عرفنا به إن كنت بطيفه عارفا .. أو تعرف عليه ..\\ mlina4algeria ...\\24

[أمــ وليــد الجزائرية]

رد: عرفنا به إن كنت بطيفه عارفا .. أو تعرف عليه إن كان شخصه عنك خافيا ........\\24\\

وعليكم السلام
واقيلا هادا عضو من العالم الآخر

:cray02::cray02::cray02::surrender01::surrender01::surrender01:​

جيت نبدى و نبدى مع حبوبتي ساندي
قتلتيني هنا بالضحك و قلت كل الأعضاء ترالهم كيفك لاكن حلمي تبعثر :d
​

 

[أمــ وليــد الجزائرية]

رد: عرفنا به إن كنت بطيفه عارفا .. أو تعرف عليه إن كان شخصه عنك خافيا ........\\24\\

يا عمي العمد ساهل جدا جدا

تبالي معايا انا غير أكتب الموضوع

و دير في بالك عضو نجيبو

هههههههههههههه

خليهم يحاولو شويا مكانش

اعطيني الضوء الأخضر برك
​

غير شفت ردك عرفت فيها شيء خطير :d
​

 

[أمــ وليــد الجزائرية]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

كالعادة نرحب بالاخت ملينا ... mlina4algeria -​

ونفتتح باب الضيافة .. ونرجو لها ولكم وقتا ممتعا ...

الم اقل لكم انها مشهورة ..ونشطة ... ولكن مثل الشمس .. كلما ظهر الامر جليا اصبح خفيا ...

فتفضلوا بأسئلتكم ..

أولا نقولك عمي العمدة
شرفتا هنا في لمتنا
و حضورك مميز والله
و أنا وحدة من الناس الي تحترمك بزااف
ربي يخليك نشيط سليم بعيد من العين:d

والبداية مع العمدة ..

بسم الله نبداو
1- الاسم الحقيقي .. ان امكن ؟

كامل يعرفوه ياعمي
فلـــــة

2- مكان السكن الولاية ام خارجها ؟

هذي معلومة بلاك تكون جديدة عليكم
انا بين بومرداس و تيزي وزو
و مدام قراب لتيزي وزو درت تيزي
مي انا من ولاية بومرداس :d
خاطيني جرجرة :p


3- الاختصاص والمستوى ؟

مديتش الباك و رحت للمعهد و درت
تكوين في مجال الاعلام الالي
تخصص قاعدة المعطيات
les bases de données

4- كيف تعرفتي على اللمة ؟

صديقة الشقاوي
هي سبة باه جيت ليكم

5- موقعك في العايلة ؟

3 قبلي و 2 بعدي

6- ما تحبين من الطعام .. وما تكرهين من الاشخاص ؟

اكلتي المفضلة هي البيض بكل اشكالو ولو بيض العصفور:d

ومن الاشخاص منكره حتى واحد منحبش نكره

7- كلمة عن شخصيتك في سطر ؟

شخصيتي مرحة و نحب اسعاد الناس

دمتي سالمة .. من التحقيقات ..

الاعضاء الحاضرين المتابعين للحدث .. امام الكاميرا ..ومن خلف الستار ..

حالياً الأعضاء النشيطين الذين يشاهدون هذا الموضوع : 10 (7 عضو و 3 ضيف)

‏عميــد القــلم الأزرق~, ‏إسراء بنت الجزائر, ‏bfares13, ‏missing heart+, ‏mlina4algeria, ‏secret de coeur, ‏Teacher Sweet+​

​

راك تشوف ياعمي عندي شعبية الله ابارك ربي يسلكني منهم على خير
​

 

[أمــ وليــد الجزائرية]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

ايا مليح لقيناها
صار هاذي نتي فلفولة

يعطيك الصحة ختي سوكغي د كاغ مبارك عليك الكاشي تاع العمدة

و فلة لي دخلت باه تغيبهالنا
زعما تسقسي في العميد باه يعاون ويقول اذا هاذ العضو طفل ولا طفلة
صحا صحا هاي فيك تجي في ايدي ياك اذا ماشبعتكش اسئلة وسمطت عليك مانيش انا :p
​

