عضوة في ضيافتنا-أول عدد-

[السلطانة]

​

​

​

أهلا برائدات عالم المرأة،سيّدات وآنسات ​

نرحبّ بكنّ ​

فكرة بسيطة وضعناها نحنُ مشرفات عالم المرأة ​

سنستضيف من خلالها بعض الأخوات ​

بهدف التعرف على جانب من جوانب شخصياتهنّ ​

نقومُ بدعوة عضوة لمدّة 3أيام ​

تقوم الأخوات بتقديم أسئلة لها وهي تُجيب عنها ​

نوعية الأسئلة :متعلقة بالشخصية ،الحياة الشخصية،الدراسة،الطفولة،المنزل والأولاد،...الخ ​

-تُمنع المواضيع المماثلة في عالم المرأة لكن قررنا فتح الموضوع مؤقتًا فقط لكسر الروتين -​

أوّل ضيفة :​

السيدة إلهام​

أهلا وسهلا بها ​

​

​

​

 

[السلطانة]

رد: عضوة في ضيافتنا-أول عدد-

أهلا وسهلا بالضيفة الكريمة


فقط نرجو من العضوات المشاركة الفعلية في الموضوع


لانريد ردود شكر وثناء عن الموضوع


أهلا وسهلا



​

 

[السيدة إلهام]

رد: عضوة في ضيافتنا-أول عدد-

السلام عليكم ورحمة الله ، سعيدة لكوني في ضيافتكن ، ارحب بالجميع وأتمنى ان أكون ضيفة خفيفة الظل

 

[larose]

رد: عضوة في ضيافتنا-أول عدد-

اهلا وسهلا السيدة الهام كثيرا ما نسمع عن السيدة الهام في المنتدى لذا من ودي التعرف عليك اكثر
كم عمرك.وكم كان عندما تزوجت هههههههه.عدد اولادك .تقبلو مروري

 

[أمــ وليــد الجزائرية]

رد: عضوة في ضيافتنا-أول عدد-

موضوع رائع ساندي

و ضيفة أروع

من البداية دخلت علينا بنشاط رائع جداا

سيدتي سؤالي لك كيف تعرفتي أول مرة على اللمة ؟

هذا السؤال الأول سأعود اليك نجوك غير بلعقل
​

 

[السلطانة]

رد: عضوة في ضيافتنا-أول عدد-

نورتو البنات


قلنا نفتحو الموضوع نحيو بيه على الخاطر شوي خاصة على فترة الامتحانات وضغوطات العمل




سؤالي للضيفة الكريمة:ماهي مبادئ السيدة إلهام في الحياة ؟​

 

[السيدة إلهام]

رد: عضوة في ضيافتنا-أول عدد-

اهلا وسهلا السيدة الهام كثيرا ما نسمع عن السيدة الهام في المنتدى لذا من ودي التعرف عليك اكثر
كم عمرك.وكم كان عندما تزوجت هههههههه.عدد اولادك .تقبلو مروري

أهلا بك غاليتي لاغوس :d
الا ماقلتش عمري وقلت سن زواجي وشحال طفل تجبدي شحال عمري ههههههه ( شفتي غير في هاذي ركبتني الفهامة والفياقة )
عندي بنوتة وحيدة (( سناء )) :p السن اسمحيلي
تزوجت كبيرة مي ماشي بزاااف لاتحسبوني عجوزة :-h
والسماح الا مارظيتش فضولك اساليني سؤال آخر وليك بونوس :d:d:d
​

 

[السيدة إلهام]

رد: عضوة في ضيافتنا-أول عدد-

موضوع رائع ساندي
و ضيفة أروع

آآآآآ خيري يا انا روعة يا الموضوع روعة

مانقبلوش في زوج نكونو روعة نخافو عليك ههههه راني نمزح

من البداية دخلت علينا بنشاط رائع جداا

إييييه العبرة بالنهايات وليس البدايات إن شاء الله نبقاو عند حسن ظن الجمهور العزيز ( احم شغل راني في مقابلة )
سيدتي سؤالي لك كيف تعرفتي أول مرة على اللمة ؟
هذا السؤال الأول سأعود اليك نجوك غير بلعقل
​

