آدم و حواء يتساألان

[زهور الشوق]

ياجماعة انا مانيش عارف علاش نبغي نلبس غي couleur noir ؟ اللي عندو الاجابة ممكن ينورنا

بالاك يخرج عليك سيبورصا :up:​

 

[BLEU PEARL]

ياجماعة انا مانيش عارف علاش نبغي نلبس غي couleur noir ؟ اللي عندو الاجابة ممكن ينورنا

الأسود يعجبني يدل على الغموض وفيه أناقة​

 

[الباندي]

زهور الشوق............
BLEU PEARL............
خواتاتي MERCI

 

[Hakan]

وين راهو سؤالكم اللي تجاوب تحط سؤال ماشي حتان نقلكم..؟​

 

[زهور الشوق]

وين راهو سؤالكم اللي تجاوب تحط سؤال ماشي حتان نقلكم..؟​

هيهيهيهي واحدة بوآحدة :d

آدم واش يستهويك كتر في حوآء شعر طويل ولآ قصير :-r ؟؟​

 

[adel._dz]

هيهيهيهي واحدة بوآحدة :d

آدم واش يستهويك كتر في حوآء شعر طويل ولآ قصير :-r ؟؟​

سؤال صدمني صراحة هاههاهاهاها
نحكيلك حكاية سرات بكري :-r
بكري كيما كان الراجل كي يخطب ما يشوفش مرتو غير ليلة العرس :s
أيا واحد وصل لعمر وبغا يتزوج :$
قال لخواتاتو روحو لفلان أو عبالي عندو أختو وقولولي أسكو باهية والا لا
أيا راحو شافوها ورجعو :d
قالولو الشعر من راسها لساسها وارطب حرير وأسود وش راح نقولولك :yahoo01:
أيا السيد تخيلها وش راح نقلك :regards02::love01:

أيا ليلة العرس جاء يضرب لقاها غير الشعر لي يصلح مافيها مايحب ربي :cray02::scared01:
قال لمرتو ضرك برك نروح 5 دقائق للدار نسيت حاجة ونرجع:cray01:
راح لخواتاتو دبزة تدي ودبزة تجيب ههههه :very_mad:
قاللهم أه شعرها مليح شعرها باهي توصفولي في شعرها الحوايج لخرة قلت مضمونة جيت نضرب لقيتها شوي مرأة والباقي شعر:tongue02: هههههههههههههههههههههه
ورجع لمرتو وارضاء بالقسم هاهاهاهاههاهاهاهاها:surrender01:

 

[الباندي]

هيهيهيهي واحدة بوآحدة :d

آدم واش يستهويك كتر في حوآء شعر طويل ولآ قصير :-r ؟؟​

معنديش نوع معين LES DEUX مرحبا بيهم

 

[زهور الشوق]

سؤال صدمني صراحة هاههاهاهاها
نحكيلك حكاية سرات بكري :-r
بكري كيما كان الراجل كي يخطب ما يشوفش مرتو غير ليلة العرس :s
أيا واحد وصل لعمر وبغا يتزوج :$
قال لخواتاتو روحو لفلان أو عبالي عندو أختو وقولولي أسكو باهية والا لا
أيا راحو شافوها ورجعو :d
قالولو الشعر من راسها لساسها وارطب حرير وأسود وش راح نقولولك :yahoo01:
أيا السيد تخيلها وش راح نقلك :regards02::love01:

أيا ليلة العرس جاء يضرب لقاها غير الشعر لي يصلح مافيها مايحب ربي :cray02::scared01:
قال لمرتو ضرك برك نروح 5 دقائق للدار نسيت حاجة ونرجع:cray01:
راح لخواتاتو دبزة تدي ودبزة تجيب ههههه :very_mad:
قاللهم أه شعرها مليح شعرها باهي توصفولي في شعرها الحوايج لخرة قلت مضمونة جيت نضرب لقيتها شوي مرأة والباقي شعر:tongue02: هههههههههههههههههههههه
ورجع لمرتو وارضاء بالقسم هاهاهاهاههاهاهاهاها:surrender01:

