مادا ستطبخين سيدتي انستي '' الجزء 47 ''

[~lola.dz~]

رد: مادا ستطبخين سيدتي انستي '' الجزء 47 ''

سلام لحباب توحشتكم ان شاء الله تكونو بخير

مشاء الله عليكم راكم في تالق مستمر ربي يحفظكم
ليوم جاونا ضياف درنالهم رشتة سلكنا ياها رسانا كيما تقول ماما هههه
​

 

[~lola.dz~]

رد: مادا ستطبخين سيدتي انستي '' الجزء 47 ''

وهاداو كانو عشية للضياف
​

 

[انريس]

رد: مادا ستطبخين سيدتي انستي '' الجزء 47 ''

أقول :حدود - أم منصف - أم ندوش- ابتسام - عفاف - أمنياتي- شهرزاد - نور الحبوبة - أم ايناس - نور الرحمان - رقياتي- ندى الورود - شجون - ملاك - سماح -نسيمة -ساندريلا - كوثر الوهرانية - أم عبد الرزاق -أم ريهام - سومو-أم زهرة وخليل - ميمي - و أخي الماستر و معتز اللمة أقول لم أنساكم ادا نسيت حد ليس بالقصد

وفلفولتي ما أنساها طبعا :d


​

هذو كامل الله يبارك وان نسيتينس
غاضني الحال منك سوسو
هاني بالذمة قتلك سوسو ماشي سمسومة غايضني الحال منك هاني ضاربة بووووووووز
حقا مبروك عليك الخطوبة ربي يهنيك انشاء الله
البقية راكم في القلب كامل ههههه منديرش الغلطة نتاع سوسو هههه منسميش باه واحد مايضربلي بوز
المطبخ منكذبش عليكم راهو في حالت ركووووووووووووود علاااااه
الللي راهم مزهينو راكم في القمة البقية وين راكم
حبيت نسقسي على ام فيروزة عندي بزاف مسمعتش عليها يخي راهي لاباس بيسو طمنينا عليها
سلامي للجميع
زعمة نحط حلويات عرس اختي والله مقعدت وزاد حكمني واحد التفنيين بالاك غدوا نحطهملكم انشاء الله

 

[lina-67]

رد: مادا ستطبخين سيدتي انستي '' الجزء 47 ''

السلام عليكم و ربي يعاونكم على الميناج
سماح مبروك عليك البنوتة تتربى في عزكم ان شاء الله

 

[~lola.dz~]

رد: مادا ستطبخين سيدتي انستي '' الجزء 47 ''

قاطو عرس خويآ

​

 

[ام اشراق]

رد: مادا ستطبخين سيدتي انستي '' الجزء 47 ''

مساكم بالخير يالفحلات

اخت نوال صيامك فى الجنة. والحمد الله على سلاك اختك ربي يشفيها والبنت تتربى فى عزكم ان شاء الله
العرايس منورين كوزينتكم
اهلين بالاخت ويبقى ربي يقدرك على الميناج
منورة اخت سماح ان شاء الله شهد ردينة تكون بخير. وبصحتك سباقيتى. فيما يخص تنظيم الوقت فى رمضان راه كاين موضوع فى ركن الديكور والعناية المنزلية دايرتو اخت ويبقى الامل.

اخت ام منة اطباق هايلة

اخت بنت السلطان اطباق وحلويات روعة تسلم ايديك
على سلامتك اخت شهرازاد ام ايناس والاخت حدة وبصحتك الزعرور

اخت لينا والاخت لولا اطباق وحلويات رائعة تسلموا
اختى ام ريهام ان شاء الله تكونى بخير عندك مدة مابنتيش
اليوم صباح درت معقودة روز وفى العشاء شوارما
ايا تصبحوا بخير غدوة نبكر باه نكمل الميناج راها السخانة ازيرت ربي يكون فى عونا جميعا

فى امان الله

 

[nawal1980]

رد: مادا ستطبخين سيدتي انستي '' الجزء 47 ''

