ماذا ستطبخيـــن سيدتي لهذا اليوم ؟ //الجزء 49

[anissa 13]

روز الكيكة هايلة ياريت الوصفة ادا حبيتي


لبنات وينكم قولونا غي السلام ياسيدي هههههه البرد راه يقتل الموني راه باين عدس ولوبيا هههههههههههه
انا غدوة نروح نشريهم ههههه

بصحتكم واش طيبتو وسمحولي اللي ماجاميتهمش ماشفتش كل الصفحات


​

 

[anissa 13]

روز مام انا فالليل نكون قاعدة مع ولدي مايرقدش بكري نحب نخدم بصح لوكان نشعل الباتور المخلوق تاعي يرميني من البالكون
​

 

[anissa 13]

جبتلكم ماكان في جعبتي هههه مانيش نصور بزاف خاطرش راني غي نسلك مزية جا كاين البطاطا راجلي قالي مانعرف علاه تزوحت هههه كرهت نخمم للفطور ونخمم للعشا

فطيرة باللحم المرحي + حساء البروكولي



تشيز كيك بدون تشيز ههههه سهل جدا



خلوطة بيض وفريت واسكالوب مانيش عاقلة يلا دجاج ولا داند ههههه



حريرة + زبيب ودجاج مشوي + فلفل + شوصون بالجبن (عاشوراء)



دجاج بالزيتون والفريت (الفريت ديما حاضر ههههه )



هادي السمانة اللي فاتت رحنا لاسبانيا نحوسو صورت شوية
ما كان حتى بنة كلش سامط
هبلنا وحنا ندبرو مطاعم تاع لحلال لقينا واحد الاتراك كاتبين حلال بصح لداخل الخمر مستف مافهمنا فيها والو الحلال مع الخمر
راجلي وين يحط يدو ياكل نزقي عليه نقولو صبر حتى نصور هههه




هنا كنت بديت حتى من بعد وتفكرت بلي ماصورتش











​

 

[nawal1980]

بصحتكم انيسة الله يحعلها عااامرة يا اختي هد الخير كامل وراجلك يشرّط الله الله عليك كلشي بالطبع ياريت وصفة التشيز كيك بدون تشيز وزدتي قلتي ساهل انتضر الوصقة حنونة

 

[nawal1980]

البارحة درت هد الخفاف بطريقة الاخت ام ايلاف الله يحفضها جاني رااائع واليوم نضت بكري باش

وهنا درت شوية براسليات مسكرين بعجينة الاسفنج

 

[nawal1980]

ماعرفتش وعلاش ما يخرجوليش الصور في منتدى اللمة الي تستعمل الايباد وتحمل منو تقولي كيفاش
جمعة مباركة للجميع وكما قالت انوسة راه البرد يقطع نسبق نطيب السفنج ديالي من بعد نخمم في الفطووور

 

[nawal1980]

اممم حددددة يعطيك الف صحة كلشي يشهي والشريك يهبل خرجلك خفيف واش من وصفة اعتمدتها
رووووز بريووووش وعليه الكلااام بصحتكم حنووونة

 

[روز]

صباح الخيرات
أنيسة ماشاءلله الاكل كله روعة بصحتكم التحويسة لاسبانيا
كل الصور هايلة وحتى طيابك لايعلى عليه فحلة الله يبارك

الكيكة ساهلة وعادية كما نخدموهم
فيها 5بيضات وكأس مش معمر سكر ونضربو مليح حتى تولي رغوة
امبعد نضيف نص كاس زيت ونص كاس حليب و2كؤوس فرينة مغربلة مع ملعقة ونص كبيرة خمارة و3ملاعق كاكاو
وديريها طيب
لما تنضج خليها تبرد بعدها حطي عليها خليط الشكولة مع مكسرات
خليط الشكولة تحبي نوتيلا والا تعملي2نص مغرف زبدة مع مغرف فرينة مع مغرفتين كاكاو و2مغرف سكر وذوبيهم فوق النار وامبعد تضيفي الحليب وتخلطي حتى تصير خاثرة وتضيفيها المكسرات وتغطي بيها الكيكة وخليها تجف

