ورشة خياطة قندورة قطيفة مزينة بالعقاش و القالون خطوة بخطوة

[*amina*]

بسم الله الرحمن الرحيم
اليوم ان شاء الله نبداو بخياطة قندورة قطيفة على شكل هدا المودال

[/url][/IMG]
الادوات المطلوبة هي
3 مترات كتان قطيفة فتون خفيف يدير 28 الف اللون حسب الذوق
5 مترات قالون يدير 8 الاف للمترة
زويتنات على حساب لون الكتان
اللاصقة لي تنحط تحت القالون باش يثبت هديك البوبينة البيضة لي تبان في الصورة
مترة للقياس
كبة خيط وحدة على حساب لون الكتان و الثانية على حساب العقاش
عقاش السمسم قيمة 5 الاف
عقاش الوردة تاني قيمة 8 الاف
مقص و طباشير للخط
la toille coulon لي تلصق تحت القماش
gرgاااااف او طنييييبر
الصور توضح اكثر اي استفسار انا في الخدمة

[/url][/IMG]

[/url][/IMG]

[/url][/IMG]










​

 

[أم محمد رائد]

يعطيك الصحة حبيبتي
شكرا لك على التطبيق الممتاز

 

[*amina*]

شكرا لك اختي ام محمد رائد
انتظر التحاق الاخوات لوضع درس التفصيل

 

[آمِيْرَتُه]

السلام عليك
مشكورة في المتابعة

 

[*amina*]

اهلا اخت منيني ربي يخليك اختي

 

[بنت الـ25]

كونكسيون تعيي امينة ختي ،، كي تتريقل نرجع ان شاء الله نشوف التطبيق
مبروك الافتتاح غاليتي

 

[*amina*]

يعطيك الصحة اختي مينات
في انتظارك

 

[السلطانة]

وعليكم السلام

مبروك الافتتاح اختي

في المتابعة ^^

 

[*amina*]

اهلا اختي ساندريلا من الصباح و انا نستنى فيك باش نقلك و من بعد قلت ممكن النت معندكش ايا حطيت الموضوع

 

[shahrazad]

سلام عليكم
مااااشاء الله عليك بالتوفيييق
في المتابعة ان شاء الله​

 

[mimi53]

ya3tik aassaha okheti tebarek alah 3lik ki tetehana meni chahera ndji 3andek khayetili djehazi hhhhhyessalam hadouk yedine

 

[*amina*]

مرحبا بيك اختي ميمي رواحي نخيطلك مدا بيا باش نلهى

 

[*amina*]

ترقبو الدرس الاول غدا ان شاء الله

 

[*amina*]

بسم الله نبداو الدرس الاول
اول شي نطوو الكتان على الجهة الخارجية كما هو موضح في الصورة

[/url][/IMG]
من بعدنطووه على الطول كيما راكم تشوفو

[/url][/IMG]
كي نطووه على الطول نقسمو الكتان على جهات يعني الكتان فيه 3 مترات نقسموه كل جهة فيه متر و نصف

[/url][/IMG]
من بعد نحكمو احد الجهتين و نروح من الجهة لي مفتوحة و نرسمو شكل العنق كل وحدة و كيفاش تحبو كاين لي تحبو كاري و لي تحبو مدورة و كل وحدة و ستيلها و نقصوه

[/url][/IMG]
من بعد نحكمو منين قصينا العنق و نحسبو 13 سم باش نقصو لكتاف

[/url][/IMG]
من بعد نرسمو جهة الابط كيما في اي قندورة و من بعد نحسبو مقياس الصدر كل وحدة و مقاسها و نظلو بذاك المقاس حتى للخصر نبداو نعرضو باش القندورة تجي من لفوق ضيقة و من تحت عريضة

[/url][/IMG]
​

 

[ام ايناس]

مشكووورة امينة راني معاك في المتابعة تباااان هاااايلة

​

 

[*amina*]

يعطيك الصحة ام ايناس راني نحط في التفصال و ضروك نخرج ماشينتي نبدا نخيط فيها باش نروح لدارنا فيها في العطلة هههههههههه
العقاش يدي الوقت شوية

 

[*amina*]

سبق كيما قلت نحسبو مقياس الصدر و نهبطو بيه حتى للخصر وهاهي الصورة

[/url][/IMG]
و من بعد كي نلحقو للخصر نبداو نعرضو ونرسمو بالطباشير حتى للتحت ونقصو و هاهي النتيجة

[/url][/IMG]
وكي نكملو نفتحو الكتان و نتحصلو على زوج جهات تاع الامام كيما راكم تشوفو

[/url][/IMG]

وهدا بالنسبة للجهة الامامية





​

 

[*amina*]

ضركا نروحو للجهة الخلفية
نحكمو الجهة الزاوجة تاع الكتان لي بقات لكن الجهة المغلوقة يعني الظهر ميجيش زوج شلقات كيما الامام لالا الظهر يكون قطعة وحدة يعني نحكو الجهة المغلوقة و نحطو عليها الجهة الامامية لي كنا فصلناها باش نديرو نفس المقاسات تاني

[/url][/IMG]
نرسمو العنق تاع الجهة الخلفية كيما موضوح و نقصو

[/url][/IMG]
و هدي الجهة الخلفية

[/url][/IMG]
و كي نفتحوها تولي هكدا

[/url][/IMG]
​

 

[*amina*]

ضرك هادي الجهة الامامية

[/url][/IMG]
و هادي الجهة الخلفية

[/url][/IMG]
​

 

[*amina*]

الاننروحو لتفصيل الاكمام
نجيبو الكتان لي تزايدلنا و نطوو الكتان على اربعة باش يجينا زوج اكمام بشرط تكون طو ل الكتان تزيد من دراعتينا انا درت 22 باش مع الخياطة يجو قد قد

[/url][/IMG]

[/url][/IMG]
نحط جهة من الجهات لي فصلناهم اما الخلفية او الامامية كيف كيف لتفصيل منطقة الابط والعرض تاعها و نرسم بالطباشير

[/url][/IMG]
و كي نكملو الرسم نقصو و هدا هو النتيجة النهائية هنا راهم عندنا كمين

[/url][/IMG]




​