زعمة جيت نزيد نكمل و نمد كاش اسم و نلعبها معاكم هاكي تشوفي واش صرا
بديت نخاف من درك رهم يستناوني عرام تحت ارحميني :d
​

 

[أمــ وليــد الجزائرية]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

ميلينا مرحبا بيك
ان شاء الله تعجبك الحالة والقعدة بينتنا
كيفاه متعجبنيش وانا مع احب الناس لقلبي
بون نبدا بسم الله
حمد الله
وعلاش كنتي غايبة ع اللمة 2011 و 2012 ماكنتش نشوفك انا شخصيا ولا ماكنتيش صح ؟
ايه صح مكنتش رحت للارمي :d قصدي رحت من 2010 هكاك درت فورماسيو حمتني 3 سنين على اللمة و غير كملتها رجعتلكم
فين ترتاحي اكثر بالبيت ولا بالخارج ؟ قصدي تحواس
نرتاح اكثر في الدار ما احلا الدار بلا توجاع الراس تاع برااااا
اي فصول السنة احب ليكي ؟

نحب فصل الشتاء
شدي يدك بهادو دك نولي ان اشاء الله

علاسلامتك مدام انت لقيتيني لكي كل الحرية :d

 

[secret de coeur]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

علاسلامتك مدام انت لقيتيني لكي كل الحرية :d

الله يسلمك ماتموزال :d الي تحب دار كيفي والشتاء يامامي
ايه صبتك واليوم مانطلقش منك

صح يا سيدي دك نمدلك صفات وستفي فيهم اعضاء كيما تحبي

بوقوص/ة
مجنون/ة
حبوب/ة
حنون/ة
منغول/ة
ذكي/ة
سامط/ة

ايا بزاف

كلمة تقوليها لشخص عزيز عليك ماقدرتيش تقوليها اونفاص ؟:$
احب مكان ليك فدزاير ؟
احب بلد ليك اباغ دزاير ؟ ماتقوليش مكة فوتيها
اقرب عضو ليك من اول مرة سجلتي فاللمة ؟
شكون لول الي تفكرك كي وليتي بعد غيبة ؟
رايك فالقرعاجة الي قاعدة تسقسي فيك ؟
ياك ماسمطتش عليك ؟ :p

 

[ملكًة الاحسآس]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

وعليكم السلآآم
اممم فلفولــة عجبتني يآجدك كي غيبتهآلهم
وجيمي عجبتني أكثر كي فآقتلك يآآو هدي من جمآعة المحقق كونآن
كنت بكري كي ندخل نلقآهم فالعميل السري يعني شدت الصنعة يعطيهآ الصحة
بوون صآآر يآلستوتة بومردآسية وحنآ حآلتنآ حآلة آي من تيزي ههه
سؤآلي ليكـ :
وآش تعشيتي ؟؟
شحآل تلبسي في رجلك ؟؟
يوم مليح بزآآف فآت عليك وجآمي تنسآه ؟؟
وآش رايك في ملكًة الاحسآس بصرآحة ؟؟
وآش رايك في مُشرفآت عآلم المرأة : السآندريلآ ، مون لآيت ، ميس سوسو ، خيرة
هيآآآ بزآآف عليك هدوو ، ديجآ شفت لآشآن جآوبي والآ صحتلي نزيدلك امبعد



​

 

[nanoche]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

مرحبا مرحبا مرحبا ايييوااا طحتي في الشبكة يا لالة
أنا ما نعرفش عليك بزاف عفايس مي حابة نعرف شخصيتك و نتقرب من تفكيرك ....وما نكترش عليك
حبيت برك نعرف واش رايك في :
-الوالدين
- رجال اليوم قبل و بعد الزواج
- الصداقة بين البارح و اليوم
- ذكرى آلمتك كثيرا
بزاف عليك راني نشوف بليك للصباح و ما رايحاش تكملي اللي قبلي ههههههه
​

 

