معانات طفلة بعد الزواج

[الحلم الوردي]

عندك الحق اختي في واش قلتي و هدا كامل راجع للام تاعها لي مرباتهاش على خدمة الدار

ايه صح اختي كل شيء راجع للام كيفاش تربي بنتها
​

انا عندي بنت عمتي راهي في 24 سنة في عمرها و الله كي نقولكم بطاطا جااااااااااااااااااااااااااااامي قلاتها مدير والو و كي يهدرو لعمتي تقولهم الطفلة راهي تقرى و تجي عيانة و في لفاكونس نخليها تروبوزي بنتي مسكينة تعيا عام كامل و هس تقرى و دركا راهي خدامة و كيف كيف بنتي تجي عيانة من الخدمة و دركا الطفلة راهي مخطوبة و كيف كيف متمس والو غير خاوتها و مرت خوها لي يخدمو في الدار و كي تريكلامي مرت خوها و تقول عيت ميعجبهمش الحال راهي بقالها شهر و تتزوج في دار العائلة و الله يبارك هما في بزاف منعرف كيفاش دير في عمرها
كي نقولكم راهي ما تمس والو حتى الماء يجيبوهولها

شفتي كيفاش هديا واحد كي يقيسها بالكلآم ولا يقوللها ماترفيش دير اي حاجة
الحاجة الاولى يقول بنت فلآنة
ومام الوحدة كي تعود فنيانة ماتقدر الدير والو
​

يعني حنا كي قرينا و خدمنا و تعلمنا واش صرانا مرى اخرى كي نتزوجو نكونو قادرين على شغالنا

ايه يا اختي اموا تسلكي روحك ماشي يعلقو عليك ولا يضحكو عليك ويقولو
بنت فلآنة ماتعرف الدير والو
​

المعنى من لحكاية تاعي ان كلشي من الام هي لي تربي بنتها على خدمة الدار
الزواج مهوش غير حب و رومانسية برك راهو مسؤولية كبيررررررررررررررررررررررررررررررررة

اكيد الام هي الي توعي بنتها وتقوللها لازمك تخدمي هكدا وهكدا وزيد يماها ماهيش رايحة تبقى معاها توجور
هكدا باش تتحمل المسؤولية نتاعها
​

والراجل مهما يكون يحب مرتو شاطرة و تعرف تقضي صوالح الدار و تحمرلو وجهو قدام الناس

اكيد اختي تكون الحاجة الاولى تبيض وجه زوجها وتانيك وجه يماها الي تعبت عليها
​

سعيدة بتواجدكي
كل الشكـر لكي
​

 

[الحلم الوردي]

يا بنتي الطفلة لي تجيبها مكونيكتيا حتى 3 تاع الصباح واش تستناي منها ؟؟
صح خويا مي والله كاينة منها
إبكي على بنت لفاميلا أما لباقي ... يعيشو بالفريت أوملات عادي
وزيد يلقو واحد ماشو راجل على روحو هديك هي بالذات
ايه صح تقولك كل شيء يتبــآع علآش نعيي روحي
ولى كل شيء متوفر على هديا نلقاو هد الظـآهرة اصبحت منتشرة بكثرة
وربي يهنينا
اللهم آمين يارب
​

سعيدة بتواجدك اخي
كل الشكر لمرورك
​

 

[الحلم الوردي]

في دار باباه تكون مكسوة اليدين وكي تتزوج تبين قفازتها
بنات هاذ الوقت شاطرات صح بزاف خاطيهم لعجين بصح طياب وقاطو وشغل مكاش لي ماتعرفهمش
المهم بنات هاذ الوقت متخافيش عليهم يعرفو يعيشو وعندهم الزهر

ايه صح اختي
كيما قولتي عندهم الزهر وزيد كل شيء يعرفوه
يعطيك الصحة حنونة
​

 

[الحلم الوردي]