نوال الخفاف جاوك هايلين بصحتكم راني عدلتلك في الصور
ام اروى كفاش راكي ليك وحشة مش تباني ان شاءلله تكوني بخير
سلامي ليكم جميعا

جمعتكم طيبة

 

[hadda0425]

جمعة مباركة وتقبل الله صلاتكم
انيسة هاك فحلة ونص ونص لاخر داه اياد هههه وبصحتكم التحويسة
نوال عاش من شافك ختي
ولخفاف خرجو يسخفو
بالنسبة للصورة كي تحملي الصور ما تهزيش الرابط المباشر هزي رابط للمنتديات
اليوم دالة لغرايف هههه


[/url

[url=http://www.gulfup.com/?QGpZDe]​

 

[samah06]

صحيتو لبنات والله راكم جبتوها وزهيتو الكوزينة
هذا فطور البارح
واليوم راني معولا على شخشوخة حارررررة

[/url][/IMG]

 

[samah06]

وهاذي البقية

[/url][/IMG][/IMG]

 

[amina swift]

امممم يشهي ممكن الوصفة بليززز

 

[samah06]

و هذا غداء الاولاد اليوم

[/url][/IMG]

 

[anissa 13]

بصحتكم انيسة الله يحعلها عااامرة يا اختي هد الخير كامل وراجلك يشرّط الله الله عليك كلشي بالطبع ياريت وصفة التشيز كيك بدون تشيز وزدتي قلتي ساهل انتضر الوصقة حنونة

مرحبا بيك اختي نوال ان شاء الله راكي بخير عندي مدة ماشفتكش
راجلي من النوع الاكول هههه ياختي يظل ياكل ومايشبعش ههههه
التشيز كيك هدا خديتو من مدونة فرنسية

بافاروا بالكرامال

الطبقة الاولى (راح نعطيك مقادير الوصفة الاصلية تقدري تخدمي بوصفتك الخاصة )
- 2 بيضات
- 3 م ك سكر
- 1 م ك كاكاو
- 2 م ك بودرة اللوز (انا ماعنديش مادرتش )
- 2 الى 3 م ك فرينة
الطريقة
ضربي بياض البيض حتى يولي كالثلج+ زيدي السكر واستمري في التضراب + زيدي الصفار ثم الفرينة والكاكاو والبودرة كي تتحصلي على خليط متجانس حطيه يطيب
ماراحش ياخد وقت
هاهي الصورة من المدونة
​

بعدما يطيب وتخرجيه خليه يبرد قطعيه بمول ( انا ماعنديش كيما هدا استعملت مولات صغار )
​

الطبقة الثانية : موس الكرامال

- 100 غ كرامال سائل (انا استعملت الواجد ادا ماعندش تقدري تخدميه وحدك برك دوبي السكر فوق النار )
- 1 و نصف ورق جيلاتين ( 4 غ )
- كريمة سائلة 30 % (هادي باه تطلعيها شونتيي تقدري تستعملي الغبرة وتطلعيها بالحليب ) مادكروش المقدار انا درت غي بالميز
الطريقة
طلعي الكريمة بالبانور حتى تولي شونتيي
ضعي اوراق الجيلاتين في ماء بارد مدة 10 د ( ادا استعملتي بودرة الشونتيي وطلعتيها بالحليب تقدري تستغناي على الجيلاتين اما الكريمة السائلة اجباري تستعملي الجيلاتين )
ضعي الكرامال في كسرولة فوق النار يسخن ثم ضيفيلو الجيلاتين (عصريها مليح ) وحركي
نحي الكرامال من فوق النار وخليه يدفى ماتستعمليهش وهو سخون ابدا
اخلطي كريمة الشونتيي مع الكراميل جيدا وضعيهم في المول فوق الطبقة الاولى ودخليهم للثلاجة مدة 2 سا

