دير معانا ذكرى هنا ..... ورايحين نتذكروك حتى لو انسيتنا الجزء 2

[أمــ وليــد الجزائرية]

أهلا بأحبائي اللمويين
إن شاء الله تكونو كامل بخير

أردت إعادة إحياء أجمل موضوع بالنسبة لي سبق وأن طرحته
موضوع ترك ذكريات رائعة
من أعضاء أحببناهم و عشقنا أقلامهم
و أردنا أن تبقى ذكراهم دوما معنا


فهناك من غاب عنا نتمنى يارب عودهم بخير
و هناك من أخذتهم عنا الحياة
و هناك من ليومنا هذا لازال قلمه معنا


لموضوع باين من العنوان

الي فاتو الموضوع نعود نذكركم بطريقة سيره

المطلوب ليكم ماشي بزااف غير ان كل واحد فينا رايح يكتب اسموا اهنا ويقول واش يحب ويهدر براحتوا
فقط رايح ايكون هاد الموضوع هو كصفحة لذكريات فمتى ما بغينا نتفكروا بعضانا ندخلو لهاد الصفحة رايحين نتذكروا الاصدقاء الغايبين و نولي ليه .... ورايح تضغط غير في ايقونة البريد وترسلوا رسالة الي تخليه يشعر ولا عاد في يوم من الايام انوا مزال في وجداننا

هذو بعض الردود من الموضوع الأول
من أعضاء اداتهملنا الحياة و عطالنا ربي فرصة ليوم
نتذكروهم حتى ومع أنو مقدرناش ننساوهم
دعوة صادقة منكم ياأعضائنا الكرام لكل من

mimi.dz
:: في ذمة الله ::

​

هاذي كانت أمنيتها
:cray02::cray02:

موضوع مميز

وانشاءالله تبقى اللمة جامعتنا

الله يارحمك ياختي ميمي

نولو للأخ

ayoub_online
:: في ذمة الله ::

مقدرناش ننساوك يا خونا أيوب

السلام عليكم
أولا أعرفكم بنفسي ( باش ماتنساونيش خلاص ) :biggrin:
أنا أيوب من ولاية سطيف العالي
طالب السنة الثانية جامعي منتقل إلى السنة لثالثة ( قولوا ان شاء مايدخلش للراتراباج :huh:
تخصص هندسة مدنية
جامعة فرحاة عباس​

إن لله و إن إليه راجعون
يارب أرحهم وأرح روهم يارب
و اجعل الجنة تغمرهم يارب


نعود لبضع الردود من أعضاء لا يزالون مميزين معنا
أولا مع أختي و معلمتي Moon_light
الي مزالها أبوني معانا لليوم :-r

مشكورة على الموضوع أختي حتى الآن راني آبوني مع هاذ المنتدى
وما حايباش نخطيه وتحيا اللمة الجزائرية
...​

الأخت ziassia

شــــــــــــــكرا جزيلا لــكـــِ أختي على الموضوع

و بارك الله فيك

و لكـــلٍ منا بصمة يتركها لكــل من عايشهم و قضى معهم أوقات وأكيـــــــد لن ينسي بعضنا بعض

و أكرر شـكرا لكــِ على الموضوع

موفقة بإذن الله ,,,, و لكــــِ مني أجمل تحية ​

الأخ روماريو القناص

مرحباااا

ههههه الي فهمتك هو أن ،،، روماريو القناص ،،، بعد مرور 100 سنة إنشاء الله ،، رح يدخل للمنتدى ويلقى المواضيع والمشاريع لي دارها هنا في هدا المنتدى الكبير ،،، ههههه ونكون فخور بالبزااااااف ؟

ربي يخليك

ميلينا

ودي ووردي ​

منقدرش نجيبهم كامل
اخترت عينة برك


نتمنى نشوف كل اقلام اللمة هنا
من كبير لصغير

و انا هذي كلمتي
​

معاكم ياجيل الي رح يجي غدوا
معاكم mlina4algeria
سجلت في 2009
اللمة منتدى عشت فيه أجمل ايام حياتي
سجلت وانا صغيرة و كبرت فيه
جمعني ربي بأطيب الناس
و كامل نقوللكم شكرا ليكم كي منحتولي فرصة نكون سعيدة معاكم
ولا فارقتني لحياة عنكم يوم من الايام
متنساوش المشاغبة mlina في دعواتكم

