حب من طرف واحد لكن مجبورة أن أعيش واقعه

[BLEU PEARL]

بسم الله الرحمن الرحيم
والسلام عليكم
اليوم حبيت نطرح موضوع نعاني منو بزاف وراني متأكدة بلي كامل البنات
يعانيو منو
الا وهو الحب من طرف واحد
كل يوم ألتقي به مرغمة في نفس المكان المعتاد
ينادونني تعالي وخاصة أمي والله
كرهت من هذه الظاهرة
أكون مستمتعة بوقتي أتفرج ألعب أحكي مع الصديقات
نكونكتي لكنه دائما يفسد علي ضحكتي ويقطع ما أقوم به ويأخذ كل وقتي وكلما نروح
يشدوني بالساعات
آآآآآآآآآآآآه
وفي رمضان لا يتركني أبدا في كل لحظة تعالي يا شيماء
..........
أعرفتم من هو؟؟؟
هما المااااااااااااااااااااااااعن
والمكان المكرووووووه
الكووزينة
أكرههم
ياريت جاو الماعن جوتابل طيبي وترمي
ههههه:p
واش يالبنات ياك مانيش نكذب
طياب نورمال لوكان يقولولي طيبي لكامل الباطيمة
نقبل الا الماعن
لو كان غسيل الماعن رجل لأعدمته
أوَتعلمون لماذا؟؟؟
لأنه سبب في الأمراض الجلدية للنساء وتضييع لوقتهم
فلا يسنح للمرأة فرصة الخروج مع أولادها أو الجلوس وتبادل الحديث:-o
مع زوجها وسبب تعبها....
من يوافقني الرأي
؟؟؟؟؟
ههههه
شكرا لكم .ويا الرجال أستمتعوا لأننا نعيش جهنم مع غسيل الماعن
​

 

[Ma$Ter]

السلالم عليكم ورحمة الله وبركاته
صباح النور
خخخ ضحكنى موضوعك
نورمالمو الماعن وأمور البيت تعمليهم وحدك بلا ما يامروك
راهى من الامور لى تصنع بنت شاطرة مش فنيانة وكى تزوج تشرف روحها وأمها ^^
ربي يعينك
وصحا فطوركم

 

[جمال أمي]

السلام عليكم و رحمة الله و بركاته

صباح الخيرات

عزيزتي شيماء

الأواني و غسيلها صدقيني متعة كبيرة

و لماذا تتذمرين هكذا

هذه ليست بمشكلة

كيف ستتعلمين ان لم تغسلي و تتعبي

و كيف لما تذهبين الى بيت زوجك سيكون هناك كل شئ على عاتقك

البنت الشاطرة يجب أن تعمل بحب كل شئ

و هذا ليس شيئا يحرم المرأة من الجلوس مع أولادها أو زوجها

فحين تنظم وقتها و تقسمه على كل مهمة من مهام البيت ستجد وقت كافي لباقي الأمور

عليكي بالصبر و العمل بحب

و عدم الشكوى أو التذمر

أتمنى أن كلامي لن يذهب أدراج الرياح

دمتي بود

 

[medscd]

نورمال ماتغسليش الماعين

بصح يسموك تبقاي الدهر مع ماماك تونسيها

اوكي شطورة

هههههههههههههههههههههه
​

 

["Màrià"]

هههههههه
و الله حكايتنا حكاية مع لماعن
مي الله غالب واش ديري
انا والفت
​

 

[أميـــــــر زماني]

ههههههههههههه
الرجال يتعبون أيضا
الأكل...الشرب...السهر مع الأصدقاء...الضحك و اللهو...النوم

تعبنا بزاف ههههههههه
:d:d:d


​

 

[BLEU PEARL]

والله والو نغسلهم وحدي وغير يكملوا انوض*احم احم انا شطورة*ههههه
بصح طفلة وحدي بين زوج خاوة والله غير نسمح فالسهرات والخرجات على جالهم انا قررت قبل ما انروح عروسة فالشرط مانشرط والو غير الماشينة ديال الماعن هههههههههههههههه
يعطيكم الصحة على النصائح وصح المسؤولية من ذرك....
ذرك نولي نغسلهم بحب هههه​

 

[BLEU PEARL]

السلام عليكم و رحمة الله و بركاته

صباح الخيرات

عزيزتي شيماء

الأواني و غسيلها صدقيني متعة كبيرة

و لماذا تتذمرين هكذا

هذه ليست بمشكلة

كيف ستتعلمين ان لم تغسلي و تتعبي

و كيف لما تذهبين الى بيت زوجك سيكون هناك كل شئ على عاتقك

البنت الشاطرة يجب أن تعمل بحب كل شئ

و هذا ليس شيئا يحرم المرأة من الجلوس مع أولادها أو زوجها

فحين تنظم وقتها و تقسمه على كل مهمة من مهام البيت ستجد وقت كافي لباقي الأمور

عليكي بالصبر و العمل بحب

و عدم الشكوى أو التذمر

أتمنى أن كلامي لن يذهب أدراج الرياح

دمتي بود

صباح الأنوار شكرا لك انت حقا جميلة ولكن جمال قلبك شكرا على النصيحة ولن تذهب سدى صدقيني
من الآن وصاعدا من خلي امي تغسل حتى حاجة.....رضيتوا عليا؟؟؟

