لا لعهدة رابعة ... منها تبدأ الفتنة ...

[فيصل ويستر]

مساء الفل للناس الكل
و الله ياجماعة أنا نكره نخوض في أمور تاع الإنتخابات و السياسة
بصح دوك راني نشم في ريحة ماتعجبش
جايا من طريق
لا للرابعة
العراق مصر تونس سوريا بقات غير الجزائر
كامل قدرولها غير الجزائر ماقدروش كيفاش يخلطوها
قالوا نسناو الإنتخابات
نطيشوا الحبل في نص المنتخبين
و بوتفليقة نخليوه راس الحية
نرشحوه لعهدة رابعة وهو مريض مايقدرش ينوض ولا يعطي قرار
الشعب و السياسين بطبيعة الحال راح يكون ليهم راي
واش هو الراي ؟
كيفاش رايس مريض يحكم البلاد هاذي فيها مؤامرة ضد لبلاد لازم نحيوه
و تعرفو بلي بوتفليقة عندوا حاشية وهاذي الحاشية عندهم رجال الخفاء
هادو رجال الخفاء هوما لراح يخلطوا لبلاد
لا لعهدة رابعة
​

 

[Ma$Ter]

رد: لا لعهدة رابعة ... منها تبدأ الفتنة ...

السلام عليكم ورحمة الله وبركاته
تمت الموافقة
ولى عودة ان شاءالله
​

 

[أم راضية ~_]

رد: لا لعهدة رابعة ... منها تبدأ الفتنة ...

السلام عليكم
ياو ريحة القروصة راهي تعبق ..
العراق قضاو عليها من بكري , الاردن نظام عميل , فلسطين قضية كبيرة , لبنان من الحروب الاهلية والطوائف ما يخرجوش , سورية دارو بيها , مصر شعلوها فيها , السودان قسموها و ليبيا مرمدوها وتونس فسدوها والمروك من بكري مليحة حالتها والصحراء الغربية في يديهم و الصومال رايحة عليهم و بقات غير الدزاير كيما قلت ... لازم يطيحوها باي مشكل و اي طريقة
زعمة حاولو في رمضان مع القبايل .. ما صلحتلهمش
وممبعد في غرداية و مانعرف كيفاش راهي الحالة ..
ودوكا بيان سير يجونا من باب الحقوق والديمقراطية
ان شاء الله برك الشعب يكون واعي و ما يطيحش فالغلطات تاع الشعوب لوخرين مهما كان حالنا اليوم راهو احسن من حال الفتنة ادا شعلت فالبلاد ..
ربي يسترنا​

 

[رونق الزهور]

رد: لا لعهدة رابعة ... منها تبدأ الفتنة ...

ااااااااااااااااااااااااااااه واش نقولو القلب تعمر والشكوى الربي الي متى وحنا نعانيو مع هذي البلاد ولا يحوسو يمحونا من سطح الارض يااااربي لطف علينا يارحمان ولا تشمت الاعداء فينا علينا بالدعاء يسلكها غير ربي صبحانو

 

[شيماء شوشوحما]

رد: لا لعهدة رابعة ... منها تبدأ الفتنة ...

انا معك

 

[!≈[سُِـِيٌــِـِفّ اٌڷِخً‘يٌـرُ]≈!]

رد: لا لعهدة رابعة ... منها تبدأ الفتنة ...

يا خويا نقولو ربي يهدي ما خلق

ثانيا ياك الصندوق كاين

كل واحد حر في صوتو الفوض علاه

مراكش معاه ما تفوطيش اعليه

معاه فوطي اعليه و خلاص

علاه لا و لا نعم

و الله الجزائر بما فيها دوخ

ربي يقدر الخير لبلادي و لخاوتي

و دير في بالك و إلا ناضت الفوضي غير هنا لي نخلصو

هم راهم في أمان

املا لي عندو كلامة يقولها في صندوق و سلام
​

 

[zagane]

رد: لا لعهدة رابعة ... منها تبدأ الفتنة ...

السلام عليكم


ربي يجيب الخير لاهل هده البلاد

 

[أم محمد وأمين]

رد: لا لعهدة رابعة ... منها تبدأ الفتنة ...