ههههههههههههههههههههههههههههههههههههههههههههههههههه
غاضوني خواتاتو مساكن
ضحكتني يا خويا عادل ​

 

[Hakan]

سؤال لحواء :

من ناحية الاخرة ما هي برامجك لزوجك من ناحية الصيام والقيام.....؟​

 

[آمال النجاح]

سؤال لحواء :

من ناحية الاخرة ما هي برامجك لزوجك من ناحية الصيام والقيام.....؟​

هذا واش نتمنى

آدم صوام قوام و يخاف ربي

الصوم حاجة مليحة و أنا نحب الصيام و أغلب الأيام الي يصوموا فيها الناس نصيمها

و القيام كذلك قيام الليل حاجة هايلة و لا توصف

ربي يجيب الخير​

 

[أم منيــــــر]

صدقني زوجي في اول الامر مكانش يصلي
بقيت وراه حتى ربي هداه الحمد لله وراه يصلي بصح مرة على مرة يتهاون وانا دايمن وراه
حتى في بعض المرات يصرخ عليا ويقولي واش دخلك
ودايمن ننصحو على صلة الارحام وعمل الخير
بصح راه يتكيف الدخان وقالو حرام وراني غمعاه ومحبش يقطعو
وما زالني وراه والله يهديه ويقطعوا

 

[زهور الشوق]

سؤال لحواء :

من ناحية الاخرة ما هي برامجك لزوجك من ناحية الصيام والقيام.....؟​

قيام الليل ولو بركعتين صيام الاثنين والخميس ...تصدق يوميا ولو ب 10 دج مع تعطيرها قدوة بسيدتنا عائشة رضي الله عنها ..زيارة المرضى في المشفى والتخفيف عنهم..زيارة دار الايتام وديار العجزة بصفة منتظمة...قراءة الورد اليومي ...وفي كل صباح نقرأ صفحة من القران بتمعن وطول اليوم نعمل على ماجاء فيه مثلا تحوي ايات عن الغيبة نتجنبها وكل يوم نضيف لحياتنا اخلاق القران ونتجمل بها...بر الواااالدين نقبل ايديهما وراسيهما كل صباح ..احثه ان يأخذ والدته لمطعم فاخر وان يشتري لها هدية رمزية مع رسالة شكر وامتنان ويقضيان وقتهما لوحدهما ...واشيااااء كثيييرة يــــــــــــآرب نكون زوجين بارين بواليدينا رحمين باطفالنا طائعين لربنا ونشالله يدي في يدو حتى الوصول للجنة ....سؤآال راائع ونفسو موجه ليكم
​

 

[آمال النجاح]

يعني السلبيات الموجودة فيك وتخافيين ان تؤثر على زواجك...؟​

مايحاولش يغضبني

على خاطر نسامح و نتسامح بزااااااااااااااااااااااااااااااااف الى درجة كبيرة مي اذا قلقني :-o

من الأحسن مايحاولش يزعفني
نرضى ماشي نبقى زعفانة مي ماشي كيما قبل نزعف بالخف و نرضى بالخف هذا هو أنا :d:$

ماعنديش سلبيات بزاف شوية برك

و كاين حواء الي تتبدل بعد الزواج قصدي قبل الزواج تتصرف تصرفات و بعد ما تتزوج تتبدل تصرفاتها كاااامل و هاذي أنا شايفتها على أرض الواقع

و ربي يجيب الي فيه الخير للجميع يا رب​

 

[آمال النجاح]

ماذا تفضلن في ملابس آدم
الكلاسيكية
الرياضية
او المهم يلبس......​

سؤال مهم

أفضل و أحب الملابس الكلاسيكية و الرياضية ​

 

[Hakan]

