حب خطوبة مشاااكل فراق

[nouna l maghbouna]

سلام jspr rakom bien
احكي لكم قصة صديقة لي و انتم عاونوها و لو بدعوة
فتاة 24سنة تعرفت على جارها 5سنوات حب نظيف صادق شاءت الاقدار بعد 5سنوات باه يكون واجد للزواج خطبها
و كانو هابلين من الفرحة و اخيرا الحلم تحقق
لكن الفرحة لم تكتمل
عمته طول الخطبة و هي تلوحلها في الهدرة قالت معليش
يماه ماشافتش فيها حتى
قالت معليش المهم نتزوج بحبيبي

حكاتلو قالها زعمة نسمحو في بعضانا من اجل حاجة تافهة كيمت هادي؟
هي فرحت
بعدها كي رجعو للبيت قالولو هدرات الطفلة ماقالتهمش و قالولو ماعجبتناش و يماه قاتلو دبر راسك و امبعد عماتو وسوسولها قاتلو ماتزوجش بيها
هو كي تكلم معاها قالها اصبريني انا نرضيهم هي قبلت
و لانه جارها قالها خوها (في الليلة اللي جاو خطبو فيها) راه يبكي و تخاصم مع دارهم و بات برا حتى 5 تع الصباح باه رجع للبيت
عيطلها و هو يبكييي قالها مانيش حاب نسمح فيك و نخسرك و مانيش متقبل واش صرا
بعدها بيومين تبدل عليها مايعيطلهاش تعيطلو يكوبي عليها مايريبونديش تبدل 180درجة
هي فهمتها بلي خلاص خلاها قالت معليش بعثتلو مسج قاتلو راني تخطبت و انت ربي يجيبلك بينت لحلال بعثلها مسج قالها ربي يهنيك مع ولد لحلال
و بعد يومين عيطلها يسال على احوالها و كوبا
بعدها هي توحشاتو بعثتلو مسج قاتلو شفتك في لمنام ياخي راك مليح عيطلها و قاعدين يحكيو عااادي
شغل ماكاين والو
من هذاك النهار هدر معاها عادي امبعد قطع الاتصال معاها
بعثتلو مسج قاتلو لاباس؟ قالها الحمد الله

الان السؤال المطروح :
علاه كي جاو يخطبو ماليه جاو هكذاك؟
واش معناها كي دار هكذا؟ معنتها اخطيني انسايني و لا عندو مشاكل
زعمة سمح فيها؟
و هل الاتصال به بعد كل هذا ينقص من قيمتها؟؟

 

[رنيم الصمت]

رد: حب خطوبة مشاااكل فراق

باينة اختي اهلو حطوه في موقف صعيب و هو مش قادر يسمح في اهلو
لازم تحكي معاك و يفهمك وش راه قرر و هاذ الأسئلة اسمعي اجاباتها منو هو و يتحل المشكل يا هاك يا هاك انت ثاني عندك حياتك و مستقبل تخممي فيه
صللي الاستخارة و ربي يقدملك لي فيه الخير
​

 

[sarah farah]

رد: حب خطوبة مشاااكل فراق

ana mafhemtech 3la ness kima heka ya5i howa li ra7 yzewejha mech 3amtou wsh zaha f tofla sob7an allah rebi yjib li fi sewab hada makan

 

[سيرين19]

رد: حب خطوبة مشاااكل فراق

انا والله مافهمت
وديجا كيما حكات فراح يخي هو لي راح يتزوجها مشي عمتو ولا تاع دارهم وهو لي راح يعيش معاها ماشي هوما
لي فيه الخير ربي يجيبو

 

[adel._dz]

رد: حب خطوبة مشاااكل فراق

مازالت كاينة مثل هذي العقليات تبا
لكن لا دخان من دون نار

المهم ربي يجيب الخير ويخلف على كل واحد

 

[سمسم السمسومة]

رد: حب خطوبة مشاااكل فراق

لوكان جا عينو فيها ميسمحش فيها خلاص
و الحكاية هاذي كامل كذبة صغيرة
ربي يعوضها خير منو
توكل ربي و كل واحد يدي حقو أذا ماشي هنا نهار كامل نتلاقو
​

 

[nouna l maghbouna]

رد: حب خطوبة مشاااكل فراق

لوكان جا عينو فيها ميسمحش فيها خلاص
و الحكاية هاذي كامل كذبة صغيرة
ربي يعوضها خير منو
توكل ربي و كل واحد يدي حقو أذا ماشي هنا نهار كامل نتلاقو
​

تقدري تفهميني كيفاه كذبة صغيرة؟

 

[tear of angel]

