حتى في المسجد .؟

[Melia azedarach]

السّلام عليكم ورحمته تعالى وبركاته


نقوللكم رب يتقبل منا ومنكم راهي جات العشر الأواخـــر ولازم نغتانموها عسى ربي يعتق رقابنا من النار و نكونوا في جنّــة الخُلد بجانب الحبيب صلى الله عليه وسلّم


ممكن يجيكم العنوان غريب ويروح فكركم لأشياء بعيدة ...
يا سيدي راح نحكي على النوم متاع لعباد..يك تعرفو حنا الجزائريين كاين فينا كائنات غريبة ترقد 24 ساعة ..تنوض قبل الأذان بخمس دقايق ويقولو انلهار صعيببب ..ومقدرناش ورمضان هلكنا ووو ..يا جماعة احشمو وشحال ساعة صمتو ؟
المهم ما دخلني فيهم ..:p راهم يرقدو في ديارهم ...
سال على يلي يرقدو في الجامع ..:-o.
ايه يرقدو فيه

أنا نحكيلكم حكاية معندهاش نهارين صرات

هذا يا سيدي بابا وخويا يروحو يصليو في الجامع مرة راحو يصلو العصر يك لقاو الجامع فيهم أكثر من 10 عباد راقدييين فاتحيين الكليماتيزور وضاربينها برقدة..
يك عيطو لجماعة وقالولهم نربوهم في رمضان كي عاد للمسجد ما ولاتش الحرمة ليه
الناس يعتاكفو يصليو ..وهوما راقدين ..والأدهى أنهم جايبين وسادات :s
المهم الجماعة صبروهم وقالولهم لا وعيب وورمضان والتسامح وووو المهم فوتوها بسيدي وسيدك..
قالو نحكيو معاهم ..ملا راحو كلموهم بالعقل وقالولهم يا جماعة لازم المسجد حرمتو ولا نسكروه عليكم لوقت الصلاة وخلاص.. ولا كأنهم سمعوهم ولا ...بعضهم قالو السخانة وما صبناش نشريو كليماتيزور والأخرين قالو الذر كرهونا بالعياط وووووووو .. عذر أقبح من ذنب..

والمشكل أنو هذو يلي يرقدو في المسجد هوما ناس كبار فايتين 35 سنة حتان 65 سنة يوصل عمرهم ........

واش رايكم ؟
أنا مرانيش ضد أنهم يرقدو مي في ديارهم ماشي في المسجد ..وزيد في شهر من المفروض يعتاكفو فيهم ويصليو ماشي يرقو في مكان عبادة ...
وما شاء الله كبار ..الواحد مراهوش ضامن عمرو ..معرف لا الموت عندهم ولا عندنا مي شوية...

منطولش عليكم ..
هاكم احكيو



صح فطوركم جماعة ..

ورب يحفظكم

​

 

[Ma$Ter]

السلام عليكم
صحا رمضانكم
احتى هاذ الضاهرة راهى بارتو مام هنا دايما بعد الضهر يقلهم الامام لى حب يرثد يروح لدارهم
ربي يهديهم العام لى فات ندخل المسجد على 2 نلقى على الاقل 100 عبد راقد وريحة المسجد تقول بيت نوم
ربي يهدي
وشكرا على موضوعك المميز
​

 

[وهبwhpyـي]

والله هذه مشكله عويصه والمفروض تقفل المساجد ولاتفتح الاوقت الصلاه
هذه بيوت الله للعباده فقط وليست للنوم
بارك الله فيك

 

[HAMZA USMA]

عقلية جزائرية 100/100
الله غالب ههههههههه
شعب غير قابل للتطور
​

 

[أمــ وليــد الجزائرية]

اهلا ميليا صح فطورك

هم المساجد ولاو كامل يقطنو فيهم مش في رمضان برك بل في كل وقت
و كيفاه تستغربي من الشعب الجزائري كل مشكل و تلقايه منهم مخلاوش حاجة و مداروهاش
مي هنا نتساؤلو اين هو الحل ؟
في رايك انت كاين حل لمثل هذي الضاهرة ؟
​

 

[¬Đỉaмơŋđ ✿]

وعَليكمْ السَلآم ورَحمةُ اللهِ وبركآتُه


مسآجدنآ في رمَضآنْ تتحوَل إلى مراقدْ جمآعيّةْ للأسفْ الشَديدْ ، هآذِي الظآهرةْ السلْبيةْ تسىءُ لحُرمةِ المسْجدْ ..
وَ الحلْ هوَ أنوُ يديروُ حمَلآتْ توْعيّة بالإضافةْ إلى أنو كآين تعْليمة من وزآرة الشؤون الدينيةْ يجبْ أن تطبقْ .. تنص على غلق المسجد عقبَ كلِ صلآةْ ولآيفتحْ إلا إذا كانْ هنآكْ نشآطْ مسْجدِي ويكُون تحتَ إشرآفْ الإمآمْ ..




​

 

[إلهام لهومة]

كلامك صحيح
والله عيب
مولاش جامع تحول لمرقد
ربي يهدي برك

 

[salma zayna]

يعطيك الصحة موضوع روعة حتى حنا عندنا اغلب النساء من تدخل وهي تهدر حتان لصلاة لافاصل و لا اشهار عندها عنبالكم نحسهم غير ملتزمين باداب الصلاة يعني يخلوا الفراغ والاستقامة هدي كامل مكانش الله يهديهم مرات نحس اني انا الغالطة

 

[{مُدَلَّلَتُهُ}]

و عليكم السلآم و رحمة الله و بركآته

يا اختي ما تحيري ما والو راهي par tout هاد الحكاية + ماههيش جديدة

حنا كل ما نروحو للمسجد في التراويح نسمعو الإمآم يشكي من هاد الفئة !

ما قدرو يغلقو المسجد في وجه المعتكفين ما جاتهم نورمال بيت الله يجي فيه واحد يـgـيل ! لوكان جا عابر سبيل نقولو بالاك و شقا الطريق و gـاع بصح المشكل تلقايهم ولاد المنطقة !

الله يهدي هادا ما نقولو
​

 

[Melia azedarach]

السّلام عليكم ورحمته تعالى وبركاته

الله يهدي ما خلق

شُكرا لكل واحد منكم باسمو الخاص

الحلول انهم يبهدلوهم بالاسم قدام الملأ
ويوقفولهم بالمرصاد
​

 

[Rose faty]

الله يهدي ماخلق

​