كل واحدة والعقلية اللي تكبر عليها كاين اللي تزوجت ما تعرف والو و تعلمت و تلقاي الزوج و أهلو راضيين عليها و كاين اللي العكس كل صبع بصنعة و تلقايها تشرب في الهموم كل واحدة و سعدها يا اختي
هو الأكيد انو كل حرفة في اليدين مليحة سواء في الكوزينة او في اي اعمال اخرى مي هاد الجيل ربي يستر عليه
عندي خالتي غير ما جابت عروسة نهار الخطبة ديالها قالو فيها و قالو و هي كي تحكي معاهم في التيليفون تقولي هادي تحمر كل يوم كبش حتى انها قالتلهم احنا نخدمو لي كوموند ديال الحلوى في الأعراس و كي جابوها قالولها في العيد ها وريلنا شطارتك و اتحفينا بكاشي انواع ما نعرفوهمش
:s:s:s:s ههههههه والله ما عرفت حتى كيفاش تشكل حبة تشاراك ههههههه و الطيابات في رمضان O_ ° غير ما نقولش خير
شكرا على الموضوع اختي
​

ايه اكيد اختي كل وحدة وكيفــآش متربية وزيد العقلية نتاعها
ايه باسكو كي تكون في دار زوجها تلقى روحها مليحة ومتتقلق حتى من حاجة علخاطرش راهي عارفة المسؤوليات ديالها
صح كل وحدة وزهرها كيفاش اكيد اختي كل حرفة ليها اهميتها
في الطياب ولا حاجات اخرى
ايه صح كاينة الي ماتعرف والو وتقولك انا وانا
الصح يبان كي دير حوايجك ملآح ماشي غير بالهدرة
سعيدة بتواجدكي اختي
كل الشكر لكي
​

 

[الحلم الوردي]

في هاذي عندكم الحق الطفلة لازمها تتعلم
حنا تعلمنا ماما على 14 كلش ندي البيام متخرجة من الكوزينة
بصح تاع الزواج صغيرة ماعندناش لازم الطفلة تقرا وتخدم ومن بعد تتزوج

الله يبارك حنونة هكدا اموا ماتخافيش من الخدمة سيغتو الطياب هو الصح بالنسبة لاي طفلة
ايه لازم تتعلم امور نتاع الدار هكداك تكون قد المسؤولية
سعيدة بتواجدكي اختي
كل الشكر لكي
​

 

[الحلم الوردي]

شكرا على الموضوع أخيتي،

لازم تعرفي يا اختي انو كاين في لعايلة لي رايحة ليها ممكن تكون راجل- الزوج- وعجوزة -ام الزوج- ومبعد اولاد هذا مفروغ منو ، بصح قاعدة نشوف هادو هوما لي عندهم ازهر ، يلقاو كلشي معاهم الراجل يسايس والعجوزة تعلمها بسيايس ، ممكن هي متعرفش شغل الدار بصح تعرف كيفاش تسير لوضع تاعها مع لعايلة لجديدة ...

ايه اختي كل وحدة وزهرها كاينة الي تروح لعايلة صغيرة و لا الي تروح لعايلة كبيرة
ايه صح كاي شعال من وحدة ماتعرفش شغل نتاع الدار مي معاملتها لمليحة مع عجوزتها وزوجها تقدر تسلك روحها
والله صح كل وحدة وزهرها
اسعدني تواجدكي
كل الشكر لكي
​

 

[الحلم الوردي]

مرسي عـلى الـموضوع 4444444 ملوووكة دمتي بـخير :-r​

الله يسلمك حنونة
سعيدة بتواجدكي
شكرا لكي
​

 

[الحلم الوردي]

معليش كي راكي تخممي هكذا انا قلت الي كيفك انقرضو !!

