الموضوع الأول من سلسلة تحدّي نجوم اللمة الجزائرية

[السلطانة]

بسم الله الرحمن الرحيــــــــــــــــــــــــــــــم

نلتقي وإياكم من جديد
ناس اللمة الجزائرية
في موضوع جديد تحت اشراف مجموعة النجوم
ضمن اطار نشاطات المجموعة الحصرية

كل أسبوع موضوع حصري من انتاج عضو من المجموعة !
سلسلة التحدّي كل أسبوع موضوع حصري-مع مجموعة النجوم-
بمعنى موضوع حصري كل أسبوع في منتدى من المنتديات يختاره عضو المجموعة
والهدف منه تنشيط المنتدى بالتحاور والردود القيّمة
والنقاشات الهادفة
سلسلتنا تهدف إلى النوعية والجودة هذه المرّة وليس الكميّة نأمل منكم التفاعل.

بون نرجعو للموضوع
لي هو باختصار
.
.
.
.

الدخول المدرسي وأيامو
شكون فينا لي ميتوحشش هاذوك الايام
وشكون فينا لي معندوش ذكريات مع هاذوك الأيام
من خلال هاذ الموضوع
حابين نعرفو ناس اللمة كيفاه عاشو
أول يوم دراسي ليهم ؟
كانو عاقلين ولا طايرين
كيفاه كانو يتجهزو للدخول المدرسي لكل عام ؟
يعني واش كنتو تشريو :d

شكون لي كان نشيط وشكون لي كان كيما هك

وماذا بيكم تزيدو تحكيولنا موقف صرالكم في القسم يضحك أو محرج متنساوهش ؟
علابالنا بيكم عندكم روايات بزاف :p


****
بون نحكيلكم على ذكرياتي أنا

أول يوم دراسي ليا
كنت نسمع على حاجة اسمها لقراية
ونشوف ولاد هازين كارطابلات ورايحين يقراو
ونهار وصلني بابا وراحت معانا ماما
قاتلي ماما روحي تقراي وانا بقيت هك :s
بديت نبكي :cray02:
وكي دخلت للقسم وشفت سيدي المعلم
راجل ضخم بانلي عملاق بقيت غير نشوف :-r
كيفاه كنت نتجهز للدخول المدرسي:
:yahoo01::yahoo01::yahoo01:نفرح بالقش ونبقى نحسب بالعد التنازلي
وقتاه غير يلحق هاذاك النهار تزيد ماما تسشورلي شعري
وبابا يديني يصورني :d
وتحية العلم تاع بداية السنة لدرك مازالت الصونري تاعها في مخيلتي
وفي لعشية نروحو نشريو الأدوات هازين الورقة لي يمدهالنا المعلم
هادو كراريس وهادو اقلام وهادي مبراة وممحاة ومقلمة تاع باربي وكوميكات
في الابتدائي والمتوسط والثانوي كانت أيام متتنساش
أما وقت الجامعة نتفكر روحي كيما هاك ههه

ننتظر تفاعلكم

إعداد: ساندريلا زماني
إخراج واشراف:مجموعة نجوم اللمة الجزائرية

انتظرونا في الموضوع القادم ان شاء الله

 

[Ma$Ter]

السلام عليكم ورحمة الله وبركاته
موضوع Top اختى ساندى
ان شاء الله يكون فيه تفاعل كبير
وراح نحكيلك على موافقى كى كنت نقرا فى الابتدائى ^^
لاحقا
​

 

[الحلم الوردي]

وعليكم السلآم والرحمة
موضوع رووووووووعة
اختي سـآندي سيفغي كل واحد عندو ذكريات ومـوآقف صراتلو
عند الدخول المدرسي
يعطيك الصحة
ساعود لا حكي لكم عن مواقف الي صراولي
​

 

[brahimalg]

هههههه انا صراولي مواقف عديدة مضحكة

و موضوع مميز بارك الله فيك على الابداع

لي عودة مع مواقف مضحكة هههه​

​

​

 

