القاورية عايرتونا بيها يعني صح هي خير من الجزائرية ؟

[السلطانة]

رد: القاورية عايرتونا بيها يعني صح هي خير من الجزائرية ؟

خربتولي في سارvو سونترال اللي يمشي المخ والقلب في وقت واحد
كي نشوف عروسة جزائرية توجد لعرسها ندير حالة طوارئ لربما غادي تنوض حرب

سي لاvيريتي

ممكن الرجال ماش عارفين واش يصرى في العراس كون جيتو كامل تشوفو وتعرفو كل واحد يقفل على مرتو مابقات تخالط ولا تتحرك
شكرا للمرور الكريم أخي
سلامي

 

[hadda0425]

رد: القاورية عايرتونا بيها يعني صح هي خير من الجزائرية ؟

ساندي ركزيلي على الشعر الاصفر وخارج من الخمار
واللون الاخضر من فوق العين
وروج الافر روز بونبون ههههههه
والجينز ضيق والكونفارس هاداك ولا كيفاه يتسمى لايحينو في السروال يجيوني زي الغجريات هههه حتى الالوان ما ركبوش على بعضاهم
شبهي المخلوقة دك
استغفرالله العظيم
​

 

[ام ريهام]

رد: القاورية عايرتونا بيها يعني صح هي خير من الجزائرية ؟

ساندي والله نحييك على الموضوع الرائع شكرا
والصورة ا تقول بدون تعليق وناكدلك هاذيك من الغرب الجزائري هما عندهم عقلية كون ما يستفوش جهاز لعروسة من قول للقول ما تحلالهمش على كل القورية تعرفلها مي الجزائرية كون ما جيبش 2 سوايع قدام مراية ما تخرجش وكي تخرج هي في بالها راهي فور بصح هي راهي كرنفال في دشرة

 

[السلطانة]

رد: القاورية عايرتونا بيها يعني صح هي خير من الجزائرية ؟

ساندي ركزيلي على الشعر الاصفر وخارج من الخمار ​

واللون الاخضر من فوق العين
وروج الافر روز بونبون ههههههه
والجينز ضيق والكونفارس هاداك ولا كيفاه يتسمى لايحينو في السروال يجيوني زي الغجريات هههه حتى الالوان ما ركبوش على بعضاهم
شبهي المخلوقة دك
استغفرالله العظيم ​

اهلا حدودة

هههه عينيا عينيا عميتيني
صح البارح برك شفت وحدة دايرة شعرها كيما هك
لقيتيلهم اسم يليق بيهم غجريات
خخخخ نورتي حبيبتي

 

[السلطانة]

رد: القاورية عايرتونا بيها يعني صح هي خير من الجزائرية ؟

ساندي والله نحييك على الموضوع الرائع شكرا
والصورة ا تقول بدون تعليق وناكدلك هاذيك من الغرب الجزائري هما عندهم عقلية كون ما يستفوش جهاز لعروسة من قول للقول ما تحلالهمش على كل القورية تعرفلها مي الجزائرية كون ما جيبش 2 سوايع قدام مراية ما تخرجش وكي تخرج هي في بالها راهي فور بصح هي راهي كرنفال في دشرة

الله يحفظك ختيتو
ضربة والله تقول راح يسافرو
يعبيو برك
شكرا للمرور الطيب

 

[salehben14]

رد: القاورية عايرتونا بيها يعني صح هي خير من الجزائرية ؟

هههههههههههه

موضوعك يضحك خخخخ

حبيت نقول بلي احنا نزيدو عليها

بويسك القاوري ولا القاورية كيما نقولو
اصلا كلمة القاوري تعني حلوف
خخخ لوكان تقول لواحد انت حلوف يزعف مي لوكان تقولو انت قاوري يعجبو الحال خخخخ

المهم حبيت نقول القاوري كي يتزوج بابسط الطرق

المرا يجيبلها باغيغ كي يكثر 15 مليون

وبسسسسسسسس

واحنا في الحنة يديلها في الخطوبة في عيد ميلادها في عيد الشجرة عيد المراة العيد الصغير الكبير
ويقولو نسابو ماجاب والو خخخخخخخ

واش بيكم
والمرا يقولولو الشرط 20 مليون بنتي ماتروحش هكا خخخ
وش بيكم عمبالكم بنتكم جايبها نتاجر بيها

ياخي كي تجي عندي ونأسس حياتي ونشري وش يخصني انا وياها

ولا كي تشرولها 15 ولا 20 فستان قبل العرس مورا العرس يكونو من الجيل القديم وش من فايدة

والقور بصفة عامة في العرس يجو يشربو ليموناد وشويا باتيسري ويتفركتو

واحنا 7 ايام قبل و7 ايام بعد العرس خخخخخخخخخخ

والذر والمشاكل خخخخ


اودي قيلونا قررت ان اخطب بنت بلادي القاورية ونزوج في بلادي القاورية لووول

وهدا علاش قلنا نخيرو القاورية


هههه
​

 

[اوراق الصييف]

رد: القاورية عايرتونا بيها يعني صح هي خير من الجزائرية ؟

ههههههههههههههههههههههههههههههههههههههههههه

 

