مادا ستطبخين سيدتي انستي '' الجزء 47 ''

[nada242008]

رد: مادا ستطبخين سيدتي انستي '' الجزء 47 ''

والله يا حدة الغرس حسبتو فيونداشي والدهان بانلي صفار بيض ...حرت قلت واش جاب الكسرة معاهم
4 كيلو وربما اكثر مالا ههههههههههههههههه هاو علاه الميزان يتحرك بالغرام
بصحتكم الرفيس حدود بالصحة والهنا ان شاء الله

 

[hadda0425]

رد: مادا ستطبخين سيدتي انستي '' الجزء 47 ''

اشومي اشومي على صفار البيض ولفيونداشي مزية ما حلتيش صيدلية ههههههههههه
بديتي تخرفي عليا يا بشبوشتي
​

 

[shahrazad]

رد: مادا ستطبخين سيدتي انستي '' الجزء 47 ''

امينة اممممم لي تارت هايلييين ماشاء الله عليك ومرحبا بيك معانا رانا نستناو باقي الاطباق
حدووود انا وراسك الوصفة هاديك وسمها اول مرة نشوووفها ...وزعما كي شكرنااك وقولنا حدة الشاطرة نقصت 5 كيلو رجعتيهم هادي غير العين الي دارتلك هكدااا لوكان نقصتي بالسكااات حتى تولي مانكااا باش تقوليناا ههههه
ابتيسووو حبيبتي وييينك
ام سيراج الدين وملك مرحباااا وينك وين اطباقك
ندوشة ان شاء الله مايكون غير بخاطر ختيتي راني ماصورتش كامل المراحل خلي كي نعاودهم نصور و ادا بطيت ومعاودتهمش راني نحط الي عندي
شريفة تتوحشك الجنة ياالغالية
عشانااا
اليوم شطرت شوية باسكو مارحتش نخدم خخخخخ
درت اظرفة الدجاج المحشوة بالجبن معروفة هاد الوصفة من النت
ودرت لي فوص كويس ولاسوب

​

 

[كوثر الوهرانية]

رد: مادا ستطبخين سيدتي انستي '' الجزء 47 ''

مساء الخيرات يا الفحلات ما خليتوا فيا ما بقيتوا طياتكم و حلوياتكم المشهية تبارك الله عليكم الله يقوي الخير
اليوم الغداء درت مقرونة و العشاء درت بيتزا تشهاها انور ولدي كلى حتى شبع و قالي ماغسي ماما نموت عليك و درت لكرام غونفاغسي كتحلية
سلامي ليكم جميعا خاصة الغايبات ان شاء الله يكنوا بخير

 

[shahrazad]

رد: مادا ستطبخين سيدتي انستي '' الجزء 47 ''

الي سقساتني على اظرفة الدجاج ماعرفتش شكون
المهم
نرحي الجاج ومانزيدلو والو غير الملح والفلفل كحل نحطو في ساشي ونحلو بالحلال ثم نقطع بالكاس دوائر ونحشيهم بالفرماج+معدنوس وكي تغلقيهم شمخي شوية يديك فالما وغلقيهم بصبعتيك مليح عادي مايتفتحوش وتقليهم
لكن انا ننصح الي جرب هادي الكيفية الجاج تزيد معاه حاجات الي ينكهوه اكثر لانو يجي شوي سامط

فريدة حبيبتي بصحتكم البيتزا راهي دايرة حالة وانور ربي يخليهولك ان شاء الله حتى كي يعود راجل يبقى يقولك نحبك ونموت عليك

تصبحو على خييييير
اللهم صل وسلم على سيدنا محمد
​

 

[بنت الجسور المعلقة]

رد: مادا ستطبخين سيدتي انستي '' الجزء 47 ''

نهاركم زييييين ومنور ومربح
شهرا يعطيك الصحة انا لي درتلك تقييم ونسيت ندير اسمي هههه
أدعولي بنجاح وتوفيق حبيباتي في آمان الله

​

 

[ام ريهام]

رد: مادا ستطبخين سيدتي انستي '' الجزء 47 ''

صباح الخير للجميع يومكم مبارك ان شاء الله
صح غداكم كامل غدايا اليوم خضر مغلية بيطراف بطاطا جزر حاجة خفيفة برك والحمد الله ربي يجعلها معم دائمة لا تزول

 

[أم رزق الله]

رد: مادا ستطبخين سيدتي انستي '' الجزء 47 ''

مسلخير عليكم كامل و صح فطوركم

فطوري كسكسو بلوبيا ماشطو

​

 