[أم راضية ~_]

السلام عليكم
اهلا ساندي
نشفى كنت نحب نقرا.. قبل ما ندخل نقرا كانت ماما تقريني فالدار و موجدتني مليييييييييييح وكنت نحفظ مع خاوتي كي كانو يقراو
يعني دخلت عارفة واش كاين مليييييييييح و علابالي واش رح نقراو خخخخ
بصح ماكنتش عارفة بلي فالقسم كاينين الي يبكو ههههه :p
مازلت شافية للآن واحد وسمو سليم كيفاش كان يبكي جابو جدو للمسيد هو يعيييط و حنا نضحكو و المعلمة تجبد فيه من الباب ههههه
منظر ما نسيتوش و نشفى اول طابلية شراهالي بابا هي خضراء ^_^ وكرطابي كان احمر محمر هههههه من صغري شنوية يا محاينك
كان اسمط يوم عندي هو ليلة الدخلة تاع المسيد بفففففففففف هاديك االليلة ماتجي تخلاص من فرحتي بالمسيد مانقدرش نرقد فيها
و مع كل هاد الحب للمدرسة والنشاط كنت كيما ماروكو فنيانة ومادابيا نزيد شوية وجامي لا نخرج من الدار بكري ومازلت للآن هكداك كنت نقرا على 8.00 نخرج من الدار 7.55 ونروح نجري هههه فوتينg مع الصباح (البريمار والسيام كانو قراب لدارنا )
وفالليسي نخرج من الدار 7.45 نروح نجري نلحق لليسي على 7.58 ساعات نلحق عليهم كملو تحية العلم نسنى العساس يحللنا الباب بلا ما يشوفو المدير و نعطيها بجرية للكلاصة وهادا كامل وانا فرحانة بالروطار تاعي خخخخ
وفالجامعة حدث ولا حرج دايما روطار بساعة باعتباااارها بعييييييييييييييييييييييدة بزاااااااااف والطريق تقول سفر نورمالمون ندير باسبور خخخ
بصح حاجة تصرالي فالجامعة نهار يكون عندنا تيدي مع لصباح حنا نبداو على 8.30 ونروح نجري على الايكسبوزي تاعي ونلحق انا اللولة على 8.00 نكون فالجامعة بصح مايجيش البروف صراتلي 3 مرات هادي مالا عاودت وليت لطبايعي هههه
مرسي شوشو تفكرت حاجات ملاح فالمسيرة الدراسية مرسي ليك​

 

[السلطانة]

السلام عليكم ورحمة الله وبركاته
موضوع Top اختى ساندى
ان شاء الله يكون فيه تفاعل كبير
وراح نحكيلك على موافقى كى كنت نقرا فى الابتدائى ^^
لاحقا
​

وعليكم السلام
شكرا على الاعتماد اخي
في انتظار عودتك

 

[السلطانة]

وعليكم السلآم والرحمة
موضوع رووووووووعة
اختي سـآندي سيفغي كل واحد عندو ذكريات ومـوآقف صراتلو
عند الدخول المدرسي
يعطيك الصحة
ساعود لا حكي لكم عن مواقف الي صراولي
​

اهلا ملاك
في انتظار عودتك اختي

 

[السلطانة]

هههههه انا صراولي مواقف عديدة مضحكة

و موضوع مميز بارك الله فيك على الابداع

لي عودة مع مواقف مضحكة هههه​

​

في انتظار عودتك اخي

 

[السلطانة]