أحبكم في الله


​

 

[السلطانة]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

وعليكم السلام

حالياً الأعضاء النشيطين الذين يشاهدون هذا الموضوع : 2 (2 عضو و 0 ضيف)‏ساندريلا زماني, ‏mlina4algeria

منتدى اللمة بالنسبة ليا هو دار علمتني بزاف امورات متنوعة ^^
وفيها عرفت ناس ماشاء الله
وعشت مراحل عمري المختلفة فرحت وبكيت بين حيطانها كل زاوية منها تعنيلي بزاف

ربي يرحم الاخت ميمي وخونا أيوب وجميع موتى المسلمين يارب

موضوع حلو ميلينا كيما انتي بعد​

 

[الحلم الوردي]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

السلآم عليكم
فكرة مليحة اختي فلة
ايه صح انا سجلت في سنة 2010
اي عندي 4 سنين
في منتدى اللمة الجزائرية
وزيد كان عمري صغير
وتعلمت حوايج و تعرفت على الكثير من الاصدقاء
خاصة الصديقات الفاضلات
كانت كل من السنوات الثلاثة حياتي كانت سعيدة
اما للاسف العام الرابع فقدت الاب نتاعي ربي يرحمو
و لات حياتي حزينة اشكر كل من وقف بجانبي
ان شاء الله يارب ترجع حياتي كيما كانت من قبل
يعطيك الصحة اختي
​

 

[Pyar]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

-

وعلييــكم السّــلآام..
فكـــرة في قمـــة الروعة
يعطييـــك الصحة فلة
بون أنا سجلت في المنتدى عندي عــآام
يعني وقت كـآان عمري 11 سنــة
مي عشت فيه بزآآآاف لحظــآات رائعة و تعرفت على بزآاف أعضاء هنا
بقــآات بصمتهم في قلبي و مانجمش ننســـآاهم أبداً
و تعلمــت من اللمة بزآاف حوآيــج حتى اني تبدلت و تقدرو تقولو كبرت مع لمتي،
ربي يحفظهــآالنا و يخلييـــكم فيهــآ
تحيـــآاتي ^^.
​

 

[MĭŠš Čhŏů]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

السلام عليكم
فكرة هاااايلة
سيرتو بالنسبة ليا
حتى انا نحب الحوايج هاذي
الحمد لله فاللمة
تعرفت على بنات ياسر وحبيتهم
كانت احلى ايام حياتي فالنت فاللمة
استفدت ياسر من البنوتات هنا في كل المجالات
اللمة هو المنتدى الوحيد اللي سجلت فيه وبقيت نتردد عليه ومستحيل نسيبو
ان شاء الله الحبيبات ما ينسونيش
وانا اكيد مشني رح ننساهم

حبيت نقول للاخت ملاك25 مالgري نعرفها غير بالاسم
مي راني متفكرة باباك بالدعوات
وربي يرحمو ويوسع عليه
ويرحم موتى المسلمين

بارك الله فيك
اختي
​

 

[Ma$Ter]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

السلام عليكم ورحمة الله وبركاته
موضوع فور اتمنى التثبيت

..
انا سجلت فى 2007 ما نعرفش اسباب تسجيلي
ممكن كى كنت مهتم بالربح من النت والا حاجة هكذا ^^
واختفيت رجعت للمة سنة 2013 وكنت ندخل الا للقسم الاسلامى
ومنذ ذلك الوقت تعرفت على كثيرناس فى اللمة وعجبنى وادمنت عليه
ربي يحفظكم
شكراا فلة على مواضيعك الراقية
..


حالياً الأعضاء النشيطين الذين يشاهدون هذا الموضوع : 5 (4 عضو و 1 ضيف) ‏Ma$Ter, ‏إسراء بنت الجزائر+, ‏جزائرية من مثلي+, ‏mlina4algeria

​

 

[منايا الجنة]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

موضع رائع اختي
انا حبيت نبقاو كامل اسرة واحدة في لمتنا الغالية متحابين في الله و نذكروا بعضنا بعض بالخير حتى لو غابوا علينا لعزاز ولا رجعو لينا نفرحولهم و نحمدوا العالي بسلامتهم .كل الحب و التقدير لعائلتي التانية
اللهم ارحم من فرقنا بيهم الموت

اللهم أنت أعطيتني خير أصحاب في الدنيا دون أن أسألك فلا تحرمني من صحبتهم في الجنه وأنا أسألك أللهم أسعدهم وفرج همهم وحقق لهم مايتمنوا وأجعل الجنه مقرا لهم أللهم لاترد دعواتي لهم فأني فيك أحبهم.

