فراغ دعوي ام كسكسي

[زهور الأمل]

هاذ الداعية ماشاء الله وزاد قناة النهار هي لي عرضاته وعجبتني روح الغيرة على الدين والوطن لى راها عندك وخلى ممكن يحرك وحدخرين باش يصحصحو
ونزيد نهني منتدانا على الناس ماشاء الله مثلك انت اخي وكثير من الاخوة والاخوات لى اسنت وتشرفت بالتعامل معاهم في هذه اللمة الجميلة والمباركة

 

[Hakan]

هاذ الداعية ماشاء الله وزاد قناة النهار هي لي عرضاته وعجبتني روح الغيرة على الدين والوطن لى راها عندك وخلى ممكن يحرك وحدخرين باش يصحصحو
ونزيد نهني منتدانا على الناس ماشاء الله مثلك انت اخي وكثير من الاخوة والاخوات لى اسنت وتشرفت بالتعامل معاهم في هذه اللمة الجميلة والمباركة

ولو يااختي اكيد اي انسان يحب بلدو كيما نبغيو اللاعب المحلي في كرة القدم ثانيك في مجال الدعوة نحبو يكونو الدعاة من بلادنا
مدعومين من قبل الاغنياء باش يفتحو قنوات خاصة بيهم ويخدمو الدين نتاعهم لانو في المجال السمعي البصري جد
تعبانين واغلب الفتاوى نتحصلو عليها من الخليجيين والمصريين مالغري حنا نقولو رانا مالكية
ربي يهنيك ختي متشرفين ​

 

[طموحة]

السلام عليكم
هي صح مهما بلغ النسان من علم يحتاج الدعاة لأنه العلم وحده يقسي القلب
لازم الموعظة
و في الجزائر ولله الحمد كاين الاثنين العلماء الحمد الله باينين من خلال المواقع ديالهم
لكن الدعاة ما يبانوش لأنو وين رانا حابينهم يبانو
في قنوات التهريج و الظلال
يخدمو خدمتهم في المحيط ديالهم يعني مباشرة مع الناس لي في محيطهم
مثلا في القبة كاين بزاف طلبة العلم ما شاء الله يديروا مواعظ للناس لي يعرفوهم
يعني بشكل بسيط و مجموعة صغيرة يعني تعرف نظرة الدولة للتجمعات
و كاين بعض الأئمة يديرو حلقات في المساجد
في توقيت يسمح للنساء و الرجال بحضوره
بحيث النساء يجلسو في الجزء المخصص لهم من المسجد و يستمعون للحلقة
لكن في نظري لازم الدعوة تكون متوفرة بنفس الشكل لي تتوفر بيه مظاهر الفساد لأنو الشخص لي قصد المسجدأصلا عندو نية صالحة
لكي لا يتركو لهم المجال يعني مثل ما يوجد في اليوتوب ما لا يصلح لازم نوفروا واش يصلح
ومثل كيما في التلفاز ما لا يصلح لازم يتوفر مايصلح ليكون البديل
أما بالنسبة لي انبهار الشعب الجزائري بالداعية وسيم يوسف
فلا يدل على أنو الجزائرين راهم حابين الدعاة و مالقاوهمش
لأنو هادي طبايعهم مع كل واحد
و أصلا لو جابوه على أساس داعية كون قابلوه بالعلماء ماشي بلي سيبرورتور وماعلاباليش
أنا لا أتكلم عن مصداقية الشيخ يوسف
لكن الزيارة لم تمد للدين بأي صلة
و لما شفت االفيديوهات وجعني قلبي
و كي تجيب داعية تهدر معاه على الدين تحطو مع صحفي ت الأخبار ؟!!
باش يناقشو و الوجه الصحيح هدر معاه بخصوص فتوى الزلابية
نقل بكل جرأة و افتراء فتوى خاطئة على لسان الشيخ فركوس
والشيخ سايره بدون أي علم وبداو لالا هاد المفتي يحوس على الأضواء لا لا معلاباليش وشنو
وعلاش مهدرولوش على المهرج ديالهم لي يهدر أمام الملأ على أشياء مخلة بالحياء وعلى و على ....
آه و ألف آه على اعلامنا الدنيء
على كل علابالي بلي موضوعك ميخصش الشيخ و لا القناة لكن ماققدرتش نهدر في الوضوع بدون التطرق لهاد المهزلة
آسفة على الاطالة
وان شاء دعاة الجزائر يخصصو قنوات شريفة تسمح برسائلهم أنو توصل
​

 

[الصحافية الساخرة]