السلام عليكم
اهلا ساندي
وعليكم السلام أهلا بالخضرا :p
نشفى كنت نحب نقرا.. قبل ما ندخل نقرا كانت ماما تقريني فالدار و موجدتني مليييييييييييح وكنت نحفظ مع خاوتي كي كانو يقراو
يعني دخلت عارفة واش كاين مليييييييييح و علابالي واش رح نقراو خخخخ
ايواه على الشطورة
:d
بصح ماكنتش عارفة بلي فالقسم كاينين الي يبكو ههههه :p
مازلت شافية للآن واحد وسمو سليم كيفاش كان يبكي جابو جدو للمسيد هو يعيييط و حنا نضحكو و المعلمة تجبد فيه من الباب ههههه
هههه راني نتخيل فيه يبكي مسكين وانتم تشوفو معاه وتضحكو
منظر ما نسيتوش و نشفى اول طابلية شراهالي بابا هي خضراء ^_^ وكرطابي كان احمر محمر هههههه من صغري شنوية يا محاينك
ههههه اواه مالا حبك للون الاخضر من زمان خلاص اول طابلية خضرا راكي متنسايهاش
واقيلا الكارطابل تاعك منلي كانو فيهم واحد الكوميكات ههه
كان اسمط يوم عندي هو ليلة الدخلة تاع المسيد بفففففففففف هاديك االليلة ماتجي تخلاص من فرحتي بالمسيد مانقدرش نرقد فيها
ههههه وزيديلها ريحة القش الجديد والادوات متتنساش
و مع كل هاد الحب للمدرسة والنشاط كنت كيما ماروكو فنيانة ومادابيا نزيد شوية وجامي لا نخرج من الدار بكري ومازلت للآن هكداك كنت نقرا على 8.00 نخرج من الدار 7.55 ونروح نجري هههه فوتينg مع الصباح (البريمار والسيام كانو قراب لدارنا )
وفالليسي نخرج من الدار 7.45 نروح نجري نلحق لليسي على 7.58 ساعات نلحق عليهم كملو تحية العلم نسنى العساس يحللنا الباب بلا ما يشوفو المدير و نعطيها بجرية للكلاصة وهادا كامل وانا فرحانة بالروطار تاعي خخخخ
يالفنيانة ياو هههه
باينة طاطا كانت تنوضك ذراع باه تمشطلك شعرك وميروحش عليك الحال
وفالجامعة حدث ولا حرج دايما روطار بساعة باعتباااارها بعييييييييييييييييييييييدة بزاااااااااف والطريق تقول سفر نورمالمون ندير باسبور خخخ
بصح حاجة تصرالي فالجامعة نهار يكون عندنا تيدي مع لصباح حنا نبداو على 8.30 ونروح نجري على الايكسبوزي تاعي ونلحق انا اللولة على 8.00 نكون فالجامعة بصح مايجيش البروف صراتلي 3 مرات هادي مالا عاودت وليت لطبايعي هههه
ههههه اواه قالك عمي الوقت انتي ماش تاع توصلي بكري مالا تخدعتي في البروف غاب باه ترجعي تروطاردي
مرسي شوشو تفكرت حاجات ملاح فالمسيرة الدراسية مرسي ليك​

نورتي حبيبتي
عندك ذكريات شابة :-r
​

 

[قَطٌر❀ الٌنَـدَى]

bon قبل يعطيك الصحة علي الفكرة بزاف مليحة هكذا علي الاقل نرجعو شوي النشاط في المنتدى لانو راه يخيم عليه النوم والهدوووووء
نرجعو للموضوع
اول يوم دراسي ليا
فوتو غير بكا malgré ماما تقري في بريمار للي نقرا فيه مي انا خوافة ملي خرجت من الدار وانا نبكي هي دخلتني وخيرتلي صحبتي للي نقعد معاها ودارتني في البلاصة الاولة وكل شوي تجي طل عليا ههه عارفة بنتها جايحة

كيفاه كنت نتجهز للدخول المدرسي:
اييييه ايامات النية كان عندى عيد نهار لي ندخلوا نقراو حاجة باينة لبسة نتاعي تبات عند راسي تمشطلي ماما شعري المهم كانت فرحة لاتوصف
وماذا بيكم تزيدو تحكيولنا موقف صرالكم في القسم يضحك أو محرج متنساوهش ؟

