الدخول المدرسي في الجزائر

[sanaya]

شحال تهبل ريحة الأدوات الجديدة
أنا دخلت في 1996 سنة أولى وكنت عاااقلة و متفوقة احم احم مصح كلحقت للمتوسط درت حااااااالة و تراجعت شويا
تفكرت حكاية صراتلي داك الوقت صاحبتي تريح قدامي قطعت ورقة حطيتها في شعرها بلا ماتفيق أيا راحت للسبورة تكتب بداو يطيحو الاوراق أيا قالتلنا المعلمة شكون دارت هاك
قلتلها أنا
أيا قاتلي روحي للإدارة قوليلهم واش درتي
وهاذيك المعلمة راهي مارت سلفي دوكا
نهار تزوجت قلتلها تشفاي خترة عاقبتيني قاتلي لا قلتلها خليها أملا مغطية ???
كانت عندنا وحدة مسكينة نية على روحها خترة الأستاذ تاع الفرنسية بدا يسقسينا قالتلها وحدة
رفعي يدك يمدلك سؤوال نمدلك الجواب
أيا قاللها ذكريلي نوع من أنواع الحيوانات اللي يعيشوا فالأدغال قالتلو : المعلمة خخخخخخ و مبعد بدا يضحك أول خترة شفناه يضحك و مبعد قالها ذكري وسيلة من وسائل النقل
قاتلو : لابوسات (تاع لبيبي) ?????
قالها ريحي لعنة عليك ??
نشفى على عمر و سلمى و أمي تحلب البقرة يااااه ايام زمااان مصح متوحشتهمش كاااامل ههههه ربي يحفظك على الموضوع

 

[سحائب الشوق]

السلام عليكم
اييه ذكرتيني بالايام الجميلة أيام الدراسة و الله أجمل يوم فيها كان بالنسبة لي الاول الأول الادوات جديدة و الكتب جديدة بعدين آآآآخ يا لقراية
هههه بخصوص الممحاة اللي بشكل فراولة و صحباتها البرتال و الليمون ههه من بين الأطعمة ههههه ما تقولوليش غير أنا اللي كنت ناكلها ساعة ع ساعة ههه
ثاني أجمل عشق كان عندي كتابة الاسم و اللقب في الكراس ههه في اول صفحة روعة ههههه
هذا في زماننا ههه
لكن كملاحظة ممكن يكونوا معنا بعض الاعضاء صادفهم في هذا العام حاجة كارثية تخيلو اشري كرسي باش تدخل تقرا امر حيرني .. يعني الوالدين من هم شراء الادوات و الكتب المدرسية أمر و مصروف آخر ألا و هو شراء كرسي ربي يبقي الستر في لالجيري
موضوع مميز أختنا السلطامة بارك الله فيك

 

[وۣۗهۣۗہۣۗم]

السلام عليكم
موضوعك جاإ في وقتووو
احسنتى طرحاا اختى الغالية وبهاد المناسبة نتمناو يكون دخول اجتماعي موفق لجميع الطلاب وطالبات
ههههههههه والله صح زمان مكناش نرقدوو من الفرحة تاع الدخلة خليك نهار اللى نشروو الادوات ههههههههه فرحة كبيرة مى كاين فرق فالادوات شوفوو دووك كيفاه عادوو اشكالهم ميلقاوو ذرارى لايقراو لايلعبوو بيهم ????