هل انا خائنة؟

[مشكلتي]

السلام عليكم
انا متزوجة منذ 5 سنوات بشخص اقل ما يقال فيه انه حنون و طيب و يعرف ربي فيا و في اي شخص في هاد الدنيا و خاصة في والديه ....لدي منه ولدين و الحمد لله. ...اعيش معه في بيت اهله بعد ان تنقلنا من مدينة اخرى كان يعمل بها ...انا من النوع الطموح و اللي يحب يعيش بالطول و العرض بما يرضي الله طبعا فانا محافظة و لله الحمد. ..تتساءلون عن المشكلة ؟
المشكلة انا اسلوب حياة زوجي و اهله مختلف تماما عن ما كنت اعيشه في بيت اهلي حتى في طريقة الاكل !
و هناك اشياء اخرى تنغص علي معيشتي في بيت اهله لانهم لامبالون و انا كما سلفاتي الاخريات نظل طوال اليوم نجري وراء شغل المنزل و هو لا ينتهي و في الاخير نسمع ما لا يرضينا .....!
فاصبحت في الاونة الخيرة اندم انني لم اقبل باشخاص كانو قد خطبوني قبل زوجي هدا لعلي كنت مرتاحة و خاصة اخ صديقتي ايام الجامعة فحياتهم تشبه حياتنا الى حد ما ...فاصبحت ليل نهار اقول في نفسي لو انني قبلت بفلان لكنت كذا و كنت كذا ! او لو كنت زوجة فلان لكان حقق لي ما ابغى !
و هدا كله مع اقتناعي الشديد بان كل شيء في هده الدنيا هو مقدر و مكتوب من عند رب العالمين. ...لكن هدا الامر سيطر على تفكيري مؤخرا لدرجة صرت الوم نفسي و انهرها لاني اخون زوجي بافكاري ....و اطعنه بتخيلاتي اللامنطقية لا لشيئ الا لاني لا اعيش كما احب و اريد ان اعيش !
ما رأيكم أأنا خائنة ؟؟؟! أم اني على عتبة مرض نفسي سيؤثر علي و على عائلتي ؟
كيف اتغلب على افكاري الغبية هده ؟ اجل اعلم انها افكار غبية و لا تتعدى كونها احلام يقظة غريبة لكنها جعلتني لا استلذ حياتي الحالية و بالعامية " حياتي ولات سامطة "
ساعدوني لاتجاوز هذه الافكار و ارضى بنا كتب الله لي فهي تنغص علي حياتي
و جزاكم الله خير

 

[راضية حامدة]

تم الاعتماد

قلتيها بفمك
زوجك انسان محترم

و زواجك معاه مش مكتوب فقط
بل انه اختيار الله لك و الله سبحانه ما يختارلكش الا الاحسن ليك

لما تتخيلي و تقولي لوكان تزوجت بفلان لوكان راني هكا وش يضمنلك
لوكان ربي شاف فيه الخير ليك لوكان سهللك الزواج به

اقنعي بوش عطاك ربي
و شوفي للنعم لي عطاهالك ربي قبل ما تشوفي لواش حرمك
اما الشغل وووو ماكانش لي راهي مهنية
شوفي يا اختي الناس في وقتنا راهي تشري في هناها و بس
الشغل و التعب و الغاشي و العادات وووو كلها يهون كي تكوني مهنية
اتخيلي فقط العكس
لوكنت ساكنة وحدك و مرتاحة ماديا و زوجك ما هناش
وش تخيري ؟
احمدي ربي و حافظي على زوجك و ادعي ربي يوسع عليكم الرزق و يفرج عليكم ببيت خاص
اتعاوني مع زوجك باش تتدخرو دراهمكم و تديرو الدار لي تتمنايها و ما تستنايش الدار هذه تجي وحدها ترقدي و تنوضي تلقايها
فكري شوي و شوفي الحل

لكن قبل كل شي لازم تحمدي ربي و استغفري و هذو الخيالات كلها من صنع النفس و الشيطان هو لي يزينلك الامور و يخيللك بلي لوكان تزوجتي بواحد اخر لوكان احسن
هاذو الخيالات ما يخلوكش تستمتعي بحياتك ابدا و مهما د رتي تحسي روحك ما درتي والو
ما تحرميش روحك من المتعة بنعم الله انت اسعاي فقط و ربي يباركلك في زواجك و اولادك و يرزقك من حيث لا تحتسبين
نرروحو و نولو و نقولو ربي ماهوش ظالم ما يختارلنا الا ما هو احسن لينا و كل شي فيه حكمة لا يعلمها الا هو