 

[ام@الاء]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

اولا السلام عليكم ورحمة الله وبركاته

مم فلة موضوعك ماشاء الله يعطيك الصحة :up:بالنسبة ليا اللمة
اجمل حاجة لقيتها في حياتي
تعرفت على خاوة ماشاء الله وفي نفس الوقت استفدت منو بزاف:-r
ربي يخليلنا لمتنا على فكرة منتدى اللمة اول واخر منتدى راح تكون فيه فرح بسكرية:$
ومنقدرش نغيب عليه لمدة طويلة
بصراحة منتدى جميل جدا جدا بكل ما تعنيه كل جميل

مواضيع رائعة واعضاء رائعين
تاريخ التسجيلي كان في
23 - 08 - 2013 يعني معنديش اي مكملتش عام ومبقاش بزاف ونديرو صح معنديش مدة كبيرة ملي تواجدت فيه مي عشت فيه بزاف لحظــآات رائعة ;بكيت ;ضحكت وفرحت و تعرفت على اخوة واخوات هنا
حتى اني افقدت فيه اخت من اعز الاخوات لي عرفتهم اختي ليليا ربي يرحمها مستحيل ننساها
تعرفو بلي اللمة اجمل المنتديات
اكيد المنتدى جميل بكل الاداريات والمشرفات و العضوات و كل اللي يساهمو بتميزهم في المنتدى ونشاطهم الدائم حرصا على انو يكون هذا المنتدى رائع

لكن الاجمل هي وحدتنا وحبنا لبعض دون اي مجاملات:up:


ربي يخلي منتدانا:-r:$

اختي فلفولة تحيـــآاتي الحارة:regards01: ^^.​

 

[Racha1996]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

موضوع جميل جدا شكرا لك
انا عضوة جديدة واسمي رشا من ادرار
احب الكلمات الحزينة واعشق العبارات الضائعة احب كثيرا سماع هذه العبارة " انها النهاية"
وعلى النقيض من ذلك متفائلة كثيرا و طموحة جدا
احب تعلم اللغات وانا ادرسها كما احب ان اتعلم الامازغية بكل انواعها بدءا بالقبايلية
ربي يسعد قلوب جميع الاعضاء من حيث لا يحتسبون وربي يوفق الجميع
شعاري في الحياة "the impossible is a word to be found only in the dictionaire of fools"

"enjoy by ur life because u have only one"

 

[♥SaMoù Là MoDèsTe♥]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

السَلآمُ عَلَيْكُُُمْْ

منتدى اللمة يفكرني بعآمي الأول تآع البآك
سَجلت فيه لٍمصْلَحة وهي نتآئج البكآلوريََــــــآ
لمـَــآ شْـــفت بزآف أعْـــــضآء فيهــ يتفآعلو قلتــــ
أنــآ تـآني نـدخُل نسَقسي ... كآن ذلك سنة [2008].

​

يعني وُلدْتُ في اللمة من وقت كآن في عمري 18 سنة
والآن صرت صآحبة 23 سنة و مآزآلني فيهآ وأَفْتَخِر بذلك
وهذآ إن دَل على شيء إنمآ يدل على أن لمتنآ أسآسها متين
بٌنيت من أجل الصَدآقة الصآدقة والمنفعة المتبآدلة ~
من أجل تقريب جزآئريو 48 ولآية من بعضهم
العاصمي مع الصحراوي ;السكيكدي مع التلمساني ;
الشلفي مع البسكري ; السطآيفي مع الغيليزآني ;
الوهراني مع المسيلي ; العنآبي مع البليدي
...... ...... ...... ...... ...... ......

