والله ما عندي الزهر

[عقبة الفهري]

السلام عليكم واش رايح نقلكم خوتي راني تعبت بزاف معنديش الزهر في اي حاجة الحاجة لي نتقدملها تبوز رحت نعدل ادماج قالك منقبلوكش رحت نعدل لونساج قالك اصبر عام ولا اكثر اروح باش نخطب نحس بروحي قلقان وزعفان نولي نبطل الخدمة نعدل اي مسابقة باينة منجحش والله ماني فاهم والو ناس دارة الديار زوجة ودار المال انا والو والله كلش مسدود في وجهي رحت ارقيت قال لي راقي راك مسحور صح كي يقرا القران نعود نعيط لكن مطحتش في راقي مليح كي اروح للراقي في طريق اروح نحس بروحي قلقان بزاف ومراة ندوخ في الطريق مراة نخمم ننتحر ونتهنى من هده الدنيا وصلت الامر اني كرهت الدار واهلي دبرولي اعليا قبل فواة الاوان

 

[رنيم الصمت]

يا لطيف متخممش بهاد الطريقة كامل معرضين لهاد الامور
طبعا لازملك رقية .. ادا كنت من بسكرة علاه مرحتش لشيخ زاوية طولقة مشكور ياسر و غني عن التعريف .. ان شالله ينفعك
​

 

[آمِيْرَتُه]

السلام عليك
زهرك في ربي لي خلقك
عمرك لا تفكر بهذا التفكير
ربي يكون معاك و يفرج عليك

 

[عقبة الفهري]

واش رايح نقلك راني حلفت اعليهم رقاة كدش من واحد رحتلو والو كرهتهم

 

[etmeriem]

rabbi ykoun m3ak w yfaraj 3lik w 3lina akhi lkarim

 

[Ľă Mîšš HîBă]

زهر هو مكتوب ربي
نشالله تتفرج عليك خوويا

 

[zakiii]

السلام عليكم أخي الكريم وش مانيش فاهم ننصحك أو نعزي روحي بويسك راني نعاني من هاد الشيء مي هادا يبقى مكتوب الله و لازم الصبر حتى يفرج ربي و ربي يفرج عليك و علينا

 

[رنيم الصمت]

ما تفقدوش الأمل
الحمدلله كاين ربي كبير و كريم و يسمعلنا و قادر على كلش سبحانو و كاين القران وش حابين نزيدو
ربي يفرج عليكم و على كل مهموم
​

 

[لآ شَيْـئَ مُهـمْ]

و ما خلق الصصبر عبثاآ
ربي يعظيكـ الصصبر ، و يهونها عليكـ ان شاء الله

 

[ليلى غيمز]

رانا كامل معرضين لهذا الامور اصبر واش دير

 

[Amira28]

السلام عليكم
السحور علاجه هو الرقية وانت لازم تكثر صلاة ودعاء ولازم تكثر من الذكر وقراءة القران وانشاء الله ربي يشفيك

 

[samir batna]

و لا تعجلن فإن الرزق ليس بالعجل الرزق مكتوب في اللوح مع الأجل فلو صبرنا لكان الرزق يطلبنا لكن خلق الإنسان من عجل
الي مكتوب ليك واحد ما ينحهولك .... ربي يجيب الي فيه الخير ان شاء الله

 

[nanoche]

