لا لعهدة رابعة ... منها تبدأ الفتنة ...

[صفحة بيضاء]

رد: لا لعهدة رابعة ... منها تبدأ الفتنة ...

هاه يا سيدي نديرو كيما دار الغاشي ونخرجو نندبو ونعيطو لا للفساد ومن بعد ؟ أعطيني بلاد وصلت لنتيجة بالطريقة هذي من درك نوجدلك جيش ونقودو أنا ونروحو نحررو بيه لبلاد ونكملو فلسطين، خلينا من التخمام هذا يرحم والديكم، رانا في زمان فتن والفتنة أشد من القتل ورانا في الزمان وين ولينا مش عارفين شكون الصح من الغلط، وأفضل المواقف الموقف الحيادي، شغل الشعب بهيم ما يخممش ! يشوف العينات قدامو ما دارو فيها والو ويروح يطيش روحو مع لي يتحرقو !!، لفساد باه تعرفي راه مني ومنك ومن الطبقة هذي لي تحكو عليها وسماها وزيركم فقاقير، كي تتسقم الطبقة هذي يتسقم الشي لي من فوق بالشوية، في الدزاير وفي الـ 2014 نظن رايح يخرج جهل ما عاشوهش في عصر الجاهلية .
يفعل الجاهل بنفسه ما لا يفعله العدو بعدوه .

الشعب من حقه يخاف عاش وقت صعيب
معليش ميخرش يقعد في داره يصلي ويطلب ربي يهون
مي انا راني نشوف واحد الشعب ما فاهم والوا يتصل في بعض القنوات
ويقول خلونا رانا ملاح مخصنا والوا ..كاين واحد الناس عندهم ارادة وباغين البلاد تتسقم
وهدوك يفشلوا فيهم بهدرتهم ..راهي عجباتك مبروك عليك
حنا مراهيش عاجبتنا لازم الشعب الجزائري كاع يدوهم لدول الاوربية يشوفوهم كيفاش راهم عايشين
وبلا بيترول ..ويرجعهم لبلادهم تماك يشوفوا الفرق
مساكين مشافوا والوا ​

يا ختي الصفحة البيضاء راكي غير تهدري
وي تهدر على حقي نضرب عليه ومانسمحش فيه كي نعرف بلي نجيب نتيجة مي باش نشمت الاعداء فيا جامي هوما راهم يديرولنا هكا باش نوضو ونديرو انتفاضة هذي هي لي راهم يحسو عيلها ونتي راكي باغي تحقيلهم اهدافهم يا ختي الحرب كر وفر الحرب خدعة مالا ماتكونيش ساذجة وتروحي ضحية هذا التفكير وي كون يجيني سراق لداري ونعرف روحي بلي مانقدرش نصدو نقولو دي الدار بلي فيها وخليلي ولادي وشرفي ماتمسناش وعلاه كي نحاربو ويقتلي ولادي ويبهدلهم ويدي الدار ووالمال واش استفدت انا من تخشان الراس ?
حنا اذا نضنا راها تكبر وكاين اطراف تبيعلنا سلاحها باش نقتلو ولادنا من بعد واش ?نشبعو قتيلة ونهيبه من بعد تدخل لالتا باش تحلنا الازمة ونعشي هي مستعمرتنا وحنا لا جئين كون نموتو ماعليش ياو نتبهدلو ونبهدلو ولادنا امالا هذي العقلية غير خليها بعيدة حنا عندنا حل واحد ندعو ربي سبحانو واذا رانا صحاب خير عمرو مراح يغبنا خلي ثقتك بالله اجابية فالله عند ظن عبده به فاذا ظننت به الخير فهو كذلك واذا لا فهو كذلك والله حليم غفور والله يسمع دعاء من دعاه والله رحيم بالعباد فلا تسيئ الظن بالله

