واش تسميو هذي العفسى

[luna lunitta]

رد: واش تسميو هذي العقسى

ههههههه خويا العام راه خلص هوما هربوا وهيا مكرت فيهم الغلطة منها ماش منهم ونتا راك تقوال نتوما في وقتكم ما كنتوش تهربوا على خاطر الاساتذة في وقتكم ماش كيما الوقت هذا المكر خارج من عينيهم يا سبحان الله

 

[Only me]

رد: واش تسميو هذي العقسى

ههههه مايغيظكش الحال ديما تصرا هاذ العفسة

احنا مرة هربنا لبروف الفيزياء وزيد وانا 2 بنات برك ، ( زعما القرايات ههه) والباقي يخافو منو حضرو

كي مالقاناش هبل دارلهم فرض وحطولنا 00 في البيلتة

 

[لصمتي حكاية]

رد: واش تسميو هذي العقسى

انا و الله وتحط اصفار حتى تشبع
انا بيا العيب الي جابتو لروحها

 

[hassina]

رد: واش تسميو هذي العقسى

كان ممكن تعاقبكم بصح حاجة خفيفة ماشي هكدا او هدوك اللي قعدوا 3 تلاميذ زعما واش ربحوا خسروا كلمنهم سي يا

 

[لصمتي حكاية]

رد: واش تسميو هذي العقسى

مساكن ماربحو والو
ربحو العييب

 

[lina-67]

رد: واش تسميو هذي العقسى

انا رايي من راي الاخlargo كي هربتو راكم غالطيييييييييييين ما تحطوش كامل اللوم على الاستاذة حتى انتم عندكم يد في واش صرى هي غلطت و انتم غلطتو بصح انتم اللي تخلصو الغلطة باسكو هي راهي خالصة ما راحلهاش فيكم
ربي يوفقكم كاملين
​

 

[لصمتي حكاية]

رد: واش تسميو هذي العقسى

انا علوم اسلاميه ماتهمنيش النقطه فيها لاخاطر المعامل تاعها راه 2 برك
او زيد ماوش امتحان مصيري باك و لا بيام
صار تحط واش تحط
بصح حبيت نوصل بلي عقلها صفغير
كل يوم كاين اكثر من 3 كلايس التلاميذ فيهم هاربين
والاساتذه ماينقطو والو
اش معنا هي

 

[شاعرة المستقبل]

رد: واش تسميو هذي العقسى

ربي يهديكم ويهديها انا يهربو كامل وانا نقعد كون نغيب يهبلني بابا يكرهلي حياتي
بصح الاستاذة تاعكم كثرت على ما وصاوها

 

[لصمتي حكاية]

رد: واش تسميو هذي العقسى

امين يارب العالمين و كامل المومنين
*...انا ديما صاحبت الفكره.*
كون نقولكم ماتأمنونيش انا مانيش مأمنا روحي
و الله والله و الله في كلاستنا انا الاولى في كلش *..غير ليلونق 4 .هههههههههه**
في المشاكل في القرايا
في الافكار الجهنميه في الهبال الغاشي يعني الاستاذه تاع الفرنسية تقولي انت توت ابسيوووووو

 

[شاعرة المستقبل]

رد: واش تسميو هذي العقسى

انا خاطيني حنونة نخاف بزاف نقرا ونروح

 

[لصمتي حكاية]

رد: واش تسميو هذي العقسى

لازم ندير شوي الهول لا خاطر كون تكمل علي مانديرش الهول في الليسي يعني في لقرايا نطكك نهبل + في داك الليسي ماعنديش صحاباتي صار نفرغ غشي في هاذ لعفايس
اكثر معلومات
https://www.4algeria.com/forum/t/405217/

 

[شاعرة المستقبل]

رد: واش تسميو هذي العقسى

هههه والله تهبلي وتدخلي فالقلب

بصح لالا لعفايس هذو غير يكرهو الاساتذة فالتلميذ

 

[لصمتي حكاية]

رد: واش تسميو هذي العقسى

بصح لازم الهول هداك يكون حلو ماشي لدرجة الوقاحه
مرسي ليك للاهتمام
او بقا العام الجاي او نقرى فووووووووووووووووووووووووووووووووووووووووووووووور

 

[ضيوف وسـنغادر]

