رني حب ننسها

[406_nassim]

السلام عليكم

انا كنت مع وحدة حبيها وقعة معها 5سنين ورحت خطبتها درتلها الخاتم ونبعد لقيتها مع وحد في طنوبيل ومن هداك النهار وانا مرنيش مامن دوكا عندي 4 اشهر ملي حبست معها ومقدرتش ننسها درت كل شيء بش ننسها الحكاية طويلة فصرت برك

 

[samsouma*]

رد: رني حب ننسها

خاينة متستاهلش منك ذرة تفكير..
الي باعك بالبصلة بيعه بقشووووووورها
الي خلقها خلق غيرها
ربي يهديك للطريق الصح وربي يرزقك من حيث لا تحتسب

 

[نور الهدى22]

رد: رني حب ننسها

و الله ما لقيت ما نقولك صراااحة
اصبر و ربي معاك ان شاء الله وعسى ان
تكرهوا شيئا وهو خير لكم و احمد ربي ما وصلتش للزواج​

 

[بنت لبحر]

رد: رني حب ننسها

خاينة اكره حاجة عندي هي الخيانة

خويا هدي متستاهلش تخمم فيها

وكل عليها ربي و خلاص هدي تكفي

بالنسبة ليك كنت معاها راجل روحت خطبتها و مخليتهاش مي رايحة تندم عليك و رايح تخرج فيها

كتر من الاستغفار و الصلاة و ادعي ربي تنساها و يعوضك ما خير منها .ربي ميخيبكش ان شاء الله

و الله نحير في لبنات لي هكا تلقى واحد يحبها و يجي يخطبها في لخر تخون و تخدع و تنسى العشرة ربي يهدي عبادو

 

[adel._dz]

رد: رني حب ننسها

يا و وش نقلك لو كنت بلاصتك ماندري وش ممكن ندير
ربي سترك منها احمد واشكر ليل وعشية

انت مازلت تخمم فيها والعادة أنو لي يسرالو حوايج كي هذو يكره جد النساء كامل
انا ننصحك بالوسطية كمل حياتك وانتهى

 

[السلطانة]

رد: رني حب ننسها

وعليكم السلام هادي كي ماقتلتهاش راك مليح


ربي يرزقك بالزوجة الصالحة ان شا الله

 

[ammmmoula]

رد: رني حب ننسها

اخي الكريم تحلى بالايمان ولزم الدعاء وفوض امرك الى الله سبحانه

 

[406_nassim]

رد: رني حب ننسها

خوتي والله العضيم غير مقدرت ننسها مي انا لكنفيونس هي لي بيا مرنيش مامن بلي حبست معها مي يا خوتي حسو بيا شويا شفو القلب وش يهوي

 

[HAMZA USMA]

رد: رني حب ننسها

يا خويــا العزيز ربي يصبرك
ربي يرزقك ب~~~~~بنت الحــــلال
​

 

[ام الحلوين]

رد: رني حب ننسها

اخي الكريم لااااااازم تنساها و تحوس غيرها
هادي خداعة و خاينة و نتا راك تخمم فيها ؟؟
واحمد ربي لي نكشفت قبل الزواج ، كون نفرضو جبتها و درتو ولاد من بعد لقيتها مع واحد واش رايح تعمل ؟؟؟
و كلام الناس لي يزيدك يقولو مرت فلان شفناها مع واحد هذا هو العيب و العار ، تولي قيمتك طايحة
و نقولك حاجة كاين الزين خير منها بالف مرة و كيما يقولو ناس زمان ( الزين زين العقل) ، و كي تديها زينة العقل ماكانش علاه

ربي يلاقيك ببنت الحلال و تعيش معاها اسعد رجل

 

[اميرة الجزاءر]

رد: رني حب ننسها

حاسا بيك واعر درك مي رايح تنسي احمد ربي فقتلها دوكا لوكان جبتها لدارك مبعد اكتشفت بلي تخونك مشي كاريثة متاكدة بلي تقتلها امالا اخسر او فارق

 

[ام مجيب]

رد: رني حب ننسها

انا لي نعرفو بلي الراجل ينسا بكل سهولة. حبك ربي كي كشفهالك قبل الزواج تخيل بعد الزواج وتديرلك نفس العفسة... ترجعك مسخرة النية اللي فيك وطيبة قلبك اللي هي استغلتهم هوما اللي راح يخرجو فيها وكل ربي واستنا . ان الله يمهل ولا يهمل . وديجا هي اللي خسراتك ماشي انت اللي خسرتها. راهي حاطة بلي هاداك اللي ركبت معاه فطوموبيل وهي مخطوبة راح يديها لدارو :d ياي بنات الحلال وراهم مقاريين ربي يلطف بعبادو ويرزقك بنت الحلال و تفرحنا بعرسك ان شاء الله

 

[أم عبد الله]

رد: رني حب ننسها

خوتي والله العضيم غير مقدرت ننسها مي انا لكنفيونس هي لي بيا مرنيش مامن بلي حبست معها مي يا خوتي حسو بيا شويا شفو القلب وش يهوي

اولا جاري ربي يصبركـ
مي ف ردكـ لهنـآ انـآ حرتـ ف حاجة انتـ حبيتـ تلقى رد يكون لصالحهـآ يعني نلقاولهـآ مبرر باش تقنع بيه نفسكـ ولا كيفـآش
القلب ومايريد سي فري مي رآكـ تقول خيانة
اتصور فقط انكـ تزوجتها ومن بعد؟ ع الاقل راك اكتشفتها ع حقيقتها قبل وقوع الفاس ع الراس
والله اعلم