مين احتلتنا فرنسا وبغاو واحد الناس عندهم ارادة قوية وواثقين في نفسهم
قالوا نحروا بلادنا
جاو بعض الناس وقالو انتوما بالخزرانة بيطردوا هدوك اللي عندهم الدبابات والطيارات
راكم تهترفوا ..شوفي هداك التهتريف واش دار حرر بلادنا
خليني نهترف راني باغي نهترف بلاك نحقق كاش حلم من احلامي
غي راكم مخوفين رواحكم ان شاء الله
يخرجوا بسهولة تامة وبوتفليقة يرفد فاليزته ويقلنا راهي ليكم
ان شاء الله ياربي ..انتوما غي قولوا بلادنا مراهيش مليحة وطلبوا ربي تسقم وخلاص
بصح مكان لاه تقولوا رانا ملاح غي بسبب الخوف
..واحد ماقادر يدير والوا يقعد ساكت وبعيد
​

 

[opira99]

رد: لا لعهدة رابعة ... منها تبدأ الفتنة ...

يا ولدي لي خلطوها في مصر و سوريا و تونس و العراق ماشي هوما لي حابين يخلطوها في الجزائر
للأسف هم يدعون انهم جزائريين لي راهم حابيين يخلطوها

 

[Mr mino]

رد: لا لعهدة رابعة ... منها تبدأ الفتنة ...

يَآَ خُوْيَآَ نَفْرَضُوْآَ { مُوْل آَلْبَآَشْ } مَآَتْرَشَحْش
آَعْطِيْنِي وَآَحَدْ قَآَدَر يَحْكَمَ هَذَآَ آَلْسَبِيْطَآَر ؟
شَعْبَ مِتْنَآَقِضْ

..........

شُكْرَآً زَنْجَبِيْلآً




​

 

[السيدة إلهام]

رد: لا لعهدة رابعة ... منها تبدأ الفتنة ...

مساء الفل للناس الكل
و الله ياجماعة أنا نكره نخوض في أمور تاع الإنتخابات و السياسة
بصح دوك راني نشم في ريحة ماتعجبش
جايا من طريق
لا للرابعة
العراق مصر تونس سوريا بقات غير الجزائر
كامل قدرولها غير الجزائر ماقدروش كيفاش يخلطوها
قالوا نسناو الإنتخابات
نطيشوا الحبل في نص المنتخبين
و بوتفليقة نخليوه راس الحية
نرشحوه لعهدة رابعة وهو مريض مايقدرش ينوض ولا يعطي قرار
الشعب و السياسين بطبيعة الحال راح يكون ليهم راي
واش هو الراي ؟
كيفاش رايس مريض يحكم البلاد هاذي فيها مؤامرة ضد لبلاد لازم نحيوه
و تعرفو بلي بوتفليقة عندوا حاشية وهاذي الحاشية عندهم رجال الخفاء
هادو رجال الخفاء هوما لراح يخلطوا لبلاد
لا لعهدة رابعة
​

رأي ولا ألزم به أحد : لي حاب يشعل الفتنة في الجزائر لن يحتاج لا لرأس بوتفليقة ولا للعهدة الرابعة يشعلها من لا شيء هذا أولا

ثانياً لماذا لا تكون هذه الحجة التي يريد معارضي العهدة 4 اتباعها لتخويف الشعب من مآل الجزائر اختراع حكايات وقصص ليقولوا في النهاية لا للعهدة الرابعة

ثالثا منذ اندلاع فتيل الانتخابات والترشيحات تمنيت لو أن أحدا يحلل الأمور بمطنق محنك وسياسي بحت بعيد عن الرؤية الشخصية (( ملاحظة شعبنا كله يجيد الحديث في السياسة من أين له ذلك لا أدري ))
​

 

[فيصل ويستر]

رد: لا لعهدة رابعة ... منها تبدأ الفتنة ...

مساء الفل للناس الكل
و الله راني قاعد نشوف بلي الآنسة الصفحة البيضاء زايدة حماسة
لازم نعرفوا حاجة
الدول المتقدمة و المتطورة جدا هي المسيطرة حاليا على حيثيات سياسة دول العالم الثالث
كرهنا ذلك أم أحببناه
إذا أردنا أن نغير هذا الواقع يجب أن يكون الشعب واعي و مثقف
يعمل بجد و كد
للأسف نحن نهتم سوى بالفارغات فرغا
مهوسون بالأغاني و الرقص و المسلسلات
همنا بطوننا و إشباع شهواتنا
هم كفار ماذا يفعلون يحلوا لهم لادين يضبطهم ولا أخلاق تردعهم
أما نحن مسلمون جمعنا الناقض و النقيض
اختلطت مشاعرنا
نعرف أنا هذا حرام و نفعله ثم نندم و يولد فينا اضطراب في النفس لا نستطيع التفكير و التركيز معه
لي عودة
​

 

[رونق الزهور]

رد: لا لعهدة رابعة ... منها تبدأ الفتنة ...