[أمــ وليــد الجزائرية]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

-

ســلآام من جديد..
و عليكم السلام يالحبيبة
فلــة قوليلي رآيك ف هادو واحد واحد :
اوكي
حالياً الأعضاء النشيطين الذين يشاهدون هذا الموضوع : 11 (8 عضو و 3 ضيف) ‏إسراء بنت الجزائرا
اسراء محبوبة الجماهير
نفشل كي نشوفها كونيكتي ومتردش ولا متديرش مواضيع نحب وين نروح نلقا اسمها :d

, ‏bfares13
ملي دخلت لهذا لموضوع و هي ولا هو هنا حتى شكيت انو هو العضو المخفي :d
, ‏ikràm mahbOulà GiiRl
وين يكون اسم مهبول معنتو ناس ملاح
اكرام رهي شاغلها الباك يارب تفرحيلنا و كل نفرحو بيك
+, ‏missing heart+
هذي الطفلة منعرفهاش مليح مي دخلت قلبي و معرفتش كيفاه ربي يحفظها و يخليهالنا يارب
, ‏mlina4algeria+
:regards01::d:regards01:
, ‏secret de coeur
هذي المخلوقة مدرتهاش و منشوفهاش بزاف وين ندور انا و خلعت كي لقاتني حتى وليت شكيت انها اتصلت بالاخ سيف
, ‏Teacher Sweet
استاذتي المستقبلية
اخاه وليت نترجم علاجالك نحسها من الناس الي ننساجم معاهم تشبه شويا لنينا dz هك نشوفها خاصة كي ولات بنفس لوني :d
, ‏عميــد القــلم الأزرق~
نتفكر نهار جيت نديرلو مقلب دارت عليا الدنيا و المقلب طاح عليا

​

هاني قلت الي جا في بالي هذي الدقيقة
و الكونيكسيو بداتني من مقبيل الي كتبت و مزال برك باه ندير اعتمد المشاركة :d
​

 

[أمــ وليــد الجزائرية]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

سلام ختي فلة
وعليكم السلام
نبداو بالاسئلة:
- كيفاش تشوفي روحك، كالم ولا نيغفاز؟
كالم بزاااف
وطبعك يغلب عليه التعقل ولا الطوايش؟
متفهمينيش عاقلة و في نفس الوقت طوايشية:d
- عندك الجرأة تطلبي السماح من شخص غلطتي معاه امام الناس؟
وي وهذي دييما نقولها و نعاودعا و مدام غلطت لازم نستعرف بغلطتي و منرتاحش حتى نطلب السماح
- لو خيروك (بعيد الشر) بين يمنعوك من رؤية احد هاذ الزوج (امك - اختك) للابد شكون تخيري؟
انا نقولو الله اسهل نسمح فيه هو قبل مايوصل يخيرني بين دمي و قطعة مني
- كلمة تحبي الناس يقولوهالك؟
:pمافيا:p
- شريتي مواعن رمضان؟ :p
والله ليوم برك شريت وحد ليسوطاس زعمة قلت تاع لبوراك تالمو توحشتو :d
- اعطيني صفة تكرهيها في روحك؟
الثقة في النفس
وesq قادرة تنحيها؟
رني نحاول
- علاه تحبي اللمة؟
لانو هنا نحس روحي مرتاحة بكل بساطة
هي بيتي الثاني
- بعد الزواج ان شاء الله تفضلي تقعدي في الدار ولا تخدمي؟
نخدم بعد مايكون عندي ولادي نكرس حياتي ليهم
- امنية حابتها تتحقق
نربح الجنة
- اكثر وقتك مع الدار، البيسي، التيلي ولا القراية والريفيزيون؟
البيسي مكيش تشوفيني هنا اش فانتكات:d
- اذا غاضتك كلمة ولا جاست من كاش واحد ولا وحدة تقوليها ولا تخليها في قلبك؟
نونونو نحكيها جامي نقدر نخليها في قلبي
- تحبيني ولا والو :p
بديت نحبك :d
ايا الحاذقة منكثرش عليك، جاوبي و تربحي معانا رحلة للموزمبيق
​

كثرتي عليا ناوية تجيبي معايا لفجر ليوم
​

 