ربي يطمنك و يرزقك القناعة و الرضى و ينحيلك هذه الافكار من راسك
استمتعي بحياتك و استمتعي بوش عطاك ربي و ما تبكيش على وش ما عطاكش لانه كل شي في وقتو انت ادعي ربي فقط و عليه الاستجابة

 

[لاجودان شاف]

السلام عليكم ورحمة الله وبركاته
سأعطيك رايي بكل صراحة وان شاء الله ما يغيضكش الحال
يعني سأحاول أن أحلل منطقيا واش قريت

حاب نقولك وكأنك ماتحبيش زوجك نتمنى نكون غالط ...


الي نعرف أنو المرأت كي تحب رجل ويعجبها هو لذاتو وشخصو وماتقدرش تعيش في هاذ الدنيا بلا بيه
ما يأثر فيها حتى محيط وما تصمطلها حياتها ولا حاجة
لا السلفات ولا أي بشر

حسبها فقط أنها مع هذا الرجل في هاذ الدنيا ؟؟؟

أنا السؤال لي نطرحو
علاه قبلتي بيه من النهار الأول ؟؟؟

نظن أنو الحل أنك تجاهدي نفسك وتحاولي تطردي عن نفسك هاذ الأفكار وتبقاي ديما تشوفي للجانب لمليح من هذا الرجل
وتستعيني بالصلاة والدعاء ثاني
​

 

[¬Đỉaмơŋđ ✿]

وعَليكم السلآمْ ورَحمَة اللهِ وبرَكآتهْ


رَبُ خيرِ لمْ تنَآليهِ كآنَ شرًا لوْ أتآكِ ، لوْ رأى اللهُ خيرًا في أخِ صديقَتكِ أو أحد الخطآب الأخَرينَ لكآنوُ منْ نصيبكِ لكنَ اللهَ صرَفهمْ عنكِ وقدرَ لكِ زوْجكِ الحآلي أكيدْ لأنَ فيهِ خيرًا وكلآمكِ هذآ دليلْ

انا متزوجة بشخص اقل ما يقال فيه انه حنون و طيب و يعرف ربي فيا و في اي شخص في هاد الدنيا و خاصة في والديه ....

مآشاء اللهْ ، قلّ الرجآلُ منْ هذآ النوعْ فإحمدِي اللهَ الذِي أنعمَ عليكِ ، نصيحَة أبعدي عنكِ هذهِ الأفكآر السلْبية لأنهآ ستنَغص حيآتكِ ..


رَبي يطمّن بآلكْ ويبْعدْ عنكِ هذهِ الأفكآرْ

​

 

[largo19]

باختصار أنتي تفتقدين إلى نعمة القناعة ٫٫٫ و هي نعمة كبيرة لا يملكها إلاّ السعداء ٫٫٫ لا تتركي الشيطان يعبث بمخيّلتك و يوهمك بأشياء لا أساس لها ٫٫٫ ما أدراكي ؟؟؟ لعل الرجال الآخرين الذين تتخيّلين بأنّ حياتك كانت ستصبح أحسن معهم ربّما هم أسوأ بكثير من هذا الرجل ٫٫٫ إصبري و سيتغيّر الحال إلى الأفضل بئذن الله و لا تتركي هذه الأفكار تدمّر حياتك

 

[farid8751]

السلام عليكم ورحمة الله وبركاته

كل هذه وساوس من الشيطان يريد ان يخرجك مما انت فيه ... مادراك ان فلان او فلان سيعيشك في نعيم
قال الله تعالى {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}

ربما الاشخاص الذين تحلمين بهم هم اسوء مما تتصورين ومادراكي

حذاري ثم حذاري ثم حذاري ان تتحول الافكار التي تدور في راسك الى كلام وتنطقي بها امام زوجك او اهله او اشخاص اخرين حينها لاتحمدي عقباها