هذاك التهتريف تع بكري كانت فرنسا محتلتنا ماعدنا واش نخسرة والتهتريف تع ذرك راح يجيب الماريكان تحتلنا مش يخرج
ونتوما شكون قلكم بتوفليقة داها هو ترشح وحنا نفوطو كاين واحد من زوج يا بن فليس يا رشيد نكاز هذو لي عجبوني سورتو رشيد نكاز كي خلص على المنقبات وقلهم نحشم فرنسا وبلجيكا لي يلعبوها حقوق الانسان وكي تجي عند المسلمين يديرولنا ضريبة قلهم حتى ولوكان مادياهاش راح تبقى نحشم فيهم وقلهم راني بدراهمي ماتخلصونيش مانسحقش دراهمك عجبتني هدرتو كون صح تتطبق
انا نغير بالفوط مشي بالمظاهرات

 

[فيصل ويستر]

رد: لا لعهدة رابعة ... منها تبدأ الفتنة ...

لازم كامل نوقفوا يد وحدة
و نقولوا
اخطونا بعدونا
خليونا نعيشوا بأمن و سلام
هذا هو مطلب الشعب الرئيس
​

 

[هشام رضا]

رد: لا لعهدة رابعة ... منها تبدأ الفتنة ...

صفحة بيضاء
سلام عليكم ورحمة الله وبركاته
يا ولدي قبل ماتحكي حاجة احسب كلامك مليح لانك معلابالك بوالو وماراك فاهم فيها والو
اول حاجة تقول علاه خايفين ومرحبا بالفتنة والخرطي الله يهديك الله يهديك باين عندك زوج دقائق تهرب من لبلاد الشكارة كاينة مايهمكش
2- داولي حقي ومنعرف كيفاه حقك عند ربي سبحانو ولي سرق يحاسبو ربي سبحانو
3- كما تكونو يولى عليكم لما يكون الراجل راجل شهامة وخلق وطيبة وعنفوان واخلاق سامية والمرأة تستر روحها وماتلبسش السيري عندئذ يعطيكم ربي راه يمدلكم على حسب قلوبكم وروح حوس على هذا الحديث او حديث انكم ترزقون بضعفائكم لما يكون الضعفاء مايعرفوش ربي وسرقوني وداولي حقي وهمو الوحيد الدنيا ومالها وزينتها وماديتها باسكو يشوف غير بعين المادية روح شوف افريقيا الوسطى يقتلو المسلمين ؟ وبورما يحرقو المسلمين علاه ماينحرقش قلبك ولا ماشي حقهم يعيشو حياة على الاقل حياة فقر مي مشي يطيشوه عريان في النار ومايلقاش وين يهرب ويشوف امو كيفاه تذبح قدامو في سوريا ولا اختو ؟؟؟
4- سبب كل ما يحدث هو كثرة الفساد في البر والبحر اذا اردت حقك فاذهب مباشرة الى عائلتك ادعو اخوتك الى الاخلاق الحميدة اخلاق الرسول صلى الله وعليه وسلم ادعو الناس الى الثقة بين بعضها البعض وبالموعظة والحكمة ادعو النساء لي تعرفهم الى الحجاب وان يسترو رواحهم لما ينقص الخبث ويكثر الصلاح يومئذ تدي حقك وبزيادة
5- وحاجة نقولهالك وكون متاكد منها 100-100 مادام لفساد لحق لقلوب والناس نفسي نفسي ولو يموت فيها كثر من 20 مليون جزائري بعيد الشر نهار تظن انك تربح ومازال الناس قلوب فاسدة في زوج دقائق ينصبولك واحد طيب يحكمك نهارين برك تجيه امريكا والسندات كامل نتاع بلادك عندها وتقولو مانمدلك فرنك منها يروح للدول العربية كاشما يسلف واحد مايقيمو خوف من امريكا بعد ذلك يغلى كل شيء باسكو ماكانش دراهم يحس الشعب انو دار حرب ومات الملايين في الباطل وزادت عليهم شقة لمعيشة رغم انو مايسرقش يوليو يديرو مظاهرات اخرى ويجيبو نسخة طبق الاصل ان الرئيس لي فات وكنتو تقولو سراق وهاك رجعتو لحكاية لا للعهدة الرابعة بصح هنا ماتنساش خسرت 20 مليون شخص في الباطل


