هام للجميع شاركونا

[touta04]

السلام على الجميع
حبيت نحكيو شوي مع بعض عن الرحمة في بلادنا؟؟اذا بقات ولا راحت؟؟كل واحد يحكيلنا قصة و لا حادثة صراتلو عن الرحمة؟؟باه نعززوا في نفوسنا هذه الصفة الرائعة و نطمأنوا قلوبنا بلي مزالنا مرحمين و بلادنا مزال بخير.انشاء الله تشاركونا لانوا فعلااا توحشكم سلاااام :$:$

 

[إلهام لهومة]

مادام رانا بلد مسلم فأكيد مازالت مواطن الرحمة كاينة حتى ولو كان نقصت و لكن كاينة
و بالنسبة للمواقف كاين بزاف و كل واحد و كيفاه جراتلو و كاين حتى لي ميحبش يحكي عليها مخليها بينو و بين مولاه يقلك دير الخير و أنساه
صحيتي على الموضوع فكرة مبدعة

 

[touta04]

شكراااا أختي على المشارك و أنا عندي حكاية صادفتني و حابة نحكيحالكم:في هذ الأيام الأخيرة تاع رمضان كنت في المدينة راح نشري شوي حوايج تع القاطو كيما العادة هههه لقيت واحد من الشباب عندو حانوت تاع ملابس ماركة خرج من حانوتو هاز روبا تاع بنات صغار جديدة و راح لبسها لطفلة بنت هذوك الماليين الي عندنا متكيا هي و امها في الطريق لقطة هايلة من عند واحد شاب و عندو المال و تفكر لقطة كيما هكذا معناتها مزال في الدنيا الخير و الحمد لله

 

[touta04]

2 عندي حكاية أخرى.في مدينتنا كاين اخوانا السوريين بعايلاتهم متشردين.ولاو أهل المدينة أعطاوهم مجموعة من الكاراجات هذيك الي بناوهم للشباب و عطاوهم شويا اثاث و ماعن و اكل و اتافقو يعطيوهم عمل.و هذه فرصة للجميع انوا يحاولوا كل ولاية تعاونهم و تحاول تشغلهم هذوا خوتنا و الشدة عليهم و علينا

 

[إلهام لهومة]

2 عندي حكاية أخرى.في مدينتنا كاين اخوانا السوريين بعايلاتهم متشردين.ولاو أهل المدينة أعطاوهم مجموعة من الكاراجات هذيك الي بناوهم للشباب و عطاوهم شويا اثاث و ماعن و اكل و اتافقو يعطيوهم عمل.و هذه فرصة للجميع انوا يحاولوا كل ولاية تعاونهم و تحاول تشغلهم هذوا خوتنا و الشدة عليهم و علينا

كل لي قلتيه جميل و هده التصرفات توحي على ان الطيبة مازالت بصح ياريت كانت هذه التصرفات مع ولاد البلاد ميش مع أجانب نهار يروحو لبلدانهم ينساو كل شيئ و المشكل يزيدو يحلو فامهم على الجزائريين .حنا معندناش الزهر في البراني كوني متهنية .

 

[شموخ بسمة]

الدنيا مزالـــــــــــــــــــــــــــــــــــــــــها بخير
لان نبينا نبي الرحمـــــــــــــــــــــــه
حتــــــــــــــــــي ولو كانت الحياة والمال ملهي الناس عن بعضها وشاغلها لكن وقت الجد جد خاصة عندنا نحن في الجزائر ....
كاين واحد ديما يتعاركمع خوه واخذ الكبير اموال خوه كل وظل الصغير بلا مال لكن اول ما دار حادث الكبير ما ساعده اي شخص ولا مال ولا الصحاب ساعده غير خوه الصغير او ما تصلوا بيه حمل روحه واسرع ليه .....​

 

[R@.CH]

كل لي قلتيه جميل و هده التصرفات توحي على ان الطيبة مازالت بصح ياريت كانت هذه التصرفات مع ولاد البلاد ميش مع أجانب نهار يروحو لبلدانهم ينساو كل شيئ و المشكل يزيدو يحلو فامهم على الجزائريين .حنا معندناش الزهر في البراني كوني متهنية .

اتقي الله في نفسك

وعلاه تهدري الهدرة هاذي الي يساعد يساعد وجه ربي وزيد نقولك هاذو راهم عابر سبييل او مشرد من الحرب وانت تقولي ولد البلاد اولا بيها وكي يروح يحلو فامهم اتقي الله في كلامك
عليك ذنب نتاعهم جميعا انت مدي واجرك عند الله

 

[zakiii]

مازالت الرحمة الحمد لله

 

[prince of love]

شكرآ على الطرح الرآئع



لي عودة ان شاء الله