اللمة عرفتها من سنوات عدة كنت نزورها منين ذاك اما بداية متابعتي الفعلية هي حوالي 5 اشهر قبل تسجيلي وحاجة لي فيها الحس الاسري وتفاعل المشرفين مع الاعضاء و الجو العام يشجع على التسجيل الصراحة المنتدى هايل ويعجب اي سيدة او انسة مهما كان مستواها التعليمي والثقافي لي تعرف تزيد خبرة ولي ماتعرفش تتعلم والمساعدة كاينة ولمة من كل ولايات الوطن يعني فرصة للتعارف وتكوين ثقافة واسعة على مناطق الوطن ( ههههه نسيت روحي يا ملينا ) ​

جيبي معاك كاش تحلية مع السؤال القادم والا مانقبلش الرد :p:p
​

 

[السيدة إلهام]

رد: عضوة في ضيافتنا-أول عدد-

نورتو البنات

قلنا نفتحو الموضوع نحيو بيه على الخاطر شوي خاصة على فترة الامتحانات وضغوطات العمل

سؤالي للضيفة الكريمة:ماهي مبادئ السيدة إلهام في الحياة ؟​

مبادئي مثل اي مبادئ اي شخص عندو احترام لنفسو كيما لغيرو
مانحبش واحد يعفس على الحق ولا يشوف الحق يتعفس ويسكت
مانتنازلش على حقي ولو صادف ان سكتت فليس ضعف بل لاني مانحبش نهدر مع حيط :-r
ياك راني في سياق السؤال الا خرجت عنو قوليلي :p:p كي نكون نكتب نهبط راسي مانعرف واش راني نكتب :$


​

 

[larose]

رد: عضوة في ضيافتنا-أول عدد-

:$:$:$:$:$:$

أهلا بك غاليتي لاغوس :d
الا ماقلتش عمري وقلت سن زواجي وشحال طفل تجبدي شحال عمري ههههههه ( شفتي غير في هاذي ركبتني الفهامة والفياقة )
عندي بنوتة وحيدة (( سناء )) :p السن اسمحيلي
تزوجت كبيرة مي ماشي بزاااف لاتحسبوني عجوزة :-h
والسماح الا مارظيتش فضولك اساليني سؤال آخر وليك بونوس :d:d:d
​

اسفة السيدة الهام لانو اعتقد طرحت سؤال ماشي من صلاحياتي عفوا ومنزيدش نشارك في لحوايج هدزما اوكي انا والله السؤال نتاعي جاء في بالي وطرحت مخممت ماوالو اما بخصوص عمرك اي مرا متحبش تقول على السن نتاعها مي انا قلت عادي كي عدنا نساء في بعصنا ماهي لافياقة لا والو شكرا على كل حاللللللللللللللللل:-o:-o:-o:-o:-o:-o

 

[السيدة إلهام]

رد: عضوة في ضيافتنا-أول عدد-

:$:$:$:$:$:$
اسفة السيدة الهام لانو اعتقد طرحت سؤال ماشي من صلاحياتي عفوا ومنزيدش نشارك في لحوايج هدزما اوكي انا والله السؤال نتاعي جاء في بالي وطرحت مخممت ماوالو اما بخصوص عمرك اي مرا متحبش تقول على السن نتاعها مي انا قلت عادي كي عدنا نساء في بعصنا ماهي لافياقة لا والو شكرا على كل حاللللللللللللللللل:-o:-o:-o:-o:-o:-o

لا فياقة قلتها على روحي ماشي عليك اقراي مليح وش كتبت واسمحيلي حنونة الا حسبتيني عليك جيت نكحلها عميتها

اهلا بيك وباسئلتك حبوبة
​

 

[مطبخ الأحلام]

رد: عضوة في ضيافتنا-أول عدد-

السلام عليكم

نورتينا اختي الهاااام

ممممم سؤالي ليك : هل الزواج بالامر الصعب ؟؟وهل مسؤوليته صعبة ؟؟
ادا قدرتي قوليلي نوع المشاكل التي تواجهها المرأة في حياتها الزوجية