حاجة وحيدة ونقولها ونعاودها الدنيـــا راهي رايحة بسبب هاته الآية بعد بسم الله الرحمان الرحيم
ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُمْ بَعْضَ الَّذِي عَمِلُوا لَعَلَّهُمْ يَرْجِعُونَ
صدق الله العظيم
اذا حبيتو حقكم خاوتي

امشو باخلاق النبي محمد صلى الله وعليه وسلم
اذا قالولكم ماكانش الثقة في الدنيا كونو انتم من يستحقون الثقة
اذا قالولكم الدنيا فسدت وكحالت كونو انتم لي الشمس لي تنير عالم البشر بالخلق الحميد
اذا قاللكم الشيطان يا نساء لازمك تمشي على البرمجة لي برمجتك عليها من الطفولة البسي السيري باش يبان لاطاي نتاعك ولما تخممي تتبدلي تواجهي وسواس قهري انك ماكيش زينة وو اذا كان لي خلقك وكرمك وزينك في قلبك البسي حجاب يسترك ويحميك وراح يرزقك ربي من حيث لا تحتسبين

ومن يتق الله يجعل له مخرجا ويرزقه من حيث لا يحتسب

وعد الله حق ومش كيما وعد الناس

هذا الحل الوحيد ان اردتم ان تنقذوا ما يمكن انقاذه قبل ان تنتهي صلاحية امهال الله لنا

 

[فيصل ويستر]

رد: لا لعهدة رابعة ... منها تبدأ الفتنة ...

من باب الفكاهة فقط

________________

​

 

[هشام رضا]

رد: لا لعهدة رابعة ... منها تبدأ الفتنة ...

صفحة بيضاء
انتبهت لصفة فيك انك من الناس الذين يجب ان يقرأو سورة الكهف كل جمعة اؤكد لك انك لم تقرأيها منذ سنين
+ تقولين اذهبوا الى اوروبا انظروا كيف يعيشون
هنا الاجابة من الله بعد بسم الله الرحمان الرحيم
قال الله تعالى : ((لا يَغُرَّنَّكَ تَقَلُّبُ الَّذِينَ كَفَرُوا فِي الْبِلادِ ، مَتَاعٌ قَلِيلٌ ثُمَّ مَأْوَاهُمْ جَهَنَّمُ وَبِئْسَ الْمِهَادُ)) ، آل عمران : 196-197 .
قال الله تعالى
وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ ۚ وَرِزْقُ رَبِّكَ خَيْرٌ وَأَبْقَىٰ


ركزي مليح على قراءة سورة الكهف يوم الجمعة
الم تسألي لماذا الدجال اعور ؟؟ لانه يرى الكون بنظرة مادية فقط بحتة
اما النظرة الروحانية انو الله ابتلاني بناس يسرقون حقي مثلا لان الفساد والفتن ومعظم قلوب الناس فسدت ولو اكون الفاعل في جعل قلوب الناس طيبة روحانية تتألم لما يحدث لقطع منها لاننا كلنا كالجسد الواحد انما المؤمنون اخوة
لما يكون لديك نظرة روحانية وتخرجي من البرمجة اللغوية العصبية لي برمجونا عليها
مبروك عليك حقك وبزيادة
اذا مقدرتيش تفهمي كلامي اقرأي سورة الكهف عدة مرات

 

[صفحة بيضاء]

رد: لا لعهدة رابعة ... منها تبدأ الفتنة ...