مواقف بزاف منهم مثلا
نشفا كنت في السنة الثانية ابتدائي كانت تقرا معايا بنت المعلم لي يقريني وكانت بزافف لاعبتها واعرة زعما باباها راه يقري فينا المهم هداك النهار صحبتي للي تقعد معايا مجاتش جات بنت المعلم قعدت معايا في الطاولة وانا تالمو كنت قرايا ههه كان يطلعني بزاف للصبورة هذاك النهار طلعني نكتب وهو خرج انا لاهة نكتب من بعد مع الضربة لي ندور نلقا بنت المعلم تفتشلي في cartable نتاعي وتسرقلي في حوايجي وتحط فيهم عندها انا خفت من المعلم مهدرتش حتى رجعت للدار حكيت الماما بهدلتني قالتي يا الجايحة هههه وراحت غدوة من ذاك للمعلم وقالتو وهو أمنها باسكو علابالو ببنتو كيفاه دايرة
كاين مواقف بزاف
اسمحولي طولت عليكم
سلام
​

 

["viola"]

السلام عليكم الاخت ....موضووعك هااايل
انا نشفا لروحي في البريمار كنت نحط الكسوة الجديدة تاعي تحت المخدة من الفرررحة ههه حتى الصباط حاشاكم خخخخ
و نشف ثان على طفلة كانت تقرا معايا خوووافة بزاااف و كانت تخاف من الابرة (التشكة) و المعلم تاعنا باباها مالا وحد النهار جاو يديرولنا الابرة و بدات تعيييييط يا بااااااااباااا يا بااااااابااا بهدلاتو المسكين و مبعد خرج من القسم و خلاها رجعت تبكي و تقولو سمحت فيااااا ما تزيدش تهدر معايا ههههه
راني كي نشوفها دايما نتفكرها و نبداو نضحكو عليها خخخخ
اسمحيلي طولت عليك
مشكووووورة مرة اخرى على الموضوووع
سلاااام

 

[بنت الـ25]

ساندي ديما مواضيعك باهية
مبروك الزواج حبيبة ربي يهنيك ويرزقك الذرية الصالحة
بون دوكا مخي فارغ غدوة ان شاء الله نرجع ونحكيلك نهاري اللول فالقراية وموقف صرالي فالسنة الاولى ابتدائي جامي ننساه
نقدر نحكي على موقف صرالي فالسنة الثاثلة؟ خخخخخخخخخ
ايا سلام
​

 

[السلطانة]

bon قبل يعطيك الصحة علي الفكرة بزاف مليحة هكذا علي الاقل نرجعو شوي النشاط في المنتدى لانو راه يخيم عليه النوم والهدوووووء
اهلا اختي ان شاء الله نلقاو تفاعل اكثر :-r
نرجعو للموضوع
اول يوم دراسي ليا
فوتو غير بكا malgré ماما تقري في بريمار للي نقرا فيه مي انا خوافة ملي خرجت من الدار وانا نبكي هي دخلتني وخيرتلي صحبتي للي نقعد معاها ودارتني في البلاصة الاولة وكل شوي تجي طل عليا ههه عارفة بنتها جايحة
هههه انتي عاقلة :p راني نتخيل فيك

كيفاه كنت نتجهز للدخول المدرسي:
اييييه ايامات النية كان عندى عيد نهار لي ندخلوا نقراو حاجة باينة لبسة نتاعي تبات عند راسي تمشطلي ماما شعري المهم كانت فرحة لاتوصف
:-rأنيقة
وماذا بيكم تزيدو تحكيولنا موقف صرالكم في القسم يضحك أو محرج متنساوهش ؟