بما انك لا تسمحين في حقك هل يوجد أعداء في حياتك؟؟

مممم عندك بزاف وانتي تعرفي اللمة وقلتي شحال وانتي تبعي فيها شكون الي عجبك كثر من الاعضاء؟
طبعا من ناحية التقديم والمعاملة ؟؟

مممممم واش رايك في مشرفات عالم المرأة وصفي كل وحدة في جملة لوووول

ميس سوسو ؟

...........................................

ملكة الاحساس ؟

...............................................

ساندريلا زماني ؟

......................................................

مون لايت ؟؟

...............................................................

ان شاء الله نانكونش كترت عليك ^^

ماعليش نزيد نسألك
​

 

[ابتسام جزائريه]

رد: عضوة في ضيافتنا-أول عدد-

السلام عليكم
اهلا بيك اختى
1-ماهي حكمتك بالحياة ؟
2- مــاهــو الشــئ الذي ندمــت علــي عمـلــــه؟!؟
3-آخـــر شخـــص تتـــذكــــره قبـــل أن تنـــــام؟!؟
4-حلم لا تستطيـــع تحقيقه
​

 

[السيدة إلهام]

رد: عضوة في ضيافتنا-أول عدد-

السلام عليكم
وعليكم السلام ورحمة الله
نورتينا اختي الهاااام
ده نورك حبيبتي سوسو ههههه
ممممم سؤالي ليك : هل الزواج بالامر الصعب ؟؟وهل مسؤوليته صعبة ؟؟
الزواج في حد ذاتو ماش صعيب لي صعيب المسؤولية و الحياة الجديدة لي ماش موالفتها
طبعا المسؤولية صعبة وين ماكانت ماش غير في الزواج لانو فيه بيت وزوج واولاد واهل الزوج ومتطلبات وامور كثيرة لازم توازني في حياتك لتستمري بنجاح
ادا قدرتي قوليلي نوع المشاكل التي تواجهها المرأة في حياتها الزوجية
عموما الحياة الجديدة تكون موالفة ريتم وتلقى ريتم آخر واكيد رايحة تلقى عقلية الزوج مختلفة على واش شافت في الخطبة هنا لازم تكون مدايرة حسابها انها مش ماديا زوج مثالي راه فيه عيوب كيما فيها هي ولازم تتاقلم
ثاني اهل الزوج هما هاجس كل زوجة جديدة الا كانت متفاهمة معاهم تضمن 70 بالمائة من الهناء في دارها والباقي على شطارتها مع زوجها سمعت مرة مثل يقول : راجلك على ماتولفيه ووليدك على ماتربيه ههههه
بما انك لا تسمحين في حقك هل يوجد أعداء في حياتك؟؟
الاعداء كلمة كبيرة مي كاين ناس مايحملونيش هههه من عند ربي سبحانو
مممم عندك بزاف وانتي تعرفي اللمة وقلتي شحال وانتي تبعي فيها شكون الي عجبك كثر من الاعضاء؟
طبعا من ناحية التقديم والمعاملة ؟؟
ممم كنت نتابع في نسيمة87 و حاملة المسك ربي يشافيها ويعافيها قريت موضوع على مرضها اما البقية عادي وميس زهور شحال تعجبني
مممممم واش رايك في مشرفات عالم المرأة وصفي كل وحدة في جملة لوووول
ربي يبارك عليكم نشاط اكثر من النحلات
ميس سوسو ؟

في الاول كنت نشوفك في قسم الطبخ ونشوف تصويرك ربي يبارك راكي موهوبة
نحسك بريئة ومشاغبة و يخرج منك ابداع لا حدود له ماشاء الله عليك
مثل النحلة من قسم المواهب لقسم الطبخ لقسم المرأة للصور ماديا السوكسي يا محاينك :p:p