اللمة جعلت اللي في الخآرج
يحس روحو رآه في البلآد وهذآ شي رآئع
[بِبَسَآطَة اللَمَة قَرَبَتْْ المَسَافَاتـْ]

وهذآ بفضل إدآرتهآ ومشرفيهآ الطيبون
أقول الطيبون لأنهم ورآء عآلم إفترآضي لكن
يعملون بجد و بنوآيآ صآدقة و بتقديم كل مآهو أحسن
بالرغم من أنهم ليسوا مجبرون .....
هُمْ أبنآء الوطن الأحرآر (الشيء اللي يخليني نحس بلي البلآد مآزآلهآ بخير)


أتمنى أن يستمر ويعلو صوت لمتنآ أكثر
إن شـآء الله مآ نفآرقش المنتدى حتى نكون بولآدي
و يولو ينآدوني الأعضآء في المنتدى طآطآ سامو
وإذآ قدر ربي وانفصلت على اللمة نتمنى كل التوفيق لحآمليها
مآ تنسآونيش بالدعآء كل مآ تفوتو على هذآ الرد
أدعولي بالهدآية ّّوالثبآت و المغفرة والثوآب والهنآ و الصحة و رضا الوآلدين

..... نحبكم بزآآآآآآآآآآف .....
​

كآنت معكُم sàmou là modeste
tesnimnet سابقا
​

​

 

[BiG JoE]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

سنفور أون بيغصون
مر من هنا في يوم 05/05/2014
ربي يهنينا إنشالله
خويا josefcom
راك في لقلب
​

 

[ملكًة الاحسآس]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

وعليكم السلآآم
اممم منتدى اللمة بيتي التآني بكل معنى الكلمة
تسجيلي فيه كآن سنة 2009 ، يعني هي ايآمآت قليلة ونكمل 5 سنين معآكم
تعرفت على نآس كنت نتمنى يكونو قرآب مني مش غير فالنت حتى فالوآقع
اللمة علمتني حوآيج بزآف ، كبرت وكبر عقلي فيهآ
منحتني حآجـة غآلية عليآ بزآآف وان شاء الله يآملينآ في جزء من هذآ الموضوع
نعآود ندخل نتفكرهآ ونفكركم بهآد الحآجة
صدقوني أمنيتي نشوف ابني ولآ بنتي مسجلة هنــآ ، مآتدري هدي دنيــآ
ربي يحفظلنآ منتدآنآ ،الله لآتفرقنآ ولآ تفرق لمتنــآ
​

 

[Ma$Ter]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

وعليكم السلآآم
اممم منتدى اللمة بيتي التآني بكل معنى الكلمة
تسجيلي فيه كآن سنة 2009 ، يعني هي ايآمآت قليلة ونكمل 5 سنين معآكم
تعرفت على نآس كنت نتمنى يكونو قرآب مني مش غير فالنت حتى فالوآقع
اللمة علمتني حوآيج بزآف ، كبرت وكبر عقلي فيهآ
منحتني حآجـة غآلية عليآ بزآآف وان شاء الله يآملينآ في جزء من هذآ الموضوع
نعآود ندخل نتفكرهآ ونفكركم بهآد الحآجة
صدقوني أمنيتي نشوف ابني ولآ بنتي مسجلة هنــآ ، مآتدري هدي دنيــآ
ربي يحفظلنآ منتدآنآ ،الله لآتفرقنآ ولآ تفرق لمتنــآ
​

أمنيتي نشوف ابني ولآ بنتي مسجلة هنــآ :d
خلى نسجل حتى ولدى المستقبلى معا بنتك :p
​

...


​

 

[طائر الخير]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

السلام عليكم
​

سجلت في 2012 و اللمة نقدر نقول عليها نقطة تغيير

كان اول منتدى نسجل فيه و نكتب ردود كاين حاجة خلاتني نبقى

لحد الان معرفتهاش واشي.... و الحمد لله عرفنا ناس في غاية الروعة هنا.

ان شاء الله تبقى اللمة لــ100 سنة لقدام وتنفع ناس اخرين كيما نفعتنا.

