الأنوثة غاضها الحال ........بغاتو سمر

[رابح66]

السلام عليكم
قالت إحداهن في مشاركة سابقة :نا وكان نوض في الصباح ونصيب روحي سمرا نصلي ركعتين حمدًا وشكرا على النعمة
إن دل هذا على شيئ دل على عدم الرضى بما الله قضى أتقي الله وأستغفريه وتوب إليه
تقبلوا تحياتي

 

[adel._dz]

اهلا بيكم
عدنا والعود أحمد
موضوع قتلني بالضحك هههههههه
يعجبوني المتعصبين لأفكارهم وخياراتهم هاهاهاهاهها
وش راح نقول النساء كاين لي تلقاهم بيضة والا سمرة وكاين لي تلقاهم الزين + الأنوثة يتقاطرو
الراجل يعشق بعينيو والمراة حارو الفلاسفة باش تعشق كاين لي قال بوذنها وكاين لي بعينها وقال شكون أنا باش نفهمهم أنا الرأي الأخير متبنيه عيش معاهم وماتكسرش راسك ياسر تولي الحياة حلوة ههههههه
نعرف واحد قال ليماه يمى أخطبيلي وحدة نصبح عليها هههههههه
جابتلو زين الله يبارك بصح ماندري أسكو سمرة والا بيضاء
الحكاية بسند ضعيف خخخخخخ

مالة كامل كي نجو نخطبو نجيبو وحدة نصبحو عليها أنا كشخص تعجبني مايهمنيش السوق وش فيه ووين واصل
هاهههاهاهاهاهاه تبا لي

​

 

[ضيوف وسـنغادر]

عقلية 0
حتى البيوضة والسمورة دخلو فيها يخي هي الوآن واش ديروا فيهم وعلاه تكبروا في امووور والله ماتستاهل نحكيو فيها ونضيعو وقتنا فيها
كل واحد وما عطآه ربيـــ

 

[BLEU PEARL]

السلام عليكم ورحمة الله وبركاته
أهلا بكل ناس اللمة الناس لملاح وا ان شاء الله راكم ملاح

وصحا عيدكم وربي يتقبل منكم العيد والعواشير

ندخلو في الموضوع ديراكت
موضوعي ليوم هو عبارة عن امتداد للموضوع الأول

ولن تسقط بنت الجزائر من الحصان

لي حكينا فيه بلي بنات الجزاير بغاو فارس أحلامهم يكون
ماكسيان سمر بزاف خشين كي يمشي ماتعرفو لا جاي لا رايح
ووجهو كامل شعر من شوافرو على تفاحة آدم
حواجبو خشان ويدير لحديد والpاك تاعو قد البرابول

ويزيدولك وحبذا لوكان بلي فوسات

مع أنو جامي شفت ماكسيان عندو لي فوسات

المهم يا سيدي هادي وحدة من لي راني نحكي عليهم دات واحد بنفس المواصفات
لي حكينا عليهم في لول
المهم بعد عام من زواج رزقها ربي ببنت
منعرف وش سماتها المهم اسم من الأسامي لي رانا نسمعو فيهم درك كل يوم ونحيرو فيهم
سيلسان وميلسان وباطمان
نرجوانة وايلاريا وهيليانا

المهم البنت تاعها هاذي خرجت لباباها حتى هي سمرة

هيا الناس لي يجو يباركولها كامل كي يشوفو البنت يقولولها
وشبيها سمرة ...بنتك خرجت لباباها
ايا الام تقلقت مسكينة وغاضها الحال وعلاه يقولولها بنتك سمرة
وهي بغاتها تخرج بيضة وتظال تبكي وجبدت روحها ورجع لي يجيها يباركلها ماتنعتلوش البنت وتقولو راهي باتت قاعدة في الليل وتكذب وهي مش حابة تنعتها ومش حابة تسمع كلمة سمرة

رسالة محب الى هاذ الأم الي تقمحت مسكينة :

أختي لعزيزة حبيت نقولك خي نتي لي بغيتيه سمر وماكسيان وحرش
ويعني وش بغيتي تخرجي مثلا
وحدة كيما شارابوفها ولا وحدة كي انجولينا جولي:p

أختي العزيزة كانت باينة تكمل هاك وطلبك ورغبتك انو تخرج بنتك بيضاء البشرة مستحيل
نهائيا والعالم مندل ما يفرزهالكش :-o

أختي العزيزة ارضي بما قسم الله لك فأنتي لي كنتي تقولي بغيتو كيما تامر حسني
أسمر ويغنيلي في الدار ناناي ناي ناي:-o:-o

أختي الفاضلة نتي بغيتي ونتي لي قلتي خطبني واحد كيما مهند وماقبلتش
ولوكان يخطبني واحد يشبه لكريم فاطمة نهاجر الى سوريا :-h