رد: واش تسميو هذي العقسى

وعليكم السلام اختنا
انا كي يهرب القسم كامل نخرج مارايحاش نقعد مع الاستاد وحدي
مي ساعات يهربو ويقعدو زوج ثلاتة وصراتلي نفس حكايتك مي الحمد لله قرينا في ثلاتة مع استاذ العلوم بالرغم من انو جامي همنا معاه الا انني قعدت مع البنات وقرينا في 3وشرحلنا منليح وجانا الدرس فالامتحان
ساعات ساعات الانسان كي يخرج حصص يحتاج فراغها ماش عيب كلنا نديروها مي باش نعرف بلي قسمي اويقرا وانا لالا ياكلني قلبي صراحة
المهم لازم الخدمة تع الهربة هادي ماصالحاش ففي الاخير التلميذ هو اللي مسلك في الدين
انا كي نحط رجلي في الثانوية عندي حاجة وهي في راسي انني جيتنقرا
قرا الاستاد قريت ماقراش ماقريتش
هربوا وقعدت غير انا نروح انا تاني
هربو وقعدوا ولو 3 رايحة تبقى مانخليش درسي يروح ومايهمنيش استاذ الماة
كيما حكيتلكم على استاذ العلوم مافاهمين معاه والو مي كي نروح للدار ندير ليكور لروحي وبدون اي مساعدة والحمد لله معدلي في المادة 18
المهم لازم تتسير مؤساساتنا مليح
مايجيبو استاذ ناقص
مايبلوكيو البرنامج التلميذ يعود يحرg
ما يتوخد واحد في علاماتو
والسلام عليكم​

☺☻​

 

[sarah farah]

رد: واش تسميو هذي العقسى

ههههه فكرتيني كي كنت نقرا 2 ثانوي الثلاثي الاخيركامل حرقنا les cours مدرنا ني فروض ني والوا هه
نورمال اختي مليح شوية التمرد ههه

 

[num1]

رد: واش تسميو هذي العقسى

hhhhhhhhh sad9iinii racOm hlektooha ki ntooma ki losTada bach tzarti mahich haja mliha w lostad bach ydir 3afsa kima hadi aussi machi mli7a alors lostada la3bet m3acOm ta3 wahda b bwahda mat7irich hada howa eta3lim fi dz
​

 

[لصمتي حكاية]

رد: واش تسميو هذي العفسى

هههههههههههههههههههههههههههههههه
ماوش كاستو التعليم في دزاير هكا
مي الاستاذه هذييييييييك
>->

 

[نَدَى اليَآسَمين]

رد: واش تسميو هذي العفسى

اّخّتّيّ وّاّشّ نّقّوّلّكّ كّاّمّلّ فّوّتّنّاّ هّاّدّيّكّ اّلّمّرّحّلّةّ تّعّ اّلّلّيّسّيّ بّعّّضّ اّلّأسّاّتّذةّ يّخّدّمّوّ خّدّاّيّمّ تّعّ اّلّذرّ لقآو الطّلّيقّ دّآرّوآ رآيهم و ماكانش الي يحاسبهم

شّحّاّلّ صّرّاّتّلّنّاّ مّنّ عّفّسّةّ وّ شّحّاّلّ رّاّطّيّنّاّ مّنّ فّرّّضّ وّ فّاّلّلّخّرّ كّلّشّيّ فّاّتّ اّدّيّنّاّ اّلّبّاّكّ قّرّيّنّاّ فّيّ اّلّجّاّمّعّةّ وّ رّاّنّاّ قّاّعّدّيّنّ نّشّدّوّ فّيّ اّلّحّيّطّاّنّ

وّكّلّيّ رّبّيّ وّ قّوّلّيّ اّلّلّهّ يّهّدّيّهّاّ
​

 

[الجندية]

هههههههههه جاني الضحك خاطر انا تاني فوتها غير زرطي زرطي هاذ العام وربي يجيب الخير
ان شاء الله يفرحو كل اللي جوزو الباك و البيام وتعم الفرحه يارب
بون ... احنا تاني عندنا استاذ شوهة تاع أيستوارجيوووو
نفس الحكايه تقريبا الا ان استاذنا يعايرنا من الفوق ويقوللنا بنات الجامعه المستقبليات
وراكي فاهمه ؟!!!!
​