انا بنت مرانيش ولد وتاني شي انا بنت بسيطة على قدي ومرانيش من عائلة غنية
ومرانيش نتمنى نكون غنية
امنيتي الوحيدة نحصل على راحة البال في هدي البلاد
نعطيك مثال الغيرة من الدول الاوربية ماشي غي في واش راهم ياكلوا وواش راهم يلبسوا
راني غايرة من الخدمة لي عندهم والادارة ماشي كيما عنا تقيلة
والتريسينتي ينقطع في كل يوم ..والكونيكسيون تروح في كل دقيقة
والرشوة وين تروح تلقاها ..والسبيطارات وسخين الطرقات محفرين ويلا خرجت من البيت لازم
نخلي واحد مورايا باسكو يجو السراقين
وفوق كل هاد يحكمني رئيس ميقدرش يرفد يده
فرعون باش تفرع حتى شعبه خلاه يتفرع
وحنا باش خلينا رئيس مريض يحكمنا حتى رنا حنا مرضة
اما تعليقي معجبكش سمحلي ولكن احترمني من فضلك هدرتك معجبتنيش
وانا تاني نخاف كون تجي ثورة تحسب منخافش
ولكن ماشي لدرجة اني نروح نهدر ونقول بلادنا شابة بلكدب
والمهم مبروك عليكم العهدة الرابعة وان شاء الله للملكة البوتفليقية بسلامة عليكم
وأسفة اذا زعجتكم​

 

[رحاب ملاك]

رد: لا لعهدة رابعة ... منها تبدأ الفتنة ...

الله يجيب الخير وخلاص

عجبني كلامك سيف

 

[الورد الأحمر]

رد: لا لعهدة رابعة ... منها تبدأ الفتنة ...

الشعب من حقه يخاف عاش وقت صعيب
معليش ميخرش يقعد في داره يصلي ويطلب ربي يهون
مي انا راني نشوف واحد الشعب ما فاهم والوا يتصل في بعض القنوات
ويقول خلونا رانا ملاح مخصنا والوا ..كاين واحد الناس عندهم ارادة وباغين البلاد تتسقم
وهدوك يفشلوا فيهم بهدرتهم ..راهي عجباتك مبروك عليك
حنا مراهيش عاجبتنا لازم الشعب الجزائري كاع يدوهم لدول الاوربية يشوفوهم كيفاش راهم عايشين
وبلا بيترول ..ويرجعهم لبلادهم تماك يشوفوا الفرق
مساكين مشافوا والوا ​

مين احتلتنا فرنسا وبغاو واحد الناس عندهم ارادة قوية وواثقين في نفسهم
قالوا نحروا بلادنا
جاو بعض الناس وقالو انتوما بالخزرانة بيطردوا هدوك اللي عندهم الدبابات والطيارات
راكم تهترفوا ..شوفي هداك التهتريف واش دار حرر بلادنا
خليني نهترف راني باغي نهترف بلاك نحقق كاش حلم من احلامي
غي راكم مخوفين رواحكم ان شاء الله
يخرجوا بسهولة تامة وبوتفليقة يرفد فاليزته ويقلنا راهي ليكم
ان شاء الله ياربي ..انتوما غي قولوا بلادنا مراهيش مليحة وطلبوا ربي تسقم وخلاص
بصح مكان لاه تقولوا رانا ملاح غي بسبب الخوف
..واحد ماقادر يدير والوا يقعد ساكت وبعيد
​