ربي إجيب الخير أو يباعد أعلينا الفتن فالحق أو على حسب الرأي تاعي بوتفليقة خدم تزاير لكن الآن راهو مريض كيف آش رئيس مريض يحكم بلاد ألًِّ بصحتو كسبع ميقدرهاش فمابلك بالمريض باين حبوه رئيس بها إديرو رايهم لكن لازم نعالجو هذي المشاكل بالتعقل و الحكمة منحبوش أنولو للعشرية السوداء

 

[Ma$Ter]

رد: لا لعهدة رابعة ... منها تبدأ الفتنة ...

السلام عليكم
انا عمرى ما فوطيت وما راحش نفوطى
ونتمنى غير الخير لبلادنا
اما بالنشبة للمضاهرات والتقتيل لى صرا فى دول الجوار
راهو صرا عندنا من قبل الله اعلم فى 1988
اما الان الشعب علابالو بنتيجة المشاكل وانو راح تجي غير فى راسو
مرسي خويا
​

 

[امونة الشاوية]

رد: لا لعهدة رابعة ... منها تبدأ الفتنة ...

ربي يسترنا من الفتنة

 

[فيصل ويستر]

رد: لا لعهدة رابعة ... منها تبدأ الفتنة ...

شوفوا
أنا في رايي الإنتخابات مجرد بداية لمخطط جديد
السياسيين لراهم يقولوا للشعب اخرجوا للمسيرات و المظاهرات نقوللوهم
أخطونا
حنا نعرفوا صلاحنا
نقلكم حاجة
هادو السياسيين و لقاعدين يترشحوا للرئاسيات كل واحد عند أملاك تعيش ولاية بحالها
وقاعد يقول للشعب اخرجوا و دافعوا عليا
شغل هادو الناس وسيلة لكي يحمو السارق و يساعدوه على السرقة و النهب
أو
شغل قاعدين نسهلولهم عملية النهب و السرقة
نهار تتخلط للبلاد و تنوض القتيلة راح يروح فيها الفقاقير
و الناس البسطاء أما هادو إدا تخلطت يهز كابتوا و يخرج خارج للبلاد يعيش برانس
أنا نقول
أخطونا
​

 

[فيصل ويستر]

رد: لا لعهدة رابعة ... منها تبدأ الفتنة ...

 

[صفحة بيضاء]

رد: لا لعهدة رابعة ... منها تبدأ الفتنة ...

لوكان رانا واثقين بلي الانتخابات مافيهاش غش
يترشح للعاشرة معندنا مشكل ولكن حنا رانا عارفين بلي انتخاب مغشوش
واذا ترشح يعني يحكم ميت حي يحكم يحكم
وحتى لو فوطينا ولا مافوطيناش هما دايرينا فوطينا وخلاص
كيف ميهمش يقدروا يديرو الاموات يفوطوا
معندهمش حاجة اسمها مستحيل
وكل بلد عربي وعنده قصته ..هدا لا يعني انو راح يصرالنا كيما هدوك البلدان
لبنان فيها طوائف بزاف ..سوريا دخلوا فيها من الخارج
بعض الدول فيهم الشيعة ..مصر فيها المسيح والشعب راه مقصم
وبلادنا تاني فيها القبائل ..يلا ما شيطنتهمش فرنسا وقالتلهم الحكم لازم ليكم ونتوما قبلهم في هديك البلاد
او يروحوا للمغريب يقولولها الصحراء نتاعك
هما عندهم باش يهلكوها ساهلة ..طبعا باش يبيعوا اسلحتهم
كاع هداك السلاح اللي شراوه الدول العربية غي باش يقتلوا شعبهم
مزال مشفنهمش استخدموه باش يحروا فلسطين
او يرجعوا اراضيهم او حاجة من هاد الشي
اما الربيع العربي جاي للجزائر جاي بغينا ولا كرهنا
ومنبعد يلا متنا نموتوا شهداء واذا عشنا نعيشوا حرين علاش كاع هاد الخوف
ونزيد حاجة وقتنا ماشي كيما وقت التسعينات مكانش كاين اعلام ومكانش كمرات ووسائل الاتصال
في التسعيانت كلشي كان يتردم اما دروك كلشي يتلعب ع المكشوووووووووووف​

 

[فيصل ويستر]

رد: لا لعهدة رابعة ... منها تبدأ الفتنة ...