وبالنسبة لحكيم ان شاء الله ولدك يجي عاقل عليك و ما يهبلش الغاشي كيما انت:p

يعطيك الصحة اختي فلة على الموضوع المميز

مزيد من التالق و الابداع في المستقبل

يوسف كان هنا نهار الثلاثاء 06/05/2014

:regards01:
​

 

[عليلو 24]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

جويلية 2008 الى الان الى الابد​

 

[zakiii]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

سلام الله على كل أهل اللمة أول شيء أنا ندمت أني معرفتش منتدى اللمة من قبل و دك عندي شهرين أو أكثر و الله و الله منتدى رائع و جميل كأصحابه أول مرة شاركت بمشكلة و و قفو معايا أهل اللمة و أدعاولي و الحمد لله ديك المشكلة تحلت بفضل ربي و بفضل دعائكم و دك راني مدمن على المنتدى و إنشاء الله نكون في المستوى و بارك الله فيك أختي على الموضوع أخوكم زكي

 

[♫الباحثة عن الحظ♫]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

بون سلام عليكم

انا سجلت معاكم في 2013
منعرف الا كانت صدفة برك ولا كانت سبب
انا بطبعي مكونتش نميل للطبخ بزاف

ايا نهار قررت نشوف كان روسات درت بحث و خرجتلي اللمة و دخلت
و التم الي قررت ندير تسجيل

و جيت وكانت اول مرة معايا اهنا بينكم مع الاخ اوصاف الصافي:regards01: ربي يذكره بخير و يشفيه
و من هاديك حبيت اللمة وناسها و اصبحت مدمنة عليها عيشت معاكم افراحي كلها و مزالي
اما اكثر حاجة الي عزتني في قلبي يوم وفاة الوالد و القيت الناس تجري ليا و تصبري فيا اهنا
ناس ما يعوفني ما نعرفهم غير باسم شهرتي الجميل ال تحصلت عليه وحبيته منكم و الي هو
باد شونص:p و من هاديك وليت كل ما نسمعه نتفكركم

باد شونص مرت من هنا 13.05.2014



ربي يخليكم
​

 

[Mafia-beo16]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

السلام وعليكم
مشكورة ختتيتو على الموضوع
انا سجلت معاكم في نوفمبر 2007 يعني قريب 7 سنين كبرت هنا لكن غبت ورجعت في 2009
كانت اجمل السنوات عشنا فيها الحلوة والمرة
عرفت اعضاء ماندمتش الي عرفتهم كنا اخوة
لكن في 2011 و 2013 كانو الاسوء في حياتي فقدت اعز الناس ايوب وماجدة ربي يرحمهم
تغير مجرى حياتي لكن بفضل اللمة قدرت نتقبل ونرجع كيما كنت
غبت و وليت لبيتي التاني اللمة رغم اني مقصرة اتجاها واتجاه اعضاءها لكن تبقى ديما في قلبي
وان شاء الله نبقى ذكرى جميلة فانا اليوم معكم وغدا لا ادري اين
كانت معكم محدثتكم بسمة Mafia -beo16
14_ 05_2014​

 

[ويبـقى الأمــل]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

وعليكم السلام
شكرا على موضوع ملينا
امممممممممم انا سجلت او بالاحرى تعرفت على اللمة من 2007

تعلمت منها بزااااااااااف حوايج
نروح نروح ونرجع للمة لان نلقى راحتي غيرر هيا صحيح انو مش عاملة منها صديقات العمر مثل البعض بصح علمتني بزاااااااااف حوايج
نغيب عليها بصح نرجع بعضوية اخرى المهم ماانسيتهاش ولا عمري ننساها هيا عالمي الثاني

كل ما نتعثر وتتعثر حياتي نجد الحل هنا صراحة هيا كل شي بحياتي

والحمدالله هالعام هذا كسبت فيها 2 صديقات غاليا عليا بزااااااااف الله لا يحرمني منهم



وان شاء الله نبقى ذكرى جميلة فانا اليوم معكم وغدا لا ادري وين نكون

15-05-20014
​

 

[sahiko hamza]

رد: دير معانا ذكرى هنا ..... ورايحين نتذكروك حتى لو انسيتنا الجزء 2

سلام عليكم ورحمة الله

حمزة من وادي سوف
صاحب العضويتن المحذوفة hamzahiphop & h@mza_39

سجلت في 2008
صح كبرنا فيها اللمة وربي يخليهالنا ان شاء الله
صحيتي اختي على الموضوع الرائع .
​