[ibtesem]

رد: مادا ستطبخين سيدتي انستي '' الجزء 47 ''

صباح الخير على اللمويات الفحلات
مشالله مشالله كل شي اشهي راكم درتو حالة بالبيتزا
بصح عملت روحي ماشفت والو
ام رزقو بصحتك الكسكسي
شهرورة تسلم الايادي
بصحت الجميع
رقروقتي بصحتك الموسكوتشو راني ديت غيييييير شوية كيما اقول عيسى خخخ
نشرب بيها القهوة
ربي انجحك يارب بتقدير جيد
تفرحينا معاك
تحياتي للجميع
توحشت زائرتي الحلوة
لونا يالونة اين انت

 

[أم رزق الله]

رد: مادا ستطبخين سيدتي انستي '' الجزء 47 ''

الله يسلمك ابتيسو بوسيلي مريومة

 

[ibtesem]

رد: مادا ستطبخين سيدتي انستي '' الجزء 47 ''

 

[ibtesem]

رد: مادا ستطبخين سيدتي انستي '' الجزء 47 ''

صورة الاولى حضورها بناتي بمناسبة عيد الام
ناضو على ستة ونصف اخلطو في الكوزينة انا نعيط خلوني نرقد
في الاخير لقيت طاولة خخخ قلتلهم ايا سماح مرة اخرى قولو مسبقا
قالي عيسى ماتعودش سيبرايز خخخ مسكين
حب أشارك
تفضلو معي

 

[ibtesem]

رد: مادا ستطبخين سيدتي انستي '' الجزء 47 ''

نخليكم يالبنات دعواتكم لي

 

[mirou 97]

رد: مادا ستطبخين سيدتي انستي '' الجزء 47 ''

اطباق رائعة وربي يخليلك بناتك

 

[أم معتز القالمية]

رد: مادا ستطبخين سيدتي انستي '' الجزء 47 ''

الله يبارك ابتسام ربي يحفظلك بناتك احلى مفاجأة ربي يفرحك بيهم
جربت الكربوني اقلاص ونجحت فيه اخيرا الحمد لله
​

وخبز حمرتو شوي

 

[ام ريهام]

رد: مادا ستطبخين سيدتي انستي '' الجزء 47 ''

زينب بصحتك الكسكسو
بيسو ما حلاها سيبرايز ههههه ربي يحفضهملك ان شاء الله
ورجيم قاسي راكي دايراتو بالماكلة خخخخخخخ بصحتكم
يالقالمية بصحتكم والكربوني ما تستمتعيش بيه غير واحدك راكي تعرفي سخانة نحوسو غير على حاجة تبردنا قرجومتنا ههههههههه ياريت الوصفة وشكرا
وللجميه بصحتكم واش حطيتو واش تغديتو

 

[amina swift]

رد: مادا ستطبخين سيدتي انستي '' الجزء 47 ''

اختي ممكن وصفة الشيز بلييييييز

 

[amina swift]

رد: مادا ستطبخين سيدتي انستي '' الجزء 47 ''

شهيتونا بصحتكم كامل و شكرا لكن عالترحيب هامليك بعض الصور
كيش بالسلق عندهم مدة

les glaces

les russes

العجينة المورقة

كيكة البرتقال

و الحمد الله

 

[amina swift]

رد: مادا ستطبخين سيدتي انستي '' الجزء 47 ''

وصفة les russes
تحت طلب الاخت ساندريلا
المهم وصفة جد لديدة جدااااااااااا جربوها متندموش
باسم الله

250 غ زبدة

250غ سكر

250غ كاوكاو مقلي و مرحي بدون قشور

3 مغارف اكل كاكاو

2 باكيات لالوفوغ

فانيلا

3 حبات بيض

الفرينة حسب الطلب


la préparation

زبدة + سكر نخلطوهم بالباتوغ مليح + البيض + فانيلا

كاوكاو + كاكاو + خميرة و لميها بالفرينة

حليها و طعيها مدورة طيبيها

كي طيب لسقيهم بالكريمة و من الفوق شوكولا دائبة


الكريمة


125 زبدة + 65 غ سكر رطب بالباتوغ

+ مغرف كبيرة كاكاو



زيني الجوانب بقليل من الكريمة و الكاوكاو المرحي
وبس

 

[amina swift]

رد: مادا ستطبخين سيدتي انستي '' الجزء 47 ''

باتيسري جنواز مشربة و كريمة الزبدة هايلة و زينتها بكريمة الشونتيي