درك قولولي في رايك علاه هك ؟

[السلطانة]

رد: درك قولولي في رايك علاه هك ؟

و عليكم السلام و رحمة الله ​

مشكل كبير و في انتشار​

مبقاش احترام كيما زمان ​

احمد شوقي قال : قم للمعلم وفه التبجيلا كاد المعلم ان يكون رسولا​

حنا رجعناها : قم للمعلم و اعطه كـفـــا ...........​

ربي يهدي التلاميذ و الاولياء لان التربية تلعب دور كبير ​

كي نشوف مظاهر هكا نقول الحمد لله راني حيطيست ملقيتش منصب :d​

مشكوورة ختي ​

هههه متخوفينيش بالكف لايجيني من حيث لاأدري
درك ماش غير المعلم في خطر
حتى الطاقم الاداري
كاين مساعد تربوي بركلو طفل بطريحة في الثانوية
وواحد محب يفكهم
خلاوه لي يخدمو معاه كلهم تاع تخطي راسي
درك لي يحصل تتطفر فيه زيد ماكانش قانون يحميه
ربي يستر برك
شكرا لكِ للمرور الطيوب ​

 

[السلطانة]

رد: درك قولولي في رايك علاه هك ؟

هي اولا وقبل كل شيء لازم نلومو مؤسساتنا التعليم والنظام نتاعها

وثانيا نعرفو وش سبب الضرب احيانا للاساتذة يتصرفو تصؤفات تاع مشي استاذ الله يهديهم

وثالثا الطفل هادا اكيد راه محبط في عمرو عشرين سنة يقرا مع صغار عليه اكيد نفسية تاعو راهي ف 0

ومهما كان يبقى الاستاد استاذ والتلميذ تلميذ

يااختي في القضية هادي الطفل هادا مافيا تاع الصح

حتى كي جا يشكي بيه البروف لقى عندو سورسي !

خاف نحاها دارو على مجلس التأديب وانتهى الأمر

طفرها فيه بطريحة تبقالو نشعة في مشوارو المهني

مهما يكون التلميد ميوصلش للضرب كاين قانون يوقف عندو الجميع

شكرا للمرور الكريم

سلامي

 

[السلطانة]

رد: درك قولولي في رايك علاه هك ؟

أهلا بيك شوشو هاذي كاريثة عظمى

انا ألي حضرتلها كي كنت نستخلف المدير قال للأستاذات كي تكونو تكتبو في السبورة ويضربكم تلميذ بحاجة مادوروش وخليوهم المهم مايكثروش برك .... حيرة
المشكل تبالي بحكم الخبرة لايسيرة في مجال التعليم التلميذ يتزيرو ويتسقمو كي يكون المدير واعر وصعيب
كي يكون المدير ساهل السلام على التلاميذ والإحترام والثانوية ...​

صح المدير والمفتش همهم تفوت الأمور على خير برك وميحصلوش في المشاكل
هادا لي وصلنا لهاد الشي
شكرا لمرورك الكريم

 

[السلطانة]

رد: درك قولولي في رايك علاه هك ؟

و عليكم السلام
ساندي يا ختي راه كلش بادي من التربية
أهلا بيك اختي او صح التربية اساس كلشي

البارح وحدة تحكيلي .. كانت عندهم لمة و كانت في السهرة اميقريا
كانت تخدم بالميكرو جا وليد مولا عامين ونص بدا يمسلها و بما انها
متعرفش العربية اكتفت بانها بعداتو بيدها بلطف على قول المتحدثة
ما تشوفي غير الطفل تهجم عليه و بدا يجبدلها في شعرها و يقلها ..انا انا تبعديني.. قاتلي دار فيها الباطل واحنا ميتين بالضحك؟!!
و هد الطفل وش يتوقع منو لما يكبر
هادي قلة تربية وحلان عين للطفل كي يضحكولو في وجهو يزيد يروح فيها مايلقاو ميلمو فيه
الاستاذ راحت هيبتو سرا و علنا ...
و الطالب تاني ديال زمان كان أه ميقلهاش للاستاذ حتى و ان كان مظلووووم بقى من ريحتهم الا القليل
و كما قال الاخ لسبقني لازم الاستاذ يصاحب الطالب
عندي اخت زوجي تتعامل معاهم بهذه الطريقة
ما تقولو حليب البايط فسد لعقول
و ما تقولو العصرنة بل من التربية ​

ربي يبدل حال بحال
درك الحالة تخلطت لي يدير لروحو هيبة ويكسب لولاد يمشي اما لي يحل العين ويجي يزير من مباعد يلقاهم طلعو فوق راسو ومبقاوش يحتارموه ومرات يصراو حالات استثنائية تدخل فيها عوامل بزاف ربي يبقي الستر علينا أجمعين