[أمــ وليــد الجزائرية]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

خخخخخخ هادي غير ميلينا برك انا قلت جنّ ساكن اللمة :p:p:p:p:p
هههه غير عتبريني جن ههههه
يعطيك الصحة جيمي كي عرفتيها

نعرفك مافيا وقرعاجة من زمان :d:d


سؤالي لميلينا يعني طلب برك :

تفضلي
قوليلنا بالقبايلية نحبكم ياناس اللمة :-r​

حمْلَغكُم أَلغَاشِي نــ اللمة
​

 

[أمــ وليــد الجزائرية]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

جيتتتتتتتتتتتتتتتتتتتتتتتتتتتتتتت

فرحانة جيييتي كنتي تجيبيهم شويا شويا مش حرام عليك

جابك ربي ميلينا ههههه هاهاهها

علاه كنتي تستنايني:d
"ياورد مين علمك تجرح"لمن توجه هذه العبارة؟؟

نوجها لملينا برك

رتب الكلمات التالية حسب أهميتها عندك:الحب -العائلة -المستقبل المهني-الصداقة-المال:

العائلة بعد الصداقة يجي العمل باه يوصل الحب هذا
كان سقسيتيني قبل 2014 بلاك ميكونش هذا الترتيب
درك كبرت و كبر عقلي بلاك :-r

أغمض عينيك لدقيقة وتخيل أنك تملك العالم بين يديك ماأول أمرين تفعلهما؟؟:

نقرب اعز ناس لقلبي يجو يعيشو قدامي نبنيلهم كامل دار دار

-كتاب حياتك بما تصفه؟؟"

حلام ذهبت دون رجعة

لوعاد الزمن ما الشيء الذي ستفعله مرة أخرى؟؟؟:

وحد المغامرة مع توأم روحي
جامي نقدر ننساها

ومالشيء الذي لن تفعله مرة أخرى:

منقدرش نرد هنا معليش

-لا أسمع لاأرى لاأتكلم متى تطبقها؟؟:

كي نكون قدام امر صعيب
نحاول طول مندخلش روحي

ماأكثر شيء يحرجك؟؟:

ألم أمي

قبل اسمك ماذا تحب أن يكتب؟؟:

لقبي :d:p

حقيبة أسرارك عند من تودعها؟؟:

توأمتي

متى يقسو قلبك؟؟:

عندما يكون أمام موقفين محرجين

هل خجلت من شخص ؟؟متى وأين؟؟:

هيه منيش حابة نتفكر مش مرة وحدة

كم مرة قلت أحبكمن القلب ولمن؟؟:

قلتها درك شويا
لناس اللمة كامل
و قلتها بلقبايلة باه تعرفي انها طول من القلب:d
ماأفضل عاداتك وماأسوأها؟؟:


أفضل عاداتي: نسمح بسرعة
أسوأ عاداتي: نبكي بزاف

ماهو حلم حياتك؟؟:

تكون عندي طفلة
حتى ولو كانت مش من لحمي و دمي

متى تضحك وأنت تبكي؟؟:

كي نشوف حاجة متوقعتهاش منعرف لانفرح ولا نبكي ايا نديرهم في زوج



شكرا نعنعينا
​

صعبتيهالي ياطفلة
​

 

[أمــ وليــد الجزائرية]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

السلام عليكم ورحمة الله وبركاته
مالا العضو هاد المرة ميلينا ^^

كي شفتك هنا طرت من الفرحة توحشتتتتتتتتك

بصح نستعرف ماكنتش نقدر نعرفها من المعطيات هادوك ,, لازملهم واحد قرعاجي من الكبار هههههه
ميلينا واش نقول عليها من غير الانسانة هادي ماكانش واحد يعرفها وما يحبهاش طيبة ما شاء الله عليها

:$الله يخليك يا لخضرا:$

ماعنديش بزاف من الي عرفتها الله يبارك عليها
وماعنديش بزاف اسئلة نطرحهم عليها بصح مادام دخلت و جبدت الستيلو نكمل نكتب :
1: كيفاش كان شعورك كي كنتي حاكمة الكاميرا وتحبسي قلوب الناس في رمضان ؟ هههههههه