حبيت نعلق على واش سطرتلك، قلتي عايشين بلا بترول ؟؟؟ :d اسمحيلي أختي مادابيك تعاودي حسابك .
صدقيني أكره حاجة عندي نكونو نحكو على الدزاير ويسوطيلي واحد عالزرب ويحكيلي على بلاد أوروبية، يا أختي هذوك مجتمع متكامل والكمال تاعو بدا من الشعب، واحنا كشعب كيفاه تقيمينا؟
بالنسبة ليا المشكل راه مش من فوق راه من تحت يعني من الشعب، نحي بوتفليقة ونحي الطبقة الحاكمة ونحي هذو الكل تحسبي لبلاد تتسقم هك؟ العقلية المتخلفة تاع الشعب هي لي خلاتها على الجزائر، لا بوتفليقة لا غيرو، وواحد ما قال الدزاير بخير، الدزاير مش بخير واحنا مش بخير والحمد لله وأكثر من نصف الشعب متأكد بلي راه هكذا بخير أحسن من أنو يدير كيما دارو جماعة الثورات، شوفي المصريين ما تشوفيش فيهم لاجئين لبلادك؟ من الخير لجؤوا لينا؟ شوفي السوريين، وشوفي التونسيين، هذو الكل عملوا ثورة والنتيجة راهم مشردين عندنا احنا رانا عند رواحنا وهوما راهم متشردين في بلاد الناس، كاين فرق بين أنو الشعب يفيق ويحسن أحوالو وفرق بين الشعب يكون جاهل ويزيد يضيقها على روحو، والشي لي راكي تشجعي عليه ما يدخل غير في الجهل وهذا رأيي الصريح، أما الشعب الجزايري لي حايبة تهزيه لأوروبا ولي تقولي عليه ما شاف والو، نقولك الشعب شاف وشبع، ولي يجو من أوروبا هوما لي رجعو يدهشو في واش كاين في الدزاير، والنظافة والنظام ووو لي غايرة انتي منهم نقولك هذو يبداو من عندك ومن عندي ومن عند فلان وفلان وفلان، مش بوتفليقة لي يديرهالك، نهار ينظاف الشعب ويرجع خماجو يطيشو في لبلاصة المفروضة، تم تتنقى لبلاد، والإدارة لي تحكي عليها يخدمو فيها موظفين عاديين من الشعب لي يجري على الجورنية تاعو، كي يبطل جاري وجارك وانا وانتي و و و لخدايم تاع التشناف ونبطلو المعرفة تاع بني عمي بني خالي تتعدل الإدارة، والرشوة كيف، والسراقين داخلين في الشعب كي يتسقم يختفيو، لوكان الفئة هذي من الشعب تتعدل ترجعي تخرجي من دارك هانية، إيبان المشكل اتأكدي مش في الرئيس لوكان نحطوك انتي رئيسة يبقى نفس الشي وما تقدري تعدلي والو، على خاطر الشعب هو المشكل في الحقيقة، وأبقى ضد العهدة الرابعة، ونأكد أنو ماناش بخير، ولا لبلاد بخير، مي هكذا خير، وندعي ربي يشوف لبوتفليقة حل قبل ما نتبلاو بيه، والحل واضح وصريح الله يهزو .

 

[صفحة بيضاء]

رد: لا لعهدة رابعة ... منها تبدأ الفتنة ...