[ندى الورود]

رد: القاورية عايرتونا بيها يعني صح هي خير من الجزائرية ؟

تامني بربي يا ساندي البارح وانا نهدر مع مرت خويا على نفس الموضوع
تاع القاورية كيفاش تتمكيج والجزائرية وبصحة عامة العرب كامل
كارثة عظمى حاسبين روحهم واحد ما يلحقهم في لامود الماكياج بالقناطر وداريين كي لي كلون ويلبسو صباط ناطحة سحاب تمشي وتتعوج انا كي نلقى وحدة لابسة هاك ما نمنعش نفسي من التعليق عليها
او حتى العروسة تاعنا نهار عرسها دايرة قوس قزح وزارعة كرنب فوق عينيها
انا نموت على البساطة في كل شي ويعجبوني الاوروبيات وحتى الاسياويات ماكياجهم قليل ويخرجو يهبلو
عكس تاوعنا ربي يهديهم
​

 

[ريانة]

رد: القاورية عايرتونا بيها يعني صح هي خير من الجزائرية ؟

هل في هذا شك شوشو ؟؟ هههه
القاورية ماتكذبش ونية، الجزايرية كذابة ماكانش النية
هاذي اهم صفة فيهم خير من الجزايريات ...

ومقارنة وحدة اوروبية بوحدة من إفريقيا ماتصلحشششش
​

والرجال الجزايريين واش رايك ؟

 

[ريانة]

رد: القاورية عايرتونا بيها يعني صح هي خير من الجزائرية ؟

سلام عندك حق في كل اللي قلتيه هم شابعين فهامة شوفي وحدة منهم ماشي مسلمة كي تدخل في الاسلام على الصح وحنا نتبعو في الأفلام التركية واللبسة والمشية وهنا تعرف أنهم عرفو بلي تاعنا هو الصح وأداوه وتاعهم هو الغالط وخلاوهولنا مي يا ختي في حوايج خلاف الجزايرية خير على القاورية الجزايرية تعرف قيمة الزواج والشرف والعايلة وتصبر وتحمل مي هم لا علاقة مع هاد الشيء وهادي تبقى وجهة نضر.

 

[عا مـــــــــــر]

رد: القاورية عايرتونا بيها يعني صح هي خير من الجزائرية ؟

C Vr
بسكو هنا عندهم عدم الثيقة في النفس ربي خلقك هكاك علاه تبهدلي في روحك
+
لي يحبك يحبك << بخنونتك>> .

​

 

[JAMELS60]

رد: القاورية عايرتونا بيها يعني صح هي خير من الجزائرية ؟

مشكورة اختي الفاضلة

 

[luna lunitta]

رد: القاورية عايرتونا بيها يعني صح هي خير من الجزائرية ؟

راني معاك في كل شيء غير الشورة نتاع العروسة حنونة انا نتزوج خطرة وحدة في حياتي ولاكان هيا عندها الخير و المال باه تشري تقلش روحها
المهم بصح ماشي كيما لي في الصورة ههههههههه
ميرسي حنونة موضوع شيق يحتاج النقاش

 

[meriam tlm]

رد: القاورية عايرتونا بيها يعني صح هي خير من الجزائرية ؟

بالصح لوكان جات كل جزائرية تلبس جلابة ولا ملاية وحجاب وتروح تخدم ولا تقرا ولا تحوس تكون خير من الف قاورية ولا لالا؟
اكيد تكون احسن
مي كي ولينا نتبعوا المودا نبقاو ديما التاليين باسو هديك المودا اللي تلحقنا اليوم تكون ماااااااااااااااتت عند القاوريات على بيها تبالك نتنا القاورية احسن من الجزائرية
ماعليش تبقى القاورية خير من الجزائرية في الحطة والحضارة لكن نورمالمو الجزائرية خير من القاورية في الدين نورمالموووووووووو
شكرا ليك على الطرح
الحمد لله مانخيليش قاورية ترجع خير مني انا اللي عربية مسلمة

 

[ÐϊF₣эŘєʼntَ]

رد: القاورية عايرتونا بيها يعني صح هي خير من الجزائرية ؟

ههههههههههه دحكتيني كي قلتي ناقصها غير السلاح وتقولك راني مع لامود
والله ياختي صح ولينا نشوفوا فالعيب ديفوا مانقدرش نحكم روحي مالضحك
دي كلون حشاك ولاعبتها لاكلاس ..وماعلابالهاش بللي ولات كاركاس..
ربي يهدي ماخلق

 

[الجندية]

رد: القاورية عايرتونا بيها يعني صح هي خير من الجزائرية ؟

سلام جماعهـ
انا من جهت بنت بلادي نضرب عليها لآخر قطره من دمي
بصح تاني هي ما تمرgـهآش ... حوجي رانا نشوفو العجب
القاورية واعيه و ترانكيل
خص الوعي برك ... ونولو خير من الناس قاع
ياااااو فيقو ... بهدلتونا ...
كاين اللي ماهيش خارجه من دارهم حتى تولي حبة باتيسري
​