ماذا ستطبخيـــن سيدتي لهذا اليوم ؟ //الجزء 49

[la_safa]

بلا مزية ديريهم الحووووب و ادعيلي معاك ربي يقدرنا على البوليكوبات لي تستنى فينا هههههه
والله لا قدرت نبدى نقرى لدرك
​

 

[الحلم الوردي]

بصحتك صفـآء
الكريب التركي جاك رووووووووووعة
مام ان شاء الله هدا الويكاند نديرو
راني ديت حقي

​

 

[نبض الحياة]

ان شاء الله حبوبتي نديرلهم ونردلك الخبر ان شاء الله
ربي يقدرك حبوبة
والله حتى انا حاسة روحي كلي كرهت
مخي مزالو عيااان وداير erreur ههههههه
تصبحووااا بخير حبيبآآتي
​

 

[la_safa]

ملاك بصحتك لوكان جيتي قدامي نديرهولك
و ديريه و ان شاء الله مش راح تندمي بنين بزااف و خفيف و ساهل ^^
روكا تصبحي على الف خير حبيبتي
و ربي معانا ان شاء الله بالشوي برك ^^
​

 

[قوقا]

امون واش راكي قالولي راكي هنا تدوري

 

[*amina*]

اهلا لبنات واش راكم هدا وين فرغت
كنت مع الضياف شيخي دار اوبيراسيون
اليوم درت بريوش الاخت شهرزاد جاني روعة
عجوزتي عجبها لاقاتلي ديريه كل يوم

 

[قوقا]

مصحاتكم والله يشافي شيخك و يقومه بالسلامة ونتمنى تسيي البريوش نتاعي ^_^

 

[*amina*]

الله يسلمك اختي قوقا ضرك نشوف الوصقة تاعك

 

[السلطانة]

الله يبارك لبنات على اطباقكم


راني في دارنا كي نقعد نحطلكم بعض الصور هعهعهعهع حكمني التفنيين

 

[العروة الوثقى]

لبنات ويكتا الاعلان على مسابقة الكعكات

 

[قوقا]

اعلان
البنات اليوم راني صايمة لذا ارجوا منكم ان تقدرو الوضع
ولي توري واش طيبت اليوم ياويلها وسواد ليلها
حسو بيا غير شوية ومر المغرب انتشرو :d صيي تفاهمنا م

 

[shahrazad]

بونجووور عليكم
وشراكم
اليوم الحال يهههبل ربيعي برك انا راني مع ظهري قتلني اههههىء
صافا وشنو هاد الخييير يمي يمي يعطيك الصحة انا تان راني معولة على الكريب تركي عندي شهور وانا نقول نديرو هههه فالحق درت واحد الوصفة وماعجبتنييييش جا ناشف ومعلك
ساندي بصحتك الفاكونص اتكسلي وزيدي في دار باباك خخخخخ
اميييينة ياعمري بصحتكم البريوووش الحمدلله الي عجبك وعجب المعلمة هههه
زعما كنت حابة ندير لمحاجب اليوم وماقدرتش
مور الفطور ان شاء الله نحطلكم شوي صور
​

 

[shahrazad]

هههههههه قوقا مانضمنلكش حنا مانرحموش خخخخخ سورتو رقية ديكونكتي وخلاص هههه
صيامك فالجنة ان شاء الله​

 

[قوقا]

شكرا على التفهم اخت شهرزاد

 

[قوقا]

شكرا على النصيحة مي منقدرش على فراقكم

 

[Oum Loukmane]

السلام عليكم الفحلات كيراكم خواتاتي و بناتي ؟

أنا عضوة جديدة معاكم ان شاء الله تقبلوني في وسطكم و نستفادو كاملين من بعضانا

وصفاتي دايما مجربة و ناجحة 100%

هادي بابا جات هايلة

و هادي خبز همبورغر جا يشهي

حلوة الكورني

بقلاوة يم يم

​

 

[قوقا]

مرحبا بيك بينتنا يعني ماقريتيش الاعلان لي درتو راهو الفوق ومنبعد نتفاهمو

 

[shahrazad]