بعد الشدة يجي الفرج خلي ديما ايمانك قوي و ما تخليش الشيطان يدخل بينك و بين خالقك و دير في بالك يا خويا انو ربي ما خلقناش باش يعذبنا و انما باش يمتحننا و كل صبر راح تاخذ عليه أجر كبير
تمعن أخي في كلمات الدكتور عائض القرني
بشّر الليل بصبح صادق سوف يطارده على رؤوس الجبال ومسارب الأودية، بشّر المهموم بفرج مفاجئ يصل في سرعة الضوء ولمح البصر، بشّر المنكوب بلطف خفيّ وكفّ حانية وادعة.
إذا رأيت الصحراء تمتد وتمتد، فاعلم أن وراءها رياضاً خضراء وارفة الظلال.
إذا رأيت الحبل يشتد ويشتد، فاعلم أنه سوف ينقطع.
مع الدمعة بسمة، ومع الخوف أمن، ومع الفزع سكينة.
فلا تضق ذرعاً، فمن المحال دوام الحال، وأفضل العبادة انتظار الفرج، الأيام دول، والدهر قُلّب، والليالي حبالى، والغيب مستور، والحكيم كل يوم هو في شأن، ولعل الله يحدث بعد ذلك أمرا، وإن مع العسر يسراً، إن مع العسر يسراً.
ربي يفرج عليك و على كل مهموم يااا رب


​

 

[salma zayna]

اريد سؤؤالك هل تستغفر الله على الاقل 100 كل يوم ؟؟؟؟؟؟؟؟؟؟؟؟؟؟؟؟؟؟؟؟ هذي هي علاجنااا ورانا نسيناها نقولك حاجة الناس كامل كي تسقسيهم يوقولولك ماعندنا ش الزهرررهههههههههههههههههههههههههههههههههههههه نساوا انوا هدي لحياة ولوا ماتسوا حتى شي غير الخير لي راح تديروا فيها اذكر الله لاتقل اني اذكره لكن اذكره اكثر فيعطيك اكثر

 

["Màrià"]

الصبر مفتاح الفرج
و لي يصبر ينال .. شد في ربي يا خويا

و ثان .. اللي خلق ما يضيع
​

 

[علياء الجلفاوية]

لازملك راقي متقولش منحبش نروح ليه لان هاذ الشي يتعالج بالقران متخليش روحك كيمهاك علبالي صعيبة عليك بصح حاول قدر المستطاع وربي يشفيك وكل المؤمنين يا رب

 

[medscd]

راك تعرف تهدر ياك

وهدرتك مفهومة على حساب ما راني نقرا

املا كيما راك تكتب وتفكر تقدر تدير وتدير

لكن امشي خطوة بخطوة

لان انت قلت مسابقة التوضيف ورحت نخطب........الخ

دوختني انت خدمة ومكاش تحوس تتزوج.......الخ وتدير أشياء مستقبلية

لازم تكون شوي منطقي

وتمشي درجة درجة وتجبد ورقة وتراجع نقاط اهدافك وتبدا تحاول تصلحها

وتوضع كل هدف ومكانه

والله عز وجل ان شاء الله يوفقك كيما يحب ويرضاه

والله ينورك يا أخي

​

 

[Silent Hill]

السلام على من اتبع الهدى
لم استطع ان اعبر على ما بداخلي
لانا معانيه تفوق لغة الحروف
واش نقلك خويا ربي يبعد الهم و البلاء
الله اعلم راك مسكون ولا مسحور اسعى و ربي يفرج عليك
نطلب من كل واحد يدعي للاخ بالفرج العاجل
اللهم اشفه انت الشافي لا شفاء الا شفائك شفاءا لا يغادره سقما ...​

 

[*amina*]

ربي ما يغلق باب حتى يفتح باب
المسكل ماشي في الزهر المسكل فينا معدناش نصبرو و الصبر عندنا منعدم
رانا عايشين خير من ناس بكري بصح ناس بكري كانو يصبرو علينا بزاف
حنا الجيل تاع ضروك رجعنا نحخبو كل حاجة واجدة الصبر راحلنا
ربي يفرج عليك خويا الدنيا هدي قد ما تجري تلقا روحك ملحقتش

 

[منايا الجنة]

ارقي روحك بروحك مادامك قلت واحد من الراقي ما نفع معاك استغفر وصلي و اقرا قرآن ربي يفرجها عليك
الله يكون في عونك
سلام