ربي يوفقك أستاذة​

آمين ياربّ
شكرا ختيتو على الردّ الطيّب :-r​

 

[السلطانة]

رد: درك قولولي في رايك علاه هك ؟

السلام عليكم
اختي ساندي شكرا على الموضوع لي هو راه مرض العصر ان صح التعبير
أهلا أختي والله لاعادو يصراو عجائب وغرائب

بكري كنا في الثانوية ونخافو الاستاذ اذا قال اخر معناها تخرج والان كون يقولو اخرج راهي زقات عليه يا حليلو كي يخرج برا
دوك الخوف بقى غير في الابتدائي والباقي ربي يستر اصح المدير او المديرة اذا تدخلت في شؤون التلميذ يسمع ما لا يرضي
درك او حتى الطفل ولا الطفلة كي يعاودو العام ياو تجيهم عادي جدا تلقاي والديهم يكسيوهم
ويدلوهم زمان كان لي يعاود العام يتكرازا باه غير يقرى وينجح بعدها يتكسى ودرك يالطيف الملطف
كاين اولياء لاعلاقة بالتربية ولابشي هوما سباب ولادهم بعد

هاذي على واحد المتوسطة في بومرداس مرة دخلت تلميذة في الثانية متوسط بلباس شبه عاري واش نقلك ومناقش كما قالتلها المراقبة العامة راكي داير بنو تاع كاميو في وذنيك وماكياج المهم الحالة الله يستر ولادنا منها
كي تكلمتلها المراقبة العامة على الهندام واش تقوللها غرتي مني كي راني خير منك وزيد بابا جابني في الطموبيل هو لي حطني عند باب المتوسطة يعني اهلي شافوني وما قالوش وانت تحوسي تحكمي فيا....................................من هنا نستخلص خلاصة واحدة وهي كلشي على التربي والتربية من الصغر
هذه هي حال المتوسطات والثانويات حدث ولا حرج وربما تنتفل العدوى الى الابتدائي والبراءة ربي يجيب الخير
صح هادي كاين منها تلقاي اماتهم واباءهم لي يشريولهم ديك اللبسة كي تهدر المعلمة ولا المراقبة باختصار يقولولها واش دخلك لكن راه كاين منشور يمنع التبرج هادا في المؤسسات وحنا نخدمو بيه
لي تشرك فمها استدعاء لوالديها ويبينولهم المنشور
على كل ربي يهدي التلاميذ والاولياء وربي يجيب لي فيها الخير

امين يارب شكرا للرد الطيب

 

[السلطانة]

رد: درك قولولي في رايك علاه هك ؟

- كان هنا وراح -
مي بصح كاين اساتدة يستاهل نتوما معلابالكمش واش كاين فلكاواليس
كيما انا قريت مع اساتدة موسوسين ومختلين عقليا !!!
ههه ملغري كنا اشرار وكونا عصابات بصح جامي وحد فينا ضرب استاد لي يقلق يخرج طول ملباب ميهضر مع حتا واحد
روزمو عندنا مراقب فوووور ....الادارة هيا كلش لازم تتعامل بلعقل مع التلاميد

مهما يكون الأستاد الطفل يحترمو ويحترم البلاصة لي راه يقرى فيها كان قلقو الاستاد يقدر يجيب الاولياء تاعو يتكلمو معاه وتتحل المشكلة عادي اما باه يوصل للضرب هادي مرفوضة تماما
:sقريتي عند اساتدة مختلين عقليا مالا قريتو في سبيطار لمهابل ربي يبقى الستر
شكرا

 

[السلطانة]

رد: درك قولولي في رايك علاه هك ؟

السلام عليكم و رحمة الله

واش نقولو يا اختي ياك راهي تمشي بالمقلوب
نشفا بكري كنا لما نشوفو استادنا جايز نموتو بالحياء ولما يكلمنا ما نرفدوش عينينا فيه واليوم التلميد يتكلم والاستاد يسكت وفي اخر السنة يدبر ليgارد كور باش يخرجوه و يوصل للدار في امان الله
راني نخرج في دي كوميسيون للمدارس بأطوارها التلاتة صدقيني يا اختي غير مازالني كي نلقى استاد من اساتدتي نستحي نحكي معاهم و نحس روحي كومبليكسي من كثر القدر اللي كان بيني و بينهم
بووووه نسيت ياك الرئيس جاب الامن و الامان للبلاد واش راني نقول :s

اسمحيلي يا اختي مي حاجة ماراهي تمشي نورمال​

شتي كيفاه زمان كنا نحشمو ونحترمو لي قرانا اما درك يابن عمي ربي يستر برك
كلشي ماش نورمال كيما قلتي
شكرا اختي نورتي الموضوع

 

[السلطانة]

