الفرق بين الدار الصغيرة والكبيرة ادخلو فيدونا

[السلطانة]

واش راكم لبنات ان شاء الله الأمور بخير


حبيت نناقش معاكم موضوع باه نستفاد وتستفادو كل


نتمنى برك تتفاعلو :d


الموضوع خاص بالطفلة لي تكون عايشة في دار صغيرة

يعني العايلة تاعها يكون عدد أفرادها صغير

وكي تتزوج تلقى العايلة تاع راجلها كبيرة:d

أكيد راح يتبدلو حوايج بزاف فيها وفي طريقة تسيير الحياة الجديدة تاعها

مادابيكم في هاد الموضوع كل وحدة فيكم تفيدنا في الموضوع

لأنو جايتني شوي صعيبة

متزوجة أو عازبة أو مخطوبة كل معروضات :p

​

 

[امل فريال]

رد: الفرق بين الدار الصغيرة والكبيرة ادخلو فيدونا

سلام
شكرا على الموضوع المميز
عندك الحق أكيد راح يتبدلو حوايج بزاف فيها وفي طريقة تسيير الحياة الجديدة
انا الحمد تهنيت في دارنا 4 اشخاص و وين راني رايحة 3 اشخاص و انا 4



تحياتيييييييييي

 

[نور الحبوبة]

رد: الفرق بين الدار الصغيرة والكبيرة ادخلو فيدونا

مساء الخير عليكم مواضيعك مميزة ساندي ربي اهنيك
شوفي مع انو هذي مدة مي انا عكس واش ذكرتي حنا في دار والديا كنا عايلة كبيرة بزاااف وكي زوجت كنت غير انا وزوجي راكم تعرفو فرق كبير الطفلة كي تزوج كلشي يتلفلها من الحشمة وانا كنت في دارنا نطيب في كوكوط كبيرة والكسرة ندير شحال من قرصة واذا فريت نقلي شحال من مقلة ................ وغير ذالك وكي روحت لداري والله حصلت معرفتش كيفاه ندير كنت نطيب ويفضل علينا وعجوزتي تسكن تحتي ميعجبهاش الحال تقولي انتوما في زوج وانتي طيبي قيس عايلة والله سوفريت باه تعلمت ندير قيسنا وكي كان اقولي واش نقضي منعرفش واش نحتاج ابالي كي نطلب حاجة قليلة متكفيناش لاخر لاسبوع لانو احب يقضي من سمانة لسمانة ونخاف يخلاصلي قبل الاسبوع كي اجيب بزاف تقولي حماتي ملهوفة راح تاكلي هاذا كلو
المهم ربي اهنيكم واوفقكم وتتهناو في دياركم
تاخدو راي الي عايلة صغيرة ساعة على ساعة تطبخ لعايلة كبيرة والعكس هكذا باه تولف وتعرف تقيس واش راح ادير
شكرا ساندي مرة اخرى​

 

[{مُدَلَّلَتُهُ}]

رد: الفرق بين الدار الصغيرة والكبيرة ادخلو فيدونا

السلآم عليكم و رحمة الله وبركآته

يعطيك الصحة ساندي على الموضوع

bn انا عايشة في عآيلة صغيرة موالفين بالكآلم ماكانش الهاراج و الداخل و الخارج بزاف

تبانلي صعيبة وحدة تنتقل من الدار صغيرة لدار كبيرة كل شي يتبدل عليها يولي عندهم الحس و العباد بزاف + كي يكترو العباد تكثر المشاكل و القيل و القال هادي بلا ما نهدرو على نهار تنوض تطيب تطيب قيس عايلة كبيرة و هي ماهيش موالفة و الشغل الي تخدمو منا يتعفس منا !

مي كل شي يجي بالوقت تعيا و توالف و تولي ما تقدرش تعيش بلآ هاديك لومبيونص الي كاينة في الدار الكبيرة برك

الله يهني كل وحدة و يرزقنا كامل ولاد الحلآل
​

 

[السلطانة]

رد: الفرق بين الدار الصغيرة والكبيرة ادخلو فيدونا

سلام
شكرا على الموضوع المميز
عندك الحق أكيد راح يتبدلو حوايج بزاف فيها وفي طريقة تسيير الحياة الجديدة
انا الحمد تهنيت في دارنا 4 اشخاص و وين راني رايحة 3 اشخاص و انا 4



تحياتيييييييييي

ربي يهنيك اختي ان شاء الله تلقايهم كيما داركم بعد ​

 

[السلطانة]