ملكة الاحساس ؟

من قبل كنت نلقى تحت اسمها عضو شرفي ماكنتش نعرف انها تعني مشرف سابق :p:p حتى من بعد عرفت اول مرة انتبهت لها كان في موضوع حول النحافة في قسم المرآة وعلى طريقة البيض المقلي والمايونييز ههههههه ثم موضوع اطرف موقف
التقيتها من بعد في مواضيعي مع الختم :$
انسانة خلوقة كلامها حلو يدخل للقلب نتمنالها كل خير

ساندريلا زماني ؟

والله ماراهي مجاملة وليس لانها تمد الختم وتثبتلي مواضيعي لكن الحق نشوفها في كل مكان في المنتدى ماشاء الله عليها
اسمها يوحي بالغرور لكن بالعكس وجدتها انثى كاملة ماشاء الله نظنها مخطوبة ربي يتمملها بكل خير

مون لايت ؟؟

ضوء القمر ممم هي لي كنت نحسها شريرة ومغرورة لكن بالخف تبدلت نظرتي ليها مع اول رسالة بيننا كانت طيوبة ومتعاونة جدااااا تخلي الواحد يحكي معاها براحتو بدون تكلف نحسها واعية وفاهمة الدنيا مليح

ان شاء الله نانكونش كترت عليك ^^

ماعليش نزيد نسألك
​

زيدي الاسئلة :regards01::regards01:
وماتزعفوش مني نهدر بتلقائية :-h كل وحدة وصفتها كيما هي كل وحدة لها مكانتها ولها حجمها ونحبكم كامل كامل

 

[السيدة إلهام]

رد: عضوة في ضيافتنا-أول عدد-

السلام عليكم
اهلا بيك اختى
وعليكم السلام ورحمة الله
شكرا ابتسام
1-ماهي حكمتك بالحياة ؟
الدنيا دوارة لي ديرو يرجع ليك :-h
2- مــاهــو الشــئ الذي ندمــت علــي عمـلــــه؟!؟
كي بعت الايفون تاعي ههههه طبعا امزح كي شفت اسئلتك سيريوا ماقدرتش نعقال :p
ندمت على عدم اكمال دراستي
ندمت على صديقات وجارات في وقت مضى كنت نحسبهم اخوات
كاين حاجة ماندمتش عليها بمعنى الندم لكنها غايضتني الى الآن عدم تمكني من زيارة جدي قبل وفاته رحمه الله ورحم جميع موتى المسلمين
3-آخـــر شخـــص تتـــذكــــره قبـــل أن تنـــــام؟!؟
هو الشخص لي يشدلي شعري ويحب يلعب بيه بنتي سناء :$:$
4-حلم لا تستطيـــع تحقيقه
​

هو حلم لا يمكنني البوح به (( شخصي جدا )) لكن رب العباد قادر على كلّ شيء أملي فيه كبير
​

 

[أمــ وليــد الجزائرية]

رد: عضوة في ضيافتنا-أول عدد-

رني رجعتلك طاطا

غرت من أسئلة سمسومتي

انا حبيت نعرف رايك في mlina4algeria:d

​

 

[أمــ وليــد الجزائرية]

رد: عضوة في ضيافتنا-أول عدد-

رني رجعتلك طاطا

غرت من أسئلة سمسومتي

انا حبيت نعرف رايك في mlina4algeria:d

​

 

[السيدة إلهام]

رد: عضوة في ضيافتنا-أول عدد-

فلة الفتاة المشاغبة الطيوبة ومن بعد اكتشفت فيك جانب آخر " المقالب " عرفت انت ذات شخصية مرحة فكاهية ربي يدومها عليك
رأيت مسابقة فرسان اللمة ومشاركاتك في سلسلة تجارب تربوية حسيت بمدى اهتمامك بالطفال ربي يرزقك بدزينة منهم إن شاء الله ومنا لذاك الوقت نتشرف تكوني بنتي الحبوبة
​

 

[السلطانة]

رد: عضوة في ضيافتنا-أول عدد-

كانت فسخة رائعة لتغيير الجو مع لماوية من اللماويات


شكرا

​