أحتاج مساعدة وخصوصا البنات

[مشكلتي]

السلام عليكمـ
عندي موضوع مهم وحساس
يخص الزواج مي وعرفتش وينه ركن نحطه فيه
المهم
نتمنى تساعدوني في أقرب الآجال
عندي بنت عمتي حابها واحد وقال ليماه عليها
المهم هو بعيد عليها هي في ولاية و هو في ولاية و بعاد شوي مي جامي لقاتو
هي تكونكتي معاه بزاف
يماه راها حابة تشوفها في سكا يب باه كي تكمل قرايتها يجو يخطبوعلى خاطر دروك الظروف ماتسمحش
دبرو عليها كيفاه تشوفها
واش تلبس حوايج
واش دير واش دير
عاونوني
هي شافتها في التصويرة عجبتها قاتله باغي نشوفها و نحكي معاها يماه وخته
أيا نتكل عليكم
سلام​

 

[راضية حامدة]

تم الاعتماد

 

[Ferial07]

انا ختي ماعندي مانقولك في موضوع حساس كيما هكا
و زيد مانأيدش علاقة بدات زي هكا ماتدخلش راسي
قادر السيد يجي يقول الكلمة و فرات و من بعد كي تسمح الضروف يجي يخطب رسمي
ان شاء الله يعاونوك خاوتي
ماتقلقيش من رأيي

 

[nina17]

يا اخي في رايي رانا في مجتمع محافظ و كي شافتها فالصورة خلاص ماكان علاه تزيد تشوفها فالسكايب تكلمها فالتيليفون
يا اخي الثقة ماراهاش كاينة لانو الناس ماراهاش تخاف من ربي
و ربي دار لباب لدخول الخطاب هو معيار لحسن النية مهما طالت او قصرت المسافات

 

[ماكانش]

الطفلة لازم تتعزز روحها ومادللش بروحها والسكايب ومانعرف
ألي حابة تزوج ولدها تسافر ب25 ألف فالكار وهي وصلت وشافاتك وشفتيها والسلام
بصح السكايب مايش فكرة لمرا اطيح من قيمتها
هذا رايي ...
​

 

[لاجودان شاف]

كيما قالك مكانش وشي هذا تشوفها في السكايب
وهي تنعت بنتها في السكايب للرجال
قولي لبنتم عمك غير خطاك قادر يخدعك وماتشوفك لا مو لاوالو
اصلا لاكام ماتنعتش مليح وماعندها ماتنعت
عجبا لخواتاتنا هذا الوقت والله يطيشو في رواحهم تطياش ​

 

[souria]

a3andhom al7a9 okhti lmara lazem matya7ch brou7ha loukan 3aynhom fiha loukan jouha

 

[آمِيْرَتُه]

لي حاب يشوفك يجي لعندك يدقدق بابك
كاين جاوهم من استراليا و المانيا ووو مش غير من هنا
و يبقى الراي رايها
كون قلتي جاينها للدار كون ساعدناك
سلام

 

[حكاية قمر]

لي حاب يشوفك يجي لعندك يدقدق بابك
كاين جاوهم من استراليا و المانيا ووو مش غير من هنا
و يبقى الراي رايها
كون قلتي جاينها للدار كون ساعدناك
سلام

لن أضيف فوق كلمات الأخت أي حرف
فقد أجادت النصح

 

[barca.moha]

ماادام وصلت للأم السيد راه ناوي الحلال ماراهش يلعب
ربي يتمم ما في القلوب
​

 

[{مُدَلَّلَتُهُ}]

اختي الي يبغيها يجيب ماليه لدار الطفلة ماكان لا skype لا والو
"قبل التفاح باه كانو المرضى عايشين "

شافتها في التصويرة ؟ عجبتها! ترفد روحا و تروح لدار ماليها تخطب و تكمل و الصلاه على محمد !

