ورشة خياطة قندورة قطيفة مزينة بالعقاش و القالون خطوة بخطوة

[*amina*]

ملاحظة
هدو مقاسات اولية من بعد كي تولو تخيطو تنقصو على حساب العرض و الطول لي يجي على قياسكم
اي سؤال او استفسار راح نجاوبكم ادا قدرني ربي ان شاء الله​

 

[بنت الـ25]

راكي هايلة امينة وطريقتك اللي بالتفصيل عجبتني بزااااف
راني فالمتابعة حبيبتي يسلمووو
​

 

[*amina*]

يعطيك الصحة ختي مينات راني ركبتلها القالون نطيب القهوة لعجوزتي و نرقد العفريت تع وليدي و نكمل كيفاش ولات بالقالون

 

[*amina*]

الدرس الثاني و هو كيفية الخياطة
اولا نحكمو زوج قطعات تاع الجهة الامامية و نخيطوهم للبرا يعني للوجه الخارجي تاع الكتان كيما راكم تشوفو
انا خيطت بيدي باش المبتدئات يتعلمو يخيطو بيدهم و من بعد بالمشينة باش ميهربلهمش الكتان

[/url][/IMG]

[/url][/IMG]
وهاهي النتيجة

[/url][/IMG]
بعدما نخيطوها بالمشينة نحكمو الحديد يعني المكواة و نحدوه الخياطة باش متجيش مكمشة التوضيح في الصورة

[/url][/IMG]
بعدها نحطو العنق تاع الجهة الامامية عند العنق تاع الجهة الخلفية كيما هو موضح باش نخيطو لكتاف

[/url][/IMG]
و من بعد نحكمو كل جهة مع ختها و نخيطو بيدينا من بعد بالماشينة

[/url][/IMG]
و هاهي النتيجة

[/url][/IMG]
من بعد ندير قلبة صغيرة للعنق هديك القلبة نديروها للخارج نثنو الكتان للخارج كيما هو موضح و نخيطو غير بيدينا ماشي بالمشينة متخافوش هديك الخياطة تبان خاطرش رايحة تتغطى تحت القالون و بعدما نخيطو نحكمو الحديد و نحدوها مليح ردو بالكم تحرقو الكتان و الصورة توضح

[/url][/IMG]

[/url][/IMG]







​

 

[*amina*]

الان بعد ما كملنا الخياطة نجيبو القالون و نلصقوه بالمكواة نحتاجو لهدو الادوات

[/url][/IMG]
نحكمو الجهة الامامية نبداو من الاسفل نحطو اللصقة لي سبق هكدا عند الملقى تاع القطعتين لي سبق و خيطناهم

[/url][/IMG]
و من بعد نحط فوقها القالون و نطلع حتى للعنق و نفوت على جهة العنق تاع الجهة الخلفية و نحكم بلبرة و الخيط و من بعد نمرر بالمكواة انا موالفة نخدم لصقت ديراكتومون

[/url][/IMG]

[/url][/IMG]
و هاهي ليكم النتيجة النهائية

[/url][/IMG]

[/url][/IMG]














​

 

[*amina*]

ملاحظة
انا كل ما نستعمل القالون في خياطتي نخدم بهديك اللصقة باش القالون ميخرجليش عوج و تاني كل ما نخيط حاجة نحددها هكدا تكون الخياطة متقونة​

 

[السلطانة]

الله يبارك روعة روعة امينة راني تعلمت منك حوايج مكنتش نعرفهم على الخياطة

كملي رانا نتابعو معاك

 

[*amina*]

الدرس الثالث لي راح نحطو غدوة ان شاء الله هو تعمار العقاش
​

 

[*amina*]

اليوم درسنا هو كيفاش نركبو العقاش
اولا نجيبو لاتوال كولو نقصو منها قطعة طولها على حساب القندورة و العرض يكون 30 سم او على حسلب الرشمة

[/url][/IMG]
نجيبو القندورة نحكموها من الجهة الامامية ونقلبوها من الجهة الداخلية و نحطو لاتوال كولون عند ملقى القطعتين يعي في الوسط

[/url][/IMG]
نحلحقو عند العنق نقصو و نحدوها بالمكواة مليح مليح حتى تلصق مع الكتان نعاود و نكرر نحدوها مليح مليح

[/url][/IMG]
كي نلحقو عند العنق نجيبو زوج قطعات و نكملو كيما راني موضحة و نزيدو نحدوووووها

[/url][/IMG]
​

 

[*amina*]

الان بعدما حددنا لاتوال كولو نقلكم انو الغرض تاعها باش الكتان ميتكمش و باش تجي القندورة واقفة
الان نجيبو الرشمة لي حابين ترسموها و ترسموها في ورقة عادية و تجيبو ورق الكربون الاصفر انا معنديش خلاصلي ونسيت مشريتوش راه يتباع عند مولا القش تاع الخياطة و ترسمو الرشمة على الكتان كيما راهع موضح عندي

[/url][/IMG]
ترسمو في الجهات في زوج و تهبطو حتى لتحت تقدو الطول تاعكم و تحبسو عندو و خلو سنتيميترات للقلبة التحتانية

[/url][/IMG]
تجيبو الادوات التالية

[/url][/IMG]
نحكمو الكنيبر و نحطوه على الرشمة و نزيرو مليح

[/url][/IMG]
نجيبو لبرة و الخيط و نديرو الخيط على 4 انا دايمن كي نحب نعمر العقاش نمتن الخيط نديرو على 4

[/url][/IMG]
و نبداو نعمرو العقاش و نتحصلو على هدي النتيجة

[/url][/IMG]







​

 

[نبـ الحياة ـض]

مبروك الافتتاح راني نتابع ان شاء الله نستفادو كامل

 

[*amina*]

اهلا خيتي والله معجبني داك الرسم بغيت نبدلو ومن بعد كي لقيت روحي راني في النص بطلت راني خدمات شوية من بعد نحطلك الصورة ايه؟

 

[ندىريحان]

ياطيك الصحة اختي ماشاء الله انا خطيني خياطة
موفقة ان شاء الله

 

[*amina*]

شكرا لك اختى ندى الريحان من بعد نحطلك صورة تاع لاكاب تاع بنوتات الا تبي تخدميها

 

[ندىريحان]

شكرا لك اختى ندى الريحان من بعد نحطلك صورة تاع لاكاب تاع بنوتات الا تبي تخدميها

مادابيك اختي امينة نشوف لاكاب
ياطيك الصحة

 

[*amina*]

اوك اختي اصبري ضركا وحد الربع ساعة نحطهالك و نحط الصورة تاع القندورة وين راهي واصلة

 

[السلطانة]

الله يبارك روعة امينة يعطيك الصحة

 

[*amina*]

يعطيك الصحة ساندريلا هاي ليك وين راهي واصلة راني متكاسلة شوية فيها

[/url][/IMG]

 

[*amina*]

[/url][/IMG]

 

[السلطانة]

راكي جايبتها ماشاء الله وحدة وحدة تكمليها ان شاءا لله