ربي يسهلكـ
سلامي​

 

[nina17]

رد: رني حب ننسها

ادا عرف السبب بطل العجب
ادا عطاتك سبب مقنع في نظري كل انسان خطاء و خير الخطائين التوابون
مارانيش نبررلها الخطا تاعها و لكن خطيبتك الخطا لي بدر منها كان قدام عينيك يعني ماكانش حاجة تتخبى و ادا راك خايف على الكرامة تاعك بزااااااااااااااااااااااااف مالا نقولك غي امر واحد ديره في بالك ادا العزة تاع نفسك مخلاتكش تسامحها لانها غلطت مالا دير في بالك بلي بنسبة 70 بالمئة رايح تعرف انسانة اخرى و تكون بالاك دارت خطا فادح اكثر من خطيبتك و لكن الفرق انها لا تستطيع الاعتراف و مالا هنا رايح تنخدع اكيد مالا رايي كاخت ليك تبني حياتك مع انسانة غلطت قدامك و تبغيها و تبغيك احسن ملي تختار بنت ظنا منك انها يضرب بها المثل و هي غلطت مع رجل اخر غيرك
و في كل الاحوال لوكانن تكون مع بنت اخرى رايح تندم تقول كيفاه خليت الانسانة لي نبغيها و راني مع اخرى و من جهة اخرى لوكان تسامح خطيبتك غادي تبق تشك فيها لانو المشكلة تاع الانسان ينس باه يقول الحمد لله على كل حال
انا رايي قلتهلك و عن تجربة لانو مايحس بالنار غي لينكوا بيها و صدقني يا اخي لي يغلط غلطة و يدفع التمن غالي يتعلم بزاااااااااااااااااااااااااااااااااااف و الله غي ابسط الامور يرجع يديرلها حساب و يتعلم من الخطا تاعه
هادا مجرد و نتا صاحب القرار و استخر متنساش والله و متنساش بلي رب العالمين يغفر للعباد فما بالك بانسان
الله يهدينا و يفرح خويا
​

 

[ali zolo]

رد: رني حب ننسها

السلام عليكم

انا كنت مع وحدة حبيها وقعة معها 5سنين ورحت خطبتها درتلها الخاتم ونبعد لقيتها مع وحد في طنوبيل ومن هداك النهار وانا مرنيش مامن دوكا عندي 4 اشهر ملي حبست معها ومقدرتش ننسها درت كل شيء بش ننسها الحكاية طويلة فصرت برك

slm alykoum mon frere ,,
tu d abord khalik menha rahi ma tes tahelch demaa menk , haja wahda rani maritt bhathi lhalla kima rak tahki , rabi w slati ma khalithoumch , rouh arki rouhek w sali salatek fi waktha w adai rabi ynesikk fiha wyjiblek ma khir menha , wila habiy tahder meaya en voi moi ton email ,rabi meak

 

[hasna.m]

رد: رني حب ننسها

يا أخــــــــــــــــي الــــــــزمن كفيل بمداواة الجروح

فقط تخلص من كل شيء يذكرك بها
​

 

[hadda0425]

رد: رني حب ننسها

يا اخي بنات الحلال بزاف
وهادي لي تقول حبيتها وهي ما قدرتش حبك ليها وماصنتش كرامتها وكرامتك لانو كرامتها من كرامتك
ما تنساش بلي حتولي زوجتك وام اولادك ونت كي جيبها وتحطها في بيتك كل ما تشوف في عينيها حيقابلك الموقف لي دراتو
وكل ما تخرج تخليها تقول بلاك راهي تهدر مع الرجالة ولا خرجت تقابلهم مالا خذها من قصيرها وابدا حياتك من جديد وريح روحك وكيما قلتلك بنات الحلال كاينين
​

 

[BiG JoE]

رد: رني حب ننسها

اتكل على ربي وشوف وحدة بنت فاميليا وتستاهل
​

 

[اوهاني]

رد: رني حب ننسها

قول الحمد لله كي عرفت حقيقتها قبل مل تتفر..
ولك من حكمة تقول: احذر من الانسان الذي ترى انه طيب فهو مثل الزجاج سهل عليك كسره لكن صعب عليك لملمته لانه قد يجرح يدك
وانت بما انك حبيت يعني كنت تشوف بانها انسانة طيبة و تستاهل حبك لكن جرحاتك بابشع طريقة ولي هي الخيانة
والخيامو بالنسبة لي اعتبرها جريمة قتل عن سبق الاصرار و الترصد

 

[NonOutà OussàMà lOvE]

رد: رني حب ننسها

سلام
اخي انا مانتهمش الفتاة وبلاك كانت عندها كاش مصلحة متعرف واش وصلها باه تركب معاه حاول تفهم الموضوع لخاطر بزاف مراات تصرآآ كيما هادو ليجاست وربما تكون سوء فهم بابليس
واذا كانت صح هي باعاتك وخاناتك ربي يهديها
وكيما يقولو اللي باعك بالبصلة بيعو بقشورها
حاول تفكر في خيانتها راح تنساها اكيد
وربي معاك وربي يهدي كامل المسلمين
في امان الله
​