لوكان رانا واثقين بلي الانتخابات مافيهاش غش
يترشح للعاشرة معندنا مشكل ولكن حنا رانا عارفين بلي انتخاب مغشوش
واذا ترشح يعني يحكم ميت حي يحكم يحكم
وحتى لو فوطينا ولا مافوطيناش هما دايرينا فوطينا وخلاص
كيف ميهمش يقدروا يديرو الاموات يفوطوا
معندهمش حاجة اسمها مستحيل
وكل بلد عربي وعنده قصته ..هدا لا يعني انو راح يصرالنا كيما هدوك البلدان
لبنان فيها طوائف بزاف ..سوريا دخلوا فيها من الخارج
بعض الدول فيهم الشيعة ..مصر فيها المسيح والشعب راه مقصم
وبلادنا تاني فيها القبائل ..يلا ما شيطنتهمش فرنسا وقالتلهم الحكم لازم ليكم ونتوما قبلهم في هديك البلاد
او يروحوا للمغريب يقولولها الصحراء نتاعك
هما عندهم باش يهلكوها ساهلة ..طبعا باش يبيعوا اسلحتهم
كاع هداك السلاح اللي شراوه الدول العربية غي باش يقتلوا شعبهم
مزال مشفنهمش استخدموه باش يحروا فلسطين
او يرجعوا اراضيهم او حاجة من هاد الشي
اما الربيع العربي جاي للجزائر جاي بغينا ولا كرهنا
ومنبعد يلا متنا نموتوا شهداء واذا عشنا نعيشوا حرين علاش كاع هاد الخوف
ونزيد حاجة وقتنا ماشي كيما وقت التسعينات مكانش كاين اعلام ومكانش كمرات ووسائل الاتصال
في التسعيانت كلشي كان يتردم اما دروك كلشي يتلعب ع المكشوووووووووووف​

و الله صعيبة بزاف
قضية الشهيد ما يعرفها غير ربي سبحانو
تقبلي ولادنا يموتو هكا

​

 

[صفحة بيضاء]

رد: لا لعهدة رابعة ... منها تبدأ الفتنة ...

و الله صعيبة بزاف
قضية الشهيد ما يعرفها غير ربي سبحانو
تقبلي ولادنا يموتو هكا

​

اذا ربنا سبحانه كاتبلك تموت تموت بغيت في حرب بغيت راقد
كاتبلك تخسر رجلك تخسره في حرب او تسخط من الجبل او تصدمك سيارة
تخسر عائلتك يا اما في حرب يا اما في حادث
يا اما زلزال ..يعني لي كاتبها ربي تجي
يعني بما انو كلشي مكتوب من عند ربنا سبحانه
علاااااااااش كاع هاد الخوف
وكون الشهداء اللي ماتو وجابونا الاستقلال قعدو خايفين كيما رانا خايفين حنا
كون فرنسا مازالت هنا تحكم فينا ..

 

[فيصل ويستر]

رد: لا لعهدة رابعة ... منها تبدأ الفتنة ...

اذا ربنا سبحانه كاتبلك تموت تموت بغيت في حرب بغيت راقد

كاتبلك تخسر رجلك تخسره في حرب او تسخط من الجبل او تصدمك سيارة
تخسر عائلتك يا اما في حرب يا اما في حادث
يا اما زلزال ..يعني لي كاتبها ربي تجي
يعني بما انو كلشي مكتوب من عند ربنا سبحانه
علاااااااااش كاع هاد الخوف
وكون الشهداء اللي ماتو وجابونا الاستقلال قعدو خايفين كيما رانا خايفين حنا
كون فرنسا مازالت هنا تحكم فينا ..