رد: الفرق بين الدار الصغيرة والكبيرة ادخلو فيدونا

مساء الخير عليكم مواضيعك مميزة ساندي ربي اهنيك​

شوفي مع انو هذي مدة مي انا عكس واش ذكرتي حنا في دار والديا كنا عايلة كبيرة بزاااف وكي زوجت كنت غير انا وزوجي راكم تعرفو فرق كبير الطفلة كي تزوج كلشي يتلفلها من الحشمة وانا كنت في دارنا نطيب في كوكوط كبيرة والكسرة ندير شحال من قرصة واذا فريت نقلي شحال من مقلة ................ وغير ذالك وكي روحت لداري والله حصلت معرفتش كيفاه ندير كنت نطيب ويفضل علينا وعجوزتي تسكن تحتي ميعجبهاش الحال تقولي انتوما في زوج وانتي طيبي قيس عايلة والله سوفريت باه تعلمت ندير قيسنا وكي كان اقولي واش نقضي منعرفش واش نحتاج ابالي كي نطلب حاجة قليلة متكفيناش لاخر لاسبوع لانو احب يقضي من سمانة لسمانة ونخاف يخلاصلي قبل الاسبوع كي اجيب بزاف تقولي حماتي ملهوفة راح تاكلي هاذا كلو
المهم ربي اهنيكم واوفقكم وتتهناو في دياركم
تاخدو راي الي عايلة صغيرة ساعة على ساعة تطبخ لعايلة كبيرة والعكس هكذا باه تولف وتعرف تقيس واش راح ادير

شكرا ساندي مرة اخرى​

أهلا حبيبتي فرحت كيما شفت ردك لأنو متأكدة بلي راح تفيدينا :$
انتي العكس رحتي من عايلة كبيرة لعايلة صغيرة
جايتني صعيبة العايلة الكبيرة للأسف تبان فيها شغالات بزاف
والفت بالقليل ربي يستر وكيفاه نطيب في دار كبيرة درك ههه وجدولي كوزينة اللمة هي الحل
نورتي حبيبتي

 

[السلطانة]

رد: الفرق بين الدار الصغيرة والكبيرة ادخلو فيدونا

السلآم عليكم و رحمة الله وبركآته ​

يعطيك الصحة ساندي على الموضوع ​

bn انا عايشة في عآيلة صغيرة موالفين بالكآلم ماكانش الهاراج و الداخل و الخارج بزاف
أهلا بيك نونو توحشتك :$
والله يالكالم تاع العايلة الصغيرة ماكانش كيفو تفض الخدمة كل واحد حاكم بلاصتو​

تبانلي صعيبة وحدة تنتقل من الدار صغيرة لدار كبيرة كل شي يتبدل عليها يولي عندهم الحس و العباد بزاف + كي يكترو العباد تكثر المشاكل و القيل و القال هادي بلا ما نهدرو على نهار تنوض تطيب تطيب قيس عايلة كبيرة و هي ماهيش موالفة و الشغل الي تخدمو منا يتعفس منا !
صح راح تزيد المسؤولية في الطياب والتسياق والتخمال وتكثر العقليات وتتنوع وتزيد معاها المشاكل
ومتحكيليش على تاع تتخدم من تتعفس من
كي نروح دار بيت جدي نعود راح نهبل من اللولاد خالتي مسكينة تسيق وهوما يعفسو تكمل تلقى الدار زادت تندبت وتجيب نهار كامل تجري من وراهم وكون تهدر يتغشو امهاتهم ​

مي كل شي يجي بالوقت تعيا و توالف و تولي ما تقدرش تعيش بلآ هاديك لومبيونص الي كاينة في الدار الكبيرة برك
لومبيونص صح سيرتو في المناسبات وفي السهرات ​

الله يهني كل وحدة و يرزقنا كامل ولاد الحلآل​

آمين يارب يعيشك حبيبتي على المرور الطيب والحلو كيما انتي ​

 

[etmeriem]

رد: الفرق بين الدار الصغيرة والكبيرة ادخلو فيدونا

pour moi mayhamni walou dar kbira wala sghira lmohim nkoun m3a rajli inchallah ad3iwli m3akom rabbi yarzo9ni b rajel li matmenyatou

 

[بنت الـ25]

رد: الفرق بين الدار الصغيرة والكبيرة ادخلو فيدونا

صحيتي شوشو
واش راكي خايفة من درك خخخخخخخ
متخافي موالو حبيبة صراحة انا ما عنديش تجربة وانا تاني رايحة لعايلة كبيرة نسبيا
مي اختي لكبيرة مرت بهاد التجربة خاطر احنا كنا في شوية فالدار وراحت لدار شيخها الله يبارك عايلة كبيرة جدااااااا
قاتلي صح مع اللول تلقاي صعوبات وممبعد بالشوية رح توالفي طباعهم وتتأقلمي
مي أهم حاجة متطلقيش روحك بزاف وتكوني مليحة معاهم فالمعاملة
وما توصليش عجوزتك وشيخك وكلشي ساهل كي يكون راجلك معاك مليح
صح فيها تعب كيما قالت نور الحبوبة من ناحية خدمة الدار يعني تولي تطيب كمية كبيرة وتخبز بزاف كسرة ...الخ مي نورمال
كوراج برك ورح تمشي لحياة ساهلة بإذن الله وانتي ما شاء الله منخافش عليك
​