رد: حب خطوبة مشاااكل فراق

الان السؤال المطروح :]
علاه كي جاو يخطبو ماليه جاو هكذاك؟ *
بلاك ماهمش قابلين _ميش شرط يعنى الطفلة فيها عيب_مي هادى حاجة تصرا بزاااااااااااااااااف
واش معناها كي دار هكذا؟ معنتها اخطيني انسايني و لا عندو مشاكل
حبها هى تخطيه ومحبش يخطيها هو...يعنى حب يهنى راسو من عياط اهلو مي قلبو مهناهش ومهوش مهنيه
زعمة سمح فيها؟ ياااااااااااااااااااو كون جا ناوي يسمح ما يخطبش اصلا....راه ماهوش قادر يقرر...وماهوش قادر على اهو مالقري يحبها وغايضووووووو الحال على روحو ...
و هل الاتصال به بعد كل هذا ينقص من قيمتها؟؟ ياو واش ينقصص من قيمة يا حنونة.بالعكس هى ما سمحاتش فيه-مي ادا كانت مخطوبة صح ماكانش لازم تعيطلو-
وفي الاخير
روحي قوليلهم راكم تحبو بعظاكم ولا شوفي اى واحد يصلح ما بيناتهم
لانو هو ماهو راح يتهنى بعيد عليها ولا هى راح تتهنى كى تتزوج
مى لازم واحد يهدر معاه هو...لانو المشكل اللى صاريلهم يصراااا بزازززف وبزاااااااااااااف
وربي يهنى قاع الناس

 

[NASRO DZ]

رد: حب خطوبة مشاااكل فراق

والله نعطيك نسبة 70 بالمئة يحبها مي عندو مشاكل في الدار وكاين الي واسواس عليه
و30 بالمئة راه يلعب برك ماشي ناوي على الصح

وربي يجيب الي فيها الخير .......

 

[la_safa]

رد: حب خطوبة مشاااكل فراق

Salam

Yaaa messkina rebi ykon m3aha nchalah


had chi kamel men la famille
mais 9adara allahou w ma chaa fa3al

en plus 7abit bark n9oul kelma

zwaj li matardach 3lih lemima w wela lwaled mach ra7 ykon hani
mahma touuul afra7hom ra7 yji nhar win yassraw les blems

donc hamdoulah ya rebi li fadet binathom kima haka
w ma3lich rebi yjiblha 9sam w howa kif kif


9oulha tetwakal 3la rebi w tensa w rebi y3awedha
li khiir 3lih nchalah

​

 

[chr-ndj]

رد: حب خطوبة مشاااكل فراق

سللام المشكل كامل راهو فيه هو بيه لى يقولو دراهم ايه و بيه لى بقولو لالا مادام قبلو يجيو معاه و هو لى قالهم على الطفلة خلاص مابقاتش هدرة و هادى قالت و داارت ماكاش منها انا تاخد برايى تخليها منو مالغرى مش حاجة ساهلة مادام هنا و ماوقفش معاها بعد 5 سنين و هى تستنا فيه خلاص واش طامعة يديرلها من بعد هو والا دارهم لى من نهارهم ماهمش راضيين .........ربى يهدينا يصراو بزاف هاد لعفايس و ربى يعوضها بواحد خيرمنو ...........هادا مكتوب ماتقدرش تضمن بلى مادام عرفاتو 5سنين تقدر تديه هادى تديها تجربة و تخلى مكتوبها على ربى خاطر هكاك غير تتعدب باطر و ربى يهنيها نشاء الله ​

 

[سمسم السمسومة]

رد: حب خطوبة مشاااكل فراق

شوفي أختي العزيزة
اذا حبينا نشوفو للموضوع من اللول..هذا السيد و علاه نهار مقرر يحب هذيك الطفلة مراحش سع شاور والديه و من بعد بدا فالحكاية....
خمميلها شويا بالمنطق رايحة تلقاي حاجة وحدة
حبها و حابها تكون حلالو مناش في وقت دارهم معجبتهمش و محبوش يمشيولو فالحكاية
عندي فكرة في راسي
لي يحبك يدير المستحيل باه تكوني ليه مش لغيرو
مكانش حاجة يسموها منقدرش و لا محبوش
هو بدل رايوووو...ولا عندو حاجة اخرى
و انا كان قصدي بكذبة...التهرب هذا و تحميل دارهم المسؤولية دليل على أنو معندو حتى راي و مهوش قد كلمتو
​

 

[عاشقة الصمت 13]

رد: حب خطوبة مشاااكل فراق

شوفي أختي العزيزة
اذا حبينا نشوفو للموضوع من اللول..هذا السيد و علاه نهار مقرر يحب هذيك الطفلة مراحش سع شاور والديه و من بعد بدا فالحكاية....
خمميلها شويا بالمنطق رايحة تلقاي حاجة وحدة
حبها و حابها تكون حلالو مناش في وقت دارهم معجبتهمش و محبوش يمشيولو فالحكاية
عندي فكرة في راسي
لي يحبك يدير المستحيل باه تكوني ليه مش لغيرو
مكانش حاجة يسموها منقدرش و لا محبوش
هو بدل رايوووو...ولا عندو حاجة اخرى
و انا كان قصدي بكذبة...التهرب هذا و تحميل دارهم المسؤولية دليل على أنو معندو حتى راي و مهوش قد كلمتو
​

كلام كافي و وافي .. الجواب راه مداتهلك ​

 

[عاشقة الصمت 13]

رد: حب خطوبة مشاااكل فراق

ونزيدك حاجة مادابيها هادي صحبتك ماتزيدش تحوس عليه تعفس على داك القلب اللي تبع فيه تمشي بعقلها..............وحدة الاغنية تعجبني تاع صابر الرباعي ( عزة نفسي مابتسمحلي ...........وزيدي كمليها من عندك )​

 

[قناص الغرام]

ربي يسهل بيناتككم يا رب
​