طلب تغيير إسم المنتدى إلى منتدى كوبي كولي

[الكتوم]

رد: طلب تغيير إسم المنتدى إلى منتدى كوبي كولي

على ماأظن أنك لست على مايرام من الأحسن مراعات الصور التي تختارها فإن لسان

لحد الآن يحترم القراء الكرام فإن الإحترام يولد المحبة

ممكن تتفضل وتقول مامعننى هذه الصورة ...:puke:​

واش راك قاعد تقول يا تام
راني ما قصدت والو بالفوثو واشبيكم تفهمو النقص هكذا

 

[حفيد هواري بومدين]

رد: طلب تغيير إسم المنتدى إلى منتدى كوبي كولي

اووووووووووووووو؟
sans نورمالمون
علاه المنتدى تاعنا خاطي زي تاع الناس؟؟؟؟

نورمالمو بصح حنا pas نورمالمو

 

[الكتوم]

رد: طلب تغيير إسم المنتدى إلى منتدى كوبي كولي

يا اخي ... اذا كنت قادر تبدع

( بحكم العمل تاعك )​

علاش ما تفيدناش بموضوع واحد فقط من ابداعك​

علاش ما تكونش نتا القدوة خير من تقعد تنتقد فالناس​

والموضوع تاعك هدا تشكو منو كل المنتديات​

تسما ماراهش ابداع​

...​

ننتظروا ابداعك خويا الكتوم​

يا حصرا يا رؤوف خويا والله ما راك فاهمني قااااع
راني يا خويا نبدل في مجهودي باش نجيب مواضيع من راسي
قسما بالله كل مشاركات إلي تشوف حرف ما نقلت من منتدى وحد اخر
وعمبالك يا رؤوف قاعد تقول ننتظر إبداعاتك بأسلوب تهكمي يحب يقول ورينا شطارتك يالمبدع الفايق تاعنا إلي قاعد تحل في فمك وتنتقض فينا
راكم يا إخوة ما تقبلوش إلي ينتقدكم
العضو من حقو الانتقاد ومن حقو التعليق على الاشياء إلي ما تعجبوش ولا تحب نكونو من الجماعة إلي تصفقلكم وتسبح بحمدكم

حاسبني نكره المنتدى والله لوكان جيت نكرهو ماشي نقلكم على عيوبو ولوكان جيتو صح تحبو المنتدى كيما تدعو في المواضيع من امثال عاشق المنتدى راكم تفرجو العالم على إبداعاتكم حتى لوكات تكتب سطر من راسك احسن من 100 سطر منقول

فهمت يا سيادة ..... المهندس

 

[Ra Off]

رد: طلب تغيير إسم المنتدى إلى منتدى كوبي كولي

شوف خويا الكتوم

بالاك ماراناش فاهمين بعضانا في تنين

انت قريت العبارة تاع

ننتظر ابداعك على انها اسلوب تهكمي

معليش انا ماقصدتش التهكم

بالعكس انا عطيتك طريقة اخرى حسب نظرى

لانو يا حصرى باش يفهمك الناس

من خلال النقد ...

نظن راك فهمتني

يعني لازم انت وكل من يفكر مثلك يكون قدوة

بمواضيعو ويكسب الناس من خلالها

تمة يكون رايك مسموع

​

 

[tamtome05]

رد: طلب تغيير إسم المنتدى إلى منتدى كوبي كولي

سلااااااااااااااااااااااااام
نوافقك مليار فالمية الاخ الكتوم عندك الحق والله و تكون قاصدني انا يا بعد نورمال الحق ما يزعفش بصح نتفاهموا......
عندك الحق كي تقول على كاتب الموضوع بلي حرامي و غشاش و عيب عليه ماشي على الانسان اللي شارك فالموضوع و قال شكرا جزيلا على المجهود الخرافي .........علاواه؟؟؟؟؟؟ ضرك نجاوب خويا
صاحب الموضوع علاباله علم اليقين بانه موضوعه منقول لانه هو اللي قام بعملية النقل بصح العضو اللي شارك و قال شكرا لك شكون قاله باللي الموضوع منقول هو ما حوسش المواقع كامل باه يعرف الا الموضوع منقول و لا لا ، ممكن انت قريت الموضوع من قبل كي تلقاه اهنا علابالك باللي منقول بصح انا اول مرة شفت الموضوع اهنا و ماشي في مكان آخر لذلك قلت شكرا جزيل الشكر .....
هو يعني من باب الادب اولا و من باب احترام القارىء ثانيا انه كي ننقل حاجة مافيهاش العيب كي نحط المصدر انتاعها بين قوسين او على الاقل عبارة منقول لانه ما رايحة تنقص في الموضوع والوا
حاجة اخرى مانوافقكش فيها برك الاخ الكتوم هي :
إبداعات في نموت عليك ونحبك يعطيهم حبة في لسانهم
راك تعرف المنتدى فيه الصغير و الكبير، الراجل و المراة يعني اكيد ماناش رايحين نطلبوا من الجميع باه يكونوا رجال (بمعنى بعقلية الرجال دون انقاص من عقل النساء اللي اصلا ناقص ههههههههه باه ماتفهمونيش عكس يا اخوات ماني قاصد والو غير نضحكوا في وسط هاذ الزعاف) ولا نطلبوا منهم باه يكونوا كامل كبار في السن لا هذا مستحيل و غير معقول
نعاود نقولك ميرسي و الله عندك الحق في الشيء اللي طرحتوا كامل و معاك و نصوتلك بنعم بالاحمر لكل الشيء اللي قلته
او ماتزعفش طول بالك
خوك تومي
تحياتي​