الطبقة الثالثة : جلاصاج الشكلاطة
- 15 سل كريمة سائلة
- 10 سل كريمة سائلة
- 20 غ سكر
- 100 غ شكلاطة سوداء
- 1 و نصف ورق جيلاتين
(انا هنا ماتبعتش المراحل كنت مزروبة دوبت غي الشكلاطة مع الكريمة وصبيتهم فالمول )
الطريقة
ضربي 15 سل كريمة + 20 غ سكر حتى يولو شونتيي
من جهة اخرى دوبي 100غ شكلاطة مع 10 سل كريمة وبعدما يدوبو كليا ضيفيلهم الجيلاتين (تكوني حطيتيها فالماء من قبل 10 د ) ثم اطفي النار وخلي الخليط يبرد شوية ماتستعمليهش سخون
اخلطي الشونتتي مع خليط الشكلاطة وصبيهم فوق الطبقة الثانية طبعا بعد ماتخليها 2 سا فالثلاجة
دخليها للثلاجة ليلة كاملة
هاهي صورة من المدونة ان شاء الله هاد الايام نعاود نطبقها بكل الخطوات نصور المراحل ونديرها موضوع

​

 

[anissa 13]

امممم يشهي ممكن الوصفة بليززز

راني حطيت الوصفة حبيبتي فالرد اللي قبل
​

 

[anissa 13]

روز وحدة يعطيكم الصحة اخواتي
سماح بارك الله فيك على الاطباق دمتي وفية للموضوع حبيبتي
​

 

[anissa 13]

لبنات وقيلا ماراكمش تطيبو
علاه قطعو عليكم الغاز ؟ ههههههههه
ولا دايرين اضراب ؟
ليوم راه تالفلي لعشا ماعنديش اللحم والخضرة الفيريجيدار فيه سلاطة وطماطيش و زرودية
قالي غدوة نقضي
​

 

[anissa 13]

لبنات هاد الموضوع تعرفوه ولا جامي شفتوه ؟

رواق الاواني المنزلية حصري لرائدات اللمة الجزائرية

دخلت لواحد المنتدى لقيتهم فتحو الموضوع السابع تاع الماعن حنا واحد ماكملناهش
جابلي ربي الجزايريين مايشروش الماعن ههههههه

ياويلي الحالة راها تخوف راني ندور وحدي نروح ندبر عشاتي

​

 

[nawal1980]

بصحتكم دددة البغرير يشهي وتانكس على الوصفة الي بعتيلي
انوووسة يتوحشك الخير والهنا ايه على ايام زمان خليتك صغيرة ورجعت صبتك مراءة ماشاء الفه خخخ شغل رحت للمريخ ورجعت المهم صحيتي علىىالوصفة وساااهلة كما قلتي وباينة بنينة تم حفضها
رووووز كيفاش عدلتي التصاور انا نحمل الصور من picup تم ننقلها مباشرة الى المنتدى بزاف منتديات يخرجولي الصور عادي غير اللمة
سموووحة بصحتكم يالحبيبة اممم طيابك يشهي

 

[نبض الحياة]

الســـــــــلآم عليـــــــــــــكن
كيفكم بنــــــــآت، يا رب تكونوا كامل بخير
استنوا قبل ما تحآوزوني، يخي الغائب عذروا معآه ولا واش طآطآ حدة :p
يعطيكم الصحة حبوبآتي كآمل، شطورآآت كي العادة
غآدني موضوع طآطآ رووز مهجوووووور عــ الآآخــــــر :down:
ما جيتش فآرغة، وحد الصور من الآرشيف ^_^

دي ميني كيك

مشوك

طورطة الأناناس

بيسكوي بالياووغت والزبيب

لي بتي فووغ ديال شهرة ربي يحفظها

كروكي

موسكوتشا

قاطو بالشوكولا والمورانغ

لي فولكون

كرواسون

Foret Noire

Génoise au Citron

Fausses Cuisses ديال شهرة مي ما قليتهمش عملتهم في الفوغ باسكو ما نحبش الزيت بزاف

دي كورني مالحين

ميني بيتزا

دي شوصون ديال عفوووف

بقاتلي الفلفلة عملتها بيتزا

محاجب

ايا تربحوا بزاف عليكم
تشآآو تشآآآو


​