كان شعور لايوصف سورتو كي توصلني رسالة و نفتحها نلقاهم يغليو :d ثم نزيد لادووز
2 : معولة تديريها هاد العام تانيت ؟؟
هيه درتها سيبو :d
وقتاش تورنيها قبل رمضان ولا في رمضان ؟؟
خلاص تورنيتها استناوها في رمضان برك
ولا حيانا ربي بيانسور
3: لوكان يقولولك ممنوع منعا باااااتا تزيدي تاكلي البيض تقبلي

نونونو منقبلش منقدرش امبوسيبل
ولا تعترضي و تضربي عن الطعام ؟ هههههه
عجبتني هذي بلاك نديرها هيه
هايا ميلينا نخليك بخير
واتهلاولي فيها راهي غالية عندي بزاااااف​

وانت ثان يالغالي معزتك عندي ربي عارف بيها و ديما نتمنا تكوني بخير وين ماكونتي
و نتمنى حتى ترجعيلنا هنا في اللمة كما يمات الي عرفتك فيه
​

 

[علي الفاضلي]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

راك تشوف ياعمي عندي شعبية الله ابارك ربي يسلكني منهم على خير

*******
العمدة : امين .. عندي اقتراح اترشحي .. وديري حزب كيما لويزة .. بلاك طيحلك كاش وزارة وايلا سفاره ..:d

*********
ملينا : أولا نقولك عمي العمدة
شرفتا هنا في لمتنا
و حضورك مميز والله
و أنا وحدة من الناس الي تحترمك بزااف
ربي يخليك نشيط سليم بعيد من العين.

العمدة : وانا متشرف ومسرور بوجودكم معي .. راني عايش في الوحدة اللأشعورية ...:s
ولكم مني بالمثل وزيادة ..
والله يحفظني ويحفظكم من كل : شيطان وهامة وعين لامة .:-r

***********

ملينا : ‏عميــد القــلم الأزرق~
نتفكر نهار جيت نديرلو مقلب دارت عليا الدنيا و المقلب طاح عليا ..:-o

العمدة : لهذا السبب قلت في المقدمة التعريفية لها رقم 02 ما يلي :
(( ..2- عضو تبدو عليه السلامة العقلية والبدنية والفكرية ..لكن في رأي العمدة.. أحيانا تصيبه
البهلولية .. ولست ادري أذاك ناتج عن سوء تقدير عمكم العمدة لضعف في .. أم هو في
عقل الضحية ..
*** خلي نفضح خدايمها اليوم .. جات زعمه تخطبلي بنت النسب والحسب .. وقالتي هذا البحر :-o واش
تخير من هذا الحوت .. بلا ما تقلب ما تشوف ...:s


​

دمتم سالمين .. معافين ..:regards01:

 

[أمــ وليــد الجزائرية]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

السلام عليكم و رحمة الله تعالى وبركاته
حسنا لم افهم المعطيات فقط والحمد لله
تشرفنا بكي حبيبتي الغالية
كما تعلمين لا احب ان اسال لكي لا ازعجك
تشرفت بمعرفتكي قبلا وساتشرف بمعرفتك اكثر حبيبي الغالية
ساكون من المتابعين من بعيد ان شاء الله
و اعرف مايكفي وزيادة والحمد لله بانكي صاحبة قلب ابيض نقي نقاوة الثلج ماشاء الله عليكي حبيبتي
ربي يبارك فيك و يباركلك في دينك و عرضك ومالك ودنياك و رزقكي الله من جنانه وطيباته ماشاء باذنه تعالى
ارجو تقبل مروري
تحياتي ، تقديري و احترامي لشخصكي الكريم الطيب
في امان الله
سلام الله عليكم
​

عجزت حتى عن الرد عليك
بارك الله فيك
وجعلك الله من اهل الجنة
ربي يسعدك دنيا و اخيرة
:regards01::regards01:
​

 

[أمــ وليــد الجزائرية]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

الله يسلمك ماتموزال :d الي تحب دار كيفي والشتاء يامامي

مالا رنا نتشابهو شويا :d عليها لقيتيني
ايه صبتك واليوم مانطلقش منك
روحي روحي ترقدي منيش رح نهربلك بشويا برك عليا
صح يا سيدي دك نمدلك صفات وستفي فيهم اعضاء كيما تحبي

بوقوص/ة اسراء
مجنون/ة ميس سوسو
حبوب/ة نينا DZ
حنون/ة ملينا :d
منغول/ة ....
ذكي/ة انت
سامط/ة ...

