واش رايك في المرأة الي تخرج تخدم وتخلي راجلها لاهي بالدار ؟؟

الحالة
مغلق ولا يسمح بالمزيد من الردود.
نسخسيك برك...
هي كي تروح تخدم على ال8 هو علاه يكون قاعد ف الدار؟
مايخدمش؟؟؟؟


والسر كامل ف تنظيم الوقت


رانا ف زمن لازم المرآة تخرج تخدم
et en plus

رانا نشوفو ف الرجال حاكمين الحيوط برا يعرفو يشكو برك يشمرو على يديهم ونخلو المرة ف الدار
 
انا كبنت لازلت متخرجة من الجامعة اود ان اشتغل فقط ولو شهر حتى اشعر ولو للحظات بطعم الذى توصلت له من مذاكرة وكفاح السنين الدراسة وتميزير الجامعة
لكن الواقع يفرض علينا كنساء ان نظل ببيوتنا كالملكات نسير شؤون المنزل كامايسترو ليس علينا اخذها بمفهوم العبودية ولكن للسفينة ربان واحد...
 
قال ساندريلا زماني:
وعليكم السلام

نورمالمون تقولي واش هي الاسباب لي خلات الراجل يخلي مرتو تروح تخدم وهو يحكملها الدار
لأنو بكل بساطة كاين راجل يكون عاطل عن العمل ويتزوج بمرا خدامة تخدم عليه تجيبلو الشهرية والطوموبيل وتديرلو الدار وهو راقدة وتمونجي ولازم عليه اكيد يقبل بالدل والهوان

نعرف وحدة معلمة تزوجت بواحد عاطل عن العمل وبعد ماجابو الولاد قاتلنا كرهت
قتلها باختصار عارفتو ميخدمش علاه تتزوجي فيه ؟ باه غير تصرفي عليه
ودرك هو يحكم الولاد وهي تروح تخدم وتجيبلو الصوارد وتمدلو يصرف

المرا حاليا تخدم للضرورة وانا نغلط المرا لي تتزوج براجل ميخدمش ومن مباعد تهنبر عليه ويزيد يصرف من صواردها وعاجبتو روحو

وكاين ظروف تخلي المرا تخدم وتضطر تعدل حياتها باه تقدر تعيش بين خدمتها وبيتها وزوجها واولادها

شكرا اختي على الموضوع

سلامي
إضغط للتوسيع...
صحيتي نحتيها من فمي:up:
هدا واقعنا وللاسف الشديد:-r
 
توقيع kojak
يا اختي المعيشة صعابت والراجل كي يكون خدام شهرية والله ما يلحق وحدو وفي وقتنا البنات كامل قاريين وانا واحدة منهم علاش نعيش في الميزيرية وانا قادرة نتعاون مع راجلي في المصروف لوكان نولو نقولو المراة مكانها الدار راح نجبدو بزاف مواضيع كيما شكون راهم معمرين الاسواق وكثرة المشاكل مع الازواج بسبب المصروف وانواع الملابس اللي راهي تخرج وغيرها وغيرها .....وقبل ماننسى مستحيل نقبل انا نخدم وراجلي يقعد فالدار وللضرورة احكام
 
الله يعفو
 
بصح ربي وش قال ماشي وقتنا وش قال
 
من اماراة الساعه

تشارك المرىة زوجها في التجارة

وها الان نرى كل واحد يعطي العذر الحياة غاليه والجمتمع اصبح يلزم المزيد من المال
كانه يقول يجب اخراج زوجتي لتاتي لي بالمال

انا ضد المرآة التي تعمل لان قبل ما اعطي رايي نشوف راي الدين في ذلك والافضل بيتها

ولكن احب اسال لكل رجل ترك زوجته تخرج للعمل بين الرجال

اين هيا غيرتك عليها اين هيا نبرة الرجوولة فيييك الا تخجل من نفسك

كل ششخص يطمع فيها قد وجدتها في كثرة الناس وتصبح الكلام متبادل ونضرات
والزوج تائه وزوجته تائه والمنزل ضائع

اذا كنت تقول الرزق والوقت فأقول لك اطعم زوجتك وعائلتك بخبز فيه ماء خير ان تحطم رجولتك وحياء زوجتك من اجل لحم
ينتهي به في مكان رائحته كرييهة

شكرا لصحابه الموضوع على هذا نقاش
​
 
قال Ma$Ter:
السلام عليكم ورحمة الله وبركاته
اختى المراة مكانها الطبيعي فى البيت
وخاصة اذا تزوجت
وجابت الذرية
ومستحيل واحد اخر يربي اطفالو ويتهلي فيهم كيما الام
انا مستحيل نتزوج مراة تخدم لانها مهما فعلت ما راحش توفق بيت البيت والحباة الزوجية والعمل
بارك الله فيكم اختى​
إضغط للتوسيع...


كـلامك صـحيح لـكن للـمرأة أحــــلاااام مـثلاً أنا حـلمي نـكون أسـتآذة جـــــآمعية فـي الـريــــآضـيآت هـذآ حـلمي لازم نـديرو مـــــآش كــــآن الـرجآل هـم إلي عـندهم أحلام:(​
 
صراتلو كي الي ما عندوش دار جابها ماصون !! هههههههه ... المريوة خلاتو في الدار مش راجل !!
 
