بعد نجاح الحلقة الثالثة من البرنامج ولي ماشفهاش يلقها هنا :برنامج حكمك رادار الدار-الحلقة الثالثة-قناة اللمة الجزائرية-مجموعة عالم المرأة-
هزّ القفّة وقالهم أنا اليوم لي نقضيلكم
كيما معروف على خونا ينوض بكري بعد مايصلّي الفجر
وفي قلبو قال : اليوم نفرّغ السّوق
رصدو الرادار وهو خارج من باب الدّار.وصل للسوق بدى يشري:4كيلو بطاطا،5كيلو لحم غنمي،4دجاجات،2بوزلوف،5صاشيات كسكسي،4كيلو حوت،8كيلو طماطم للبيتزا،زلابية للسهرة،بريوش للصحور،4كيلو بصل وثوم باه نحمرو بيهم دجاجة في الفور واش نزيد زيتون خضر وكحل وحارّ وسلاطة وديسار ومشروبات
خلّص جا مروّج فتحت عليه المادام الباب لقات معاه طاكسيور تالمون القضية بزاف عاونو فيها
قاتلو: واش بيك ياراجل جبت السوق كاملة معاك !
من كثر الصّدمة ومن كثر ماشافت قضية قدامها حارت واش تطيب للفطور
الله غالب خونا حاكم فيه رمضان
شكون هو ؟
HAMZA USMA
نلتقي غدا ان شاء الله