السلام عليكم
بارك الله فيكم اخواااتي
حدحدحدة وين تبحرت يا اختي البارحة نضت على التالتة نسحر وكما حاولت نرقد ماقطرتش قلت ايا نروح نغسل حيطين بقاو في الكوزينة للعلم ديجا درتها هدا تلميع فقط كي كملت قلت نروح نرقد والو والساعة الخامسة قلت معليش نروح نرتب لي بلاكار رتبت الفوقانين كامل حوالي 7 بلاكارات خخخ ارميت حوالي 100 بلارة بلا فايدة اصبحو فارغين خخخ والي نسحقهو والعلب حطيتهم في ماء سخون وخل باش نغسلهم رحت نحاول نرقد والو ماكاش كامل زدت خدمت شومبرة بناتي خرجت زوج ساشيات حجم كبير كوارط وكتب قديمة وخاااصة لي jouets المكسرين والخردة تم حللت زوجي يديني عند اختي ايا قبل رحنا وفي الكريق سيركيلاسيووون كي لحقنا للسبيطار صبنا الفيزيت خلاصت قالي زوجي اطلعي وحدك خخخ جات معي اختي قالتلو ماتغيضكش جات من عين الدفلى خخخ يتسمى بعيدة على بني مسوس بزاااف وانا نصغر عويناتي ونعمرهم بالدماميع ايا قالي خمس الدقايق غير قيس ما طلعت شفت اختي وديك البوبية ربي يحفضها ونفس المشكل في الرجوع سيركيلاسيون كحلوشة ايا برك لحقت للدار فرزت شوية وطيبت عشاتي الي هو فطور وحسيت بالعطش شديط البارح ريقي نشف وي الليل كنت نستنى العشاء بفارغ الصبر نرقد وخلااااص هدي هي حدحدحدة ماتبحرت ماوالوووو الوقت الي خاني مرات نحس اليوم فيه 48 ساعة ومرات مانصيبش الوقت لابسط الاشياء

 

[nawal1980]

رد: مادا ستطبخين سيدتي انستي '' الجزء 47 ''

ويبقى امل نضن انتي دهبيتو او نبع اليقين صح قوليلي والله تشوقت نعرفك شكوووون

 

[nawal1980]

رد: مادا ستطبخين سيدتي انستي '' الجزء 47 ''

سموحة بصحتكم السباقيتي شهيتيني فيه يبان خفيف ويوالم تلسخانة
اممم لووولا كلشي رائع وبزيان السعد لخوك ولعقوبة لكامل الي راح يفرحو قريبا
لينووووش بصحتكم الرشتة اممم طبقي المفضل بصح شعال مدرتهاااش نعجز نخدمها ونموت مانقدرش ناكل تاع برا
كتر خيركم حدددوو اممم مشيمشة هايلة شوفي واش دؤت بها انا
http://i.imgur.com/EXrfAqJ.jpg

 

[nawal1980]

رد: مادا ستطبخين سيدتي انستي '' الجزء 47 ''

هادو خبيزات الشاورما بطريقة فردية تطبيق للمرة الالف للاخت ام اماني هايلين اممم
http://i.imgur.com/6W7glmf.jpg

وهدا تطبيق الكريبوني للاخت ام حنين خخخ نسيت ما صورتش وكي تفكرت نحيتلهم من يدهم وحطيتهم يتصدرو باش نصورهم خخخالمهم والله هايلين تقولي كريبوني راكي تاكلي فيه ننصحكم تجربوه نقي وخدمة الداار وزيد كريبوني تاع الصح
http://i.imgur.com/iMbJS7e.jpg

 

[انريس]

رد: مادا ستطبخين سيدتي انستي '' الجزء 47 ''

هذو بعض الحلويات اللي درتهم في عرس اختي

مازال موديل نتاع الشمعة
والصابلي بالميرنق اللي قهوينا بيه و المقروط و 2 موديلات جابوهم بنات خالاتي كي نروح لدارنا نجيب لي فوتو نتاعهم مصورتهمش
معذرة على الصور مهمش باينين مليح نصور بالزربة راكم عارفين حالة العرس
بالاك غدوا نزيد نكمل كلش
حقا المقرقشات مدرتهاش انا دارتها مرت خالي كثر خيرها