 

[yani thiziri]

اغسلي اغسلي صحيتي

هههههههه

 

[largo19]

ثاني يههه ٫٫ هذا ما كان ؟؟؟ لماعن برك عيّاوكم ؟؟ آه يا بنات تايوان ٫٫٫ لوكان جيتوا تخدموا كيما النسا تاع بكري واش قلتوا ؟؟؟

ههه ٫٫ الحقيقة ربي يجازيكم على تعبكم و مجهودكم ٫٫ أكيد الرجال ثاني يتعبوا بزاف في الخدمة ٫٫ كل واحد و شغلو في هاذي الدنيا ٫٫٫

 

[السلطانة]

والله والو نغسلهم وحدي وغير يكملوا انوض*احم احم انا شطورة*ههههه
بصح طفلة وحدي بين زوج خاوة والله غير نسمح فالسهرات والخرجات على جالهم انا قررت قبل ما انروح عروسة فالشرط مانشرط والو غير الماشينة ديال الماعن هههههههههههههههه
يعطيكم الصحة على النصائح وصح المسؤولية من ذرك....
ذرك نولي نغسلهم بحب هههه​

هههه راكي كيفي بعد :p

 

[ضيوف وسـنغادر]

السلآم عليكمــ
صح اختيــ الشقآ يعي بزآف مي واش تديري
انا الله غآلب لكبيرة في خوتي وهومآ صغآر كولشي عليَ
المآعن بالعكس مرات مرات يزهيولك خاطرك واما النعومة تع يديك واش نقول فيهآ
انا نخدمــ كلشيــ وكرهتــ التدمر من بكري المهم الخدمة مصقولة ومليحة
المآعنــ حاجة صغيرة بزاااف ومكان لاه نتدرمرولها مقارنة بواش كانو ناس زمان يديرو
انا بكري كي كنت صغيرة كنت نتكاسل بزااف مي درك كي كبرت والله مانخليــ شقآ ورآي
اصلآ الطفلة هادي هي خدمتها كون ماتخدمشــ درك وآش تدير
طلعي شوية مورال مع المآعن
رآنا كامل وحدينا وكامل عيينا مي كلشي يفوت اكرهي ولا تحبي ليك ليك ههه
تحيآتيــ​

 

[BLEU PEARL]

شكرا لك صح عندك الحق بصح نسقسيك علاه ضيوف وسنغااااااااااادر هل هو تعبير مجازي عن مغادرة الحياة والموت اوانك حقا ستغادرين؟؟؟؟

 

[lina-67]

انا الحممممممممد لله تهنييييييت منهم :yahoo01::thumb_up02:شريت المساعدة انا نرميلها و هي تغسل:d:love01:

 

[ضيوف وسـنغادر]

شكرا لك صح عندك الحق بصح نسقسيك علاه ضيوف وسنغااااااااااادر هل هو تعبير مجازي عن مغادرة الحياة والموت اوانك حقا ستغادرين؟؟؟؟

يُمكنكيــ انــ تآخذيهآ على الوجهينــ ​

 

[أم أُنٌَيسة]

السلام عليكم
صحى فطوركم تقبل الله صيامكم و قيامكم و صالح اعمالكم
اعشق غسيل الماعن
اطير فرحا حين افعل دلك انه شعور رااااااااااااااااائع
اختي و امي تظنان اني مجنونة ههههههههه
و تاكدتا حين قلت لهما يانه عيب عليهما ان لا يعرفا اني مجنونة رغم اني من العائلة
كادت تقتلني امي هههههههههههه
المهم موضوع مميز حبيبتي
و صدقيني انه شيء ممتع غسيل الماعن
كان الله معكي حبيبتي
تحياتي احترامي و تقديري
في امان الله
سلام الله عليكم

 

[samir batna]

 

[BLEU PEARL]

RANA SABRIN​

 

[Hakan]

هذي الهدية نتاعي ليك** واعتذر للبنات نيابة عن الذكور لاننا نتعبهم معنا انا عن نفسي اسف واحاول قدر المستطاع ان اوفر الهدوء لامي واخواتي عن طريق عدم الاسراف في استعمال الاواني والمحافظة على ملابسي نظيفة شكرا اختي شكرا امي لانكم معنا في هذه الحياة شكرا الاهي على هذه النعمة**.

والهدية كالاتي

 

[ملوك مدريد]

هذا مانكره غسيل الماعن
مشكورة ضحكتينا
​