قيام الليل ولو بركعتين صيام الاثنين والخميس ...تصدق يوميا ولو ب 10 دج مع تعطيرها قدوة بسيدتنا عائشة رضي الله عنها ..زيارة المرضى في المشفى والتخفيف عنهم..زيارة دار الايتام وديار العجزة بصفة منتظمة...قراءة الورد اليومي ...وفي كل صباح نقرأ صفحة من القران بتمعن وطول اليوم نعمل على ماجاء فيه مثلا تحوي ايات عن الغيبة نتجنبها وكل يوم نضيف لحياتنا اخلاق القران ونتجمل بها...بر الواااالدين نقبل ايديهما وراسيهما كل صباح ..احثه ان يأخذ والدته لمطعم فاخر وان يشتري لها هدية رمزية مع رسالة شكر وامتنان ويقضيان وقتهما لوحدهما ...واشيااااء كثيييرة يــــــــــــآرب نكون زوجين بارين بواليدينا رحمين باطفالنا طائعين لربنا ونشالله يدي في يدو حتى الوصول للجنة ....سؤآال راائع ونفسو موجه ليكم
​

الله يبارك ان شاء الله التطبيق الفعلي..

اما من ناحيتي انا الحمد لله اي حاجة تتعلق بالدين مستعد نديرها باش نضمنو الدتيا والآخرة..

 

[زهور الشوق]

الله يبارك ان شاء الله التطبيق الفعلي..

اما من ناحيتي انا الحمد لله اي حاجة تتعلق بالدين مستعد نديرها باش نضمنو الدتيا والآخرة..

:-r
الحمـــــــد لله

دورك يـــــــآ آدم​

 

[آمال النجاح]

سؤالي لآدم


هل تساعد حواء في شغل البيت ؟

مثال اذا كانت مريضة أو كان عندها شغل بزااااااااااف في البيت أو او أو أو

هل تساعدها أم لا ؟

لأنو كاين رجال مايحبوش المساعدة و يقولوا الراجل مايخدمش خدمة المرأة خدمة الرجال للرجال و خدمة المراة للمرآة​

 

[adel._dz]

سؤالي لآدم


هل تساعد حواء في شغل البيت ؟

مثال اذا كانت مريضة أو كان عندها شغل بزااااااااااف في البيت أو او أو أو

هل تساعدها أم لا ؟

لأنو كاين رجال مايحبوش المساعدة و يقولوا الراجل مايخدمش خدمة المرأة خدمة الرجال للرجال و خدمة المراة للمرآة​

ايه ونسيق ونطبخ ونغسل الماعون وننشر القش ونحلق في التيليفون ومع الجوارين
ياو لي تحوس على راجل كيما هاك تدي واحد شنوي سمعت بلي راهم الشناوة الرجال تاعهم خدمة الدار كل عليهم نساهم الماكلة والنوم والقرضة والنميمة في الخلق برك هاهاهاهاهاهها

أصلا وش بقات المرأة تخدم ؟؟؟
ماشين تاع قش
ماشين تاع ماعون
ياو كاين حتى ماشين تاع الكسرة بفففففففففففف:d

 

[Hakan]

مساعدة الزوج لزوجته عاديو ما فيهاش عيب

سؤالي :
ماذا تتصرفين لو وجدت رسائل حب في هاتف زوجك..؟​

 

[أم منيــــــر]

ايه ونسيق ونطبخ ونغسل الماعون وننشر القش ونحلق في التيليفون ومع الجوارين
ياو لي تحوس على راجل كيما هاك تدي واحد شنوي سمعت بلي راهم الشناوة الرجال تاعهم خدمة الدار كل عليهم نساهم الماكلة والنوم والقرضة والنميمة في الخلق برك هاهاهاهاهاهها

أصلا وش بقات المرأة تخدم ؟؟؟
ماشين تاع قش
ماشين تاع ماعون
ياو كاين حتى ماشين تاع الكسرة بفففففففففففف:d

امالا نقولك حاجة صدق او لا تصدق:-o
انا شخصيا ما زلت نخدم كامل شغلي بيدي
معناها معندي لا ماشين الغسيل ولا ماشين الماعين ولا نتع الخبز
​