اصلا هو كيفاه يقبلها على نفسوا؟؟؟؟؟؟؟؟؟؟؟؟؟؟؟؟؟؟؟؟؟؟؟هذي مشي روجلة
سلامي
 
قال Asmaa2020:
انا كبنت لازلت متخرجة من الجامعة اود ان اشتغل فقط ولو شهر حتى اشعر ولو للحظات بطعم الذى توصلت له من مذاكرة وكفاح السنين الدراسة وتميزير الجامعة
لكن الواقع يفرض علينا كنساء ان نظل ببيوتنا كالملكات نسير شؤون المنزل كامايسترو ليس علينا اخذها بمفهوم العبودية ولكن للسفينة ربان واحد...
إضغط للتوسيع...
شكون قال لسفينة ربان واحد رانا في وقت لازم يكون فيه احتياط اونسي جامي واحد يمرض ولا كاش ما يصرالو يلقى لاخر هادي غي في سفينة اما ادا هدرنا ع الحياة راهي طويلة وعريضة وشقاها كبير مرأة تخدم وراجل يخدم وبلاك لا كفاو هدا من الناحية الاجتماعية والواقع لي فارض روحو
وكنبغو نهدرو ع الناحية الدينية نوورمال الاسلام جامي حرم خدمت لمرا ابا علاه ماتخدمش مادام كاين مجالات لا زم تتواجد فيهم

:regards01:
​
 
توقيع حكاية قمر
اما مانيش ضد لمرا كي تخدم بصح اذا كانت على جال خدمتها تفرط في ولادها و دارها
هاذي لالا
​
 
الخدمة ماهيش عيب ولا حرام ايدا كانت شريفة وتليق بالمراة
بصح الشي لي قلتيه صحيح مالازمش المراة تخلي الراجل هو لي يقوم بالدار والولاد
ايدا لازم واحد فيهم يخدم وواحد يقعد المراة هي لي تشد الدار لانو التربية مسؤوليتها
كاين الف حل باش المراة العاملة تتهلى في دارها وولادها وتخدم او مام تون
مي العيب هنا ماشي في المراة العيب في الراجل لي ماعندوش كلمة ويخلي المراة تتحكم فيه
راكي قلتيها الظاهرة هادي راهي بكثرة في المجتمع تاعنا الحل انو الرجال يخلو عندهم قيمة ويحكمو شي
والنساء مايذلوش رجالهم ويديروهم خواتم ماكانش منها مراة تحب راجلها وتحترمو تقولو اخدم الدار
هادي ماكاش منها عيب والله غير عيب
المراة تبقى مراة والراجل راجل
​
 
السلام عليك
مع المراة تخدم و الراجل قاعد في الدار كي يكون هناك ظرف مثلا الراجل ميقدرش يخدم مريض بمرض
لكن هو راقد و يمونجي و حتى يقضي في الدار و هي برا على العام لالا هذي سموها جياحة الراجل و أنا ضد هذي الفكرة
ممكن نخرج نخدم و نعاونه على زمان الدنيا مرة عليه مرة عليا آوكي
بصح نخرج نتبهدل و هو في الدار هذي جامي لا تكون
و نروحوا و نجوا المراة مكانها البيت
 
توقيع آمِيْرَتُه
والله غير عيب يتبادلو في البلايص المرا تخدم برا والراجل يسيق ويغسل الماعن وين راحت كرامتك يا راجل
 
السلام عليكم
هذا عيب وعار وعمرو ما يكون للعزة والكرامة إنتصار
لكن يبقى هناك تساؤل و إستفسار ما يعرفوه غير صحاب الدار
تقبلوا تحياتي
 
توقيع رابح66
السلام عليكم

كي نتخيل راجل .... لالا شخص كيما هكا تخرجلي NO DISC في راسي

حقيقة كيما قال الاخ رابح66 هذا عيب و عار

واي رجل مش قادر يتحمل مسؤولية مرا و عائلة ما يتزوججش.

--- هي قضية الخدمة نتاع لمرا لازمها مفاوضات و شروط كثير حتى تتقبل---

لا حول ولا قوة الا بالله

ربي يقدر الخير

في رعاية الرحمان

:regards01:
​
 
توقيع طائر الخير
سلآآم
أختي لمرا صح لازم تقعد في دار راجلها و معلاباليش........مي هي قراات 12 سنة من الإبتدائي حتى الليسي
و من بعد قرات في الجامعة معلاباليش شحال سنة على حساب التخصص و من بعد تقعد في دار
نورمالمون الراجل يخدم و هي إذا حبت تخدم تخدم و إذا م حبتش م تخدمش
و إذا كانت تخدم خدمة تنفع بيها المجتمع مثلا أستاذة ولا طبيبة... علاه م تخدمش
راها تنفع في الوسط لي راها عايشة فيه
أنا مانيش ضد أن المرا تخدم مي لازم توفق بين الخدمة و دارها
كاين لي يقولولي لمرا م تقدرش توفق بين لخدمة و الدار
لالا تقدر
أنا عمتي تخدم و دارها نظيفة بزاااف كيما الأوتيل و ماكلتها بنينة و معتنية في ولادتها ماراهيش قاع مقصرة
راني حاسة روحي هدرت بزااف
مالا نقلك سلآم و نتمنى تكوني فهمتيني
 
الحالة
مغلق ولا يسمح بالمزيد من الردود.
العودة
Top Bottom