 

[ويبـقى الأمــل]

رد: مادا ستطبخين سيدتي انستي '' الجزء 47 ''

ويبقى امل نضن انتي دهبيتو او نبع اليقين صح قوليلي والله تشوقت نعرفك شكوووون

انا نبع اليقين توحشتك بزاااااااااف والله واش راكي ​

 

[ام منة]

رد: مادا ستطبخين سيدتي انستي '' الجزء 47 ''

 

[ام منة]

رد: مادا ستطبخين سيدتي انستي '' الجزء 47 ''

السلام عليكم.
بصحتكم واش طيبتوا و ربي يديم النعمة على الكل
فطوري اليوم سلاطة. بطاطا. و الجاج مع الفطر. و الخبز بالفرماج رابي

 

[nawal1980]

رد: مادا ستطبخين سيدتي انستي '' الجزء 47 ''

انريسو كلو رااائع ماشاء الله اختي الا مافيهش ازعاج عندي عرس وحابا ندير قاطو ممكن وصفة تاع الاول والتالت
سهومة يعطيك الف صحة شهيتيني وراني صايمة نحب هكدا الفطور من كلشي شوية اممممم * وجبة متكاملة

 

[nawal1980]

رد: مادا ستطبخين سيدتي انستي '' الجزء 47 ''

ويبقى الامل او نبعو كما كنت نقولك واش راكي هادي غاااااابة كبيرة ماتباني ماتقولي عندي احباب بصح شفتي علبالي بلي توحشتوني قلت نجيكم خخخخ راني نضحك معكم والله كاين ناس كالجوهر والماس نسيانهم صعيب
حنونة بسووووم كيش اخبار على لويزة وكوتر الوهرانية وروز22و شموسة *

 

[أم رزق الله]

رد: مادا ستطبخين سيدتي انستي '' الجزء 47 ''

مسلخير عليكم كامل و صح فطوركم

اسماء حلوى تهبل يعطيك الصحة و الف مبروك على اختك ربي يهنيها ان شاء الله

لبنات كامل لي حطيتو طيابكم نقولكم يعطيكم الصحة

هادا فطور ليوم

​

 

[ويبـقى الأمــل]

رد: مادا ستطبخين سيدتي انستي '' الجزء 47 ''

ويبقى الامل او نبعو كما كنت نقولك واش راكي هادي غاااااابة كبيرة ماتباني ماتقولي عندي احباب بصح شفتي علبالي بلي توحشتوني قلت نجيكم خخخخ راني نضحك معكم والله كاين ناس كالجوهر والماس نسيانهم صعيب
حنونة بسووووم كيش اخبار على لويزة وكوتر الوهرانية وروز22و شموسة *

والله سامحيني يااختي والله كانت عندي ظروف بزاف وصعبة تاني والله بصح راكي ف قلب عمري مانسيتك كي انتي وكي روعة

وزيد كمل عليا المنتدى هذاك ماحبش يسجلني مانعرف وعلاش المهم انك لاباس ورانا صبنا بعضانا من جديد

​

 

[nawal1980]

رد: مادا ستطبخين سيدتي انستي '' الجزء 47 ''

الحمد لله حنونة المهم كما قلتي رانا مع بعض ربي يدومها ان شاء الله تعرفيي كل مانطيب غريبية نتفكرك مانعرف وعلاش خخخ:p

 

[ibtesem]

رد: مادا ستطبخين سيدتي انستي '' الجزء 47 ''

صباح الخيرات عليكم جميعا خخخ هدا وين نايضة نتكسل خخخخ
نوال صيامك في الجنة
ام رزقو امممم بصحتك الحوت اختي
لولا ديزي بصحتكم اختي مبروك عليكم
انروسة مبروك لاختك
يبقى الأمل خخخ انت بنت واد سوف اووووساكتة والله حدا وين تولهت شكيت في الاول بعد قلت خاطئة
واش راكي
نشرب قهوتي نرجع بصور