هل اكمل او أنسحب

[مشكلتي]

السلام عليكم
كنت اعرف فتاة منذ سنة، وتقدمت لخطبتها منذ شهر ومنذ ذلك الحين لست مرتاح البال
وانا أغضب كثيرا واختلق المشاكل وصدري قابض
وصليت صلاة الاستخارة ولا جديد يذكر انا على حالي
ماذا افعل هل اكمل مشواري او انسحب
انا في اننظار تعقيباتكم​

 

[روز]

السلام عليكم

مش شرط لما يكون قلبك قابض انك مش مرتاحلها !
يمكن فيك عين أو حسد ، جرب ارقي روحك

صلي الاستخارة وانوي تكمل طريقك
واذا مافيهاش الخير الامور وحدها رايحة تتوقف
ربي يقدملك لي فيه الخير ان شاءالله


الكلمة الطيبة صدقة
ان شاءلله يفيدوك الاعضاء بالنصيحة الطيبة
​

 

[حُلم عابرْ]

اولا اخي مبارك عليك
ثاني شي من المعتقدات الشائعة عندنا وهي خاطئة ان نتيجة صلاة الاستخارة تظهر مباشرة يعني في انشراح الصدر او انقباضه ولا في سهولة الامر او تعسره الامر كله بيد الله مادام صليت خلاص فوضت امرك لله الان عليك تقعد مع نفسك وتشوف وش بدل حالك ؟
كاش ماشفت من الطفلة ؟ تبدلت عليك ؟ بالاك انت كي كنت تعرفها كنت عادي منين تقبضت وخطبت حسيت بثقل المسؤولية وماعرفتش تفسر احساسك

اقعد مع روحك وحاول تعرف الاحساس هذا من وين جاك

مشكلتك بسيطة جدا اخي لا تتعقد منها ولا تلقِ لها بالاً

 

[djihane_obey]

من لافضل لك ان تنسحب فهناك فتيات كثيرات غيرها .. لولم تنسحب صتصاب بازمة انصحك با لانسحاب

 

[هآجر]

سلام عليكم
الف مبروك اولا و ربي يكمل على خير و عافية
منيش فاهمة علاه صارلك هكة ، كما قالت الاخة روز ممكن عين او حسد ، اقرى سورة البقرة كل يوم
و حاول بتحث في قرارت نفسك هل انت مقتنع بها هذي المخلوقة و لالا
ربي يسمعنا عليكم كل خير
وربي يكمللكم و متكسرش قلب الانسان الي قبلت بك بين الف واحد في هذي الدنيا

 

[أم منيــــــر]

من الاول راك متخوف فانا نقول لك اذا ماراكش مرتاح اترك بنت الناس في حالها ومتغبنهاش معاك فكر مليح وصل الاستخارة والي فيها الخير الله يجيبها نتمانالك كل خير واذا ربي راه كاتب المكتوب بينك وبينها كلش يسهال باذن الله عز وجل​

 

[HAMZA USMA]

جرب أرقي ــ ومبعد صلي صلاة استخارة
الانسحاب هو الساهل
​

 

[anissa 13]

كيما قالو الاخوات قبلي يمكن حسد هاد الظاهرة انتشرت بزاف واحد ماولا يحب الخير للاخر
انت كنت تعرف الفتاة يعني راك تعرف عقليتها واخلاقها وووو انت ادا ماشفت حتى عيب فالبنت كمل معاها الظلم حرام وادا شفت فيها عيب (الكمال لله) انسحب وربي يجيبلك ماخير منها
ربي يوفقك اخي​

 

[assia sousou]

يا خويا راك ماكش مرتاح لها MAIS ما هكمتي والو علاها ان شاء الله مع الوقت تثبت لك صلاة الاستخارة بالخير​

 

[ROUAKIMOURAD]

وعليكم السلام اولا الى الاعضاء المعقبين علاش يرقى مدام صلى صلاة الاستخارة لو كان العكس وارتاح راح يكون عادى ولم مرتحش ينسحب وكل شىء بالمكتوب
اخى عليك بى الانسحاب من الاول احسن