رد: درك قولولي في رايك علاه هك ؟

الجيل مقيمش مايحشم مايريمش هدا مثل مغربي
على هاد الجيل لي مايعرف احترام كولشي فيهم ديفو تلاميد وحتى اساتدة وادارة لان حتى تلاميد كيعانو ماشي غير الاساتدة ولكن مع دلك لازم احترام متبادل باش كل الاطراف تكون مهنية

اكيد الاحترام هو اساس كلشي
شكرا ختيتو نورتي

 

[السلطانة]

رد: درك قولولي في رايك علاه هك ؟

السلام عليكم

بكري كنا نلعبو في الطريق نشوفو المعلم فايت نهربو
ودرك التلاميد يلعبو في الطريق كي يشوفم المعلم يهرب هههههههههههههههههه
كل شيئ ولا بالمقلوب

وعليكم السلام

صح هادا لي راه صاري

شكرا على المرور الطيب أخي

 

[السلطانة]

رد: درك قولولي في رايك علاه هك ؟

أهلا ساندي،
واش نقولك عالموضوع، معرف احنا بكري كنا نحشمو بزاف ولا مربيين بزاف، درك ما فهمتش تسمعي غير تلميذ ضرب أستاذو، وتلميذ قطع الطريق لأستاذو، وتلميذ هدد أستاذو، وبلا ننساو أنو حتى من الأساتذة من نساو الرسالة لي تواجدوا عجالها في المدارس وبداو يخدمو خدايم ما تسواش وما تمدش للتعليم بصلة، نرجعو للتلاميذ، نظن نو المنظومة التربوية ونظامها هو لي خلّى التلميذ يوصل للحد هذا، ونأيد ماكانش لي قال أنو المدير إذا كان صعيب يكون التلاميذ منظبطين وإذا لا راه راح كلش، وفي اللخر نقولو ربي يحفظ الأساتذة أصحاب الضمير طبعا، وربي يحفظ التلاميذ ويهديهم ويهدينا أجمعين .

أهلين أهلين أهلين :d
المدير لي يقول تخطي راسي ديما يجبد روحو كيما الشعرة من العجين ويخلي المعلم ولا المساعدين لي يغلطو ومرات صح تصرى يتلاحو اطراف خاطيهم ويوليو هوما في وجه المدفع
الحالة صعيبة ربي يستر برك

 

[ريانة]

رد: درك قولولي في رايك علاه هك ؟

سلام هاكم تهنتيو من وزير التربية بلاك هاد المر اة لي جابو تعدل الأمور ان شاء الله ربي يعاونكم.

 

[حسان]

رد: درك قولولي في رايك علاه هك ؟

ان شاء الله الجميع بخير
جبتلكم اليوم موضوع لي هوا

درك نفهمكم في الموضوع
من مدة تعرض أستاد يخدم معايا للضرب من طرف تلميد
لي جاه من البرا مع فتح الباب يعطيه بخبطة ويعاودلو ببونيا
طيحلو قدرو وزاد زرقلو عينو
والاستاد محبش يمسو هرب للادارة وزاد لحقو الطفل قالو نقتلك
المهم فكوهم
درنا احتاج وشكوى للاكاديمي
هيا جاو الشيوخا
وهنا كانت المفاجأة
هيا ياجماعة أنتم كبار وواعيين
كالميو الحالة برك لولاد ماش ساهلين
تبا لهم حسيت بوحد الاحباااااط

تاع استاد يتكسل بطريحة ويسكت وحنا نسكتو برك
ونسناو المرة الجاية توصل للقتل باه ننطقو
كون لي تضربت مرا كانت وصلت لسبيطار أكيد .
هيا من مباعد تفكرت بلي هوما لي دايرينها بعد
الطفل هادا في عمرو 20 سنة
ويقرى سنة رابعة متوسط !
أقل مني ب 5 سنين برك !

لي يفوتو البيام هاد العام خالقين في 1999 م
تصورو الفرق ؟!

تاع 94 يقراو مع 99
وتاع 1997 يقراو مع تاع 2001 و2002
بالنسبة لسنة أولى وثانية
وفي القسم يتكونلك 40 واحد !
ماشهم متكافئين عمريا ولا عقليا
يعني كون يكون العدد 20 راح يستوعبو ويفهمو اكثر
ماش الاستاد يروح يقري ويعلم يولي عسّاس تانيتك !
وراكم عارفين الولاد لكبار واش يديرو !
باه يفتحو مدارس واكماليات يقولك اسناو !
كاين حتى مؤسسات تعليمية وصلت ل 50 فرد في القسم !
وفي الأخير يجيو يريكلاميو على الأستاد !
وديما هو لي غالط وديما التلميد مسكين !
بلاماننساو الأولياء لي يجيو بكل صحانية وجه :
عاونلي ولدي زيدلو باه يطلع :down::down:
ومتضربوش ومتبخصوش
:down::down::down::down::down:
قريني وانا سيدك