أختي الفاضلة من مهند ومن كريم فاطمة تجي البشرة البيضاء والعين الزرقاء
فقط

أختي الفاضلة ارضاي باش عطاك ربي واذا بغيتي تجيبي بنت بشرتها بيضة
لازم تتاخذي الأسباب وتخليك من حكاية سمر وماكسيان وفيه الليحة وفيه لي فوسات ويدير لحديد ويتقابض برا ويطلع النهار بالديمينو
ويشم الشمة تاع بوفاريك

وشكرا
​

السلام عليكم
أولا نقول للمرأة ربي يهديك والسمرة واش خصها ماشاء الله عليها حشمتي ببنتك؟؟؟
لوكان تكبر وتعرف الحكاية؟؟؟
راح تكرهك تقول يما حشمت بيا
المهم البيضاء ولا الخمرية ولا السمرة ويكونو متربيات وقاريات وعاقلات وبارات بوالديهم
الله يهدي ماخلق
وعمو ماتخلطليش في بوفاريك Por favor
​

 

[لاجودان شاف]

السلام عليكم
أولا نقول للمرأة ربي يهديك والسمرة واش خصها ماشاء الله عليها حشمتي ببنتك؟؟؟
لوكان تكبر وتعرف الحكاية؟؟؟
راح تكرهك تقول يما حشمت بيا
المهم البيضاء ولا الخمرية ولا السمرة ويكونو متربيات وقاريات وعاقلات وبارات بوالديهم
الله يهدي ماخلق
وعمو ماتخلطليش في بوفاريك Por favor
​

وشكون قالك خلطت في بوفاريك آعمو​

 

[BLEU PEARL]

ههههههههههههه
لاه ماذكرتهاش بالشاربات والباتيسري والتشينة​

 

[لاجودان شاف]

الصراحة ما يدهشني الأسمـر يحيا الأبيض يجي كلش فيه مفروز مع ذقن باهي :p ولا أروع ...
عادي أنو الوحدة تدي أسمـر لازم تحط في بالها أنو ممكن اولادها يطلعوا سمر أو بيض كيفها ...
لمرا في موضوعك مشكلتها أنها قنعت بالأسمـر مي ما قنعتش ببنت الأسمـر السمراء ...
لون بشرتنا مش احنا لي نتحكمو فيه وربي أعلم بكل واحد فينا واش يناسبو ...
جابلي ربي انتا أبيض وفي جيهتكم لبنات يحبو الأسمـر خخخ ولا في منطقتكم الكل سمر وانتا خرجت على لاثوش وجيت أبيض ...
عجبتني تاع ماكش حاب تفسد لاغاس :up: ...
وأنا بعد قلت ما نفسدهاش باه تجي بنتي بلوندا كي ماماها وباباها الباهي وما تشقاش تصبغ شعرها كيف السمراء ...
وممكن تكون عقلية لبنات في الأسمر والأبيض مرتبطة بالمنطقة لي عايشين فيها ...
إما الكل سمـر ألوغ تدهش في الأبيض وتحبو أو الكل أبيض تدهش الأسمـر وتحبو أو يمكن ...
الكل سمـر ويعجبها الأسمـر وهذاك هو الخيار الوحيد والعكـس ...
ويبقى اللون مش مهم والشكل مش مهم ... الخلقة التامة مهمة والنفس من داخل كيفاه دايرة هي الأهم ...

مغـسي وسلام عليكم .​

وعليكم السلام
شكون يفهكم هدرتك قال بيض ولي تخي تاعو في نواغ هههههه
هوما يشتو لي كولوغ سومبغ والشعرة في الوجه قد tube pvc 110
معا للحفاظ على الراصة
ومحاربة الـpanachi
شكرا​

 

[لاجودان شاف]

ههههههههههههه
لاه ماذكرتهاش بالشاربات والباتيسري والتشينة​

مافهمتش​

 

[BLEU PEARL]

أنت قلت
...ويشم الشمة تاع بوفاريك
حنا بوفاريك معروفة ب
بالشاربات والباتيسري والتشينة
فهمت؟؟؟​

 

[لاجودان شاف]

أنت قلت
...ويشم الشمة تاع بوفاريك
حنا بوفاريك معروفة ب
بالشاربات والباتيسري والتشينة
فهمت؟؟؟​

ياختي هنا في باتنة يحكيو على الشمة تاعكم بزاف
قالك تجي رطبة ومغربلة وبنينة كيعاد الاراضي تاعكم ملاح
الجماعة هنا ولاو لي يحب يدير كادو حبيبو صح
يجيبلو بارة شمة بوفاريك
قالك مليح دير رفعة وتدخل تقص لابياس مونتي :-o​

 

[BLEU PEARL]

اععععععععععععععععععععععععععععععععععععع
اوكي اوكي خلينا منها
بففففففففففففففففف
استر استر
ههههههه​