 

[le solitaire]

رد: طلب تغيير إسم المنتدى إلى منتدى كوبي كولي

انت ابدع من عندك ومن درك راك مشكور ومديرش كوبي كولي
واللي يكوبي ويكولي ايضا نشكروه على خاطر راح بحث وقرأ الموضوع ولقاه مفيد نقلولنا
ايه .......... راي

 

[hard_way1990]

رد: طلب تغيير إسم المنتدى إلى منتدى كوبي كولي

السلام عليكم ..

كاين جماعة تستغرب العنوان وكاين جماعة تفهم المعنى لانو يا أعضاء يا كرام يا مشرفين يا اعزاء راكم ما عندكمش خلاص مواضيع من عندكم وإنتاجكم الخاص
قسما بالله عملت دورة على الأقسام نسبة 95 % مكررة ومنقولة شويا إبداع راكم بهدلتونا

وما فهمتش الإدارة تاع المنتدى تعين في مشرفين ما عندهمش مواضيع تاعهم والله لوكان جيت انا إلي نعين المشرفين لازم قااع نعمللهم إمتحان وكل واحد يدير مواضيع من عندو ونتأكد منها في هذاك الوقت نعينهم مشرفين

وراني قادر بحكم العمل تيعي يعني نهار كامل قدام الميكرو نطرحلكم 100 موضوع بالقالب تاع كوبي كولي

انا نحب نكون عندي 3 مشاركات من راسي خير ملي 3000 مسروقة ولوكان حتى الجماعة هذي إلي تنقل تكتب منقول للامانة العلمية على الأقل
تلقاهم يحطو موضوع تاع ناس مبدعة صح ويحسب بروحو نقولو أو تيعو والجماعة فايقة بيهم ونزيد نحير كي يقلولو شكرا على موضوعك المميز واش من تميز عليه هذا التميز تاع غيرو ومهما شكروه الشكر يروح لصاحب الموضوع الأصلي ..

يخي أعضاء يخي ..

وباش ما تلموش حاشا البعض

يا خويا قلتلهم 1000000000 خطرة جيبوا المواضيع من عندكم بصح واحد ما سمع الراي
" لا حياة لمن تنادي "

 

[Ra Off]

رد: طلب تغيير إسم المنتدى إلى منتدى كوبي كولي

وراني ننتظر في رأيك خويا

لاني لازم نخرج من هاد الموضوع بنتيجة

وأي واحد عندو اقتراح يتفظل ويهنينا​

 

[حسناء البليدة]

رد: طلب تغيير إسم المنتدى إلى منتدى كوبي كولي

كلامك صحيح

لكن لا حيات لمن تنادي

المشرفين و بكل صراحة لا يستهلو ان يكونو مشرفين فلبعض منهم لا يدخل للمنتدى مرة كل شهر اتصور ؟؟؟؟؟

 

[RaNiA]

رد: طلب تغيير إسم المنتدى إلى منتدى كوبي كولي

ما كاين حتى عيب كيما تنقل موضوع من منتدى اخر المهم نستفيد منو

بصح لازم نكتبو منقول للامانة

 

[محمد عبد الوهاب]

رد: طلب تغيير إسم المنتدى إلى منتدى كوبي كولي

صريح و احب الصريحين جزاك الله خيرا الساكت عن الحق شيطان أخرص
فكلمة حق قلتها و لن يحاسبك عليها احد

فنعم الرجل انت ايها الكتوم بارك الله فيك
قلت اليوم كلاما كان لابد ان يقال يوما

من طرفك او من طرف من نقل موضوعه فيجده بالصدفة ههنا فتكون الكارثة وخيمة و تعود المصيبة على أركان الصرح من مدير و مشرفين و مراقبين فيكونون في محل الفاك للنزاع و تراهم البعض منهم يؤيد الفكرة و الاخر رافضا لها من باب هو يراه احسن و أفضل و الاخرين سيجدون بان هذا الصرح سوف لن يلقى النجاح سوى بالنقل كوبي كولي كما قالها الاخ مول الكوستيم ، فكم من مرة صادفت مثل هذه المشاكل في المنتديات العربية عامة و الجزائرية خاصتا .