تعرفي حديث عمر بن الخطاب - رضي الله عنه -
خرج عمر بن الخطاب إلى الشام حتى إذا كان بسرغ (قرية قرب الشام)لقيه أمراء الأجناد,أبو عبيدة بن الجراح وأصحابه,فأخبروه أن الوباء قد وقع بإرض الشام (وباء الطاعون),فدعا عمر المهاجرين والأنصار واستشارهم في أمر الوباء وهل يرجع أم يكمل الرحلة,فاختلفوا.فنادى عمر في الناس:إني مصبح على ظهر فأصبحوا عليه(أي سأعود ولن أذهب إلى الشام المصابة بالطاعون).
فقال أبو عبيدة:أفرارا من قدر الله؟
فقال عمر:لو غيرك قالها ياأبا عبيدة.نعم نفر من قدر الله إلى قدر الله,أرأيت لو كان لك إبل فهبطت واديا له عدوتان(أي حافتان),إحداهما مخصبة,والأخرى جدبة,أليس إن رعيت المخصبة رعيتها بقدر الله,وإن رعيت الجدبة رعيتها بقدر الله؟!
فجاء عبد الرحمن بن عوف-وكان غائبا في بعض حاجته-فقال:إن عندي من هذا علما,سمعت رسول الله صلى الله عليه وسلم يقول:إذاسمعتم به بأرض فلا تقدموا عليه,وإذا وقع بأرض وأنتم بها فلا تخرجوا فرارا منه.
فقال عمر: الحمدلله,ثم أنصرف
حنا مانخافوش من قدر الله ولا نخافوا من الموت بصح احنا أمة إسلامية و الإسلام يحتاجنا
الفتنة إذا ناضت راح يروحوا فيها ناس أبرياء
أقراي واش قال الدين على نعمة الأمن و الآمان

​

 

[صفحة بيضاء]

رد: لا لعهدة رابعة ... منها تبدأ الفتنة ...

تعرفي حديث عمر بن الخطاب - رضي الله عنه -
خرج عمر بن الخطاب إلى الشام حتى إذا كان بسرغ (قرية قرب الشام)لقيه أمراء الأجناد,أبو عبيدة بن الجراح وأصحابه,فأخبروه أن الوباء قد وقع بإرض الشام (وباء الطاعون),فدعا عمر المهاجرين والأنصار واستشارهم في أمر الوباء وهل يرجع أم يكمل الرحلة,فاختلفوا.فنادى عمر في الناس:إني مصبح على ظهر فأصبحوا عليه(أي سأعود ولن أذهب إلى الشام المصابة بالطاعون).
فقال أبو عبيدة:أفرارا من قدر الله؟
فقال عمر:لو غيرك قالها ياأبا عبيدة.نعم نفر من قدر الله إلى قدر الله,أرأيت لو كان لك إبل فهبطت واديا له عدوتان(أي حافتان),إحداهما مخصبة,والأخرى جدبة,أليس إن رعيت المخصبة رعيتها بقدر الله,وإن رعيت الجدبة رعيتها بقدر الله؟!
فجاء عبد الرحمن بن عوف-وكان غائبا في بعض حاجته-فقال:إن عندي من هذا علما,سمعت رسول الله صلى الله عليه وسلم يقول:إذاسمعتم به بأرض فلا تقدموا عليه,وإذا وقع بأرض وأنتم بها فلا تخرجوا فرارا منه.
فقال عمر: الحمدلله,ثم أنصرف
حنا مانخافوش من قدر الله ولا نخافوا من الموت بصح احنا أمة إسلامية و الإسلام يحتاجنا
الفتنة إذا ناضت راح يروحوا فيها ناس أبرياء
أقراي واش قال الدين على نعمة الأمن و الآمان

​

نهرب من القدر في شي صوالح راني معاك
مي ناس تاكلي في حقي
واحد يحكم مريض وماشي قادر يحرك يده
والرشوة في بلادي والشركات يبلعوها ويديرو اضراب في المدارس بدون اسباب
ويغشوا في الانتخابات
وتقولي نهرب من القدر
واش دخل هادا في هادا
ممكن بغيت نخرج فليل يقولولي لا متروحيش بلاك يخونوك
بصح يدولي في حقي ونسكت باش نهرب من القدر
يخي نوظ غسل وجهك بالماء البارد
يجي واحد يدخل لدارك باش يخونك
تاني تعطيه كلش باش ميضربكش وتهرب من القدر
الشعب العربي شعب بسيط مسكين
ما عنده سلاح ولا شيء يبغي يدير مظاهرات سلمية
يلقوه دوك بالسلاح
كون في دول اوربية روح شوف واش يديرو
تستمر لاسبوعين خلاص الوزير او الرئيس اي كان يستقيل
ياخي يبغوا شعبهم يبغوا بلادهم ميهمهمش الكرسي
اما حنا الكرسي كي يدخل يرقده حذاه يخاف يدوه

​

 

[الورد الأحمر]

رد: لا لعهدة رابعة ... منها تبدأ الفتنة ...

الله يهزو بوتفليقة هذا ويهنينا منو، هو ما بقالوش وحايب يخلفنا وراه في حرب، الله يديه الله يديه الله يديه ويهديه .