حبيت نعلق على واش سطرتلك، قلتي عايشين بلا بترول ؟؟؟ :d اسمحيلي أختي مادابيك تعاودي حسابك .
صدقيني أكره حاجة عندي نكونو نحكو على الدزاير ويسوطيلي واحد عالزرب ويحكيلي على بلاد أوروبية، يا أختي هذوك مجتمع متكامل والكمال تاعو بدا من الشعب، واحنا كشعب كيفاه تقيمينا؟
بالنسبة ليا المشكل راه مش من فوق راه من تحت يعني من الشعب، نحي بوتفليقة ونحي الطبقة الحاكمة ونحي هذو الكل تحسبي لبلاد تتسقم هك؟ العقلية المتخلفة تاع الشعب هي لي خلاتها على الجزائر، لا بوتفليقة لا غيرو، وواحد ما قال الدزاير بخير، الدزاير مش بخير واحنا مش بخير والحمد لله وأكثر من نصف الشعب متأكد بلي راه هكذا بخير أحسن من أنو يدير كيما دارو جماعة الثورات، شوفي المصريين ما تشوفيش فيهم لاجئين لبلادك؟ من الخير لجؤوا لينا؟ شوفي السوريين، وشوفي التونسيين، هذو الكل عملوا ثورة والنتيجة راهم مشردين عندنا احنا رانا عند رواحنا وهوما راهم متشردين في بلاد الناس، كاين فرق بين أنو الشعب يفيق ويحسن أحوالو وفرق بين الشعب يكون جاهل ويزيد يضيقها على روحو، والشي لي راكي تشجعي عليه ما يدخل غير في الجهل وهذا رأيي الصريح، أما الشعب الجزايري لي حايبة تهزيه لأوروبا ولي تقولي عليه ما شاف والو، نقولك الشعب شاف وشبع، ولي يجو من أوروبا هوما لي رجعو يدهشو في واش كاين في الدزاير، والنظافة والنظام ووو لي غايرة انتي منهم نقولك هذو يبداو من عندك ومن عندي ومن عند فلان وفلان وفلان، مش بوتفليقة لي يديرهالك، نهار ينظاف الشعب ويرجع خماجو يطيشو في لبلاصة المفروضة، تم تتنقى لبلاد، والإدارة لي تحكي عليها يخدمو فيها موظفين عاديين من الشعب لي يجري على الجورنية تاعو، كي يبطل جاري وجارك وانا وانتي و و و لخدايم تاع التشناف ونبطلو المعرفة تاع بني عمي بني خالي تتعدل الإدارة، والرشوة كيف، والسراقين داخلين في الشعب كي يتسقم يختفيو، لوكان الفئة هذي من الشعب تتعدل ترجعي تخرجي من دارك هانية، إيبان المشكل اتأكدي مش في الرئيس لوكان نحطوك انتي رئيسة يبقى نفس الشي وما تقدري تعدلي والو، على خاطر الشعب هو المشكل في الحقيقة، وأبقى ضد العهدة الرابعة، ونأكد أنو ماناش بخير، ولا لبلاد بخير، مي هكذا خير، وندعي ربي يشوف لبوتفليقة حل قبل ما نتبلاو بيه، والحل واضح وصريح الله يهزو .

كبيرهم هو هبيلهم
أما انا نقولك من الفوق ..يتسقم الشعب كي يتسقموا لي فوق
وكي يكون القانون فوق الجميع يتربا بسيف عليه
كون جينا نقطعو الايد لسارق غي واحد تقطع يده الكل يولي يخاف
وانا نعرف بزاف عايشين في فرنسا كي يجو للجزاير يتهيبلوا وميعودش يحترموا قوانين المرور
وكي يروحوا لفرنسا يحترموا كل القوانين كي تسقسيهم علاه
يقلكم هنا مكاش قانون
حنا كون ماشي الاسلام كون رانا ناكلو في بعضنا ..وراه جاي جيل جديد
قادرين يعلموه كل الاخلاق وميكدبوش عليهم
على العموم عندي ما نقول بصح سايي مبغياش نزيد نهدر
بزاف مهما قلت لا احد يصدق ولا يفهم ودوكا يجيني واحد راه حاقد عليا يقلي قراي سورة الكهف ​

 

[الورد الأحمر]

رد: لا لعهدة رابعة ... منها تبدأ الفتنة ...

كبيرهم هو هبيلهم
أما انا نقولك من الفوق ..يتسقم الشعب كي يتسقموا لي فوق
وكي يكون القانون فوق الجميع يتربا بسيف عليه
كون جينا نقطعو الايد لسارق غي واحد تقطع يده الكل يولي يخاف
وانا نعرف بزاف عايشين في فرنسا كي يجو للجزاير يتهيبلوا وميعودش يحترموا قوانين المرور
وكي يروحوا لفرنسا يحترموا كل القوانين كي تسقسيهم علاه
يقلكم هنا مكاش قانون
حنا كون ماشي الاسلام كون رانا ناكلو في بعضنا ..وراه جاي جيل جديد
قادرين يعلموه كل الاخلاق وميكدبوش عليهم
على العموم عندي ما نقول بصح سايي مبغياش نزيد نهدر
بزاف مهما قلت لا احد يصدق ولا يفهم ودوكا يجيني واحد راه حاقد عليا يقلي قراي سورة الكهف ​