مواقف بزاف منهم مثلا
نشفا كنت في السنة الثانية ابتدائي كانت تقرا معايا بنت المعلم لي يقريني وكانت بزافف لاعبتها واعرة زعما باباها راه يقري فينا المهم هداك النهار صحبتي للي تقعد معايا مجاتش جات بنت المعلم قعدت معايا في الطاولة وانا تالمو كنت قرايا ههه كان يطلعني بزاف للصبورة هذاك النهار طلعني نكتب وهو خرج انا لاهة نكتب من بعد مع الضربة لي ندور نلقا بنت المعلم تفتشلي في cartable نتاعي وتسرقلي في حوايجي وتحط فيهم عندها انا خفت من المعلم مهدرتش حتى رجعت للدار حكيت الماما بهدلتني قالتي يا الجايحة هههه وراحت غدوة من ذاك للمعلم وقالتو وهو أمنها باسكو علابالو ببنتو كيفاه دايرة
كاين مواقف بزاف
اسمحولي طولت عليكم
سلام
​

ههههه كنتي جونتي خلاص
مالغري ماماك معلمة تم مي مكنتيش منلي يستعملو السلطة :-rربي يحفظك ختيتو ذكرياتك رائعة
​

 

[السلطانة]

السلام عليكم الاخت ....موضووعك هااايل
انا نشفا لروحي في البريمار كنت نحط الكسوة الجديدة تاعي تحت المخدة من الفرررحة ههه حتى الصباط حاشاكم خخخخ
و نشف ثان على طفلة كانت تقرا معايا خوووافة بزاااف و كانت تخاف من الابرة (التشكة) و المعلم تاعنا باباها مالا وحد النهار جاو يديرولنا الابرة و بدات تعيييييط يا بااااااااباااا يا بااااااابااا بهدلاتو المسكين و مبعد خرج من القسم و خلاها رجعت تبكي و تقولو سمحت فيااااا ما تزيدش تهدر معايا ههههه
راني كي نشوفها دايما نتفكرها و نبداو نضحكو عليها خخخخ
اسمحيلي طولت عليك
مشكووووورة مرة اخرى على الموضوووع
سلاااام

اهلا بيك اختي
ههههه هادي صحبتك وحدها :p
نورتي اختي شكرا لمشاركتك

 

[السلطانة]

ساندي ديما مواضيعك باهية
مبروك الزواج حبيبة ربي يهنيك ويرزقك الذرية الصالحة
بون دوكا مخي فارغ غدوة ان شاء الله نرجع ونحكيلك نهاري اللول فالقراية وموقف صرالي فالسنة الاولى ابتدائي جامي ننساه
نقدر نحكي على موقف صرالي فالسنة الثاثلة؟ خخخخخخخخخ
ايا سلام
​

ربي يبارك فيك مينات لعقوبة لعرسك ان شاء الله
رانا نسناو في عودتك :d تحكيلنا على السنة الأولى والثالثة والرابعة
​

 

[nanoche]

السلام عليكم
موضوع بزاف شباب و ضحكت على البكايين اللي دخلو يبكيو في الاول ههههه
ودوكا نحكي انا
انا الpريمار دخلت روطار بشهر لأنو ما كناش ساكنين في الجزائر كنا في الخارج و كي لحق سبتمبر يما تقول ندخلو للجزائر باش بنتنا تتعلم في بلادنا و بابا يقول نقريها هنا و حتى لأكتوبر و انا نسمع نفس الأسطوانة و يما غلبت في اللاخر و دخلنا:d
اليوم الأول اللي رحت فيه كنت حاسة روحي في عالم غريب و ما نعرف والو لأني كنت مفرنسة بنسبة 80 % و الكلمات اللي نعرفهم بالدارجة يعني الفصحى جاتني :s مي رغم كل شي والله كنت ديمة يا اما الاولى او التانية في الكلاسمون
وفي السيام عادي ما كانش عندي مشكل مي في الليسي ربيت قرون ههههه و رجعت نهرب من التاقة باش ما نقراش مي اديت الباك :$و في الجامعة كنت نقرا غير لي تي دي وقليييييييل وين نحضر كور وفي اغلب الاحيان ندير فوطو كوpي لأني كنت نحضر في ليسانس علوم سياسية و قانون في عام واحد و الوقت ما يسمحش و زدت علم الاجتماع وانا في السنة التالتة يعني رجعت ساتوري :p:p:p وجيعانة رقاد هههههه