لالا مازالو كاينين الي كيفي
سعيدة بتواجدك اخي
كل الشكر لك
​

 

[الحلم الوردي]

andak hak ya khati
bazaf toufla da3ou 3ala hada assas

ايه صح مي مكاش قد الوحدة الي تتعلم كل شيء هكداك باش ماتخاف حتى من حاجة
وزيد واحد مايدوم الواحد في هذ الزمـآن
سعيدة بتواجدكي
كل الشكر لكي
​

 

[الحلم الوردي]

عندك الحق بصح في زمان هذا لازم تخرج الطفلة تعرف كلش لان المجتمع الان ميرحمش خاصة اذا كنت مع العايلة .يعطيك الصحة اختي على الموضوع الرائع

ايه صح اختي المجتمع مايرحمش على هديا لازم الوحدة تكون قادرة على شقاها
وتتعلم كل شيء في هذ الزمــآن خاصة كي تكون مع عايلة كبيرة
اموا تقدر تتحمل المسؤولية ديالها قدامهم
الله يسلمك حنونة
سعيدة بتوآجدكي
كل الشكر لكي
​

 

[الحلم الوردي]

وعَليْكمْ السَلآمْ ورَحمَة اللهِ وبرَكآته
وعليكم السلآم والرحمة

موضوعْ فالصَميمْ ويُحآكي الوآقعْ المُعآشْ ..
يَ أختِي للأسفْ أغلبْ بنآتْ هذآ الزمآنْ مآخذينْ فكرَة خآطئةْ عن الزوآجْ حآسبينُو ضحكْ ولعبْ ورُومآنسيةْ الأفلآمْ التُركيّة ووو ...
صح اختي شعال من وحدة متخيلة الزواج كيما الافلآم مي هو لآلآ
باسكو تتبدل حيت الطفلة كــآمل
وممبعدْ كي يتزوِجوُ ينْصدمُوا بوآقعْ مآكآنوشْ دآيرين لوُ حتىَ حسآبْ ولتمآ تبدآ المشآكلْ ..
الخدْمة تآعْ الدآرْ تجِي منَ الأمْ هي اللي لآزم تعلمْ بنتهآ بآرسكُو هآذو حوآيجْ يفيدُوهآ في حيآتهآ مسْتقبلاً ..
و في وقت الصح تقلى روحها غالطة بـزآف تولي الطلع وتهبط في حسـآبآتها الغالطة ايه والخدمة تكون من الصغر ماشي الوحدة حتى كي تتزوج وتقولك نتعلم عندهم وخلآص


كيمآ تقُول مآمآ ( ديآرْ النآسْ صعآبْ ) و الوحْدة قدْ مآتتعلمْ فالصْلآحْ .
أنآ نحيرْ في حآجةْ هآد النوعْ من البنآتْ تلقآيهمْ مآيعرفوُ يديرُو وآلو وكي تجِي للزوآجْ تقُولكْ أنآ نسْكنْ وحْدي .. !!!
اكيد اختي ديار الناس صعــآب بزاااااااااف ماشي كيما دار باباك كاين فرق كبير على هديا لآزم الوحدة تكون قد المسؤولية وتعاود حسـآبات الغالطة باسكو الزواج ماشي غير نتاع نهار وفوت هدا نتاع عمر كــآمل


مِيرسي ملآكْ علَى الطرْح

~


​

الله يسلمك حنونة
اسعدني تواجدكي
كل الشكر لكي
​

 

[الحلم الوردي]

لي عودة للموضوع ​

في انتظــآري عودتي اختي
​

 

[الحلم الوردي]

السلام عليك
وعليكم السلآم والرحمة
الزواج مسؤولية كبيرة
ماشي غير رواح و قول تزوجت
ايه الزوآج مسؤولية كبيرة خاصة للطفلة باسكو كل شيء يجوز على راسهــآ
كاين بنات منعرف كي مخدومات مازالها تنوض على 12 و تتفرج مسلسلات الحب و الغرام وووو
و كي تجيب ولد يتربى على ربي
صح اين هد النـوع من البنــآت مي التفراج مايدومش
صح وليدهــآ وماتعرفش تتعــآمل معاه
المهم تتزوج و يقولو دارت راجل لا مسؤولية لا هم يحزنو
ماعندها حتى فايدة هكداك باسكو ماتحملت لا مسؤولية لا والو
مي مكاش قد الوحدة الي يشكروها ويقولو مرت فلآن
ماشي يضحكو عليــهآ
يعطيك الصحة على الموضوع

الله يسلمك اختي
سعيدة بتواجدكي
كل الشكر لكي
​

 

[zagane]

السلام عليكم
بلاط والبيزيريات سهل عليهم الزواج ههههههههههه

 