الحل الوحيد الذي تمتلكين مفتاحة هو القبول والرضى بما قسم لك الله فالله الواحد الاحد هو الذي يقسم لعباده وليس انت او زوجك او احد اخر فالله سبحانه هو من يقرر مع من تكونين ... لا تتركي مجال لشيطان ان يلعب بك ... واجتنبي كلام الناس وايضا اجتنبي الحديث عن اهل زوجك وعن زوجك امام الناس و حتى في بيت اهلك سوى بالخير واستعيني بالصبر والدعاء الى الله سبحانه وتعالى والصلاة وتلاوة القران فانه علاج للنفوس ويهدء من روعها ..
مع تحياتي للجميع

 

[ThIs Is Me]

السلام عليكم
راهم قبلي قنعوك
اولا لو تفتح باب الشيطان
تانيا زوجك هو جنتك
تالتا كل من عليها فان
رابعا القناعة كنز لا يفنى
خامسا قل ما يصيبنا الا ماكتب الله لنا

عيشي حياتك و هادو السلفات هوما مهنيين و نتي تعمري بيهم راسك ؟؟
هدا الوسواس اللي راه ايجيك من كترة الفراغ
من راي كل ما تبقى ادور هاد الهدرة في راسك ابدي تستغفري اقري قران او لاهي روحك بتفكير حاجة اخرى و ديري في راسك امليح بلي هادي هدرة زايدة ماراح ترد بيك الوقت و تتزوجي بالاخر ما والو غي تنغس اعليك حياتك
ارضي بحياتك كما كتبهالك ربي هو عارف صلاحك و الحمد لله راكي قلتي بلي انسان امليح شابغيتي كتر مهاك

الحمد لله على كل حال

 

[Mr mino]

كَآَيْنَ آَلْلِيْ مَآَطَآَرَلْهَآَشْ رَآَجَلْ وْ كَآَيْنَ آَلْلِيْ طَآَرَلْهَآَ رَآَجَلْ وْكَرَهْلَهَآَ حَيَآَتْهَآَ
حِطِيْ رُوْحَكْ فِيْ بَلآَصَةٌ مِنْهُمْ
مَآَ يَكْتُبًهً الله لَنَآَ خَيْرٌ مِمَآَ نُحِبْ وَ آَعْظَمْ مِمَآَ نَطْلُبْ وَ آَلْطَفْ مِمَآَ نَشَآَءْ

بَآَلْتَوْفِيْقَ

​

 

[ضيوف وسـنغادر]

يا اختي كلشي يفوت حاجة ماتقعد كيما رااهي
اصبري وربي يجيبلك الخير
عندك زوج راكي قلتيها بفمك عليه
تخيلي بعيد الشر والله لايقلب زمان على مسلم لو كان منرفز والعام اتناش يهاوش ياو تندمي نورمال
مي ماشاء الله محترم طيب حنون كي تعودي انتِ هانية مع راجلك هاديك هي الدنيا ومافيها ختي العزيزة
وتفكري ديما اللي ماتزوجوش مانابش عليهم ربي اللي ... يعني ديما شوفي للي اقل منك درجة والله غير تحمد ربك على النعمة اللي انت فيها
يجي يوم وتتحل المشاكل وتعودي بدارك وحدك غير ماتخمميش وزواجك حلال سعدتي بيه جامي تحطي في بالك كون وكون هذا الشيطان يحب يمرg عليك عيشتك
استغفر ربي مما قلتيه وتفكري فيه قوي ايمانك
وربي ما يجيب غير الخير
وقآلو ناس زمآن
يا صاحبي كونك صبار واصبر على ماجرالك ارقد على الشوك عريان حتى يطلع نهآرك
والسلآم عليكم ​

 

[ماكانش]

حاولي تغيري شوي الروتين وماتخمميش بزاف

 

[قَطٌر❀ الٌنَـدَى]

نقلك حاجة واحدة
ارضي بما قسمه الله لك تكن أغني الناس
نقطة انتهى
​

 

[عبد الحميد تام]

أختي الكريمة
مشكلتنا اليوم هي القناعة بمفهومنا العامي, اكن أصل المشكل نقص الإيمان, إيماننا بالله, إيماننا بمنه وكرمه علينا وعطفه وجوده وعفوه علينا وعظيم سلطانه ...
فهلا حمدناه على هاته النعم؟
فلنحمده على ما قسم لنا ولنتجنب مغريات الحياة على العكس من ذالك فلنجعلها في طاعة المولى عز وجل