 

[الورد الأحمر]

رد: لا لعهدة رابعة ... منها تبدأ الفتنة ...

نهرب من القدر في شي صوالح راني معاك
مي ناس تاكلي في حقي
واحد يحكم مريض وماشي قادر يحرك يده
والرشوة في بلادي والشركات يبلعوها ويديرو اضراب في المدارس بدون اسباب
ويغشوا في الانتخابات
وتقولي نهرب من القدر
واش دخل هادا في هادا
ممكن بغيت نخرج فليل يقولولي لا متروحيش بلاك يخونوك
بصح يدولي في حقي ونسكت باش نهرب من القدر
يخي نوظ غسل وجهك بالماء البارد
يجي واحد يدخل لدارك باش يخونك
تاني تعطيه كلش باش ميضربكش وتهرب من القدر
الشعب العربي شعب بسيط مسكين
ما عنده سلاح ولا شيء يبغي يدير مظاهرات سلمية
يلقوه دوك بالسلاح
كون في دول اوربية روح شوف واش يديرو
تستمر لاسبوعين خلاص الوزير او الرئيس اي كان يستقيل
ياخي يبغوا شعبهم يبغوا بلادهم ميهمهمش الكرسي
اما حنا الكرسي كي يدخل يرقده حذاه يخاف يدوه

​

هاه يا سيدي نديرو كيما دار الغاشي ونخرجو نندبو ونعيطو لا للفساد ومن بعد ؟ أعطيني بلاد وصلت لنتيجة بالطريقة هذي من درك نوجدلك جيش ونقودو أنا ونروحو نحررو بيه لبلاد ونكملو فلسطين، خلينا من التخمام هذا يرحم والديكم، رانا في زمان فتن والفتنة أشد من القتل ورانا في الزمان وين ولينا مش عارفين شكون الصح من الغلط، وأفضل المواقف الموقف الحيادي، شغل الشعب بهيم ما يخممش ! يشوف العينات قدامو ما دارو فيها والو ويروح يطيش روحو مع لي يتحرقو !!، لفساد باه تعرفي راه مني ومنك ومن الطبقة هذي لي تحكو عليها وسماها وزيركم فقاقير، كي تتسقم الطبقة هذي يتسقم الشي لي من فوق بالشوية، في الدزاير وفي الـ 2014 نظن رايح يخرج جهل ما عاشوهش في عصر الجاهلية .
يفعل الجاهل بنفسه ما لا يفعله العدو بعدوه .

 

[رونق الزهور]

رد: لا لعهدة رابعة ... منها تبدأ الفتنة ...

يا ختي الصفحة البيضاء راكي غير تهدري
وي تهدر على حقي نضرب عليه ومانسمحش فيه كي نعرف بلي نجيب نتيجة مي باش نشمت الاعداء فيا جامي هوما راهم يديرولنا هكا باش نوضو ونديرو انتفاضة هذي هي لي راهم يحسو عيلها ونتي راكي باغي تحقيلهم اهدافهم يا ختي الحرب كر وفر الحرب خدعة مالا ماتكونيش ساذجة وتروحي ضحية هذا التفكير وي كون يجيني سراق لداري ونعرف روحي بلي مانقدرش نصدو نقولو دي الدار بلي فيها وخليلي ولادي وشرفي ماتمسناش وعلاه كي نحاربو ويقتلي ولادي ويبهدلهم ويدي الدار ووالمال واش استفدت انا من تخشان الراس ?
حنا اذا نضنا راها تكبر وكاين اطراف تبيعلنا سلاحها باش نقتلو ولادنا من بعد واش ?نشبعو قتيلة ونهيبه من بعد تدخل لالتا باش تحلنا الازمة ونعشي هي مستعمرتنا وحنا لا جئين كون نموتو ماعليش ياو نتبهدلو ونبهدلو ولادنا امالا هذي العقلية غير خليها بعيدة حنا عندنا حل واحد ندعو ربي سبحانو واذا رانا صحاب خير عمرو مراح يغبنا خلي ثقتك بالله اجابية فالله عند ظن عبده به فاذا ظننت به الخير فهو كذلك واذا لا فهو كذلك والله حليم غفور والله يسمع دعاء من دعاه والله رحيم بالعباد فلا تسيئ الظن بالله