ايا بزاف
تالمو بزاف نقست زوج :d

كلمة تقوليها لشخص عزيز عليك ماقدرتيش تقوليها اونفاص ؟:$
حتى وحدة في بالي درك :p
احب مكان ليك فدزاير ؟
سطيف حابة نزورها عن قريب
احب بلد ليك اباغ دزاير ؟ ماتقوليش مكة فوتيها
المزنبيق:d:p
اقرب عضو ليك من اول مرة سجلتي فاللمة ؟
الأخ سيف الي كان اسمو هذاك الوقت aRm_07 هو الوحيد الي كان من وقت سجلت البقية كامل غايبين و من بينهم صديقتي برك غايبة من اللمة برك مزالها جارتي و حبيبتي
شكون لول الي تفكرك كي وليتي بعد غيبة ؟

موح لوساج هو عرفني و انا معرفتوش تبدل اسمو كنت نعرفو كي كاين يبيق ليتريكو ههههه
درك ولا عاقل
رايك فالقرعاجة الي قاعدة تسقسي فيك ؟

خلي تقرعج يوم مش كل يوم
ياك ماسمطتش عليك ؟ :p

ايا بون نوي :d
​

 

[أمــ وليــد الجزائرية]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

وعليكم السلآآم
اهلا بملوكتي جيت نحبس قلت كيفاه نخلي الروزة تاعنا و طاطا الي رهي تستنا لتحت نكملهم و خلاص :d
اممم فلفولــة عجبتني يآجدك كي غيبتهآلهم
مي فاقولي مطولتش كما كنت ناوية
وجيمي عجبتني أكثر كي فآقتلك يآآو هدي من جمآعة المحقق كونآن
كنت بكري كي ندخل نلقآهم فالعميل السري يعني شدت الصنعة يعطيهآ الصحة
رحتلي العميل السري هذي كنت ندير احطياطاتي
بوون صآآر يآلستوتة بومردآسية وحنآ حآلتنآ حآلة آي من تيزي ههه
هههه هاكي عرفتي ليوم
مي كيف كيف مزالني ملينا ملينا حاجة ماتبدلت:p
سؤآلي ليكـ :
وآش تعشيتي ؟؟
درت حاجة خفيفة ماسيدوان
شحآل تلبسي في رجلك ؟؟
ههههه 38 ناوية تشريلي سباط مثلا
يوم مليح بزآآف فآت عليك وجآمي تنسآه ؟؟

نهار زادت ليناتي ورحت ليها لسبيطار انا الاولى الي شافتها حكمت يدها لحنينة نلقاها تشدها و متتلقهاش شعوري هذيك الدقيقة منوصفوش
يا الله ربي يخليهالنا
وآش رايك في ملكًة الاحسآس بصرآحة ؟؟
تعجبني طريقتها في الهدرة و نحب كي تجتمع مع
رقية ساندي و مينات و مون لانث نحب نشوفهم يتمهبلو في اللمة
نحسهم خيات و هذا الشعور يعجبني ربي يخليكم ديما مع بعض
وآش رايك في مُشرفآت عآلم المرأة :

السآندريلآ اسم على مسمى و انا اعتبرها جوهرة اللمة و لا غابت قسم عالم المرأة يولي سامط
، مون لآيت نلقاها في هذي الفترة تعزل بزاف روحها و تدخل خفيف خفيف برك حتى وليت نحسها ولات عجوزة :d معلمتي نتمنى يعود نشاطك المميز