تبا لكم سيدي الوزير

هيا سامحوني طولت عليكم

في أمان الله

اختي عزيزة ساندريلا زماني كان عندي اخي استاذ الرياضيات في المتوسط خرج متقاعد قريب مرض بالعقل قريب هبل حمد الله كي خرج متقاعد كل ما يتقدم وقت يبرا بشوية
حمد الله على كل حال​

 

[aMiNa-K]

رد: درك قولولي في رايك علاه هك ؟

!!!et si tu vois ce qui ce passe aux lycées
...des catastrophes

des élèves yedoukhlou charbine cachiate .. et des otres yedekhlou men berra yederbou les profs et les directeurs des lycées .. o ki yechkiw bihom ykololhom assemhoulhom rahom sghar maya3erfouch slah'hom
kifach sghar o maya3rfouch slah'hom .. o rana nchoufouhom 23ans mazalhom fellycée.. normalement rahom soutnaw fla fac

.. mabkach ta3lime fi bladna
benbouzid tkabha ga3itik .. o zad hadak baba ahmed hredha .. o zadete jatna hadik mazal mahfedtch assemha .. kalet le probleme fles eleves machi fel3ataba .. mais elle na pas vu ke le probleme fle programme jdid li darouh
les eleves rahou bine rejline .. la tarbyia feddar o la ta3lime fles ecoles

neskote khir .. sinon nwelli nahder fi hadra mata3jebch

 

[aMiNa-K]

رد: درك قولولي في رايك علاه هك ؟

et ce qui ma vraiment enervé que les eleves ne savent pas calculer
ya 3ajaba -3+2 maya3erfouch yahassbouha et des scientifique en plus .. o habine yekemlou scientifique ou bien matheleme !!!!!!!!!!!!!!!!
et le pire que les eleves de terminal maya3erfouch ywahdou lmakamate !!!!!!!!!!!!!!!!!!!!!!!

ana k3adte bla rasse ki chefthom hakdak
les filles yetma3chkou o drari y3assou fles filles pffffffffffffffff

rahi tal3a wahd la generation .. ana rani nkol tebkay ala khir ya bladi
mais vraiment catastrophe

 

[شاعرة المستقبل]

رد: درك قولولي في رايك علاه هك ؟

اااااااااااااااااااااااااااااااااااااه

قستي الجرح الي يوجع

 

[رهف ليليان]

رد: درك قولولي في رايك علاه هك ؟

جزائري الله غالب

 

[مايا الجزائرية]

رد: درك قولولي في رايك علاه هك ؟

كل هذا سببه الاخلاض ونقص الوازع
الديني كون جا مربي ما يضرب لي كبير عليه ويقري فيه
ربي يهديهم

 

[**laila**]

رد: درك قولولي في رايك علاه هك ؟

جيل مجلجل..

 

[♥حلم القمر♥]

رد: درك قولولي في رايك علاه هك ؟

ما لقيت ما نقول
كان يقرا معايا واحد اكبر مني بـ5 سنين أي 19 سنة حتى انو اكبر من اختي الكبيرة
لكن طردوه بسبب انه مشاغب و القرايا ميش في راسو​

 

[adel._dz]

رد: درك قولولي في رايك علاه هك ؟


بعكس النظر على الخلفية بصح ساعات كاين وحايد يستاهلو نقولها صراحة

الأستاذ لي يجي مبيش ويكحل على بنات قد ولادو ويتبع فيهم يستاهل
يعني نحكي لافيريتي كل قدير وقدرو
احنا قراونا اساتذة طماعين سواء في الأساسي والمتوسط والا في الليسي والا حتى في الجامعة
وخلي خلي على ربي
يعني استاذ يلحق تلميذ يضربو ماعندوش الحق يكون مربي والا معلم

أنا قراوني أساتذة مدرسة وحدهم بصح وكاين العكس
ساعات نريح في القهوة يفوتو علينا ونشربو قهاوي كيف كيف وماكان والو

وكاين واحد ساعات يعدي عليك تقول جاء عيب شوي تالي نوقف نكسلو بطريحة نتاع الصح
يفاضل بين الراجل والمرأة في العلامات
يتبع الفروقات الاجتماعية ..
يضرب الشيتة
عندو ألف وجه
الخ
يعني ماهوش حقاني
عندي بابا صاحبي 42 سنة تعليم وماكانش جيل مااحترموش حتى الذراوين لي تتراقص هذي توصليه وتقاري

يعني يا ناس جيبو لولادنا أستاذ يبين للتلميذ بلي راهو قاوي في راسو والأهم في شخصيتو وبلي عندو دايما الجديد ضرك يلعب راكح التلميذ بسيف عليه مهما كان