ربي يسهللها و يرزقها الحلال في أقرب الأجال
​

 

[عاصفة الورود]

السلام عليكمـ
عندي موضوع مهم وحساس
يخص الزواج مي وعرفتش وينه ركن نحطه فيه
المهم
نتمنى تساعدوني في أقرب الآجال
عندي بنت عمتي حابها واحد وقال ليماه عليها
المهم هو بعيد عليها هي في ولاية و هو في ولاية و بعاد شوي مي جامي لقاتو
هي تكونكتي معاه بزاف
يماه راها حابة تشوفها في سكا يب باه كي تكمل قرايتها يجو يخطبوعلى خاطر دروك الظروف ماتسمحش
دبرو عليها كيفاه تشوفها
واش تلبس حوايج
واش دير واش دير
عاونوني
هي شافتها في التصويرة عجبتها قاتله باغي نشوفها و نحكي معاها يماه وخته
أيا نتكل عليكم
سلام​

الاخت راكي بصحك ؟ فسكايب تاني وندبرو عليك شاتلبسي وشاديري ؟
اصلا لاكام ماتبينش مليح ..
كان جاو للدار صح مي دروك حنا شا غادي ندبرو عليك ؟؟
ربي يهدينا

 

[Asmaa2020]

وشكون قالك باللى امه هيا اللى رايحة تشوفها...وهل انتى متاكدة ان هاد الشوفة رغبة امو؟؟اختى نقولك حاجة العلاقات المحرمة مصيرها هلاك الانسان واللى يعمل حساب لقلبو على حساب ربه محال ربي يوفقو...قبل اى شئ اسالي روحك على اى حاجة رايحة تديريها اسكو حلال ولا حرام؟؟راها تكونيكتى معاه بلا ارتباط ؟ربي يقول ولا تواعدوهن سرا علاه ما نسمعوش كلام ربي حتى ما نغرقوش ولا حتى نغرقوا نقولوا لو كان....ولو.....اذا لم يستطع خطبتها الان فلينتظرها حتى يصبح مستعدا ولا داعى للكلام قبل الارتباط لانه حرااااااااااااااااااام وهدا شئ مفروغ منه...على بالي رايحة تقولي عليا افكار متخلفة ورانى فى 2014بالصح اختى الاسلام اسلام ما يتغيرش وربي حرم علينا هاد الشئ على بال مصلحتنا وخوفو علينا....سمحيلي على الاطالة وامانة توصليلها كلامى اماااااااااااااانة

 

[الملاك الضائع]

كيما قالك مكانش وشي هذا تشوفها في السكايب
وهي تنعت بنتها في السكايب للرجال
قولي لبنتم عمك غير خطاك قادر يخدعك وماتشوفك لا مو لاوالو
اصلا لاكام ماتنعتش مليح وماعندها ماتنعت
عجبا لخواتاتنا هذا الوقت والله يطيشو في رواحهم تطياش ​

وجهة نظرك موفقة هذا كلام صحيح الله يبارك فيك

 

[علياء الجلفاوية]

ربي يسهل

 

[knadja]

NKOULAK HADJA LIHABA YDAKDAK BAB LEDAR OK WA YDIR KHATAM WA WA YKARA HATA TAKAMAL LKRAYA OK KHATA RDJAL WA ZAMAN MA FIHM LAMA OK

 

[ЯǾᵯẫḭṧşẰ]

أختي الكريمة
السكايب ماهوش حل
وكان ناوي صح يقطع بحور ويجي ليها
عذر أقبح من ذنب

قلها تصلي صلاة الاستخارة قبل ما دير أي خطوة تندم عليها من بعد

وربي يجيب الخير

​

 

[ضيوف وسـنغادر]

لكل دآر عنهآ بآبــ
والثقة مكآنشـــــــ​

 

[salma zayna]

السلام عليكم راكي في عقلك ؟؟؟؟؟؟؟؟؟؟؟ صدقتوا ممكن نعم بصح قوليلها جامي تفتحلوا الكام ادا كان يحبها راه يجي لعندها اوياك تفتحلوا الكام ؟؟؟؟؟؟؟؟؟؟؟؟

 

[¬Đỉaмơŋđ ✿]

وعَليْكمْ السَلآمْ ورَحمَة اللهِ وبرَكآتهْ


الحلآلْ رآهُو بآينْ كي الشمسْ ، يبْدآ منْ البآبْ لآ منْ السكآيبْ لا من جهةْ أخرى ..
بنتْ عمّك هآذي اللي عجبآتُو وحآبْهآ للحلآل يشْقى ليهآ منينْ تسْكنْ مآشي ينعتهآ لأمُو فالسكآيبْ

واش تلبس حوايج
واش دير واش دير

منْ نيْتكْ تسَقسي فينآ وآش تلِبسْ ، كيفآش ديرُو لآمآن للدرجَة هآذي شكُون يضْمن لك أنك اللي رآيحة تشوفيهآ أمُو !!
تبْداهآ بفتحْ الكآم حتى تشوفها أمُو وتوّلي في حآجة خلآف

كفآكمْ أوهامًا ..​