، ميس سوسو هذي كنت نعرفها بعيد بعيد فجأة لقيت روحي قريبة ليها و نهار داسرتها لقيت حياتنا متشابها في بزاف امور من الطفولة ليومنا هذا و شحال من حاجة صراتلنا في زوج و اخرتها قررنا نديرو مخيم و جا خبر خلانا نأجلوه قولو ربي يرجعلنا عن قريب اللمة سامطة بلا بيها هي ثانيك
، خيرة منعرفهاش بزاف تدور مع لكروشي وانا منحبوش ههه عليها بلاك معرفتهاش بزاف:d
هيآآآ بزآآف عليك هدوو ، ديجآ شفت لآشآن جآوبي والآ صحتلي نزيدلك امبعد



​

هههه في منامك درك ركي تحلمي ياملوكتي
​

 

[أمــ وليــد الجزائرية]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

مرحبا مرحبا مرحبا ايييوااا طحتي في الشبكة يا لالة
ركي تشوفي ياخالتي يوم ليك و يوم عليك :d
سهرتوني ليوم
أنا ما نعرفش عليك بزاف عفايس مي حابة نعرف شخصيتك و نتقرب من تفكيرك ....وما نكترش عليك
برحتك خلاص
حبيت برك نعرف واش رايك في :
-الوالدين
واش نقول على ولديا
مكنتش نعرف قيمتهم والله
مي كي بديت نكبر بديت نعرفهم مليح
و درك رجعت منقدر ندير حاجة ولا هم مش موافقين عليها
ومهما كانو ملاح ولا مش ملاح هم بالنسبة ليا سندي في هذي لحياة

- رجال اليوم قبل و بعد الزواج
منقدرش نحكم مي نشوف كلش خورطي
و قلال الرجال درك ياخالتي
و الزواج ولا امر ميقدروش عليه مالوروزمو
كان قلتيلي رجال بكري مع رجال درك بلاك نقدر نجاوبك
كي نتزوج بلاك تختلف نظرتي ثانيك صعيبة :d
- الصداقة بين البارح و اليوم
بالنسبة ليا كي لبارح كي ليوم
حمد الله كل قريب لقلبي مزال بلاصتو هي هي
و منحكمش على الضروف لانها تكون السبب في البعد لا أكثر

- ذكرى آلمتك كثيرا
كانت في طفولتي البريئة
منقدرش نذكرها مي كي نتفكرها نبكي

بزاف عليك راني نشوف بليك للصباح و ما رايحاش تكملي اللي قبلي ههههههه
​

ركي ختمتيهالي بدمعة تبانلي رجعتيهالي ياخالتي كما جيتك لموضوع
واحدة بواحدة

​

 

[أمــ وليــد الجزائرية]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

هيا تصبحو بخير
شكرا ليكم جميعا يالمقرعجين
دمتم بخير
نتلاقاو في ساعة الخير
سلام
​

 

[حاملـة المسك]

رد: عرفنا به إن كنت بطيفه عارفا .. أو تعرف عليه ..\\ mlina4algeria ...\\24

السلام عليكم

أهلا ملينا سواء كنت ذكر أو أنثى هه ..
حصلت في الاسئلة موالفة من البطاقة التعريفية نكون سؤال أو زوج
بوون لسنسيال راكي بخير و أنتيك..؟
1- منذ توليتي الاشراف على //وش تهدر// لمستي تغير في الركن من مواضيع و ردود أم روتين ك العادة..؟
2- لما تنفجري بالضحك من رد في اللمة كفاش تكون ردة فعل زملاءك في العمل..؟
3- اعترفي وش كنتي راح تبيجيني هنا
http://4algeria.com/forum/threads/380367-2/
لو تفضلتي تعليق على الصور ..

سعيدة بك فلفولة و بأخلاقك و تواضعك .. دمتي كما أنت
و ألف شكر للاخ المستشار لسمحلنا نتلاقاو على صفحته الطيبة ..
بلا ما ننسى نحيي جماعة KGB و CIA لي بيهم رانا مزالنا مرحرحين و متنزهين في دار العمدة و لي لولاهم ما تعرفت على نفسي
شاااابو :regards01:

​