مشكلتي ليس لها حل

[بقايا إنسان]

برايك انتي وحدة تحشم تقطع المشوار هذا كامل؟؟؟ يعجثها واحد؟؟ و,,,,, منيش عارف يابنتي والديك بعثوك تقراي وتتعلمي وتتخرجي بحول الله ومبعثوكش تتعرفي على شاب اكيد كلامي رايح يكون عليك قاسي لكن هذا الي عندي
وراكي سبقتينا بالقول انو مشكلتك ملهاش حل
سلام

 

[AnGeL*dZ]

شغل انتي متناقضة مع روحك
عجبك وهدرتي معاه انتي تسمى جبتي لبلا لروحك
وزدتي تلاقيتي بيه
مي مليح كي خفتي درك خاطر بديتي تغلطي امالا ارجعي للطريق صحيح لاصعيبة لا والو
علاه هذا اكسجين حتى ماتقدريش تعيشي بلاه بيه
ولي لقرايتك ،وخليك من اللعاب هذا النتيجة تاعو باينة خلاص
كي تزيدي تكبري شوي تعرفي بللي هذا كامل تمسخير
مزآلك صغيرة على لحكآيآت هاذو نهار توصلي لسن الزوآج اللي يحبك يجيك لداركم

 

[الباندي]

هذا انتي حوستي عليه ...........ياو راني قديم مليار انا من عهد البايات وقيلا

المهم منزيدش على الخاوة بعدي عليه و لا gوليله دارنا شكو فيا و لا كاش عفسا ياك الشيرات عنكم العفايس و لوكان تبغو تليكيدو كاش واحد هانية و عادي في بلادي المهم ازليه بالحمرة تاع كوفي كوجيا و خلاص .سلام ان شاء الله جيبي الباك هذا العام و تفرحي والديك

 

[آهات القلب]

انت قاداش في عمرك عندك فيسبوك انا 20 سنة و الله ما نسعاه
و الله راحت لبلاد يا اختي انت هبلتي ؟؟؟؟؟
ربي يهديك انت وين تعرفيه ناس ملاح و لالا ما خفتيش على روحك كون جا واحد تعريفيه نقولوا منيش نقولك يعني أوكي
لكن واحد في الفايسبوك و الله ما لقيت واش نقولك غير ربي يهديك قوليلي راكي نادمة و لا خايفة يفيقوا بيك ؟؟؟؟ نقلك حاجة اندمي و توبي لربي درك ربي يستر عليك و اطلبي ربي ما يفضحكش نصيحة مني ليك .
اختتك في الله

 

[رابح66]

السلام عليكم

أولا أشكركم على تفاعلكم الدائم في هذا القسم و جزاكم الله خيرا

بدايةَ أنا فتاة مقبلة على شهادة الباكالوريا مستوى مادي جيد شكلي مقبول لا أخالط الشباب بصح نحكي مع الذكولر نورمال

فتحت فايسبوك و يا ريتني لم أفعل

أنا كان عاجبني واحد جبت فايسبوكو و حكيت معاه نورمال و منبعد طلب أنو يشوفني كي نكون رايحة للمدرسة الصباح و فعلا شافني و قال لي أني أعجبه و لكن لم يتحدث معي مطولا في الطريق لأنو يعرف أني نحشم بزاف

ذرك أنا وليت خايفة و ما عرفتش واش ندير و ليت خايفة يشوفوني معاه و خايفة من عدة حاجات مع العلم أنو موش حنوني أو شيء من هذا القبيل لا أبدا

أشيروا علي ماذا أفعل

السلام عليكم

طلعوا المستوى شويا يا جماعة
هذه ماهيش حاجة كبيرة باش ناقشوا فيها
ذرك أي وحدة يغمزها واحد برا وإلا في عرس
تجي تطرحها كمشكلة وتقولك شوفولي حل
أيا بركاونا من التخلاط ليس كل قول يعتمد​

تقبلوا تحياتي

 

[الراجية من ربها]

السلام عليكم حبيبتي
أنا واش نقوللك أخطيك من الهدرة تاع برا لاخاطرش راح تجيبلك غير المشاكل و هو اذا كان يحبك و ناويك للخير و للحلال قوليلوا يجي يخطبك بما انو انتي يعجبك و هو عجبتيه علاش تروطارديو الحالة اذا كانت نيتوا صافية معاك قوليلوا ارواح اخطبني تولي حلالي لتم تعرفي اذا صاح راهو ناويك ولا لالا
ربي يجيب اللي فيه الخير

 

[safisung2010]

حوطي راسك مع القراية واخطيك من التخلاط
راكي كي اختي