...سأكتبها على جدار الزمن...

["viola"]

ههههههه اك تشوف يا مليكو مايتكلش عليهم الخاوة والو​

 

["viola"]

شغل مرنكة عطلة تاع شهر ولا فيلم يادلالي ولا فيلم مس ماي لايف ​

 

["viola"]

ني قريب ندير 23 سنة ومزال مجاتنيش هاذيك لمرا لي تسينييلي الشاك وتحطولي فوق الطابلة وتقولي اخرجي من حياة وليدي ​

 

["viola"]

هاشتاق انا حابة نخدم الميموار بصح هي مش حابتني نخدمها... ​

 

[نجيب]

Viola البنت المرحة هههه

 

["viola"]

2:17يا يما ريحة البلاد
شحال توحشت هاذ البلاصة و هذا الصرح و هاذي الغرفة و ناسها
مهم صحا عيدكم لي متفكريني و لي مهمش متفكرين
و حبيت نعتذر للناس لي منيش نقدر نتواصل معاها اسمحوووولي بحق العشرة والله والله والله دائما فالبال و اسماءكم في طيات الدعاء لكن الله غالب
والله دايما كي تضيق بيا نتفكر وقفاتكم و نقول يااه كون جا فلان ولا جات فلانة هنا كون هونت عليا كل باسمه مريم حكيم أسماء مالك شوشو نجيب.....​

ربي يهنيكم وين ما كنتو⁦ ♥⁩⁦♥⁩ ربما يكون لنا عودة

 

["viola"]

best of 2014

جبت الباك...دخلت المدرسة العليا...سجلت في اللمة...

و الباقي الله لا يشوفكم​

سبحان الله الزمان يجرييي ​

 

["viola"]

عندي مدة مكتبتش فالمدونة
على كل حال حبيت نحكي وحد الحكاية صراتلي فالمدرسة خطرة .. انا فاتحة نادي تع public speaking فليكول وين نخدم هكك يلقاو التلاميذ فرصة باش يمارسو اللغة الإنجليزية أكثر و زيد باه نحكو على مواضيع حنا نحبو نتناقشو فيها مهيش المفروضة علينا فالمنهاج
ايا خطرة فالنادي عطيتهم مقولة
WHAT DOESN'T KILL YOU MAKES YOU STRONGER
طلبت منهم يحكولي على مواقف أثرت فيهم و خلاتهم أقوى و بدلت أشياء في شخصيتهم ، صراحة متوقعتش كم التجارب لي تحكات هذاك اليوم و كم الدموع لي طاحت معاها
لدرجة أني ندمت أني اخترت الموضوع هذا لكن في نهاية الحصة و بعد ما اعتذرت للجميع على اني تطرقت لهذا الموضوع اتفاجئت أنهم كانو كامل فرحانين و قالولي العكس اليوم حسينا رواحنا صح أبطال و حسينا أننا ناجحين في جانب من حياتنا ما كناش اصلا علابالنا باللي نجاح⁦⁩ و شكروني أني عطيتهم فرصة انهم يحكو في مواضيع هك و أصدقكم القول حسيت روحي تقربت ليهم أكثر و عرفت جوانب من حياتهم مستحيل كنت راح نعرفها لولا هذه الفرصة
فخورة جدا بهم والله و فخورة بنظرتهم الجديدة اتجاه ما مرّوا به في حياتهم لحد الآن ⁦⁩​

 

[خديجة ph]

بارك الله فيك

نعم الاستاذة ربي يكثر من امثالك
ان شاء الله تبقاي في بلادك و تخدميها و ينوبك الاجر
قبل ما ينشئ العلامة بن باديس و البشير الابراهيمي رحمهما الله جمعية العلماء و قبل عملهما الدعوي كان البشير الابراهيمي ينوي الهجرة للخارج لانه كان فقيرا فالتقى عبد الحميد بن باديس و اخبره بنيته فرد عبد الحميد بن باديس قائلا ان هجرة امثالي و أمثالك تعتبر فرارا من الزحف و نعاقب عليها يوم القيامة
فتراجع البشير الابراهيمي من فوره عن فكرة الهجرة
اعرف انك مجرد مزاح عندما تتكلمين عن رغبتك في الهجرة لكن صدقيني كل ما كتبتي عن حبك لتلاميذك و محبتهم لك و اهتمامك بمادتك لا اتحمل فكرة -ولو مجرد مزاح -خسارة انسانة مثلك ليستمتع بخدماتها من هم اقل حاجة لها من ابناء وطنك
بارك الله فيك
سلام