والله الموفق والمستعان

 

[شهنوزة]

اختي انتي ماكيش خائنةوماكيش ظالمة بصح الافكار السلبية استحوذت على عقلك فكري بالجانب الايجابي على بالي على حساب مذكرتيه مكانش الحب في علاقتك مع زوجك واش نقلك ادعي ربي يجعل بيناتكم المودة وديري الثقة في ربي سبحانو وديري بلي كامل الناس عندهم مشاعر سلبية مكاش الي راهوهاني 100 بالمائة

 

[salma zayna]

احمدي ربي على واش عطاك ممكن لوكان تزوجتي بلي قلتي عنوا كان جاتك مشاكل اكبر من هك

 

[salma zayna]

استغفري ربي هذا غير الشيطان يديرلك هك وهدا راه مكتوب علينا وانتي قولي الحمدلله وخلاص واصبري

 

["Màrià"]

الدنيا قسمة و نصيب و"ان تشكرن لازيدنكم"
ختي دايمن احمدي ربي على كولش و الله كاين لي كثر منك
​

 

[mà_dikrà]

أخـتي مآمآ تـعذبت أكثر فـي بـيت أهل بآبآ وصـبرت ومبعد تـحولـنآ لـبتـت خآص بـنآ وهآهي سعيدة أصبري تـلقي​

 

[روعة الاخلاق]

ربي يهديك يا اختي اتقي الله في نفسك و في زوجك
زوجك قليل تلاقي كيفووووو
بنات في عمرك يتمنووو يعيشووو ربع اللي عايشاتو اتق الله
اما راكي تقولي عن اخ صديقتك نقولك ليس كل ما يلمع ذهبااااااااااااااااااااااا

 

[ام أمينة]

اختي الكريمة
هذامكتوب ربي سبحانه
شهدي واستغفري و ارضاي بواش ربي كتبلك
و دايما الانسان يشوف لي تحتو
احمدي ربي لي راجلك ناس ملاح

ربي يهنيك
​

 

[بنـ MaPa ـت]

اولا هادا مكتوب ربي سبحانو ولازم نرضاو بيه مهما كان
وثانيا هاد الافكار لي راهي في راسك كلها من ابليس الله يلعنو ويخزيه

ماتخليهش يسطر عليه لانو ببساطة تهدمي دارك وترجعي ندمانة كثر وراهم عندك لولاد
ماكانش مراة تعيش مع ناسها نفس المعيشة لي كانت عايشتها
هادا هو الواقع لازم نحاولو نتاقلمو مع الحياة الجديدة

ماتشوفيش لفلانة كيفاش عايشة فلانة عندها وانا لالا كل واحد واش عطاه ربي
وكل واحد والظروف لي خلاتو يعيش هكادك
الوغ ختي نحي الوسواس لي راه في بالك وحاولي باش تتاقلمي مع ناسك حتى يفرج ربي وتولي بدارك
ماتخليش حاجة تافهة تفسد علاقتك بيهم لانو راكي معاهم وراهم هوما اهلك دوك
وقد مايدير الانسان مالازمش يقل اشكروني لانو الشكر يقلل من عمل الانسان راكي فاهمتني في هادي
الله يا ختي نعرف بزاف ناس على حاجة تاااافهة جدا هدمو ديارهم طلقو بدراري ودوك راهم في ندامة كبيرة
ماتخليش روحك تلحقي لهدا الشي واقنعي رحك بالمعيشة لي راكي عايشتها
القناعة هي لي تخلي الانسان مايخممش يشوف الفووووق الفوق وين مايقدرش يوصل

ماكانش مراة ماتحلمش تعيش معيشة الملوك بصح كيفاه؟ طيح هكدا من السماء
لازم نصبرو ونعاونو ونضحو ونرضو ربي سبحانو والناس لي نحبوهم
هادي هي المعيشة الحقانية لي فيها السعادة
الشغل مايخلاصش لوكان نديرو عليه راكي مع سلافاتك اتعاونو على الهم


اصبري حنونة وربي يفرج في القريب العاجل ان شاء الله
​