وينك يا الصحبة؟ ما تفكرينيش كون نحكيلك صدماتي فالصحبة
مآسي بكل ما للكلمة من معنى
صدمتي الاولى في صديقة عشت معاها عمر تخيلي من السنة الرابعة ابتدائي للسنة ثالثة ثانوي احسبي الاعوام
وما كنتش علابلي بلي راهي تطعن فيا من الظهر كل طعنة تقتل صيد
تأكدت بعد عدة سنوات انها كانت تستغلني باش تنجح خاطر كنت المتفوقة فالقسم نجيب ديما من معدل 15 واطلع
صدمتي فيها لم تكن أكبر من صدمتي في صديقة الطفولة من نعومة أظفاري عرفتها هي الاولى
كانت جارتي وصديقتي وكنت نلعب معاها قبل ما نتعلم نقرا
استمرت صحبتي معاها رغم عقدها النفسية وكنت نحبها ونتمنالها الخير رغم تصرفاتها الغير مفهومة معي
آخر صحبتنا كانت منذ عام تقريبا لما كنا انا وهي نودع بعض ونتعانقو ونبكيو
على أساس انها رح تنتقل مع عائلتها لحي آخر رغم انو مش بعيد
وفجأة بعد يومين لحقني مساج منها تقولي فيه فاصي رقمي وانسايني انا الصراحة ما فهمتش لكن امي فهمتني
قاتلي انو امها معقدة ومش حابة حتى جار من الجيران يعرف عنوانهم الحالي وبما انو بنتها وعدتني تعرضني لعرس اخوها امها نظن قالتلها منحبش تعرف وين نسكنو اقطعي علاقتك معها
انا تأسفت عليها لأنها خسرت صديقة مثلي
مش نشكر في روحي لكني صديقة جيدة وفتيات اللمة يأكدو هاد الأمر خخخخخخخ
أيضا صديقة أخرى كانت تقرا معايا فالجامعة كنا كي الاخوات ولكن آخر علاقتي معاها لما طلبت نصيحة وانا عنفتها على غلطتها لم تتقبل فبعدت وجبدت روحها
انا تعودت على هدا النوع المصلحجي ووليت ما نديهاش فيهم والله ما يعرفهم واحد
صديقاتي الحاليات وحدة قرات معايا 4 سنوات فالجامعة اسمها أميرة (أميرة قلبي) ووحدة كانت جارتي فالعمل
وأخرى عرفتها فالنت شحال نحبها
وميسووو ملكة الاحساس أجمل صديقة فاللمة ربي يخليهالي شحال حنونة