 

[salma zayna]

رد: الفرق بين الدار الصغيرة والكبيرة ادخلو فيدونا

ملا راكي مزهرة ههههههههههههههههههههههههههه

 

[FARAH-31]

رد: الفرق بين الدار الصغيرة والكبيرة ادخلو فيدونا

pour moi mayhamni walou dar kbira wala sghira lmohim nkoun m3a rajli inchallah ad3iwli m3akom rabbi yarzo9ni b rajel li matmenyatou

nchallah rabi yrzkek men hayt la tohtasab nchallah katri min el sallat wel ad3iya w rabi nchllah ynawlek li f balek ya rabi amiiiiine w yerzkek bi awlad salhin :up:

 

[ISMA.dz]

رد: الفرق بين الدار الصغيرة والكبيرة ادخلو فيدونا

بونجوغ شوشو
هدي مدة مارديتش على مواضيعك وتبانلي تالفتلك مع ناس بيتك ياودي ازدمي برك باش ديري بلاصتك في وسطهم :p
والله صح صعيبة تكوني في عايلة صغيرة وتنتقلي لعايلة كبيرة خاطر كلش يتبدل عليك
انا الحمد لله من عايلة صغيرة خاطر خاوتي كامل متزوجين وبدارهم وحدهم ورايحة نعيش غير راسي وراس راجلي :d
ربي يهني كل طفلة :yahoo01:​

 

[السلطانة]

pour moi mayhamni walou dar kbira wala sghira lmohim nkoun m3a rajli inchallah ad3iwli m3akom rabbi yarzo9ni b rajel li matmenyatou

ربي يجمعك بالراجل لي متمنية ان شاء الله اختي
لكن حتى الدار والعايلة ليهم دور في الحياة من ناحية الاستقرارية
نورتي شكرا

صحيتي شوشو
واش راكي خايفة من درك خخخخخخخ
متخافي موالو حبيبة صراحة انا ما عنديش تجربة وانا تاني رايحة لعايلة كبيرة نسبيا
مي اختي لكبيرة مرت بهاد التجربة خاطر احنا كنا في شوية فالدار وراحت لدار شيخها الله يبارك عايلة كبيرة جدااااااا
قاتلي صح مع اللول تلقاي صعوبات وممبعد بالشوية رح توالفي طباعهم وتتأقلمي
أهلا مينا
او خفت صح كي قربت درك

مي أهم حاجة متطلقيش روحك بزاف وتكوني مليحة معاهم فالمعاملة
وما توصليش عجوزتك وشيخك وكلشي ساهل كي يكون راجلك معاك مليح
صح فيها تعب كيما قالت نور الحبوبة من ناحية خدمة الدار يعني تولي تطيب كمية كبيرة وتخبز بزاف كسرة ...الخ مي نورمال
كوراج برك ورح تمشي لحياة ساهلة بإذن الله وانتي ما شاء الله منخافش عليك
هاديك هي لي وصاتني عليها خالتي قاتلي متطلقيش روحك بزاف
مع اللول لازم نشوف السح
وعلى الكسرة لاشافو ليا راهم يشبعو كسرة عشا وغدا هيهيهي :p
ان شاء الله ياربي ربي يهنينا برك هاداك مايطلب العبد


​

ملا راكي مزهرة ههههههههههههههههههههههههههه

خخخ واش من زهر :d؟العايلة لكبيرة

nchallah rabi yrzkek men hayt la tohtasab nchallah katri min el sallat wel ad3iya w rabi nchllah ynawlek li f balek ya rabi amiiiiine w yerzkek bi awlad salhin :up:

ان شاء الله
​

بونجوغ شوشو
هدي مدة مارديتش على مواضيعك وتبانلي تالفتلك مع ناس بيتك ياودي ازدمي برك باش ديري بلاصتك في وسطهم :p
والله صح صعيبة تكوني في عايلة صغيرة وتنتقلي لعايلة كبيرة خاطر كلش يتبدل عليك
انا الحمد لله من عايلة صغيرة خاطر خاوتي كامل متزوجين وبدارهم وحدهم ورايحة نعيش غير راسي وراس راجلي :d
ربي يهني كل طفلة :yahoo01:​

اهلا بيك اسوم
شاقة الولايات ياو لازم نجري على روحي خخخخ
ربي يهنيك حبيبتي ماكانش زي لي بدارها وحدها
ربي يهنيك الغالية
​