أحتاج مساعدة وخصوصا البنات

[sima imi]

السلام عليكم
ماكاش لامان :/
شكوت قال بلي لي حتشوفهم يماه و خيتو؟
اواه اواه لي حبها يروحلها لدار
ربي يقدر الخير

 

[ضيوف وسـنغادر]

واحد عندنا ناوي الحلال تع الصح من وهرآنــ واحنا في سكيكدة يعني قول من الغرب جا للشرق جآ هو وعآيلتو وبآتو في لوتآلــ وحكمو آمآنتهم ورآحو هذا هو الصحــ
السكايب هه​

 

[jiji la star]

إيه كيما قالو الخاوة كلش صح
الحلال باين و الحرام باين
وماكاش لامان في هذا الوقت
ربي يستر بركـ​

 

[نبض المشااعر]

اخوف اذا صح خطبتها وجابتها عروسة منبعد على اتفه مشكل تولي تسب فيها وتعايرها نورمال عقلية جزائرية من رايي كانت تبعد على الانترنت. واذا قدر ربي وصرات كانت تخلي الامر سر بينها وبين هاذا السيد

 

[♫الباحثة عن الحظ♫]

اختي نقولك حاجة برك ردو بالكم لان صح يمكن حكات مع امراة لكن شكون قالك بلي يماه وشكون ياكدلك اما الا صح باغيها يجي يخطبها لبابها و لا سيبو اما النث ردي بالك اختي ردي بالك تحطيلو السكايب انتبهي مليح
مش عارفين الا راه حقيقي ولا واش حاب ربي يستر
تصلي صلاة استخارة وو تدعي ربي و تخليها عليه

سلام
​

 

[asil nour]

ننصحك فوتي عليك قادر يكون يكذب عليك امو حابة تشوفك تجي تخطبك و بعد يا من عاش

 

[Hakan]

عزيزتي ان كنت انا هذا الشاب ساحمل امي واختى وجدتي وعائلتي اليها لكن السكايب نضن بلي راني نطيح من قيمة الفتاةة التي ساتزوجها وما ادراني غدوة تكون معايرة عند الناس ولا اقوم بسن سنة سيئة والنظرة الشرعية للرجل ماشي للام وتاني مع محرم نضن بلي اذا حاباتو تشوفها امو تروح تقل لخوها ولا باباها يرح معاها في السكايب يشوفوها الانساب ومن بعد عيطلي من الاستعجالات سلام​

.

 

[(sarra)]

malgré retard بزااااااااااااااااف هاذ الرد و نتمنى ما يكونش فات الحال قولي لهاذ المخلوقة هاذ الحكاية غير فوتيك منها مشها لوجيــــــــــك خلاص اذا حابين يشوفوها يجيو و اذا مش حابين الله يعاونهم راني متأكدة 99.99% اذا كانت ختو مش راح يرضى بهاذ الفيلم لا هو و لا يماه .

ارجوا ان تتقبلي مروري "بالتوفيق"

 

[farouk23]

تصلي صلاة الاستخارة
لازم جي ماماه تشوفها او يهدرو او يتفاهمو او ربي يكمل ان شاء الله اذا كانت من المكتوب
​

 

[منايا الجنة]

الافضل يجي لباب دارهم احسن اذا كان صح مناويها للحلال علاش حابين يشوفوها ف السكايب برك و يجبدولك سبة راهم بعاد
الله يكون في عون بنت عمتك

 

[mima07]

انا نصيحة لانها الا تحب تشوفها تجي لدارهم لانها قادر يكون ماشي امو لي حابة تشةفها هو لي حاب يشوفها وراكم تعرفو تقة مكانش درك

 

[sarra07]

كيما قاتلك الاخت منيني لي حاب يشوفك يجي لعندك

 

[mina12]

كل شيء بالاصول تروح تمد عليها الكلمة حتى تكمل قرتيتها وكل شىئ بالمكتوب

 

[حُلم عابرْ]

من عجائب الزمان

نظن حتى العقد يفارسيه بار الفاكس

 

[ROUAKIMOURAD]

وعليكم السلام
الزواج والسكايب الله الله هو التطور
الحل سهل البسى فستان ابيض واشرى الحلويات وزدى شوفى امام عندو سكايب يعمل الفتحة
اتقى الله اختى لهذى الدرجة اصبحت المراءة الجزائرية
ارفعى رسك وكونى عزيزة النفس وابتعدى عن العلاقات المشبوهة على النت ياتك الله بى الاحسن

 

[mà_dikrà]

هـذآ غـبآء فـي غـبآء أنآ مآنـأمـنوش
شـكون إلي قآلي أنو أمو بآش تـشوفني مـثـلآ
+
وآش تـلبس وهـذآ حـيآء ؟؟؟
يآويـلـتآه مآهـذآ العـآلم الذي أنـآ فـيه ؟؟؟
ربي يـهديكم
كـل دآر لـهآ بـآب
ويـقدر يـجـهآ
+
هآه عـدنآ هـنآ وحد روسية جآبـهآ سوفي مـن روسـيآ نـورمآل
مآش بـعيدة وتـقولو هـكآ
ربي يـهديكم هآدآ مآنـقول
آيآ
سـلآم​

 

[RoseBonbon]

إلا راهي حابة عجوزتها تمشي وتحكي هاذ الحكاية طول حياتها

تخليها تشوفها

حنا النسا عندنا مع كل احتراماتي لسانهم طويل

وكي يصرالها مشكلة تولي تعايرها بالماضي

حنونة تعطيهم عنوان البيت

إلا حبو يجو يجو من الباب

هذا الا كانت عندو رغبة حقيقية في الارتباط

والا كان يتبهلل عليها

تندب عليه

لازم تدير قيمة لروحها والا واحد ما راح يديرلها قيمة في المستقبل

الطفلة قدمل تعزز روحها قليل

أنا ما نقصدش التكبر

أقصد ما تطيحش بقيمتها وقيمة دارهم

اتخايلي يماه تقول هاذ الهدرة لمواليها

راح تحط وجههم في التراب