لحم غنمي محمر

[BOUSS]

سلام وعليكم ناس الخير يا خاوتي راني حاب نطيب لحم لعيد محمر بالخضره ومعلاباليش ممين نبدأها
ما تضحكوش اعليا والله خايف نحرقو الي عندو ولا عندها فكره يعطيهانا وربي يجازيه ان شاء الله هادي
حالة ناس الغربه الله غالب بعاد عالعايله وسلام وعليكم

 

[السلطانة]

وعليكم السلام
شوف خويا انا موالفة نطيب مثلا كتف الخروف ولا الفخض في الفور
نجيب الفخض ونديرلو البصل مقطع والثوم بزاف نحكهم عليه
ونديرلو التوابل والملح
وندهن بلاطو بالزبدة ونحط الفخض
مع كاس ماء
ونخليه يطيب
وكل مرة نزيدلو الماء كي ينشف حتان يطيب
وانت حاب تزيدلو الخضرا زيدها
نتمنى نكون فدتك
وان شاء الله يزيدو يفيدوك الاخوات بالتجارب تاعهم
ان شاءا لله تطيبو ويجيك مليح

 

[BOUSS]

يطيك الصحه اختي عالمعلومه راني نسيت اثوم ربي يفكرك فلشهاده ان شاء الله ما قلتليش درجه الحراره تاع الطياب وشكرا ختي مسبقا

 

[السلطانة]

يطيك الصحه اختي عالمعلومه راني نسيت اثوم ربي يفكرك فلشهاده ان شاء الله ما قلتليش درجه الحراره تاع الطياب وشكرا ختي مسبقا

ان شاء الله اخي

درجة الحرارة حسب الفور لي عندك
انا موالفة ندير 180 درجة
نشعل على الفور من التحت ومن مباعد كي يطيب نزيد من الفوق
ابقى مرة على مرة طل عليه
وحاول انك تفتحو بالسكينة شوي شوي باه يطيبلك ليه ليه

 

[BOUSS]

ان شاء الله اخي

درجة الحرارة حسب الفور لي عندك
انا موالفة ندير 180 درجة
نشعل على الفور من التحت ومن مباعد كي يطيب نزيد من الفوق
ابقى مرة على مرة طل عليه
وحاول انك تفتحو بالسكينة شوي شوي باه يطيبلك ليه ليه

وصل الميساج يطيك الصحه اختي
وبارك الله فيك

 

[السلطانة]

بلامزية اخي

متنساش تقوللنا كيفاه جاك كيما يطيب

وبصحتك