السلام عليكم و رحمة الله
حقا الداعية "وسيم يوسف" تعجبني طريقة القائه للخطب رااائعة والله يقيس فالصمييم ، يهدر فالدين و يذخل مجال التنمية البشرية هذا ما اعجبني ، وجميل ان نرى الناس تتسابق لرؤية رحل دين وليس رحل فسق اليس كذلك؟
وليكن بعلمك أنه قليييل جدا من ذهب لرؤيته ، ومجرد فضول بالنسبة للبعض ههه.. لوكان جا الشاب لطفي فالنهار اللي جا فيه الداعية (او اي داعية) لوكان لقيت الناس تتسابق لرؤية الشاب لطفي عهههه يعني ماشي قضية يعجبهم هذاك الداعية و ووووو
ولكن خويا "حكيم" لم أعد أثق في أي داعية صراحة يعني الكل سواء دعات الجزائر او الخليبج ، لا اتهمهم لا بالفتنة ولا بالجهل ، ونحن رغما عنا سنتبعهم لاننا لا نفقه في الدين شيئا ورسالة الاسلام امانة في اعناقهم ، فان انقصوا او زادو وحرفوا وجهلوا فحسابهم عند ربهم عسير ، يا خويا قلي شكون يتسابق على جال داعية هنا فالجزاير. ؟ شووف واش راهم يديروا فركوس يسب فشمس الدين ولاخر يرجعله وبزاف منهم وييينها صوورة الداعية اااه. ، هذوما تبعهم ، لااااا؛ واش تهدر على دعاتنا هنا اولهم شيخ شمس الدين دايرين حصة انصحوني ويتكلم كلام يعني يخجل والله عيييب الرسول صلى الله عليه وسلم كان يستحي يجاةب على هكذا اسئلة ، ويزيد يكشف اسرار البيوت ، ما وراء الجدران اه خلووونا هذا اللي يصلح بين الناس ماشي يفضحهم قدام العالم بهدلوا بينا ، شبعنا فتوى ، فهمني هذا داعية بعقله يجاوب راجل قاله اسك نورمال نصدق بقرعة شراب على بابا اااه خليك اخويا ترفد روحك بكل نشاط وتجاوبه راهم يضحكوا عليك ، اووووو مهكذاااش ، فتاوى على الهوى ، وغير الفتاوى ، والحصص اللي ما تجيب والوا اخرج دووور اخطب ، الكشك ىبي يرحمه كان قد المسؤولية ولا يخطب على الناس وسجنوه وعذبوه نحاوله عينيه وقدم بزاااف وصل للناس رسائل بزاااف ومخافش وتاع دوك يجيبوه للنهار عمر القفة ويالله ، تقولي دعاتنا ما دعاتنا تحط داعية جزائري مع تاع الخليج كامل ما يبانش ، تاعنا سؤال على المباشر ما يقدرش يجاوبه وتقولي ...
اسمع نقولك نستعرف بدعاة كاامل ميخرجوش للصحافة ، ويشهر نفسوا ، وعندنا هنا دعاة ميبانوش بزاااف قليييل مي تلقاهم واعيين فالدين يفتوا بواش يعرفو ا ، حتى اننا نملك ائمة ما شاء الله تلقاهم يعرفوا فالدين وميفتوش برك مثل امام مسجد تاعنا ربي يبارك ، هذوا ما يقبلوهمش ما يتمشاوش ، ما يخدموش قونطر الدين. ماشي كيما بعضهم يخدمو ضد الدين ، ونقولك تان : ينخلعوا تاعنا فكلسشي ولوكان يحضر شمس الدين لاي ولاية يجو يجروا عههههه تاع فراغ وفضول وووووو يا اخي مخدومين هكا الاغلبية للاسف
ربي يصلح امور الامة
ويهدينا يااا رب
ومشكور على الموضوع

 

[Only me]

السلام عليكم ورحمة الله تعالى وبركاته
طرح قيم أخي يليق يجي في منتدى النقاش
بالنسبة للدعاة الجزايريين ماشي هوما لي مايعرفوش يهدرو، الشعب هو لي ماعندوش ثقة في المنتوج المحلي وماشي غير مع الدعاة في كل المجالات، يموت على البراني
بالنسبة للدعاة أنا نختلف معاك ، عندنا الدكتور سعيد بويزري والله بلسانو يدوب الحجر، كاين داعية صغير فات في رمضان تاع العام لي فات وكاين داعية آخر يجي في قناة نوميديا نيوز نسيت أسمائهم لكن والله ماشاء الله .
الشيخ وسيم يوسف أنا يعجبني بزاااف بغض النظر عن انتمائاته السياسية ، عندو أسلوب بسيط وواضح
بارك الله فيك أخي ​