[أمــ وليــد الجزائرية]

نقول لروحي اهلا في مواضيع ملوكتنا من جديد

درك لا حكينا في هذي الضاهرة كما قالو لي قبلي ملازمش انعممو لانو مزال كاين الفاحلات الي ميتخافش عليهم تلقايهم صغار و شاطرات و منحملين المسؤولية و نقاو ثانيك العكس الي كبيرة و خاطية امور الدار تاكل و تشرب و ترقد

اهنا نقول ممكن الامر يرجع للولادين معرفوش كيفاه يدخلو روح المسؤولية لولادهم كي يكونو صغار
لازم تعرفي كيفاه تربي بنتك باه تكون قد المسؤولية هذا واش نقولك يا ملاك

دمتي بخير
​

 

[حُلم عابرْ]

هاتيلي لي تخمم في يماها تحب تعاونها في شغل الدار من بعد ساهل الحال نحكيلك على لي حابة تتزوج
موضوعك من صميم الواقع بنت في 18 تتزوج في 21 مطلقة ومن التجربة خرجت كيما دخلت مادات حتى عبرة
أو متخميش عليهم طاطا سميرة دارتلهم قناة بث مباشر يوتيوب مسجل كلشي واجد السلعة تاع خارج ولات تجيك في ظرف شهر
الدنيا ساهلة عليهم علاش نعقدوا فيها ههههه

طبعا انا كونتر بصح هما يخمموا هكذا

 

[المخلصة لله]

والله غير عندك الحق

 

[adel._dz]

أنا راني من دار نتاع كسرة
أنواع الكسور كامل كليتهم ودوريا
المطبقة المطلوع الرغدة الحرشة الرخساس البراج ....
الرفيس بأنواعو مانتمسخرش فيه
الملوخية الشخشوخة بانواعها

مادامتي راح تعاني مسكينة ههههههههههههههههههههه

أين أنتي يا من ستعانين معي هاهاهاهاهاها

 

[دمعة اشتياق]

السلاآمـ عليكمـ

موضوع مهمـ جدا اختي بارك الله فيك على الطرح
عندك الحق نورمالمو تتلهلا في دراستها و حتة تنضج وتولي تعرف صلاحها -فوق20-
تماك افضل تتزوج
انا راه عندي تجربة انخطبت على 15 سنة و تزوجت على 17
الحمد لله قدرت نتحمل المسؤولية وهدا بفضل التوعية و المجتمع لي عايشة وفيه والوسط العائلي لي
تربيت فيه ولهذا نقولو للبنات يلا ماتقدروش تتحملو المسؤولية تريثو وماتتقلقوش
لازم على البنت تعرف انو عندها مسؤوليات كبيرة بعد الزواج و الحالة تتغير مش كيما في بيت ابوها
وخصوصا لي عايشة مع اهل زوجها مثلي لازم تكون شاطرة وقد روحها
وربي يهني كل بنت و يهديها و يصلح لها طريقها
سكرا على الموضوع المهم .​

 

[*amina*]

السلام عليكم
موضوع قييم للنقاش
انا كنت نقرا في الجامعة والعام لي كملت فيه خطبوني قعدت 6 اشهر و تزوجت مكنتش متعلمة تاع الصح شغل الدار بصح عندي الولهة و البال نتعلم بسرعة لكن صح الزواج مسؤولية تطياب و بيت و خدمات الزوج
و في حقيقة الامر الفتاة تاني كي تتزوج و تعيش عند عجوزتها تتعلم بالمراقبة انا حقيقة نعترف بيها تعلمت من عجوزتي صوالح بزاف مكنتش نعرفهم انا عجوزتي الله يبارك منظمة دارها وبيتها زدت تعلمت عليها بزاف صوالح ربي يجازيها الخير و تاني تعلمت من حماتاتي يعني الواحد كي يخالط الناس يتعلم بصح البنت كي تتزوج و تروةح لدارها وحدها من نهارها مشكيت الا تتعلم بسرعة بصح كي تخالط ناس راجحلها و تولي تتناقش و تتحدث معاهم تتعلم