لكن لا نعمم فالنقل للبرامج مثلا يكون النقل فيه و وصلات التحميل مثلا ، لكن الشروحات لا بد ان تكون من عمل العضو لا ياتي بشرح برنامج و فيه اسم الشارح لها او إيمله أو موقعه و هو لم ينتبه لها و هو ضان منه انه هو كاتب الموضوع الاصلي ، و تلك التواقيع قد فضحته أصلا .

لكن ان ياتي بموضوع قيم مثلا ، واضعا قضية ما متكلما فيها عن واقع من واقعنا الذي نعيشه و تجده لا يكتب كلمة منقول فهذا جحود في حق كاتب الموضوع الاصلي .

شكرا اخي الكتوم واصل جزاك الله خير الجزاء

 

[lg_dz]

رد: طلب تغيير إسم المنتدى إلى منتدى كوبي كولي

ياخويا يعطيك الصحة بردت لي قلبي بموضوعك

نحكي على روحي وكاين بزاف يوافقوني بسبب النقل الكثيف نقتل ابداعات الاعضاء

والكارثة انو الواحد ينقل موضوع وتلقى فيه 3 صفحات ردود شكرا

واذا حبينا ننقاشوه نلقاوه ماهوش فاهم واش نقل لينا + بدون ذكر المصدر

اكل علابالنا خذ جل مواضيع المنتدى وابحث عن عنوانهم في غوغل سوف تلقى المئات منها في كل المنتديات

نقصونا من النقل يرحم والديكم

أنا نتحي لواحد كي ينقل يقول منقول بتصرف هذا على الاقل يكون نحى علينا الكلمات الخليجية والشرقية وحولها الى الدرجة او العربية وهذا أضعف الايمان

للأسف هذا وااقع في المنتدى وانا واحد من الناس ما نقدرش نتعب راسي ونبدا نكتب ولو أمور بسيطة امل أن تشاركوني فيها وفي الأخير ألقى شخص واحد يناقشني

والموضوع المنقول من أقرب منتدى والأدهى أنه مكرر مرارا في هذه اللمة ولربما في أقسام مختلفة يتجاوب معه الأعضاء
بطريقة كانه البطل الذي يكتب شيئا خاصا ونسي أن يشكر غوغل أو عضوياته في منتديات أخرى كثر خيرها

 

[azizmoh]

هههههه عجبني العنوان اكثر من محتوى الموضوع

لكن اخي هذا المشكل شائع في كل المنتديات !

يقوم بنقل الموضوع وتجد انو موضوعه وصل للصفحة 6او اكثر

كلها كلمات شكر ووووو

لكن خويا ماتنساش انو كل واحد فينا محاسب امام الله على كل حرف كتبه

طلب تغير اسم المنتدى الى منتدى كوبي كولي ههه​

 

[الكتوم]

شوف خويا الكتوم ​

بالاك ماراناش فاهمين بعضانا في تنين​

انت قريت العبارة تاع​

ننتظر ابداعك على انها اسلوب تهكمي​

معليش انا ماقصدتش التهكم​

بالعكس انا عطيتك طريقة اخرى حسب نظرى​

لانو يا حصرى باش يفهمك الناس ​

من خلال النقد ... ​

نظن راك فهمتني ​

يعني لازم انت وكل من يفكر مثلك يكون قدوة​

بمواضيعو ويكسب الناس من خلالها​

تمة يكون رايك مسموع​

بعد مدة من الإنقطاع لظروف ما تحوسوش تفهموها :tongue_smilie:

نقلك يا سيادة المشرف كيما قال ربي سبحانو إن الله لايغير مابقوم حتى يغيروا مابأنفسهم .
وأنت الله يبارك عليك وج لخروف معروف قصدي مواضيعك مليحة :biggrin:​

 

[الكتوم]