 

[حكاية قمر]

علاش تخطب حتى لتنسحب
دير في راسك انو مشكل مش فيها مشكل فيك ماكش عارف شا دير وشا تخير ثم كما قالوا صلاة استخارة مش نتيجتها من الاول اصبر وفي هاد المدة حاول تحدد شاراك باغي لانو يا اخي لوكان جيت مش باغيها ما تستخير ما والو تنسحب ديراكت +قاع صليت ولقيت روحك مش مرتاح مازلت ماكش عارف اسكو تكمل ولا لا ابا تخيل راك انسحبت وبعدها تنخطب الفتاة وتقبل ونت تندم وتكره فكر امليح وصدقني واحد ما قادر يفيدك في هاد الموضوع لانو يتعلق بيك وبقلبك شا باغي
​

 

[RoseBonbon]

ربما أنت خائف من الحياة الجديدة وما ينتظرك من مسؤوليات

لا تتسرع ولا تظلم خطيبتك كي لا تندم

إن شاء الله ربي يكملك وتبنيو عش الحلال

لا للتوسويس

على فكرة حتى أنا كان يحكمني أحيانا التوسويس في بداية الخطوبة خصوصا أني ما عرفتوش

لكن الحمد لله متمنية ربي يخليهولي ما نبدلوش بمال الدنيا

 

[Laz.peace]

خمم مليح اسكو طفلة هذي لي تقلق علاجالها تستاهلك او هيا تستاهل ولا لا ؟

 

[Laz.peace]

ربما أنت خائف من الحياة الجديدة وما ينتظرك من مسؤوليات

لا تتسرع ولا تظلم خطيبتك كي لا تندم

إن شاء الله ربي يكملك وتبنيو عش الحلال

لا للتوسويس

على فكرة حتى أنا كان يحكمني أحيانا التوسويس في بداية الخطوبة خصوصا أني ما عرفتوش

لكن الحمد لله متمنية ربي يخليهولي ما نبدلوش بمال الدنيا

مدام بدات هكا بانتلي اطرح عليها لموضوع او صارحها او شوف انا منقدرش نعيش معا واحد ميش بغيني مهما كونت نشتيه

 

[red rose]

الخاوة راهم كفاو وفاو ربي يجيب لي فيه الخير

 

[امونة الشاوية]

وعلاه اخي ما يكونش العيب فيك انت وتكون انت اللي مريض ولا مسحور ولا محسود
لماذا تريد ظلم الفتاة من لا شيء ربي يهديك

 

[: Imane :]

و عليكم السلام
تأكد قبل ما تتسرع
جرب ترقي و تعرف السبب الحقيقي
ربي يكون معاك ، بالتوفيق

 

[nina usma]

السلام عليكم و رحمة الله و بركااته
و الله يا اخي تامني حتى انا ملي تخطبت و قلبي مقبوض و ما زال ما ريحتش
و صليت صلااة الاستخااارة كترمن 20مرة و ما بانلي والو تااان
انا تان قلت عين او حسد ... راني كليوم ندير الرقية الشرعية من النت
و الحمد لله ريحت شويااا ...
نتا تان دير القراان ف الدار و دير الرقية الشرعية
رااك عااارف كاااين عباااد ما يخاافوش ربي
ربي يهدينا و يهديهم ...
وما تخااافش الحاجة لي فيهاا الخير يجيبهاا ربي
ربي يفرج عليك خويا ..
و السلام عليكم و رحمة الله و بركااته​

 

[بقايا إنسان]

سلام الله عليكم اخي الكريم:الجواب راه عندك انت فابحث عنه جيدا في مكنونة نفسك واسخر الله
دمت

 

[@R@ZIK]

صلي صلاة الاستخارة
وعسى أن تحب شيء وهو شر لكم وعسى ان تكرهوا شيء وهو خير كم
وكل شي بالمكتوب​