مازلتي مع فرونسا، هاكي قلتيها بفمك لي يجو من فرونسا اهنا ما يحترموش القوانين، ياخي هذو شعب مش لي الفوق، يخي حايبة تشوفي التغيير مالا نعطيك مقولة "كن التغيير الذي تريد أن تراه في الحياة" ابداي انتي بدلي وشجعلي على التغيير الذاتي وكل واحد يبدل من روحو حاجة ويسقمها يتسقمو، كي نتسقمو احنا نولو نخمو نحو علينا الرجال لي الفوق لي مش مسقمين، مش احنا قريب نرجعو ياجوج وماجوج وتحبي تزيدي تخلطيها، راهي غالطة مقولة خلطها تصفى، القضية مش قضية تصديق أو فهم، القضية قضية شوية تفكير بلعقل برك، على العموم بقولي هذا مانيش ندافع على لي الفوق راني أمقتهم كتر منك بالاك، ونزيد نقول الله يهزو .

 

[صفحة بيضاء]

رد: لا لعهدة رابعة ... منها تبدأ الفتنة ...

مازلتي مع فرونسا، هاكي قلتيها بفمك لي يجو من فرونسا اهنا ما يحترموش القوانين، ياخي هذو شعب مش لي الفوق، يخي حايبة تشوفي التغيير مالا نعطيك مقولة "كن التغيير الذي تريد أن تراه في الحياة" ابداي انتي بدلي وشجعلي على التغيير الذاتي وكل واحد يبدل من روحو حاجة ويسقمها يتسقمو، كي نتسقمو احنا نولو نخمو نحو علينا الرجال لي الفوق لي مش مسقمين، مش احنا قريب نرجعو ياجوج وماجوج وتحبي تزيدي تخلطيها، راهي غالطة مقولة خلطها تصفى، القضية مش قضية تصديق أو فهم، القضية قضية شوية تفكير بلعقل برك، على العموم بقولي هذا مانيش ندافع على لي الفوق راني أمقتهم كتر منك بالاك، ونزيد نقول الله يهزو .

المهم رانا فاهمين بعضنا هدا اللي يهم
والله يجيب الخير لهادي البلا برك​

 

[مصري مواليد الجزائر]

رد: لا لعهدة رابعة ... منها تبدأ الفتنة ...

المشكلة لا تكمن في الرئيس بقدر ما تكمن في النظام ورجاله، ومدى قدرة نظام جديد على التغلب على القديم المسيطر على مفاصل الدولة، حفظ الله الجزائر الحبيبة وأهلها الغاليين من كل الفتن ووفقهم لما فيه الخير، تحياتي

 

[حكاية قمر]

رد: لا لعهدة رابعة ... منها تبدأ الفتنة ...

والله غي بزاف عليه
عهدة ثالثة وقبلناها من فوق القلب وراه باغي رابعة
لازم تغير ملينا من نفس سيناريوهات
وك تهدر يقولك قبل ما يجي الجزائر كانت في عنق زجاجة واه سي فري و تقدمنا خطوة وقدرنا نخرجوا من العشرية السوداء ولكن هاد شي ما يعنيش تطاولات على الدستور كل مرة باسم حفاظ على استقرار بلاد علاه دزاير ما فيهاش رجال من غير بوتفليقة وزيد على هاد شي خطوة لي تقدمناها كانت الخطوة الوحيدة لانا بقينا حنا هوما حنا لا تقدم ولا حتى شي بالعكس حتى انو كثرة السرقات انا تبانلي بلي العهدة الرابعة فيها شخص اخر غادي يسرق ويطير للخارج كما عودونا دائما ومنبعدها يرسلوهنا كي يكملولو دريهماتو
باختصاااار لا للعهدة الرابعة ولا مزيد للكذبذ

واكيد لا للفتنة
​

 

[Yacine333]

رد: لا لعهدة رابعة ... منها تبدأ الفتنة ...

فرنسآ غيرت سآركوزي بعد 5 سنوآت لآنهم رآو فيه آلفسآد ,,,

وحنآ 15 سنة سرقة خرآب فسآد ومزآل آلرآبعة !!

صدقوني مرآحش نطورو ونتقدمو ...​

 

[ابن المليون]

رد: لا لعهدة رابعة ... منها تبدأ الفتنة ...

​