مانهدرش على الشحمممممم انا نقصد الهبببببرة خخخخخ
لا علينا، قالو فالجرنان جات رغود بصح ماشفتش والله ، المهم على سلامتك يارغود طهورا ان شاء الله شدي حيلك وارجعي للساحة عن قريب
حدة والدة ادم والله الا ليك وحشة
شريفة/ دليلة/........بلا مانذكر اسماء ان شاء الله تكونو بخير برك معليش
ليلوش الوفية تقاوم وسط الامواج المتلاطمةوتنتصر والله يعطيك الصحة، درتي التليتلي؟ انا ثاني ساعة ساعة نديرو نسلك راسي
ام رزق ان شاء الله يكون عجبكم التليتلي، المهم يعجب رزق علابالي الصغار هوما المشكل، انا شايفتها في ولادي قلبولي الما للعgبة خخخخخخ
ام محمود تبارك الله عليك من لحلو للمالح باينة مخضرمة ربي يحفظك
ام رهام رجال واقفون نستعرف بيك ذاك الشبل من ذاك السبع خخخخخ راكي شغل حافظ الاختام خخخخخ
بسوم مش عادي مش ممكن مش عوايدك يا مخلوقة انت راكي عماد المطبخ ان شاء الله تكوني بخير
المهم راني علقت هكذاك برك يالبنات استنادا على مراجعة سابقة خخخخ، اللي ماذكرتهاش تعذرني تعذرني راني مليحة مازلت نعرف اسمي خخخخخ
نهار السبت جبنا لعشا من برا ماصورتش
الاحد درت قرنطيطة ماصورتش
وهذا تاع لثنين
وهذا تاع اليوم
بقالي الروز والخضرة مالبارح زدت ستيكة خخخخ مافرات كوطليطة مافرات هبرة ياددوش خخخ ومعاهم سلطة الفتوش مع رشة نعناع يابس ورشة سماق مممم ابلعو الريق خخخخخ