 

[لاجودان شاف]

اععععععععععععععععععععععععععععععععععععع
اوكي اوكي خلينا منها
بففففففففففففففففف
استر استر
ههههههه​

ههههههههه
احكمو شمتكم علينا نستروكم ههههه
منين راح تجي الرومنسية لواحد يشم شمة بوفاريك

​

 

[BLEU PEARL]

ههههههههههههههههههه
لالا الشمة لماليها حنا ولاد التشينة والزلابية والشربات ههههه
الفايدة لينا والرهج ليكم
ههههههههههههههه
تبا لسخريتي​

 

[طائر الخير]

السلام عليكم

واش خويا نبيل ان شاء الله تكون بخير

مي بركا ما تخلطلنا في السمر :d

وعلى حساب الشوفة نجي ندير دورة في باتنة يخطفوني ههههههه

شوف يا حضرات هاد لحوايج اللي راهم يديرو فيهم دركا يحبسو الراس

يعني شيء محرج فعلا بين قوسين...

هادي راهي حاجة ربي " لا فرق ابيض و اسود الا بالتقوى"

والدنيا هادي كل واحد يدي واش كاتبلو ربي

ربي يقدر اللي فيه الخير ان شاء الله

في رعاية الرحمان

:regards01:
​

 

[لاجودان شاف]

السلام عليكم

واش خويا نبيل ان شاء الله تكون بخير

مي بركا ما تخلطلنا في السمر :d

وعلى حساب الشوفة نجي ندير دورة في باتنة يخطفوني ههههههه

شوف يا حضرات هاد لحوايج اللي راهم يديرو فيهم دركا يحبسو الراس

يعني شيء محرج فعلا بين قوسين...

هادي راهي حاجة ربي " لا فرق ابيض و اسود الا بالتقوى"

والدنيا هادي كل واحد يدي واش كاتبلو ربي

ربي يقدر اللي فيه الخير ان شاء الله

في رعاية الرحمان

:regards01:
​

اهلا بيك خويا .........مي انا معرفتكش هههههه
هيه ارواح لباتنة تاكل خبز
بغاوه سمر ومعبي أشجارفي الكور تاعو :-o
وحبذا لو كان بانتر
ويخدم الساطيني مليح​

 

[Sa_Ra]

هههههههه والله شبعت ضحك على موضوعك
أنا بصراحة لا يهمني الشكل واللون في الرجل بقدر ما تهمني رجولته، أخلاقه ودينه...

أنا بيضا وخطيبي أبيض لاكن أنا لم اشترط أن يكون أبيض أو أسمر
كل واحد يدي لي كتبو ربي

سلآم
​

 

[طائر الخير]

اهلا بيك خويا .........مي انا معرفتكش هههههه
هيه ارواح لباتنة تاكل خبز
بغاوه سمر ومعبي أشجارفي الكور تاعو :-o
وحبذا لو كان بانتر
ويخدم الساطيني مليح​

اييييي نسيت بلي راني بدلت الاسم

يوسف "CreativeJoe" بكري ههههههه

و الله غالب نخدم تيريسيتي و الكور ربي يجيبو على خير :d

ربي يخليك خويا نبيل

سلام

:regards01:
​

 

[HâDjêr kRâlîçe]

لي زين زين بيض ولا سمر

مي اسمحلي باه تقول مصفرات الجزائر هادي شوية على خاطر تلقاها بيضة و زينة و حلوة

و اللي زين زين مش المهم اسمر ولا ابيض
​

 

[HâDjêr kRâlîçe]

و انا من رأيي الشخصي المهم الراجل يكون عندو اخلاق و متربي و تاني حنين و يفهمني

حاجة خلاف اسمر و لا ابيض مايهمش
​

 

[imy_amani]

السلام عليكم ورحمة الله وبركاته

هههههههههه
زدت حليت موضوع واحد اخر غير على جال السمرا

لا suuuuuuuuuuuuur
كاشما عندك histoire على السمر

ولا علينا
المهم
انت اللي مدوخك
وغايضاآآآآآآآآتك البنت الجزايرية اللي ما عاجبهاش كريم ومهند

ماشي البنات كيف كيف هادي الاولى
كل واحد وعلاآآآش يحوس
ياخي هادي مسالة قلوب
كاين اللي تفضل حاجة وكاين اللي ماتفضلهاش

موش رايح تلقاهم الكل متفقين على حاجة
قصدي كامل البنات

مشكلتك في gوسطو لبنات
هههههههههه

كيما كاين بنات يفضلو ماكسيان
ما تخافش ...
راهو كاين اللي يفضلو مواصفات اخرى

ايه عادي
خلي البنت البيضا تفضل الماكسيان
براحتها

ربي يوفقك خيو
ويبعثلك زوجة صالحة كيما تفضل انت


​