​

 

[طائر الخير]

السلام عليكم

يعطيك الصحة على الموضوع ساندي راه " فضايح اون لاين " :d

صح ايامات لقراية من اروع الايام في حياتنا و مكانش اللي ما عندوش سوفونير منهم

قبل ما نبدا نحكي نديرو احصاء بسيط للانطباع الاول:

اولا البكايين: طبعا صاحبة الموضوع هههه، قَطٌر❀ الٌنَـدَى تبكي من الدار ....نستعرف بيك، ومتوقع ملاك و مينات تاني بكاو :p
ثانيا اللي ما جابوش البكا في لحكاية و طفو الضو : "viola" و nanoche و الظاهر بكاو و حشمز يقولو:p

ثالثا اللي لاعبينها: وتحية كبيرة لـ أم راضية ~_ وطبعا تقدرو تحسبوني معاهم :-h

ايا دركا نحكي انا شوية

اكيد في ليلة الدخول المدرسي الاول لحوايج جدد يباتو تحت الوسادة ما فيهاش نقاش.

الصباح وصلتني بنت عمي كانت تقرا في السنة الرابعة و اكيد مكانش عاجبني الحال كي وصلتني هي و مش بابا

وصلت للكلاص كلشي نورمال "لا بكا لا والو " و المشكلة المعلمة قالتلي ريح مع طفلة..... راكم علابالكم في هداك

العمر الموت اهون على اني اجلس مع فتاة ... المهم بعد المفاوضات و رشوة بالحلوى قعدت و الطابلة كانت

ديجا فيها خط يعني مقسومة من قبل و قلتلها تفوتي الخط نقتلك بطريحة :d

طبعا لبريمار فات روعة و في المتوسط و الليسي كنت منضبط و ناس ملاح عدا عام الباك هههه

وفي الجامعة يــــــــــــا عيني حضرت 4 كورات في 5 سنين و لقراية ماكسيموم 4 سوايع و نص في النهار

و مقولة الرقاد و بيع لبلاد غير هي اللي تطبق هههههه.

و الله موضوع فور ساندي يعطيك الصحة مرة اخرى

ايا على خير

:regards01:
​

 

[nanoche]

السلام عليكم

يعطيك الصحة على الموضوع ساندي راه " فضايح اون لاين " :d

صح ايامات لقراية من اروع الايام في حياتنا و مكانش اللي ما عندوش سوفونير منهم

قبل ما نبدا نحكي نديرو احصاء بسيط للانطباع الاول:

اولا البكايين: طبعا صاحبة الموضوع هههه، قَطٌر❀ الٌنَـدَى تبكي من الدار ....نستعرف بيك، ومتوقع ملاك و مينات تاني بكاو :p
ثانيا اللي ما جابوش البكا في لحكاية و طفو الضو : "viola" و nanoche و الظاهر بكاو و حشمز يقولو:p

​

هاو جاني البكا كي قلت عليا بكيت

أنا ما بكيتش على الفراية حتى لحقت لليسي :$:$:$ تما كرهت القراية
انا سبيسيال هههههههه
​

 

[طائر الخير]

هاو جاني البكا كي قلت عليا بكيت

أنا ما بكيتش على الفراية حتى لحقت لليسي :$:$:$ تما كرهت القراية
انا سبيسيال هههههههه
[/CENTER]

ههههههههههههه

والله نحير في البنات كي يقولولي بكيت على جال لقراية....حقيقة مخلوقات غريبة :p

سلام يا البكاية :p

:regards01:
​

 

["viola"]

هههههههه لا انا ما بكيتش