 

["viola"]

يا اختي والله ماهو مجرد مزاح و علاه حسيتك دعيتي عليا مش دعيتيلي هههه
بصح فعلا راس مالي هوما تلاميذي ربي يوفقهم و يوفقني في خدمة بلدي أكيد واجب عليا نأدي رسالتي و هاذو كي خاوتي و كي أولادي نحس روحي مسؤولة عليهم ولازمني نلم بكل واش يخصهم مش دروسهم فقط
ربي يقدرنا و يوفق كل واحد فينا في مجالو يارب

 

[خديجة ph]

ها يواه مش مجرد مزاح مالا ما عليه و حالتي حالة و نحكيلك عالبشير الابراهيمي انت تاع عنف واقيلا معليش ليمونوط لابوليس راهي مخبيا سطوك تاع كاشيات سرقتهولي من الفارماسي الغوث اجرو ليا يا الله سركاجي طووووول
تحت عنوان ان لم تكن لي فلن تكون لغيري

 

["viola"]

ها يواه مش مجرد مزاح مالا ما عليه و حالتي حالة و نحكيلك عالبشير الابراهيمي انت تاع عنف واقيلا معليش ليمونوط لابوليس راهي مخبيا سطوك تاع كاشيات سرقتهولي من الفارماسي الغوث اجرو ليا يا الله سركاجي طووووول
تحت عنوان ان لم تكن لي فلن تكون لغيري

ههههههههه قتلتيني

 

[Hakan]

عندي مدة مكتبتش فالمدونة
على كل حال حبيت نحكي وحد الحكاية صراتلي فالمدرسة خطرة .. انا فاتحة نادي تع public speaking فليكول وين نخدم هكك يلقاو التلاميذ فرصة باش يمارسو اللغة الإنجليزية أكثر و زيد باه نحكو على مواضيع حنا نحبو نتناقشو فيها مهيش المفروضة علينا فالمنهاج
ايا خطرة فالنادي عطيتهم مقولة
WHAT DOESN'T KILL YOU MAKES YOU STRONGER
طلبت منهم يحكولي على مواقف أثرت فيهم و خلاتهم أقوى و بدلت أشياء في شخصيتهم ، صراحة متوقعتش كم التجارب لي تحكات هذاك اليوم و كم الدموع لي طاحت معاها
لدرجة أني ندمت أني اخترت الموضوع هذا لكن في نهاية الحصة و بعد ما اعتذرت للجميع على اني تطرقت لهذا الموضوع اتفاجئت أنهم كانو كامل فرحانين و قالولي العكس اليوم حسينا رواحنا صح أبطال و حسينا أننا ناجحين في جانب من حياتنا ما كناش اصلا علابالنا باللي نجاح⁦⁩ و شكروني أني عطيتهم فرصة انهم يحكو في مواضيع هك و أصدقكم القول حسيت روحي تقربت ليهم أكثر و عرفت جوانب من حياتهم مستحيل كنت راح نعرفها لولا هذه الفرصة
فخورة جدا بهم والله و فخورة بنظرتهم الجديدة اتجاه ما مرّوا به في حياتهم لحد الآن ⁦⁩​

ياودي لي يعرفني كامل لازم يبدع في المجال تاعوا خخخخخ ،نجاحك من نجاحنا ونتوسم فيك الخير والابداع ربي يوفقك استاذتنا

 

["viola"]

ياودي لي يعرفني كامل لازم يبدع في المجال تاعوا خخخخخ ،نجاحك من نجاحنا ونتوسم فيك الخير والابداع ربي يوفقك استاذتنا

ههههه لعزيز ربي يحفظك و يعطيك ما تتمنى

 

[أستاذ الفلسفة]

مدونة جميلة بارك الله فيك
اتمنى لك مزيدا من التالق اختي الغالية

 

["viola"]

مدونة جميلة بارك الله فيك
اتمنى لك مزيدا من التالق اختي الغالية

اهلا و سهلا