سلااااااااااااااااااااااااام
وعليكم السلالالالالالالالالالالالام

نوافقك مليار فالمية الاخ الكتوم عندك الحق والله و تكون قاصدني انا يا بعد نورمال الحق ما يزعفش بصح نتفاهموا......
عندك الحق كي تقول على كاتب الموضوع بلي حرامي و غشاش و عيب عليه ماشي على الانسان اللي شارك فالموضوع و قال شكرا جزيلا على المجهود الخرافي .........علاواه؟؟؟؟؟؟ ضرك نجاوب خويا
صاحب الموضوع علاباله علم اليقين بانه موضوعه منقول لانه هو اللي قام بعملية النقل بصح العضو اللي شارك و قال شكرا لك شكون قاله باللي الموضوع منقول هو ما حوسش المواقع كامل باه يعرف الا الموضوع منقول و لا لا ، ممكن انت قريت الموضوع من قبل كي تلقاه اهنا علابالك باللي منقول بصح انا اول مرة شفت الموضوع اهنا و ماشي في مكان آخر لذلك قلت شكرا جزيل الشكر .....
هو يعني من باب الادب اولا و من باب احترام القارىء ثانيا انه كي ننقل حاجة مافيهاش العيب كي نحط المصدر انتاعها بين قوسين او على الاقل عبارة منقول لانه ما رايحة تنقص في الموضوع والوا
حاجة اخرى مانوافقكش فيها برك الاخ الكتوم هي :
إبداعات في نموت عليك ونحبك يعطيهم حبة في لسانهم
راك تعرف المنتدى فيه الصغير و الكبير، الراجل و المراة يعني اكيد ماناش رايحين نطلبوا من الجميع باه يكونوا رجال (بمعنى بعقلية الرجال دون انقاص من عقل النساء اللي اصلا ناقص ههههههههه باه ماتفهمونيش عكس يا اخوات ماني قاصد والو غير نضحكوا في وسط هاذ الزعاف) ولا نطلبوا منهم باه يكونوا كامل كبار في السن لا هذا مستحيل و غير معقول
نعاود نقولك ميرسي و الله عندك الحق في الشيء اللي طرحتوا كامل و معاك و نصوتلك بنعم بالاحمر لكل الشيء اللي قلته
او ماتزعفش طول بالك

عندك الحق يا خو وكلامك زين ورزين وبيان سور كيما قلت موضوع فيه حاشا البعض بطريقة كاشي يعن أمبوسيبل الكل راح يعرفو ملي هذا الموضوع منقول وهذا لالا

خوك تومي
خوك بصلي :lol:

تحياتي
صحيت :001_cool:​

 

[الكتوم]

انت ابدع من عندك ومن درك راك مشكور ومديرش كوبي كولي
واللي يكوبي ويكولي ايضا نشكروه على خاطر راح بحث وقرأ الموضوع ولقاه مفيد نقلولنا
ايه .......... راي

يااااااااااو ساااهلة تقول أبدع من عندك ثوسامبلومو يا شادي
الضرب راهو صعيب وعندك ما تكسر وتهرس راسك في كتابة موضوع واحنا ما قلناش ما تكوبي ما تكولي قلنا أكب ببلي هذا الشيء خاطيك أفهوووووووووومناا يا ناس

 

[sara_k]

كلامك صح ولكن يا اخي بعض المواضيع والله تستحق النقل لانها مفيدة ويجيب ان لا نمنع الفائدة عن الاخرين وان لا نحتكر المعلومات وصحيح ان هذه العادة سببت الكسل لدى بعض الاعضاء فعوض ان يكتب موضوعا يبحث عنه ليجده جاااااهزا....بارك الله فيك على الموضوع
​

 

[الكتوم]

يا خويا قلتلهم 1000000000 خطرة جيبوا المواضيع من عندكم بصح واحد ما سمع الراي
" لا حياة لمن تنادي "

وانا قلتلهم 10000000000 خطرة أكثر منك بزيرو :lol:

 

[المتفائلة خيرا]

العيب ماهوش فالنقل بصح والله مرات تلقى الموضوع 3مرات في صفحة .!!!!!...على الأقل يغيروا العنوان
ولايضيفوا من عندهم .... وعندك الحق في قضية اختيار المشرفيين لازم يمتحنوهم قبل ...على الأقل تكون عندهم شويا خبرة

 

[الكتوم]

وراني ننتظر في رأيك خويا​

لاني لازم نخرج من هاد الموضوع بنتيجة​

​

وأي واحد عندو اقتراح يتفظل ويهنينا​

مازالك تسنى ليومنا :w00t:

ربي يعينك باش تزيد تسنى :lol:

​