مليت مالدنيا ولي فيها علاش ربي طيحني فاميليا كيما هاك

[prince of love]

السلآم عليكم


ما لقيت ما نقول حيتي .. مادام كاين في الدنيا هادي اعمام كيما هاكدا ( ربي يعميهم ان شاء الله )

لهذه الدرجة توصل بيهم الوقاحة ؟ الله غالب على حساب ما راكي تقولي الغيرة هيا لي دير هكدا

وهيا درك كيما يقولوهــآ لي عطاه ربي ما ينحيلو العربي

وعند ربي سبحــآنو راه كل واحد يدي حقو والظالم راهو يخلص يطول الزمان ولا يقصّر

ونتي يــآ اختي احكمي في دينك ومكتوبك راهو يجيك للدار مهما كان و ربي يعطيك الصبر ان شاء الله
​

 

[**laila**]

مأ تقلقي راسك ما والو

و لئن اجتمعت الانس و الجن على ان يضروك بشيء لن يضروك الا بشيء قد كتبه الله لك..

العباد هادوك مايقدرو يأذوك كاين رب فالوجود ماتخافي من حتى مخلوق..و رزقك فالسما مكتوب

الحق ما نشفقش عليك انتي..اشفقت عليهم لانهم ما يعرفوش واش راح يجيهم

ترقبي و شوفي

و انتي و خواتاتك ان شاء الله تكونو ف دياركم و متهنيين

 

[اسماء16]

كاين رابي وعمومك هادو دنيا هادي ماشي ديمتلهم
ولهدر في اعراض الناس ربي يتولها
صبر اختي وان شاء الله فرج قريب

ولعندك مكتوب ولله غير تديه لخاطر ربي لي يمد ماشي العربي

​

 

[salma zayna]

حسبي الله ونعم الوكيل بصح اني وكلي ربي عليهم ولي كاتبها ربي راها تجي اني فقط داومي على ربي ان لما انزلت الي من خير فقير وربي ان شاء الله يفرج همك

 

[salma zayna]

ادا ربي كان كاتبلك الزواج راكي تتزوجي وادا ماكانش ربي اكيد راه شايفلك خير اصبري برك

 

[Amira28]

السلام عليكم
اولا اختي ربي يهديهم ويجي النهار راح ربي يجازيهم على اعمالهم هادي ويخليهم يندموا وكلي ربي
ثانيا اختي علاه واش فيها كاين بزااف يتزوج في 27 وفي 30 نورمال ويعيشوا حياتهم بخيير
ثالث حاجة اختي كي يلحق مكتوبك اعمامك واولادهم واحد ماراح يقدر يمنعك من الزواج يحكوا واش يحكوا هادي قصة مكتوب ماشي قصة هدرة ناس
عليك بالدعاء اختي وانشاء الله ربي يفرج عليك واتوكلي على ربي وماتتقلقيش
تحياااتي

 

[اميرة في مملكة العلم]

اختي الغالية ...
انا اقول لك ان كل من اراد خطبتك ليس فيه خير لك ...
و ما زلت فوق تراب الدنيا ...و هذا يعني ان لا زال هناك غد لك ...
اعني ان القدر لا احد يعرفه ...و نتي ما راكيش عارفا واش راه في قلب عمومك و لي دارو فيك ما دارو ...
يمكن ما يقدروش يتخلاو عليك ..هاكا ما راهمش باغيينك تتزوجي ...
على كل حال ...
مكتوبك ما زال في الطريق ...
و ما تتقلقيش ختي ...دك يجي واحد يقبلك بكل ما قالو فيه عمومك و الي هدرو ...
و حتى لاما تزوجتيش ...اعملي خيرا في الدنيا ...في الجنة رح تلقي ما خير من هاذ الناس كامل ...زوج صالح ...(و لهم فيها أزواج مطهرة)
و ارجو ان اكون قد افدتك

 

[ضيوف وسـنغادر]

وما الله بغافل عما يعملون​

 

[motar zoubida]

حسبي الله و نعم الوكيل خير دعاء

 

[ملاك القلب]

الله يهديه
وكلي عليه ربي هادا مكان
وان شاء الله يخلص كامل واش راه يدير فيكم

 

[الزهرة البهية]

CHOUFI KHTI MATATKALKI MATKASRI RASAK OUI C VRAI TOUJ3AK LHADRA W NTI BARIAA W HNA 3BAD W HAKNA NZ3FOU W YTIH 3LINA LHAM KI NATGASOU MAIS A LA FOIS NATFAKROU RABI WLH KLCH YHOUN LAKAN MKALKAK HADRAT 3AMAK W HASBA BALI HADRTOU HIYA LI MATKHALIKCH TAZAWJI AKI GHALTA MNAH HADA MAKTOUB TAKTABLAK KBAL MATJI F HAD ADANYA LAKAN NAYTAK MLIHA W SAFYA W NTI MRA TAYBA RABI HAYKATABLAK RAJEL TAYAB LI YASTAHLAK MNAH TAYIBOUN LI TAYIBAT W LAMAZAWAJTICH F HAD ADANYA AHMDI RABI BALAK CHAFLAK F FIHA KHUIR KOUNTI KADAR TIHI 3AND RAJAL YDALAK KTARMAN MADAYARLKOUM 3AMAK W 3AMAK HADA TWAGFOUH 3LA HADOU HARCHI 3LIH PAPAK WWALA KHAWTAK WALA FAMILTAK W ZID MATKASRICH RASSOU B HADRATOU MNAH WLH AW YDAR F ROHO MACH FIKOUM GA3AD YDIR F AKBAR KABIRA LI KOUN JA F WAKT ARASSOUL AW JALDOU MNAH YAKDAF FIKOUM W NTI KHTI AHKMI F RABI W MATMARDICH ROHAK RABI HOUWA LI SALKAK NCHALAH RABI YKOUN M3AK

 

[farouk23]

السلام عليكم ورحمة الله وبركاته
عليك اختي بالصبر والدعاء
الرسول صلى الله عليه وسلم
في مكة قامو بضربه وشتمه وكسر اسنانه الشريفة
ومع ذلك رجع الى مكة بعد سنين وظنو قريش والذين شتموه وضربوه انه سيقتلهم
حيث قال من دخل بيت ابي صفيان فهو امن
الصلاة والدعاء والهداية ان شاء الله يكون خير
​

 

[sarra07]

وكلي ربي فهو نعم الوكيل

 

[knadja]

rabi yahadih

 

[روز]

نكتفي بهذا القدر من الردود
شكرا لكل المعقبين