ام لقمان الف اهلا وسهلا بيك بيناتنا حبيبتي شرفتي
الله الله باينة عليك فحلة الفحلات الله يبارك طيابك هااايل اعطينا وصفة البابا يشهي
بصحتكم​

 

[shahrazad]

رقية حبيبتي اسمحيلي بزاف هادا وين تفكرت بلي ماكتبتلكش الوصفات
بالنسبة لتورت الشاورما
مقادير العجينة:
2 كاس فرينة(كاس نتاع 250مل)
ملعقة صغيرة مملؤة جيدا خميرة الخبز
م ك سكر
3م ك حليب غبرة
ملح
30غ زبدة
170مل ماء دافيء
الطريقة:
نخلط جميع المقادير السابقة ماعدا الزبدة ونعجنها جيدا ثم نضيف الزبدة ونعجن حتى تتداخل في العجن
بالنسبة للشاورما
نقطع صدر الدجاج الى مربعات نضيفلو ثوم بزيادة+فلفل اسود+زنجبيل+ م ص مطارد، فلفل احمر حار+كمون +زوج م ك خل وممكن نعوضه بعصير الليمون+معدنوس مقطع رقيق انا ماكنش عندي من الاحسن نخليها في الثلاجة على الاقل3 ساعات حتى الدجاج يتبل مليح
ناخذ مقلاة ونحط فيها 3 ملاعق زيت+شوية بصل مقطع نطيبوه غير شوية من بعد نضيف عليه الدجاج لي حطيناه في التتبيلة مع التحريك على نار متوسطة في الاخير نضيف 3م ك مايونيز ولي يحب الحار يضيف شوية هريسة
من جهة اخرى نقشر البطاطا ونقطعها مربعات ونقليها ونخلطها مع الشاورما ونضيف شوية من الكرام فريش تزيدها بنة وتخلي الحشو طري
نقسم العجينة الى زوج كويرات
نبسط الكويرة الاولي ونحطها في مول دائري ونثقبها بالفرشيطة ونحط الحشو ونغلق بالكرة الثانية ونعمل ثقبة فالوسط

بالنسبة لخبز الفوكاشيا
كوبين و نصف فرينة
رشة ملح
ملعقة صغيرة سكر
ملعقة كبيرة غير مملوءة خميرة فورية
ملعقتين زيت زيتون
ملعقة صغيرة زعيترة
رشة ثوم بودرة انا ما كان عندي درت ربع كوب زيت زيتون وتركتها تدفى مع ثوم مفروم حتى اكتسبت النكهة
استعملت ملعقتين بالعجين و الباقي بالاخير
ماء دافي للعجن
الفرينة و الملح و السكر و الخميرة و الزعيترة
واضفت الزيت
ثم الماء للحصول على عجينة لينة بتلصق بالايد و عجنتها جيدا وتخمر
بسطتها في صينية مدهونة بزيت ثم ترشيها من الفوق بزيت الزيتون وتحطي الطماطم والزيتون والزيترة وتخليها تخمر
​

 

[نبض الحياة]

الســلآم عليكن
شوشو بصحتك حبوبة على قول شهرورتي تكسلي وزيدي تكسلي :p
العروة الوثقى والله ما نعرف حبوبتي وينتا يآفيشولنا الريزيلتا ههههههه :s
امووون الله يقدرك الزينة وبالشفا على شيخك ان شاء الله
شهروووووووورتي عاش من شافك الزينة، والله لا توحشتك حبوبة كنت رايحة ناكلك وما جبتيليش الغوسات هههههه :sport01:
سلآمتك عمري
قوقا حبوبتي صيآمك في الجنة ان شاء الله وربي يتقبل
مي كيما قاتلك شهراا انا اكبر الشريرات هنــــــــــا :sport02:
نحط نحط باه تتعذبي وتصبري و ربي يزيدك في الاجر :d
اليوم ماما دارتلنا زيتون طاجين وانا من صباح ربي وانا والقريوش قطعني :surrender01:
مزية جات ماما قلات وعسلت عليا:love01:
هاد وين خرجنا من الكوزينة و كل وحدة راحت تكسل ظهرها ههههههه

​